ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ನಡೆದ 50ನೇ ಐಪಿಎಲ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ, ಫಾಫ್ ಡುಪ್ಲೆಸಿಸ್ ನಾಯಕತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಏಕಪಕ್ಷೀಯವಾಗಿ ಸೋಲಿಸಿತು. ಈ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಆರ್ಸಿಬಿ ವಿರಾಟ್ ಕೊಹ್ಲಿ ಹಾಗೂ ಮಹಿಪಾಲ್ ಅವರ ಅರ್ಧಶತಕ ನೆರವಿನಿಂದ 4 ವಿಕೆಟ್ ಕಳೆದುಕೊಂಡು 181 ರನ್ ಕಲೆಹಾಕಿತು. ಈ ಗುರಿ ಬೆನ್ನಟ್ಟಿದ ಡೆಲ್ಲಿ ಕೇವಲ 3 ವಿಕೆಟ್ ಕಳೆದುಕೊಂಡು ಇನ್ನೂ 20 ಎಸೆತಗಳು ಬಾಕಿ ಇರುವಂತೆಯೇ ಗೆಲುವಿನ ದಡ ಸೇರಿತು.ವಾಸ್ತವವಾಗಿ ಈ ಪಂದ್ಯದಲ್ಲಿ ಡೆಲ್ಲಿ ಪರ ಕೇವಲ 45 ಎಸೆತಗಳಲ್ಲಿ 87 ರನ್ ಬಾರಿಸಿದ್ದ ಸಾಲ್ಟ್ ಆರಂಭದಲ್ಲೇ ವಿಕೆಟ್ ಕೀಪರ್ ದಿನೇಶ್ ಕಾರ್ತಿಕ್ಗೆ ಕ್ಯಾಚ್ ನೀಡಿದ್ದರು. ಆದರೆ ಕ್ಯಾಚ್ ತೆಗೆದುಕೊಳ್ಳುವಲ್ಲಿ ಕಾರ್ತಿಕ್ ಎಡವಿದರು. ಜೀವದಾನದ ಲಾಭ ಪಡೆದ ಸಾಲ್ಟ್ ಆರ್ಸಿಬಿ ಬೌಲರ್ಗಳನ್ನು ಬೆಂಡೆತ್ತಿದರು. ಇದೇ ಕಾರ್ತಿಕ್ ಲಕ್ನೋ ವಿರುದ್ಧದ ಪಂದ್ಯದಲ್ಲೂ ಆರ್ಸಿಬಿ ಸೋಲಿಗೆ ಕಾರಣರಾಗಿದ್ದರು.
ಆರ್ಸಿಬಿ ನೀಡಿದ 181 ರನ್ಗಳ ಗುರಿಯನ್ನು ಡೆಲ್ಲಿ ತಂಡ 17ನೇ ಓವರ್ನಲ್ಲಿ ಬೆನ್ನಟ್ಟಿ ಗೆಲುವು ಸಾಧಿಸಿತು.
45 ಎಸೆತಗಳಲ್ಲಿ 87 ರನ್ ಬಾರಿಸಿದ್ದ ಸಾಲ್ಟ್ ಕರಣ್ ಬೌಲಿಂಗ್ನಲ್ಲಿ ಕ್ಲೀನ್ ಬೌಲ್ಡ್ ಆದರು. 3ನೇ ವಿಕೆಟ್ ಪತನ
ಸಾಲ್ಟ್ ಹಾಗೂ ರುಸ್ಸೋ ಅದ್ಭುತವಾಗಿ ಬ್ಯಾಟ್ ಮಾಡುತ್ತಿದ್ದಾರೆ. ಸದ್ಯ ಡೆಲ್ಲಿ ಗೆಲುವಿನ ಸನಿಹದಲ್ಲಿದ್ದು, 30 ಎಸೆತಗಳಲ್ಲಿ 16 ರನ್ ಬೇಕು
ರಿಲೆ ರುಸ್ಸೋ 13ನೇ ಓವರ್ನ ಕೊನೆಯ ಎಸೆತದಲ್ಲಿ ಬೌಂಡರಿ ಬಾರಿಸಿದರು ಮತ್ತು ಇದರೊಂದಿಗೆ ದೆಹಲಿಯ 150 ರನ್ ಪೂರ್ಣಗೊಂಡಿತು. ಡೆಲ್ಲಿ ಗೆಲುವಿನ ಸನಿಹದಲ್ಲಿದೆ.
13ನೇ ಓವರ್ ಡೆಲ್ಲಿಗೆ ದೊಡ್ಡ ಓವರ್ ಆಗಿದೆ. ಓವರ್ನಲ್ಲಿ 3 ಸಿಕ್ಸರ್ ಬಂದವು. ಹರ್ಷಲ್ ಪಟೇಲ್ ಅವರ ಈ ಓವರ್ನಲ್ಲಿ ಸಾಲ್ಟ್ ಮೂರನೇ ಮತ್ತು ಐದನೇ ಎಸೆತಗಳಲ್ಲಿ ಸಿಕ್ಸರ್ ಬಾರಿಸಿದರು. ರುಸ್ಸೋ ಓವರ್ನ ಕೊನೆಯ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಆ ಓವರ್ನಲ್ಲಿ 23 ರನ್ ಬಂದವು.
11ನೇ ಓವರ್ ಬೌಲ್ ಮಾಡಲು ಬಂದ ಹರ್ಷಲ್ ಪಟೇಲ್ ಓವರ್ನ ಮೂರನೇ ಎಸೆತದಲ್ಲಿ ಮಾರ್ಷ್ ವಿಕೆಟ್ ಉರುಳಿಸಿದರು.
ಕರಣ್ ಬೌಲ್ ಮಾಡಿದ 9ನೇ ಓವರ್ನಲ್ಲಿ 2 ಬೌಂಡರಿ ಬಾರಿಸಿದ ಸಾಲ್ಟ್ ಅರ್ಧಶತಕ ಪೂರೈಸಿದರೆ, ಇತ್ತ ಡೆಲ್ಲಿ ಕೂಡ 100ರ ಗಡಿ ದಾಟಿದೆ.
ಹಸರಂಗ ಬೌಲ್ ಮಾಡಿದ 8ನೇ ಓವರ್ನ ಮೊದಲ ಎಸೆತದಲ್ಲೇ ಮಾರ್ಷ್ ಬೌಂಡರಿ ಹೊಡೆದರು.
ವಾರ್ನರ್ ವಿಕೆಟ್ ಬಳಿಕ ಬಂದ ಮಾರ್ಷ್ 1 ಸಿಕ್ಸರ್ ಹಾಗೂ 1 ಬೌಂಡರಿ ಮೂಲಕ ಪವರ್ ಪ್ಲೇ ಮುಗಿಸಿದರು. ಡೆಲ್ಲಿ 70/1
ಹೇಜಲ್ವುಡ್ ಬೌಲ್ ಮಾಡಿದ ಪವರ್ ಪ್ಲೇನ ಕೊನೆಯ ಓವರ್ನ ಮೊದಲ ಎಸೆತದಲ್ಲಿ ವಾರ್ನರ್ ವಿಕೆಟ್ ಉರುಳಿಸಿದರು.
5ನೇ ಓವರ್ ಬೌಲ್ ಮಾಡಿದ ಸಿರಾಜ್ 19 ರನ್ ಬಿಟ್ಟುಕೊಟ್ಟರು. ಈ ಓವರ್ನಲ್ಲಿ ಸಾಲ್ಟ್ 2 ಸಿಕ್ಸರ್ ಹಾಗೂ 1 ಬೌಂಡರಿ ಹೊಡೆದರು.
ಹಸರಂಗ ಬೌಲ್ ಮಾಡಿದ 4ನೇ ಓವರ್ನಲ್ಲಿ ವಾರ್ನರ್ 1 ಬೌಂಡರಿ ಹಾಗೂ 1 ಸಿಕ್ಸರ್ ಹೊಡೆದರು.
ಹೇಜಲ್ವುಡ್ ಬೌಲ್ ಮಾಡಿದ 3ನೇ ಓವರ್ನ ಮೊದಲ ಎಸೆತದಲ್ಲೇ ಸಾಲ್ಟ್ ಬೌಂಡರಿ ಹೊಡೆದರೆ, ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು.
ಸಿರಾಜ್ ಬೌಲ್ ಮಾಡಿದ ಮೊದಲ ಓವರ್ನಲ್ಲೇ ವಾರ್ನರ್ 2 ಬೌಂಡರಿ ಹೊಡೆದರು. ಈ ಓವರ್ನಿಂದ 10 ರನ್ ಬಂದವು.
ಕೊಹ್ಲಿ ಹಾಗೂ ಮಹಿಪಾಲ್ ಅವರ ಅರ್ಧಶತಕದ ನೆರವಿನಿಂದ ಆರ್ಸಿಬಿ ನಿಗಧಿತ 20 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 181 ರನ್ ಕಲೆಹಾಕಿತು.
ಡಿಕೆ ಬಳಿಕ ಬ್ಯಾಟಿಂಗ್ಗೆ ಬಂದ ಅನುಜ್ ಎದುರಿಸಿದ ಮೊದಲ ಎಸೆತದಲ್ಲೇ ಸಿಕ್ಸರ್ ಹೊಡೆದರು.
20ನೇ ಓವರ್ನ ಮೊದಲ ಎಸೆತದಲ್ಲೇ ಡಿಕೆ ಬಿಗ್ ಶಾಟ್ ಆಡುವ ಯತ್ನದಲ್ಲಿ ಕ್ಯಾಚಿತ್ತು ಔಟಾದರು.
19ನೇ ಓವರ್ನ 3ನೇ ಎಸೆತದಲ್ಲಿ ಬೌಂಡರಿ ಬಾರಿಸಿದ ಮಹಿಪಾಲ್ ತಮ್ಮ ಚೊಚ್ಚಲ ಅರ್ಧಶತಕ ಪೂರೈಸಿದ್ದಾರೆ.
18ನೇ ಓವರ್ನ 3ನೇ ಎಸೆತದಲ್ಲಿ ಮಹಿಪಾಲ್ ಬೌಂಡರಿ ಹೊಡೆದರೆ, ಕೊನೆಯ ಎಸೆತದಲ್ಲಿ ಡಿಕೆ ಸಿಕ್ಸರ್ ಬಾರಿಸಿದರು.
17ನೇ ಓವರ್ನಲ್ಲಿ ಮಹಿಪಾಲ್ 2 ಬೌಂಡರಿ ಹೊಡೆದರು. ಇದರೊಂದಿಗೆ ಆರ್ಸಿಬಿ 150 ರನ್ ಕೂಡ ಪೂರ್ಣಗೊಂಡಿದೆ.
16ನೇ ಓವರ್ನ ಕೊನೆಯ ಎಸೆತದಲ್ಲಿ ಕೊಹ್ಲಿ ಫೈನ್ ಲೆಗ್ನಲ್ಲಿ ಕ್ಯಾಚಿತ್ತು ಔಟಾದರು. 16 ಓವರ್ಗಳಲ್ಲಿ ಆರ್ಸಿಬಿ 137/3
ಐಪಿಎಲ್ನಲ್ಲಿ ಕೊಹ್ಲಿ 50ನೇ ಅರ್ಧಶತಕ ಸಿಡಿಸಿದರು. 42 ಎಸೆತಗಳಲ್ಲಿ ಕೊಹ್ಲಿ ತಮ್ಮ 50 ರನ್ ಪೂರೈಸಿದ್ದಾರೆ.
ಮಾರ್ಷ್ ಬೌಲ್ ಮಾಡಿದ 15ನೇ ಓವರ್ನ 2ನೇ ಎಸೆತದಲ್ಲಿ ಮಹಿಪಾಲ್ ಡೀಪ್ ಸ್ಕ್ವೇರ್ ಲೆಗ್ನಲ್ಲಿ ಸಿಕ್ಸರ್ ಬಾರಿಸಿದರು.
ಕುಲ್ದೀಪ್ ಬೌಲ್ ಮಾಡಿದ 4ನೇ ಓವರ್ನಲ್ಲಿ ಮಹಿಪಾಲ್ 1 ಸಿಕ್ಸರ್ ಹಾಗೂ 1 ಬೌಂಡರಿ ಹೊಡೆದರು. ಈ ಓವರ್ನಲ್ಲಿ 13 ರನ್ ಬಂದವು.
ಇಶಾಂತ್ ಬೌಲ್ ಮಾಡಿದ 13ನೇ ಓವರ್ನಲ್ಲಿ 1 ಬೌಂಡರಿ ಸೇರಿದಂತೆ 9 ರನ್ ಬಂದವು. ಇದರೊಂದಿಗೆ ಆರ್ಸಿಬಿ ಶತಕ ಕೂಡ ಪೂರೈಸಿತು.
ಕುಲ್ದೀಪ್ ಬೌಲ್ ಮಾಡಿದ 12ನೇ ಓವರ್ನ 4ನೇ ಎಸೆತದಲ್ಲಿ ಮಹಿಪಾಲ್ 79 ಮೀಟರ್ ಉದ್ದದ ಸಿಕ್ಸರ್ ಬಾರಿಸಿದರು.
ಫಾಫ್ ಔಟಾದ ಬಳಿಕ ಬಂದ ಮ್ಯಾಕ್ಸ್ವೆಲ್ ಕೂಡ ಮೊದಲ ಎಸೆತದಲ್ಲೇ ಕೀಪರ್ ಕೈಗೆ ಕ್ಯಾಚಿತ್ತು ಔಟಾದರು.
11ನೇ ಓವರ್ನ 3ನೇ ಎಸೆತವನ್ನು ಬಿಗ್ ಶಾಟ್ ಆಡಲು ಯತ್ನಿಸಿದ ಫಾಫ್ ಡೀಪ್ ಪಾಯಿಂಟ್ನಲ್ಲಿ ಕ್ಯಾಚಿತ್ತು ಔಟಾದರು.
ಅಕ್ಷರ್ ಬೌಲ್ ಮಾಡಿದ 9ನೇ ಓವರ್ನ 5ನೇ ಎಸೆತದಲ್ಲಿ ಫಾಫ್ ಭರ್ಜರಿ ಬೌಂಡರಿ ಬಾರಿಸಿದರು.
ಕುಲ್ದೀಪ್ ಬೌಲ್ ಮಾಡಿದ 8ನೇ ಓವರ್ನ ಮೊದಲ ಎಸೆತದಲ್ಲೇ ಕೊಹ್ಲಿ ಸ್ಕ್ವೇರ್ ಲೆಗ್ನಲ್ಲಿ ಬೌಂಡರಿ ಬಾರಿಸಿದರು.
ಖಲೀಲ್ ಬೌಲ್ ಮಾಡಿದ 6ನೇ ಓವರ್ನ 4ನೇ ಎಸೆತವನ್ನು ಫಾಫ್ ಲಾಂಗ್ ಆಫ್ನಲ್ಲಿ ಸಿಕ್ಸರ್ ಬಾರಿಸಿದರು. ಆ ನಂತರ ಮಿಡ್ ಆನ್ನಲ್ಲಿ ಬೌಂಡರಿ ಕೂಡ ಬಂತು.
ಮುಖೇಶ್ ಬೌಲ್ ಮಾಡಿದ 5ನೇ ಓವರ್ನ 2ನೇ ಎಸೆತದಲ್ಲಿ ಫಾಫ್ ಸ್ಟ್ರೈಟ್ ಹಿಟ್ ಮಾಡಿ ಬೌಂಡರಿ ಹೊಡೆದರು. ಇದಲ್ಲದೆ ಈ ಓವರ್ನಲ್ಲಿ ಇನ್ನೂ 2 ಬೌಂಡರಿ ಬಂದವು
ಆರ್ಸಿಬಿ ಇನ್ನಿಂಗ್ಸ್ನ 4 ಓವರ್ ಮುಗಿದಿದ್ದು ತಂಡದ ಇನ್ನಿಂಗ್ಸ್ ನಿಧಾನವಾಗಿನ ಸಾಗುತ್ತಿದೆ. 4 ಓವರ್ ಅಂತ್ಯಕ್ಕೆ 23/0
ಅಕ್ಷರ್ ಬೌಲ್ ಮಾಡಿದ 2ನೇ ಓವರ್ನ 5ನೇ ಎಸೆತವನ್ನು ಬೌಂಡರಿಗಟ್ಟಿದ ಕೊಹ್ಲಿ, ಐಪಿಎಲ್ನಲ್ಲಿ 7000 ರನ್ ಪೂರೈಸಿದ ಮೊದಲ ಬ್ಯಾಟರ್ ಆಗಿದ್ದಾರೆ.
ಆರ್ಸಿಬಿ ಇನ್ನಿಂಗ್ಸ್ ಆರಂಭಿಸಿದ್ದು, ಖಲೀಲ್ ಬೌಲ್ ಮಾಡಿದ ಮೊದಲ ಓವರ್ನ 2ನೇ ಎಸೆತದಲ್ಲಿ ಕೊಹ್ಲಿ ಮಿಡ್ ಆಫ್ ಕಡೆ ಬೌಂಡರಿ ಹೊಡೆದರು.
ವಿರಾಟ್ ಕೊಹ್ಲಿ, ಫಾಫ್ ಡು ಪ್ಲೆಸಿಸ್, ಅನುಜ್ ರಾವತ್, ಗ್ಲೆನ್ ಮ್ಯಾಕ್ಸ್ವೆಲ್, ಮಹಿಪಾಲ್ ಲೊಮ್ರೋರ್, ದಿನೇಶ್ ಕಾರ್ತಿಕ್, ಕೇದಾರ್ ಜಾದವ್, ವನಿಂದು ಹಸರಂಗಾ, ಕರಣ್ ಶರ್ಮಾ, ಮೊಹಮ್ಮದ್ ಸಿರಾಜ್, ಜಾಸ್ ಹೇಜಲ್ವುಡ್
ಡೇವಿಡ್ ವಾರ್ನರ್, ಫಿಲಿಪ್ ಸಾಲ್ಟ್, ಮಿಚೆಲ್ ಮಾರ್ಷ್, ರಿಲೆ ರೋಸೋ, ಮನೀಶ್ ಪಾಂಡೆ, ಅಮನ್ ಹಕಿಮಿ ಖಾನ್, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ಮುಖೇಶ್ ಕುಮಾರ್, ಇಶಾಂತ್ ಶರ್ಮಾ, ಖಲೀಲ್ ಅಹ್ಮದ್
ವಿಲ್ಲಿ ಬದಲು ಆರ್ಸಿಬಿ ತಂಡ ಸೇರಿಕೊಂಡಿರುವ ಕೇದಾರ್ ಜಾದವ್ ಇಂದು ಆರ್ಸಿಬಿ ಪರ ಕಣಕ್ಕಿಳಿಯುತ್ತಿದ್ದಾರೆ.
ಟಾಸ್ ಗೆದ್ದ ಆರ್ಸಿಬಿ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ.
Published On - 7:01 pm, Sat, 6 May 23