ನವರಾತ್ರಿ ವಿಶೇಷ: ಅವಿವಾಹಿತ ಮಹಿಳೆಯರು ದೇವಿಗೆ ಕುಂಕುಮಾರ್ಚನೆ ಮಾಡಬಹುದೇ? ಧಾರ್ಮಿಕ ನಿಯಮ ಹೇಳುವುದೇನು?

ನವರಾತ್ರಿ ಮಹೋತ್ಸವದ ಸಂದರ್ಭದಲ್ಲಿ ತಾಯಿ ದುರ್ಗಾದೇವಿಗೆ ಭಕ್ತಿ-ಶ್ರದ್ಧೆಯಿಂದ ವಿವಿಧ ವಿಶೇಷ ಪೂಜೆಗಳನ್ನು ಸಲ್ಲಿಸಲಾಗುತ್ತದೆ. ಅದರಲ್ಲೂ ದೇವಿಗೆ ಕುಂಕುಮ ಅಥವಾ ಸಿಂಧೂರ ಅರ್ಪಿಸುವುದು ಅತ್ಯಂತ ಪ್ರಮುಖವಾದ ಆಚರಣೆಯಾಗಿದೆ. ಸಿಂಧೂರವನ್ನು ಸಾಮಾನ್ಯವಾಗಿ ಹಿಂದೂ ಸಂಪ್ರದಾಯದಲ್ಲಿ ಸೌಭಾಗ್ಯ, ಶಾಶ್ವತ ಅದೃಷ್ಟ ಹಾಗೂ ದಾಂಪತ್ಯ ಸುಖದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಹೀಗಾಗಿ, “ಅವಿವಾಹಿತ ಹುಡುಗಿಯರು ದುರ್ಗಾ ದೇವಿಗೆ ಕುಂಕುಮ ಅರ್ಪಿಸಬಹುದೇ?” ಎಂಬ ಪ್ರಶ್ನೆ ಅನೇಕರಲ್ಲಿ ಮೂಡುವುದು ಸಹಜ. ಈ ಕುರಿತು ಆಧ್ಯಾತ್ಮಿಕ ತಜ್ಞರು ಮತ್ತು ಶಾಸ್ತ್ರಗಳು ನೀಡಿರುವ ಸ್ಪಷ್ಟ ನಿಯಮಗಳು ಮತ್ತು ವಿವರಣೆಗಳು ಇಲ್ಲಿವೆ.

ಅವಿವಾಹಿತೆಯರು ದೇವಿಗೆ ಕುಂಕುಮ ಅರ್ಪಿಸಬಹುದೇ?

ಧಾರ್ಮಿಕ ನಂಬಿಕೆಗಳು ಮತ್ತು ಶಾಸ್ತ್ರಗಳ ಪ್ರಕಾರ, ಅವಿವಾಹಿತ ಹುಡುಗಿಯರು ನವರಾತ್ರಿಯ ಸಮಯದಲ್ಲಿ ದುರ್ಗಾ ದೇವಿಗೆ ಕುಂಕುಮವನ್ನು (ಸಿಂಧೂರ) ಖಂಡಿತವಾಗಿ ಅರ್ಪಿಸಬಹುದು. ಹಿಂದೂ ಧರ್ಮದಲ್ಲಿ ತಾಯಿ ದುರ್ಗಾದೇವಿಯನ್ನು ‘ಸರ್ವಮಂಗಳೆ’ ಎಂದು ವರ್ಣಿಸಲಾಗಿದೆ. ಅಂದರೆ, ಜಗನ್ಮಾತೆಯು ತನ್ನ ಎಲ್ಲಾ ಭಕ್ತರಿಗೂ ಸಮಾನವಾದ ಕರುಣೆ ಮತ್ತು ಆಶೀರ್ವಾದವನ್ನು ನೀಡುತ್ತಾಳೆ. ಆದ್ದರಿಂದ, ದೇವಿಯನ್ನು ಪೂಜಿಸಲು ಮತ್ತು ಕುಂಕುಮ ಸಮರ್ಪಿಸಲು ಎಲ್ಲರಿಗೂ ಸಮಾನ ಹಕ್ಕಿದೆ.

ಅವಿವಾಹಿತೆಯರು ಕುಂಕುಮ ಪೂಜೆ ಮಾಡುವುದರ ಮಹತ್ವ ಮತ್ತು ಫಲಗಳು:

ಹುಡುಗಿಯರು ಶ್ರದ್ಧಾ-ಭಕ್ತಿಯಿಂದ ಗೌರಿ ಅಥವಾ ದುರ್ಗಾ ದೇವಿಗೆ ಕುಂಕುಮವನ್ನು ಅರ್ಪಿಸಿ ಪ್ರಾರ್ಥಿಸುವುದರಿಂದ ವಿಶೇಷ ಫಲ ಪ್ರಾಪ್ತಿಯಾಗುತ್ತದೆ. ಶಾಸ್ತ್ರಗಳ ಪ್ರಕಾರ, ಈ ರೀತಿ ಪೂಜೆ ಮಾಡುವುದರಿಂದ ಯುವತಿಯರಿಗೆ ತಮಗೆ ತಕ್ಕ ಹಾಗೂ ಅಪೇಕ್ಷಿತ ಗುಣಗಳುಳ್ಳ ಜೀವನ ಸಂಗಾತಿ (ವರ) ಲಭಿಸುತ್ತಾನೆ ಹಾಗೂ ವಿವಾಹ ಕಾರ್ಯದಲ್ಲಿ ಎದುರಾಗುವ ಸಕಲ ಅಡೆತಡೆಗಳು ಮತ್ತು ದೋಷಗಳು ನಿವಾರಣೆಯಾಗುತ್ತವೆ ಎಂಬ ದೃಢವಾದ ನಂಬಿಕೆಯಿದೆ.

ಇದನ್ನೂ ಓದಿ: ನವರಾತ್ರಿಯ 9 ದಿನಗಳ ಮಹತ್ವವೇನು? ನವದುರ್ಗೆಯ ಒಂಬತ್ತು ರೂಪಗಳ ವಿಶೇಷತೆ ತಿಳಿಯಿರಿ

ಪೂಜೆ ಮಾಡುವಾಗ ಗಮನಿಸಬೇಕಾದ ಪ್ರಮುಖ ನಿಯಮಗಳು:

ವಿವಾಹಿತ ಮಹಿಳೆಯರು ಮತ್ತು ಅವಿವಾಹಿತ ಹುಡುಗಿಯರು ದೇವಿಗೆ ಕುಂಕುಮ ಅರ್ಪಿಸುವ ಮತ್ತು ಅದನ್ನು ಧರಿಸುವ ವಿಧಾನದಲ್ಲಿ ಕೆಲವು ಭಿನ್ನತೆಗಳಿವೆ. ಅವಿವಾಹಿತೆಯರು ಕಡ್ಡಾಯವಾಗಿ ಈ ನಿಯಮಗಳನ್ನು ಪಾಲಿಸಬೇಕು. ದೇವಿಗೆ ಕುಂಕುಮವನ್ನು ಭಕ್ತಿಯಿಂದ ಅರ್ಪಿಸಿದ ಬಳಿಕ, ಆ ಕುಂಕುಮವನ್ನು ದೇವಿಯ ಪ್ರಸಾದವಾಗಿ ತಮ್ಮ ಹಣೆಗೆ ಇಟ್ಟುಕೊಳ್ಳಬಹುದು. ಬಲಗೈಯ ಉಂಗುರದ ಬೆರಳಿನಿಂದ ಹಣೆಯ ಮಧ್ಯಭಾಗದಲ್ಲಿ ಕೇಸರಿ ಅಥವಾ ಕುಂಕುಮದ ತಿಲಕವನ್ನು ಹಚ್ಚಿಕೊಳ್ಳುವುದು ಅತ್ಯಂತ ಶುಭ ಮತ್ತು ತೇಜಸ್ಸನ್ನು ತರುತ್ತದೆ ಎಂದು ಪರಿಗಣಿಸಲಾಗಿದೆ.

ಪೂಜಾ ವಿಧಾನ ಮತ್ತು ಆಚರಣೆಯ ಸರಳ ಹಂತಗಳು:

ನವರಾತ್ರಿಯ ದಿನಗಳಲ್ಲಿ ದುರ್ಗಾ ದೇವಿಯ ವಿಗ್ರಹ ಅಥವಾ ಫೋಟೋದ ಮುಂದೆ ಶುದ್ಧವಾದ ತುಪ್ಪದ ದೀಪವನ್ನು ಹಚ್ಚಿ. ದೇವಿಗೆ ಧೂಪದ್ರವ್ಯ, ಗಂಧ ಹಾಗೂ ತಾಜಾ ಹೂವುಗಳನ್ನು ಭಕ್ತಿಯಿಂದ ಸಮರ್ಪಿಸಿ. ಪೂಜೆ ಮಾಡುವಾಗ “ಓಂ ಐಂ ಹ್ರೀಂ ಕ್ಲೀಂ ಚಾಮುಂಡಾಯೈ ವಿಚ್ಛೇ” ಅಥವಾ “ಸರ್ವಮಂಗಳ ಮಾಂಗಲ್ಯೇ ಶಿವ ಸರ್ವಾರ್ಥ ಸಾಧಿಕೇ” ಎಂಬ ಪವಿತ್ರ ಮಂತ್ರವನ್ನು ಬಲಗೈಯ ಉಂಗುರದ ಬೆರಳಿನಿಂದ ಅಥವಾ ತಾಮ್ರ/ಬೆಳ್ಳಿಯ ಪುಟ್ಟ ವಸ್ತುವಿನಿಂದ ದೇವಿಗೆ ಕುಂಕುಮ ಅರ್ಪಿಸುತ್ತಾ ಜಪಿಸಿ. ದೇವಿಗೆ ಇಷ್ಟವಾದ ನೈವೇದ್ಯವನ್ನು ಅರ್ಪಿಸಿ ಮಹಾಮಂಗಳಾರತಿ ಬೆಳಗಿ. ಪೂಜೆ ಪೂರ್ಣಗೊಂಡ ನಂತರ, ಪ್ರಸಾದ ರೂಪದ ಅದೇ ಕುಂಕುಮವನ್ನು ನಿಮ್ಮ ಉಂಗುರದ ಬೆರಳಿನಿಂದ ಹಣೆಗೆ ಹಚ್ಚಿಕೊಂಡು, ಸುಖಮಯ ಹಾಗೂ ಯಶಸ್ವಿ ಜೀವನಕ್ಕಾಗಿ ತಾಯಿಯನ್ನು ಪ್ರಾರ್ಥಿಸಿ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ