Virat Kohli: ಲಂಕಾ ಕ್ರಿಕೆಟಿಗನಿಂದ ಕಿಂಗ್ ಕೊಹ್ಲಿಗೆ ಬೆಳ್ಳಿ ಬ್ಯಾಟ್ ಗಿಫ್ಟ್! ಇದರ ವಿಶೇಷತೆ ಏನು ಗೊತ್ತಾ?
Virat Kohli: ಅಫ್ರಿದಿ ಎದುರು ವಿಶೇಷ ತಂತ್ರ ರೂಪಿಸುವ ಸಲುವಾಗಿ ಟೀಂ ಇಂಡಿಯಾ ಆಟಗಾರರು ಲಂಕಾದ ಸ್ಥಳೀಯ ಆಟಗಾರರ ಜೊತೆಗೂಡಿ ಅಭ್ಯಾಸ ನಡೆಸಿತು. ಈ ವೇಳೆ ಲಂಕಾ ನೆಟ್ ಬೌಲರ್ ಚಂದ್ರಮೋಹನ್ ಕ್ರಿಶಾಂತ್ ಅವರು ಕೊಹ್ಲಿಯನ್ನು ಭೇಟಿಯಾಗಿ ಅವರಿಗೆ ಬೆಳ್ಳಿ ಬ್ಯಾಟ ಅನ್ನು ಉಡುಗೊರೆಯಾಗಿ ನೀಡಿದರು.
Updated on:Sep 10, 2023 | 9:29 AM
ಕೊಲಂಬೊದ ಆರ್ ಪ್ರೇಮದಾಸ ಸ್ಟೇಡಿಯಂನಲ್ಲಿ ನಡೆಯಲಿರುವ ಏಷ್ಯಾಕಪ್ ಸೂಪರ್-4 ಸುತ್ತಿನಲ್ಲಿ (Asia Cup 2023) ಭಾರತ ತಂಡ ತನ್ನ ಮೊದಲ ಪಂದ್ಯದಲ್ಲಿ ಇಂದು ಪಾಕಿಸ್ತಾನವನ್ನು (India vs Pakistan) ಎದುರಿಸಲಿದೆ. ಈ ಹೈವೋಲ್ಟೇಜ್ ಕದನಕ್ಕೆ ಉಭಯ ತಂಡಗಳು ಈಗಾಗಲೇ ಕೊಲಂಬೊ ತಲುಪಿದ್ದು, ಮೈದಾನದಲ್ಲಿ ಬೆವರು ಹರಿಸುತ್ತಿವೆ. ಪಾಕ್ ತಂಡವನ್ನು ಮಣಿಸಲೇಬೇಕೆಂಬ ಪಣ ತೊಟ್ಟಿರುವ ರೋಹಿತ್ ಪಡೆ (Rohit Sharma) ಪಂದ್ಯಕ್ಕೂ ಮುನ್ನ ವಿಶೇಷ ಅಭ್ಯಾಸ ನಡೆಸಿತು. ಈ ವೇಳೆ ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ನಡುವಿನ ಪಂದ್ಯಕ್ಕೂ ಮುನ್ನ ಶ್ರೀಲಂಕನ್ ಆಟಗಾರರು ಟೀಮ್ ಇಂಡಿಯಾ ಮಾಜಿ ನಾಯಕ ವಿರಾಟ್ ಕೊಹ್ಲಿ (Virat Kohli) ಜೊತೆಗೆ ಆತ್ಮೀಯ ಕ್ಷಣಗಳನ್ನು ಕಳೆದರು. ಈ ವೇಳೆ ಕೊಹ್ಲಿಯಿಂದ ಕ್ರಿಕೆಟ್ ಟಿಪ್ಸ್ ಪಡೆದುಕೊಂಡ ಲಂಕಾದ ಯುವ ನೆಟ್ ಬೌಲರ್ ಚಂದ್ರಮೋಹನ್ ಕ್ರಿಶಾಂತ್, ಕಿಂಗ್ ಕೊಹ್ಲಿಗೆ ಬೆಳ್ಳಿಯ ಬ್ಯಾಟನನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಬೆಳ್ಳಿ ಬ್ಯಾಟ್ ಗಿಫ್ಟ್ ನೀಡಿದ ಲಂಕಾ ನೆಟ್ ಬೌಲರ್
ವಾಸ್ತವವಾಗಿ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಮೊದಲ ಮುಖಾಮುಖಿಯಲ್ಲಿ ಟೀಂ ಇಂಡಿಯಾದ ಟಾಪ್ ಆರ್ಡರ್ ಪಾಕ್ ವೇಗಿ ಶಾಹೀನ್ ಅಫ್ರಿದಿ ಎದುರು ರನ್ಗಳಿಸಲು ತಡವರಿಸಿತ್ತು. ಹೀಗಾಗಿ ಅಫ್ರಿದಿ ಎದುರು ವಿಶೇಷ ತಂತ್ರ ರೂಪಿಸುವ ಸಲುವಾಗಿ ಟೀಂ ಇಂಡಿಯಾ ಆಟಗಾರರು ಲಂಕಾದ ಸ್ಥಳೀಯ ಆಟಗಾರರ ಜೊತೆಗೂಡಿ ಅಭ್ಯಾಸ ನಡೆಸಿತು. ಈ ವೇಳೆ ಲಂಕಾ ನೆಟ್ ಬೌಲರ್ ಚಂದ್ರಮೋಹನ್ ಕ್ರಿಶಾಂತ್ ಅವರು ಕೊಹ್ಲಿಯನ್ನು ಭೇಟಿಯಾಗಿ ಅವರಿಗೆ ಬೆಳ್ಳಿ ಬ್ಯಾಟ ಅನ್ನು ಉಡುಗೊರೆಯಾಗಿ ನೀಡಿದರು.
ವಿಶ್ವಕಪ್ಗೂ ಮುನ್ನ ಕಿಂಗ್ ಕೊಹ್ಲಿಗೆ ವಜ್ರದ ಬ್ಯಾಟ್ ಗಿಫ್ಟ್! ಬೆಲೆ ಗೊತ್ತಾದ್ರೆ ಶಾಕ್ ಆಗ್ತೀರ..!
76 ಶತಕಗಳ ಮಾಹಿತಿ
ಈ ಬ್ಯಾಟ್ ವಿಶೇಷತೆ ಏನೆಂದರೆ, ಕೊಹ್ಲಿಗೆ ನೀಡಿದ ಈ ಬೆಳ್ಳಿಯ ಬ್ಯಾಟ್ ಮೇಲೆ ವಿರಾಟ್ ಸಿಡಿಸಿರುವ ಎಲ್ಲಾ 76 ಅಂತರಾಷ್ಟ್ರೀಯ ಶತಕಗಳ ವಿವರನ್ನು ಈ ಬ್ಯಾಟ್ ಮೇಲೆ ಮುದ್ರಿಸಲಾಗಿದೆ. ಇನ್ನು ಕೊಹ್ಲಿಗೆ ಈ ವಿಶೇಷ ಉಡುಗೊರೆ ನೀಡಿದ ಬಳಿಕ ಮಾತನಾಡಿದ ಕ್ರಿಶಾಂತ್, “ನಾನು ವಿರಾಟ್ ಕೊಹ್ಲಿಯ ದೊಡ್ಡ ಅಭಿಮಾನಿ. ನಾನು ಅವರನ್ನು ಕೊನೆಯ ಬಾರಿಗೆ 2017 ರಲ್ಲಿ ನೆಟ್ ಅಭ್ಯಾಸದ ಸಮಯದಲ್ಲಿ ಭೇಟಿಯಾಗಿದ್ದೆ. ಇದು ಅವರಿಗೆ ನನ್ನ ಚಿಕ್ಕ ಉಡುಗೊರೆಯಾಗಿದೆ. ಈ ಬ್ಯಾಟ್ ಅವರು ಇಲ್ಲಿಯವರೆಗೆ ಸಿಡಿಸಿದ ಪ್ರತಿ ಶತಕವನ್ನು ಒಳಗೊಂಡಿದೆ. ಈ ಬ್ಯಾಟ್ ಅನ್ನು ನಿರ್ಮಿಸಲು ನನಗೆ ಮೂರು ತಿಂಗಳು ಬೇಕಾಯಿತು ಎಂದು ಹೇಳಿಕೊಂಡಿದ್ದಾರೆ.
ಈ ಮೊದಲು ವಜ್ರದ ಬ್ಯಾಟ್ ಗಿಫ್ಟ್
ಇದಕ್ಕೂ ಮೊದಲು ಕಿಂಗ್ ಕೊಹ್ಲಿಗೆ ಸೂರತ್ ಮೂಲದ ಉದ್ಯಮಿಯೊಬ್ಬರು ಡೈಮಂಡ್ ಬ್ಯಾಟ್ ಅನ್ನು ಉಡುಗೊರೆಯಾಗಿ ನೀಡಿದ್ದರು. ಈ ಬ್ಯಾಟ್ 1.04 ಕ್ಯಾರೆಟ್ ಮೂಲ ವಜ್ರದ್ದಾಗಿದ್ದು, ಈ ಬ್ಯಾಟ್ 15 ಮಿಲಿ ಮೀಟರ್ ಉದ್ದ ಮತ್ತು ಐದು ಮಿಲಿ ಮೀಟರ್ ಅಗಲ ಇದೆ. ಇದರ ಬೆಲೆ 10 ಲಕ್ಷ ರೂಪಾಯಿ ಎಂದು ವರದಿಯಾಗಿತ್ತು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 9:23 am, Sun, 10 September 23
