ದುಬೈ ಕ್ಯಾಪಿಟಲ್ಸ್​ ತಂಡಕ್ಕೆ ಡೇವಿಡ್ ವಾರ್ನರ್ ಎಂಟ್ರಿ

ಯುಎಇನಲ್ಲಿ ನಡೆಯಲಿರುವ ಇಂಟರ್​ನ್ಯಾಷನಲ್ ಲೀಗ್ ಟಿ20 ಟೂರ್ನಿಯ 2ನೇ ಸೀಸನ್​ನಲ್ಲಿ ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ ಕಣಕ್ಕಿಳಿಯುವುದು ಖಚಿತವಾಗಿದೆ. ಐಪಿಎಲ್​ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಪರ ಆಡುತ್ತಿರುವ ವಾರ್ನರ್ ಐಎಲ್​ಟಿ ಲೀಗ್​ನಲ್ಲಿ ದುಬೈ ಕ್ಯಾಪಿಟಲ್ಸ್ ಪರ ಕಣಕ್ಕಿಳಿಯಲಿದ್ದಾರೆ. ಈ ತಂಡ ಕೂಡ ಡೆಲ್ಲಿ ಕ್ಯಾಪಿಟಲ್ಸ್​ ಫ್ರಾಂಚೈಸಿಯ ಒಡೆತನದಲ್ಲಿದೆ. ಹೀಗಾಗಿಯೇ ಹೊಸ ಲೀಗ್​ನಲ್ಲಿ ಆಡಲು ವಾರ್ನರ್ ಗ್ರೀನ್ ಸಿಗ್ನಲ್ ನೀಡಿದ್ದಾರೆ.

ಇನ್ನು ಡೇವಿಡ್ ವಾರ್ನರ್ ಜೊತೆಗೆ ದುಬೈ ಕ್ಯಾಪಿಟಲ್ಸ್​ ಒಂದಷ್ಟು ಹೊಸ ಆಟಗಾರರೊಂದಿಗೆ ಕೂಡ ಒಪ್ಪಂದ ಮಾಡಿಕೊಂಡಿದೆ. ಈ ಪಟ್ಟಿಯಲ್ಲಿ ಶ್ರೀಲಂಕಾ ತಂಡದ ನಾಯಕ ದಸುನ್ ಶಾನ, ಅಫ್ಘಾನಿಸ್ತಾನದ ವಿಕೆಟ್ ಕೀಪರ್ ರಹಮಾನುಲ್ಲಾ ಗುರ್ಬಾಝ್, ಇಂಗ್ಲೆಂಡ್​ ವೇಗಿ ಮಾರ್ಕ್​ ವುಡ್, ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್ ಸ್ಯಾಮ್ ಬಿಲ್ಲಿಂಗ್ಸ್, ಆಸ್ಟ್ರೇಲಿಯಾ ಆಂಡ್ರ್ಯೂ ಟೈಯಂತಹ ಸ್ಟಾರ್ ಆಟಗಾರರಿದ್ದಾರೆ.

ಹೀಗಾಗಿ ಈ ಬಾರಿ ದುಬೈ ಕ್ಯಾಪಿಟಲ್ಸ್​ ತಂಡ ಮತ್ತಷ್ಟು ಬಲಿಷ್ಠತೆಯೊಮದಿಗೆ ಕಣಕ್ಕಿಳಿಯುವುದು ಖಚಿತ ಎನ್ನಬಹುದು. ಏಕೆಂದರೆ ವೆಸ್ಟ್ ಇಂಡೀಸ್​ನ ಸ್ಪೋಟಕ ದಾಂಡಿಗ ರೋವ್​ಮನ್ ಪೊವೆಲ್, ಝಿಂಬಾಬ್ವೆಯ ಸಿಕಂದರ್ ರಾಝ, ಇಂಗ್ಲೆಂಡ್​ನ ಜೋ ರೂಟ್​, ಶ್ರೀಲಂಕಾದ ದುಷ್ಮಂತ ಚಮೀರಾ ಈಗಾಗಲೇ ತಂಡದಲ್ಲಿದ್ದಾರೆ.

ಇದೀಗ ಡೇವಿಡ್ ವಾರ್ನರ್ ಸೇರಿದಂತೆ ಪ್ರಮುಖ ಆಟಗಾರರು ದುಬೈ ಕ್ಯಾಪಿಟಲ್ಸ್ ತಂಡಕ್ಕೆ ಎಂಟ್ರಿ ಕೊಟ್ಟಿದ್ದು, ಹೀಗಾಗಿ ಇಂಟರ್​ನ್ಯಾಷನಲ್ ಲೀಗ್ ಟಿ20 ಟೂರ್ನಿಯ 2ನೇ ಸೀಸನ್​ನಲ್ಲಿ ದುಬೈ ತಂಡದಿಂದ ಭರ್ಜರಿ ಪೈಪೋಟಿ ನಿರೀಕ್ಷಿಸಬಹುದು.

ದುಬೈ ಕ್ಯಾಪಿಟಲ್ಸ್ ತಂಡದ ಹೊಸ ಆಯ್ಕೆ: ದಸುನ್ ಶಾನಕ, ಡೇವಿಡ್ ವಾರ್ನರ್, ಮಾರ್ಕ್ ವುಡ್, ಮ್ಯಾಕ್ಸ್ ಹೋಲ್ಡನ್, ಮೊಹಮ್ಮದ್ ಮೊಹ್ಸಿನ್, ರಹಮಾನುಲ್ಲಾ ಗುರ್ಬಾಜ್, ನುವಾನ್ ತುಷಾರ, ರೋಲೋಫ್ ವ್ಯಾನ್ ಡೆರ್ ಮೆರ್ವೆ, ಸದೀರ ಸಮರವಿಕ್ರಮ ಮತ್ತು ಸ್ಯಾಮ್ ಬಿಲ್ಲಿಂಗ್ಸ್.

ದುಬೈ ಕ್ಯಾಪಿಟಲ್ಸ್ ರಿಟೈನ್ ಮಾಡಿಕೊಂಡ ಆಟಗಾರರು: ದುಷ್ಮಂತ ಚಮೀರಾ, ಜೋ ರೂಟ್, ರಾಜಾ ಅಕಿಫ್, ರೋವ್​ಮನ್ ಪೊವೆಲ್ ಮತ್ತು ಸಿಕಂದರ್ ರಾಝ.

ಸೀಸನ್-2 ಯಾವಾಗ ಶುರು?

ಇಂಟರ್​​ನ್ಯಾಷನಲ್ ಲೀಗ್ ಟಿ20 ಟೂರ್ನಿಯ 2ನೇ ಸೀಸನ್ ಜನವರಿ 13 ರಿಂದ ಶುರುವಾಗಲಿದ್ದು, ಪೆಬ್ರವರಿ 12 ಕ್ಕೆ ಕೊನೆಗೊಳ್ಳಲಿದೆ. ಆರು ಫ್ರಾಂಚೈಸಿಗಳ ನಡುವಣ ಈ ಟೂರ್ನಿಯಲ್ಲಿ ಒಟ್ಟು 34 ಪಂದ್ಯಗಳನ್ನು ಆಡಲಾಗುತ್ತದೆ.

ಇದನ್ನೂ ಓದಿ: David Warner: ಹೊಸ ವಿಶ್ವ ದಾಖಲೆ ನಿರ್ಮಿಸಿದ ಡೇವಿಡ್ ವಾರ್ನರ್

ಕಣದಲ್ಲಿರುವ ತಂಡಗಳಾವುವು?

1. ಡಿಸರ್ಟ್​ ವೈಪರ್ಸ್​
2. ಗಲ್ಫ್ ಜೈಂಟ್ಸ್
3. ದುಬೈ ಕ್ಯಾಪಿಟಲ್ಸ್
4. ಎಂಐ ಎಮಿರೇಟ್ಸ್​
5. ಶಾರ್ಜಾ ವಾರಿಯರ್ಸ್
6. ಅಬುಧಾಬಿ ನೈಟ್ ರೈಡರ್ಸ್​