ಒಂದೇ ವಾರಕ್ಕೆ 5 ಕೆಜಿ ತೂಕ ಕಳೆದುಕೊಂಡೆ, ಜ್ಯಾಕ್​ ಲೀಚ್​ ಹೊಟ್ಟೆ ಕೆಟ್ಟು ಟಾಯ್ಲೆಟ್​ನಲ್ಲೇ ಇರುತ್ತಿದ್ದರು: ಬೆನ್​ ಸ್ಟೋಕ್ಸ್​

ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ನಾಲ್ಕನೇ ಟೆಸ್ಟ್​​ನಲ್ಲಿ ಟೀಂ ಇಂಡಿಯಾ ವಿರುದ್ಧ ಇಂಗ್ಲೆಂಡ್​ ತಂಡ ಹೀನಾಯವಾಗಿ ಸೋತಿತ್ತು. ಈ ಮೂಲಕ ವಿರಾಟ್​ ಕೊಹ್ಲಿ ನೇತೃತ್ವದ ಭಾರತ ಕ್ರಿಕೆಟ್​ ತಂಡ 3-1 ಅಂತರದಲ್ಲಿ ಟೆಸ್ಟ್​​ ಸರಣಿಯನ್ನು ತನ್ನದಾಗಿಸಿಕೊಂಡಿತ್ತು. ಅಚ್ಚರಿ ಎಂದರೆ, ಫೈನಲ್​ ಟೆಸ್ಟ್​ನಲ್ಲಿ ಇಂಗ್ಲೆಂಡ್​ ಆಲ್​ರೌಂಡರ್​ ಬೆನ್​ ಸ್ಟೋಕ್ಸ್​ ಒಂದೇ ವಾರದಲ್ಲಿ 5 ಕೆಜಿ ತೂಕ ಕಳೆದುಕೊಂಡಿದ್ದಾರಂತೆ.

ನಾಲ್ಕನೇ ಟೆಸ್ಟ್​ನಲ್ಲಿ ಮೊದಲು ಬ್ಯಾಟ್​ ಮಾಡಿದ್ದ ಇಂಗ್ಲೆಂಡ್​ 205 ರನ್​ ಕಲೆ ಹಾಕಿತ್ತು. ಇದನ್ನು ಬೆನ್ನು ಹತ್ತಿದ್ದ ಭಾರತ 365 ರನ್​ ಗಳಿಸಿತ್ತು. ಈ ಮೂಲಕ 160ರನ್​ಗಳ ಲೀಡ್​ ಲೀಡ್​ ಕಾಪಾಡಿಕೊಂಡಿತ್ತು. ಆದರೆ, ಈ ಗುರಿ ಮುಟ್ಟಲಾರದೆ ಇಂಗ್ಲೆಂಡ್​ ಇನ್ನೂ 25 ರನ್​ ಬೇಕಿರುವಾಗಲೇ ತನ್ನೆಲ್ಲ ವಿಕೆಟ್​ ಕಳೆದುಕೊಂಡಿತ್ತು. ಈ ಸೋಲಿನ ಬಗ್ಗೆ ಬೆನ್​ ಸ್ಟೋಕ್ಸ್​ ಮಾತನಾಡಿದ್ದಾರೆ.

ಕೊನೆಯ ಟೆಸ್ಟ್ ಪಂದ್ಯ ನಡೆಯುತ್ತಿದ್ದ ದಿನಗಳಲ್ಲಿ ನಾನು ಐದು ಕೆಜಿ ಕಳೆದುಕೊಂಡಿದ್ದೇನೆ. ಡಾಮ್​ ಸಿಬ್ಲೆ 4 ಕೆಜಿ, ಆ್ಯಂಡ್ರ್ಯೂಸನ್​ 3 ಕೆಜಿ ಕಳೆದುಕೊಂಡಿದ್ದರು. ಹೀಗೆ ಅನೇಕ ಆಟಗಾರರ ತೂಕ ಇಳಿದಿದೆ. ಇಲ್ಲಿಯ ಬಿಸಿಲು ಇದಕ್ಕೆ ಕಾರಣ ಇರಬಹುದು. ಇನ್ನು, ಜ್ಯಾಕ್​ ಲೀಚ್​ ಹೊಟ್ಟೆ ನೋವಿಗೆ ತುತ್ತಾಗಿ ಹೆಚ್ಚು ಸಮಯವನ್ನು ಟಾಯ್ಲೆಟ್​ನಲ್ಲೇ ಕಳೆಯುತ್ತಿದ್ದರು ಎಂದು ಸ್ಟೋಕ್ಸ್​ ಬೇಸರ ಹೊರ ಹಾಕಿದ್ದಾರೆ.

ಟೀಂ ಇಂಡಿಯಾ ಉತ್ತಮ ಪ್ರದರ್ಶನ ನೀಡಿತ್ತು ಎಂಬುದರಲ್ಲಿ ಎರಡು ಮಾತಿಲ್ಲ. ಅದೇ ರೀತಿ ನಮ್ಮ ತಂಡ ಕೂಡ ಭಾರತಕ್ಕೆ ಟಫ್​ ಪ್ರದರ್ಶನ ನೀಡಲು ಪ್ರಯತ್ನಿಸಿದೆ. ಆದರೆ, ಅದು ವ್ಯರ್ಥವಾಯಿತು ಎಂದು ಹೇಳಿದ್ದಾರೆ. ನಮ್ಮ ತಂಡದಲ್ಲಿ ಅನೇಕರು ಯಂಗ್​ಸ್ಟರ್​ಗಳಿದ್ದರು. ಅವರದ್ದು ಭಾರತಕ್ಕೆ ಮೊದಲ ಪ್ರವಾಸ. ಹೀಗಾಗಿ, ಅವರಿಗೆ ನಿದ್ದೆ ಸಮಸ್ಯೆಯೂ ಕಾಡಿತ್ತು. ಇದು ಕೂಡ ಸೋಲಲು ಕಾರಣವಿರಬಹುದು ಎಂದು ಬೆನ್​ ಸ್ಟೋಕ್ಸ್​ ಅಭಿಪ್ರಾಯಪಟ್ಟಿದ್ದಾರೆ.

ಮಾರ್ಚ್​ 12ರಿಂದ ಟಿ-20 ಪಂದ್ಯ ಆರಂಭವಾಗಲಿದೆ. ಐದೂ ಮ್ಯಾಚ್​ಗಳು ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲೇ ನಡೆಯಲಿದೆ. 12,14,16,18,20ರಂದು ಟಿ-20 ಪಂದ್ಯಗಳು ಆರಂಭಗೊಳ್ಳಲಿವೆ.

ಇದನ್ನೂ ಓದಿ: Virat Kohli: ವಿರಾಟ್​ ಕೊಹ್ಲಿಯನ್ನು ನೋಡಲು 1800 ಕಿ.ಮೀ. ಪ್ರಯಾಣಿಸಿದ ಅಭಿಮಾನಿ!

Published On - 8:35 pm, Tue, 9 March 21