Vastu Tips: ನಿಮ್ಮ ಕುಟುಂಬದ ಸಂತೋಷದ ಫೋಟೋವನ್ನು ಅಪ್ಪಿ ತಪ್ಪಿಯೂ ಮನೆಯ ಈ ದಿಕ್ಕಿನಲ್ಲಿ ನೇತುಹಾಕಬೇಡಿ

ಮನೆಯನ್ನು ಆಕರ್ಷಕವಾಗಿ ಅಲಂಕರಿಸಬೇಕು ಎಂಬುದು ಪ್ರತಿಯೊಂದು ಮಹಿಳೆಯ ಕನಸು. ಇದರ ಜೊತೆಗೆ ತಮ್ಮ ಕುಟುಂಬದ ಫೋಟೋ, ಮದುವೆ ಸಮಯದ ಫೋಟೋ ಹಾಗೂ ಸುಂದರವಾದ ಪೇಂಟಿಂಗ್​​ಗಳನ್ನು ತಂದು ಮನೆಯಲ್ಲಿ ನೇತುಹಾಕುತ್ತಾರೆ. ಆದರೆ ವಾಸ್ತು ಶಾಸ್ತ್ರದ ಪ್ರಕಾರ ಮನೆಯ ಗೋಡೆಗಳನ್ನು ಅಲಂಕರಿಸುವಾಗ ವಾಸ್ತು ನಿಯಮಗಳನ್ನು ನಾವು ಎಂದಿಗೂ ನಿರ್ಲಕ್ಷಿಸಬಾರದು. ಶುಭ ಮತ್ತು ಅದೃಷ್ಟವನ್ನು ಪಡೆಯಲು ಯಾವ ದಿಕ್ಕಿನಲ್ಲಿ ಯಾವ ಫೋಟೋವನ್ನು ಇಡಬೇಕು. ಮನೆಯಲ್ಲಿ ಯಾವ ದಿಕ್ಕಿನ ಗೋಡೆಯ ಮೇಲೆ ಯಾವ ಫೋಟೋವನ್ನು ಇಡುವುದರಿಂದ ಐಶ್ವರ್ಯ, ಧನಾತ್ಮಕ ಶಕ್ತಿ ಮತ್ತು ದೈವಿಕ ಆಶೀರ್ವಾದವನ್ನು ನೀಡುತ್ತದೆ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಮನೆಯಲ್ಲಿ ಫೋಟೋ ನೇತು ಹಾಕುವ ಮೊದಲು ಈ ನಿಯಮಗಳನ್ನು ಅನುಸರಿಸಿ:

ವಾಸ್ತು ಪ್ರಕಾರ, ನಿಮ್ಮ ಮನೆಯಲ್ಲಿ ಕುಟುಂಬದ ಫೋಟೋವನ್ನು ನೇತುಹಾಕಲು ಬಯಸಿದರೆ, ಅದನ್ನು ಯಾವಾಗಲೂ ನೈಋತ್ಯ ಗೋಡೆಯ ಮೇಲೆ ನೇತುಹಾಕಿ. ಕುಟುಂಬದ ಫೋಟೋಗಳನ್ನು ಉತ್ತರ ದಿಕ್ಕಿನಲ್ಲಿ ಇರಿಸುವುದರಿಂದ ಸಂಬಂಧಗಳಲ್ಲಿ ಪ್ರೀತಿ ಮತ್ತು ಸಾಮರಸ್ಯವನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ. ಕೇವಲ ಮೂರು ಜನರನ್ನು ಒಳಗೊಂಡಿರುವ ಕುಟುಂಬದ ಫೋಟೋವನ್ನು ಗೋಡೆಗೆ ಹಾಕಬೇಡಿ. ವಾಸ್ತು ಪ್ರಕಾರ, ಗೋಡೆಯ ಮೇಲೆ ಮೂರು ಕುಟುಂಬ ಸದಸ್ಯರು ಅಥವಾ ಮೂವರು ಸ್ನೇಹಿತರ ಫೋಟೋಗಳನ್ನು ಮಂಗಳಕರವೆಂದು ಪರಿಗಣಿಸಲಾಗುವುದಿಲ್ಲ.

ವಾಸ್ತು ಪ್ರಕಾರ, ನಿಮ್ಮ ಮನೆಯಲ್ಲಿ ಉದಯಿಸುತ್ತಿರುವ ಸೂರ್ಯನ ಫೋಟೋವನ್ನು ಹಾಕಲು ನೀವು ಬಯಸಿದರೆ, ಅದನ್ನು ಯಾವಾಗಲೂ ಪೂರ್ವ ದಿಕ್ಕಿನಲ್ಲಿ ಇಡಬೇಕು ಏಕೆಂದರೆ ಪೂರ್ವವನ್ನು ಸೂರ್ಯನ ದಿಕ್ಕು ಎಂದು ಪರಿಗಣಿಸಲಾಗುತ್ತದೆ. ಪೂರ್ವ ದಿಕ್ಕಿನಲ್ಲಿ ಪ್ರತ್ಯಕ್ಷ ದೇವರಾದ ಸೂರ್ಯನ ಫೋಟೋವನ್ನು ಇರಿಸುವುದರಿಂದ ಮನೆಯ ಧನಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಸಂತೋಷ, ಅದೃಷ್ಟ ಮತ್ತು ಆರೋಗ್ಯದ ಆಶೀರ್ವಾದವನ್ನು ತರುತ್ತದೆ ಎಂದು ನಂಬಲಾಗಿದೆ.

ವಾಸ್ತು ಪ್ರಕಾರ ನಿಮ್ಮ ಮನೆಯ ಯಾವುದೇ ಮೂಲೆಯಲ್ಲಿ ಸೂರ್ಯಾಸ್ತಮಾನ, ಅಳುತ್ತಿರುವ ಮಗುವಿನ ಫೋಟೋ, ಹಿಂಸಾತ್ಮಕ ಪ್ರಾಣಿಗಳು, ಮಹಾಭಾರತ ಯುದ್ಧ, ಮುಳುಗುವ ಹಡಗುಗಳು ಇತ್ಯಾದಿಗಳ ಫೋಟೋಗಳನ್ನು ನೀವು ಎಂದಿಗೂ ಹಾಕಬಾರದು. ವಾಸ್ತು ಪ್ರಕಾರ, ಅಂತಹ ಚಿತ್ರಗಳು ಮನೆಯಲ್ಲಿ ನಕಾರಾತ್ಮಕತೆ ಮತ್ತು ಖಿನ್ನತೆಯನ್ನು ಉಂಟುಮಾಡುತ್ತವೆ.

ಇದನ್ನೂ ಓದಿ: ಅಯೋಧ್ಯೆ ತಲುಪುವುದರಿಂದ ಹಿಡಿದು ಶ್ರೀರಾಮನ ದರ್ಶನದವರೆಗೆ ನೀವು ತಿಳಿದುಕೊಳ್ಳಬೇಕಾದ ಮಾಹಿತಿ ಇಲ್ಲಿದೆ

ನೀವು ಸಂಪತ್ತನ್ನು ಬಯಸಿದರೆ, ನಿಮ್ಮ ಮನೆಯ ಉತ್ತರ ಅಥವಾ ಈಶಾನ್ಯ ಮೂಲೆಯಲ್ಲಿ ನೀವು ಸಂಪತ್ತಿನ ದೇವರು ಕುಬೇರನ ಅಥವಾ ಸಂಪತ್ತಿನ ದೇವತೆಯಾದ ಲಕ್ಷ್ಮಿ ದೇವಿಯ ಚಿತ್ರವನ್ನು ಹಾಕಬೇಕು.

ವಾಸ್ತು ಪ್ರಕಾರ, ಈಶಾನ್ಯ ಮೂಲೆಯಲ್ಲಿರುವ ಪೂಜಾ ಸ್ಥಳದಲ್ಲಿ ಸತ್ತವರ ಭಾವಚಿತ್ರಗಳನ್ನು ಇಡಬಾರದು . ವಾಸ್ತು ಪ್ರಕಾರ ಸತ್ತವರ ಚಿತ್ರಗಳನ್ನು ದಕ್ಷಿಣ ದಿಕ್ಕಿನಲ್ಲಿ ಇಡಬೇಕು.

ವಾಸ್ತು ಪ್ರಕಾರ, ಮದುವೆಯ ನಂತರ ನೀವು ದೀರ್ಘಕಾಲದವರೆಗೆ ಸಂತಾನೋತ್ಪತ್ತಿ ಸಮಸ್ಯೆಯಿಂದ ನೊಂದಿದ್ದರೆ ನಿಮ್ಮ ಮಲಗುವ ಕೋಣೆಯಲ್ಲಿ ನಗುವ ಮಗುವಿನ ಚಿತ್ರವನ್ನು ಹಾಕಬಹುದು. ನಿಮ್ಮ ವೈವಾಹಿಕ ಜೀವನದಲ್ಲಿ ಪ್ರೀತಿ ಮತ್ತು ಸಾಮರಸ್ಯವನ್ನು ಹೆಚ್ಚಿಸಲು, ನೀವು ನಿಮ್ಮ ಸಂಗಾತಿಯೊಂದಿಗೆ ನಗುತ್ತಿರುವ ಫೋಟೋ ಅಥವಾ ರಾಧಾ-ಕೃಷ್ಣರ ಫೋಟೋವನ್ನು ಹಾಕಬಹುದು.

ಆಧ್ಯಾತ್ಮಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: