T20 World Cup: ಐಸಿಸಿ ಆಯ್ಕೆ ಮಾಡಿರುವ ಟಿ20 ವಿಶ್ವಕಪ್ ತಂಡಕ್ಕೆ ಬಾಬರ್ ಅಜಂ ನಾಯಕ; ಭಾರತದ ಯಾವ ಆಟಗಾರರಿಗೂ ಸ್ಥಾನವಿಲ್ಲ
T20 World Cup: ICC ಪುರುಷರ T20 ವಿಶ್ವಕಪ್ 2021 ಗಾಗಿ ತನ್ನ ತಂಡವನ್ನು ಪ್ರಕಟಿಸಿದೆ. ICC 12 ಜನರ ತಂಡದಲ್ಲಿ ಒಬ್ಬ ಭಾರತೀಯ ಆಟಗಾರನಿಗೆ ಸ್ಥಾನ ನೀಡಿಲ್ಲ. ತಂಡದ ನಾಯಕತ್ವವನ್ನು ಪಾಕಿಸ್ತಾನಿ ಆಟಗಾರನಿಗೆ ಹಸ್ತಾಂತರಿಸಲಾಗಿದೆ.
ICC ಪುರುಷರ T20 ವಿಶ್ವಕಪ್ 2021 ಗಾಗಿ ತನ್ನ ತಂಡವನ್ನು ಪ್ರಕಟಿಸಿದೆ. ICC 12 ಜನರ ತಂಡದಲ್ಲಿ ಒಬ್ಬ ಭಾರತೀಯ ಆಟಗಾರನಿಗೆ ಸ್ಥಾನ ನೀಡಿಲ್ಲ. ತಂಡದ ನಾಯಕತ್ವವನ್ನು ಪಾಕಿಸ್ತಾನಿ ಆಟಗಾರನಿಗೆ ಹಸ್ತಾಂತರಿಸಲಾಗಿದೆ. ಏಷ್ಯನ್ ದೇಶಗಳ 4 ಆಟಗಾರರು ಮಾತ್ರ ಐಸಿಸಿ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಉಳಿದ ಆಟಗಾರರು ಇಂಗ್ಲೆಂಡ್, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್ ಮತ್ತು ದಕ್ಷಿಣ ಆಫ್ರಿಕಾದವರು. ಎರಡು ಬಾರಿಯ ಟಿ20 ವಿಶ್ವಕಪ್ ಚಾಂಪಿಯನ್ ವೆಸ್ಟ್ ಇಂಡೀಸ್ನಿಂದಲೂ ಯಾವೊಬ್ಬ ಆಟಗಾರನೂ ತಂಡದಲ್ಲಿ ಸ್ಥಾನ ಪಡೆದಿಲ್ಲ.
ಐಸಿಸಿ ತನ್ನ ತಂಡದ 12ನೇ ಆಟಗಾರನಾಗಿ ಪಾಕಿಸ್ತಾನದ ವೇಗದ ಬೌಲರ್ ಶಾಹೀನ್ ಅಫ್ರಿದಿ ಅವರನ್ನು ಆಯ್ಕೆ ಮಾಡಿದೆ. ಭಾರತ ವಿರುದ್ಧದ ಪಂದ್ಯವನ್ನು ಗೆಲ್ಲುವಲ್ಲಿ ಪಾಕಿಸ್ತಾನದ ಪರವಾಗಿ ಶಾಹೀನ್ ಪ್ರಮುಖ ಪಾತ್ರ ವಹಿಸಿದ್ದರು. ಆ ಪಂದ್ಯದಲ್ಲಿ ಅವರು ರೋಹಿತ್, ವಿರಾಟ್ ಮತ್ತು ರಾಹುಲ್ ಮೂವರೂ ಸ್ಟಾರ್ಗಳ ವಿಕೆಟ್ ಪಡೆದರು. ಈ 3 ವಿಕೆಟ್ಗಳೊಂದಿಗೆ ಶಾಹೀನ್ ಟೂರ್ನಿಯಲ್ಲಿ 24.14ರ ಸರಾಸರಿಯಲ್ಲಿ ಒಟ್ಟು 7 ವಿಕೆಟ್ ಪಡೆದರು.
Moeen Ali & @josbuttler named in the @ICC team of the men’s @T20WorldCup. @babarazam258 is the captain of a side including 3 players from champions #Australia. #bbccricket #T20WorldCupFinal pic.twitter.com/INn2zvTYVp
— Test Match Special (@bbctms) November 15, 2021
ಆರಂಭಿಕರು: ಡೇವಿಡ್ ವಾರ್ನರ್ ಮತ್ತು ಜೋಸ್ ಬಟ್ಲರ್
ಐಸಿಸಿ, ಸ್ಫೋಟಕ ಆಟಗಾರ ಡೇವಿಡ್ ವಾರ್ನರ್ ಮತ್ತು ಜೋಸ್ ಬಟ್ಲರ್ ಅವರನ್ನು ಎಡಗೈ ಮತ್ತು ಬಲಗೈ ಸಂಯೋಜನೆಯೊಂದಿಗೆ ತಮ್ಮ ತಂಡದ ಆರಂಭಿಕ ಆಟಗಾರರನ್ನಾಗಿ ಆಯ್ಕೆ ಮಾಡಿದೆ. ಎಡಗೈ ಆಟಗಾರ ವಾರ್ನರ್ ಟೂರ್ನಿಯ ಟಾಪ್ ಸ್ಕೋರರ್ ಆಗಿದ್ದಾರೆ. 48.16ರ ಸರಾಸರಿಯಲ್ಲಿ 289 ರನ್ ಗಳಿಸಿದ್ದಾರೆ. ಮತ್ತೊಂದೆಡೆ, ಬಲಗೈ ಬ್ಯಾಟರ್ ಬಟ್ಲರ್ 89.66 ಸರಾಸರಿಯೊಂದಿಗೆ 269 ರನ್ ಗಳಿಸಿದ್ದಾರೆ.
ಮಧ್ಯಮ ಕ್ರಮಾಂಕ: ಬಾಬರ್ ಅಜಮ್ (ನಾಯಕ), ಚರಿತ್ ಅಸಲಂಕಾ, ಏಡನ್ ಮರ್ಕ್ರಂ
ಐಸಿಸಿ ತನ್ನ ತಂಡದ ಮಧ್ಯಮ ಕ್ರಮಾಂಕದಲ್ಲಿ ಒನ್ ಡೌನ್ ಬ್ಯಾಟ್ಸ್ಮನ್ ಆಗಿ ಬಾಬರ್ ಅಜಮ್ ಅವರನ್ನು ಆಯ್ಕೆ ಮಾಡಿದೆ. ಇದರೊಂದಿಗೆ ಬಾಬರ್ಗೆ ನಾಯಕತ್ವದ ಜವಾಬ್ದಾರಿಯನ್ನೂ ನೀಡಲಾಗಿದೆ. ಪಾಕಿಸ್ತಾನದ ನಾಯಕ 60.60 ಸರಾಸರಿಯಲ್ಲಿ ಟೂರ್ನಿಯಲ್ಲಿ ಗರಿಷ್ಠ 303 ರನ್ ಗಳಿಸಿದ್ದಾರೆ.
ಶ್ರೀಲಂಕಾದ ಚರಿತ್ ಅಸಲಂಕಾ ಕೂಡ ಸಾಕಷ್ಟು ಪ್ರಭಾವ ಬೀರಿದ್ದಾರೆ. ಅವರು 46.20 ಸರಾಸರಿಯಲ್ಲಿ 231 ರನ್ ಗಳಿಸಿದ್ದಾರೆ. ಟೂರ್ನಿಯಲ್ಲಿ ಶ್ರೀಲಂಕಾ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಲ್ಲಿ ಅಸಲಂಕಾ ಸೇರಿದ್ದಾರೆ. ದಕ್ಷಿಣ ಆಫ್ರಿಕಾದ ಏಡನ್ ಮಾರ್ಕ್ರಾಮ್ ಅವರು ಪಂದ್ಯಾವಳಿಯಲ್ಲಿ 54 ರ ಸರಾಸರಿಯಲ್ಲಿ 162 ರನ್ ಗಳಿಸಿದ್ದಾರೆ. ಮತ್ತು, ಅವರು ICC ತಂಡದಲ್ಲಿ 5 ನೇ ಬ್ಯಾಟ್ಸ್ಮನ್ ಆಗಿ ಆಯ್ಕೆಯಾಗಿದ್ದಾರೆ.
ಆಲ್ ರೌಂಡರ್: ಮೊಯಿನ್ ಅಲಿ
ಐಸಿಸಿ ತನ್ನ ತಂಡದ ಆಲ್ರೌಂಡರ್ ಆಗಿ ಇಂಗ್ಲೆಂಡ್ನ ಮೊಯಿನ್ ಅಲಿ ಅವರನ್ನು ಆಯ್ಕೆ ಮಾಡಿದೆ. ಅವರು 131. 42 ರ ಸ್ಟ್ರೈಕ್ ರೇಟ್ನಲ್ಲಿ 92 ರನ್ ಗಳಿಸಿದ್ದಾರೆ ಮತ್ತು 11 ರ ಸರಾಸರಿಯಲ್ಲಿ ಬಾಲ್ನೊಂದಿಗೆ 7 ವಿಕೆಟ್ಗಳನ್ನು ಪಡೆದಿದ್ದಾರೆ.
ಬೌಲರ್ಗಳು: ವನಿಂದು ಹಸರಂಗಾ, ಆಡಮ್ ಝಂಪಾ, ಜೋಶ್ ಹ್ಯಾಜಲ್ವುಡ್, ಟ್ರೆಂಟ್ ಬೌಲ್ಟ್, ಎನ್ರಿಕ್ ನಾರ್ಕಿಯಾ
ಬೌಲಿಂಗ್ ಲೈನ್ ಅಪ್ನಲ್ಲಿ ಇಬ್ಬರು ಸ್ಪಿನ್ನರ್ಗಳು ಮತ್ತು ಮೂವರು ವೇಗದ ಬೌಲರ್ಗಳಿಗೆ ಐಸಿಸಿ ಸ್ಥಾನ ನೀಡಿದೆ. ಶ್ರೀಲಂಕಾದ ಹಸರಂಗ 16 ವಿಕೆಟ್ಗಳೊಂದಿಗೆ ಟೂರ್ನಿಯ ಅತ್ಯಂತ ಯಶಸ್ವಿ ಬೌಲರ್ ಎನಿಸಿಕೊಂಡರು. ಈ ಸಂಚಿಕೆಯಲ್ಲಿ ಆಸ್ಟ್ರೇಲಿಯಾದ ಸ್ಪಿನ್ನರ್ ಝಂಪಾ 13 ವಿಕೆಟ್ಗಳೊಂದಿಗೆ ಅವರ ಹಿಂದೆಯೇ ಉಳಿದರು. ಆಸ್ಟ್ರೇಲಿಯದ ವೇಗದ ಬೌಲರ್ ಜೋಶ್ ಹ್ಯಾಜಲ್ವುಡ್ 11 ವಿಕೆಟ್ ಪಡೆದರು. ನ್ಯೂಜಿಲೆಂಡ್ ಪರ ಟ್ರೆಂಟ್ ಬೌಲ್ಟ್ 13 ವಿಕೆಟ್ ಪಡೆದರೆ, ದಕ್ಷಿಣ ಆಫ್ರಿಕಾದ ಎನ್ರಿಕ್ ನಾರ್ಕಿಯಾ 11.55 ಸರಾಸರಿಯಲ್ಲಿ 9 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು.
Published On - 2:47 pm, Mon, 15 November 21