ಕ್ವಾರಂಟೀನ್ ನಿಯಮಗಳನ್ನು ಬದಲಿಸದಿದ್ದರೆ ಇಂಗ್ಲೆಂಡ್ನಲ್ಲಿ ಕ್ರಿಕೆಟ್ ಪಂದ್ಯಗಳು ನಡೆಯುವುದು ಕಷ್ಟವಾಗುತ್ತದೆ: ಮೈಕೆಲ್ ವಾನ್

ಆಟಗಾರರು ಹೀಗೆ ಕೋವಿಡ್ ಸೋಂಕಿಗೊಳಗಾಗುತ್ತಿದ್ದರೆ, ಅದು ಮುಂಬರಲಿರುವ ಆಶಸ್ ಸರಣಿ ಮೇಲೂ ಪರಿಣಾಮ ಬೀರಲಿದೆ ಅಂತ ತಮ್ಮ ಟ್ವೀಟ್ನಲ್ಲಿ ವಾನ್ ಹೇಳಿದ್ದಾರೆ.

ಮೈಕೆಲ್ ವಾನ್

TV9 Web | Updated By: ಅರುಣ್ ಕುಮಾರ್ ಬೆಳ್ಳಿ
Updated on: Jul 16, 2021 | 1:36 AM

ಇಂಗ್ಲೆಂಡ್ನಲ್ಲಿ ನಡೆಯುವ ಕ್ರಿಕೆಟ್ ಸರಣಿ ಮತ್ತು ಪಂದ್ಯಗಳಿಗೆ ಸಂಬಂಧಿಸಿದಂತೆ ಕ್ವಾರಂಟೀನ್ ನಿಯಮಗಳಲ್ಲಿ ಬದಲಾವಣೆಗಳನ್ನು ತರುವ ಅಗತ್ಯವಿದೆಯೆಂದು ಇಂಗ್ಲೆಂಡ್ ಮಾಜಿ ನಾಯಕ ಮೈಕೆಲ್ ವಾನ್ ಹೇಳಿದ್ದಾರೆ. ಭಾರತದ ವಿಕೆಟ್ಕೀಪರ್-ಬ್ಯಾಟ್ಸ್ಮನ್ ರಿಷಭ್ ಪಂತ್ ಮತ್ತ ಥ್ರೋ-ಇನ್ ಸ್ಪೆಷಲಿಸ್ಟ್ ದಯಾನಂದ್ ಗರಾನಿ ಇಂಗ್ಲೆಂಡ್ನಲ್ಲಿ ಕೋವಿಡ್-19 ಸೋಂಕಿಗೊಳಗಾಗಿರುವುದು ವರದಿಯಾದ ನಂತರ ವಾನ್ ಅವರಿಂದ ಈ ಕಾಮೆಂಟ್ ಬಂದಿದೆ. ಪಂತ್ ಅವರು ಟೀಮ್ ಇಂಡಿಯಾ ಜೊತೆ ಗುರುವಾರದಂದು ಡುರ್ಹಮ್ಗೆ ಪ್ರಯಾಣ ಬೆಳಸಲಿಲ್ಲ. ಡುರ್ಹಮ್ನಲ್ಲಿ ವಿರಾಟ್ ಕೊಹ್ಲಿ ನೇತೃತ್ವದ ಭಾರತ ತಂಡ, ಸಂಯುಕ್ತ ಕೌಂಟಿ ಇಲೆವೆನ್ ವಿರುದ್ಧ ಮೂರು ದಿನಗಳ ಅಭ್ಯಾಸ ಪಂದ್ಯವನ್ನು ಆಡಲಿದೆ.

ಆಟಗಾರರು ಹೀಗೆ ಕೋವಿಡ್ ಸೋಂಕಿಗೊಳಗಾಗುತ್ತಿದ್ದರೆ, ಅದು ಮುಂಬರಲಿರುವ ಆಶಸ್ ಸರಣಿ ಮೇಲೂ ಪರಿಣಾಮ ಬೀರಲಿದೆ ಅಂತ ತಮ್ಮ ಟ್ವೀಟ್ನಲ್ಲಿ ವಾನ್ ಹೇಳಿದ್ದಾರೆ.

‘ಐಸೋಲೇಷನ್ ನಿಯಮಗಳು ಬದಲಾಗದಿದ್ದರೆ ಈಗ ಜಾರಿಯಲ್ಲಿರುವ 100 ಟೂರ್ನಿ ಮತ್ತು ಭಾರತ ಟೆಸ್ಟ್ ಸರಣಿ ಬಗ್ಗೆ ನನ್ನಲ್ಲಿ ಅತಂಕ ಉಂಟಾಗಿದೆ. @RishabhPant17 ಅವರ ಪ್ರಕರಣ ನಮ್ಮ ಕಣ್ಣ ಮುಂದಿದೆ. ಹಾಗೆಯೇ ಇನ್ನೂ ಸ್ವಲ್ಪ ಮುಂದಕ್ಕೆ ನಮ್ಮ ಯೋಚನೆಯನ್ನು ಹರಿಬಿಟ್ಟರೆ, ಆಶಸ್ ಸರಣಿ ತೀವ್ರ ಪ್ರಭಾವಕ್ಕೊಳಗಾಗಬಹದೆಂದು ನಾನು ಬಾವಿಸುತ್ತೇನೆ| ಕ್ವಾರಂಟೀನ್ ನಿಯಮಗಳನ್ನು ಬದಲಾಯಿಸುವ ಅವಶ್ಯಕತೆಯಿದೆ,’ ಎಂದು ವಾನ್ ಹೇಳಿದ್ದಾರೆ.

I fear for the 100 & the Indian Test series unless the isolation laws change .. we are bound to have cases as is the case with @RishabhPant17 .. plus further down the line I fear the Ashes could be hugely affected with players pulling out unless bubbles/quarantine rules change !

— Michael Vaughan (@MichaelVaughan) July 15, 2021

ಏತನ್ಮಧ್ಯೆ, ಭಾರತದ ಮಾಜಿ ಆಟಗಾರರಾದ ಸುರೇಶ್ ರೈನಾ ಮತ್ತು ಹರ್ಭಜನ್ ಸಿಂಗ್ ಅವರು ಪಂತ್ ಅವರಿಗೆ ಸೋಂಕು ತಗುಲಿದ ನಂತರ ಪ್ರತಿಕ್ರಿಯಿಸಿದ್ದು ಶೀಘ್ರ ಗುಣಮುಖರಾಗುವಂತೆ ಹಾರೈಸಿದ್ದಾರೆ.

ಭಜ್ಜಿ ತಮ್ಮ ಟ್ವೀಟ್ನಲ್ಲಿ, ‘ಗೆಟ್ ವೆಲ್ ಸೂನ್ ಚಾಂಪಿಯನ್ @RishabhPant17,’ ಅಂತ ಹೇಳಿದ್ದಾರೆ