2025 ರ ಚಾಂಪಿಯನ್ಸ್ ಟ್ರೋಫಿಗೆ ಅರ್ಹತೆ ಪಡೆದ 8 ತಂಡಗಳು ಯಾವ್ಯಾವು ಗೊತ್ತಾ?
ICC Champions Trophy 2025: ವಿಶ್ವಕಪ್ನ ಲೀಗ್ ಸುತ್ತಿನ ಬಳಿಕ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ 8 ಸ್ಥಾನ ಪಡೆಯುವ ತಂಡಗಳು ಚಾಂಪಿಯನ್ಸ್ ಟ್ರೋಫಿಗೆ ಅರ್ಹತೆ ಪಡೆಯಲ್ಲಿವೆ ಎಂದು ಈ ಹಿಂದೆ ಐಸಿಸಿ ಹೇಳಿತ್ತು. ಅದರಂತೆ ಈಗ ಏಕದಿನ ವಿಶ್ವಕಪ್ನ ಲೀಗ್ ಸುತ್ತು ಮುಗಿದಿದ್ದು, ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ 8 ಸ್ಥಾನ ಪಡೆದಿರುವ ತಂಡಗಳ ಬಗ್ಗೆಯೂ ಖಚಿತತೆ ಸಿಕ್ಕಿದೆ.
Updated on: Nov 13, 2023 | 9:51 AM
ಐಸಿಸಿ ಏಕದಿನ ವಿಶ್ವಕಪ್ 2023ರ (ICC ODI World Cup 2023) ಲೀಗ್ ಹಂತ ಇದೀಗ ಮುಕ್ತಾಯಗೊಂಡಿದೆ. ವಿಶ್ವಕಪ್ 2023 ರ ಲೀಗ್ ಹಂತದ ಕೊನೆಯ ಪಂದ್ಯ ಭಾರತ ಮತ್ತು ನೆದರ್ಲ್ಯಾಂಡ್ಸ್ (India Vs Netherlands) ನಡುವೆ ನಡೆಯಿತು. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಭಾರತ 160 ರನ್ಗಳಿಂದ ಡಚ್ ತಂಡವನ್ನು ಸೋಲಿಸಿತು. ಇಂತಹ ಪರಿಸ್ಥಿತಿಯಲ್ಲಿ ರೋಹಿತ್ ಸೇನೆಗೆ ವಿಶ್ವಕಪ್ನಲ್ಲಿ ಇದು ಸತತ 9ನೇ ಗೆಲುವಾಗಿದ್ದರೆ, ಇತ್ತ ಭಾರತವನ್ನು ಮಣಿಸಿ 2025ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ (2025 ICC Champions Trophy) ಸ್ಥಾನ ಗಿಟ್ಟಿಸಿಕೊಳ್ಳುವ ಇರಾದೆಯಲ್ಲಿದ್ದ ನೆದರ್ಲೆಂಡ್ಸ್ ತಂಡಕ್ಕೆ ನಿರಾಸೆ ಎದುರಾಗಿದೆ. ಮೇಲೆ ಹೇಳಿದಂತೆ ಈ ವಿಶ್ವಕಪ್ನ ಲೀಗ್ ಸುತ್ತು ಮುಗಿದಿದ್ದು ಬುಧವಾರದಿಂದ ಸೆಮಿಫೈನಲ್ ಸುತ್ತು ಆರಂಭವಾಗಲಿದೆ. ಲೀಗ್ ಸುತ್ತು ಅಂತ್ಯಗೊಳ್ಳುವುದರೊಂದಿಗೆ 2025 ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಗೆ ಅರ್ಹತೆ ಪಡೆದ 8 ತಂಡಗಳ ಪಟ್ಟಿಯೂ ಹೊರಬಿದ್ದಿದೆ.
ಅಗ್ರ 8 ತಂಡಗಳಿಗೆ ಆಧ್ಯತೆ
ವಾಸ್ತವವಾಗಿ 2025 ರಲ್ಲಿ ನಡೆಯಲ್ಲಿರವ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯನ್ನು 8 ತಂಡಗಳ ನಡುವೆ ಆಡಿಸಲಾಗುತ್ತಿದೆ. ಇನ್ನು ಈ ಟೂರ್ನಿಯಲ್ಲಿ ಆಡಲ್ಲಿರುವ 8 ತಂಡಗಳನ್ನು ಈ ಭಾರಿಯ ವಿಶ್ವಕಪ್ನಲ್ಲಿ ಆಯ್ಕೆ ಮಾಡಲಾಗಿದೆ. ವಿಶ್ವಕಪ್ನ ಲೀಗ್ ಸುತ್ತಿನ ಬಳಿಕ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ 8 ಸ್ಥಾನ ಪಡೆಯುವ ತಂಡಗಳು ಚಾಂಪಿಯನ್ಸ್ ಟ್ರೋಫಿಗೆ ಅರ್ಹತೆ ಪಡೆಯಲ್ಲಿವೆ ಎಂದು ಈ ಹಿಂದೆ ಐಸಿಸಿ ಹೇಳಿತ್ತು. ಅದರಂತೆ ಈಗ ಏಕದಿನ ವಿಶ್ವಕಪ್ನ ಲೀಗ್ ಸುತ್ತು ಮುಗಿದಿದ್ದು, ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ 8 ಸ್ಥಾನ ಪಡೆದಿರುವ ತಂಡಗಳ ಬಗ್ಗೆಯೂ ಖಚಿತತೆ ಸಿಕ್ಕಿದೆ. ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ 8 ಸ್ಥಾನ ಪಡೆದಿರುವ ತಂಡಗಳನ್ನು ನೋಡುವುದಾದರೆ..
8 ತಂಡಗಳ ನಡುವೆ ಪಾಕಿಸ್ತಾನದಲ್ಲಿ ನಡೆಯಲ್ಲಿದೆ ಚಾಂಪಿಯನ್ಸ್ ಟ್ರೋಫಿ
ತಂಡಗಳು ಇಂತಿವೆ
- ಭಾರತ
- ದಕ್ಷಿಣ ಆಫ್ರಿಕಾ
- ಆಸ್ಟ್ರೇಲಿಯಾ
- ನ್ಯೂಜಿಲೆಂಡ್
- ಪಾಕಿಸ್ತಾನ
- ಅಫ್ಘಾನಿಸ್ತಾನ
- ಇಂಗ್ಲೆಂಡ್
- ಬಾಂಗ್ಲಾದೇಶ
ಪಾಕಿಸ್ತಾನದ ಆತಿಥ್ಯ
2025 ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಪಾಕಿಸ್ತಾನದಲ್ಲಿ ನಡೆಯಲಿದೆ. ಆದ್ದರಿಂದ ಆತಿಥೇಯ ರಾಷ್ಟ್ರದ ಕಾರಣ, ಪಾಕಿಸ್ತಾನವು ಸ್ವಯಂಚಾಲಿತವಾಗಿ ಅರ್ಹತೆ ಪಡೆದಿದೆ. ಪಾಕಿಸ್ತಾನ ಹೊರತುಪಡಿಸಿ ವಿಶ್ವಕಪ್ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ 7 ಸ್ಥಾನ ಪಡೆದಿರುವ ತಂಡಗಳು ಚಾಂಪಿಯನ್ಸ್ ಟ್ರೋಫಿಗೆ ಅರ್ಹತೆ ಪಡೆದಿವೆ. ಈ ಹಿಂದೆ ಇಂಗ್ಲೆಂಡ್ ಚಾಂಪಿಯನ್ಸ್ ಟ್ರೋಫಿಯಿಂದ ಹೊರಬೀಳುವ ಆತಂಕದಲ್ಲಿತ್ತು. ಆದರೆ ಕಳೆದ ಎರಡು ಪಂದ್ಯಗಳಲ್ಲಿ ಇಂಗ್ಲೆಂಡ್ ಉತ್ತಮ ಪುನರಾಗಮನ ಮಾಡಿ, ಎರಡೂ ಪಂದ್ಯಗಳನ್ನು ಗೆಲ್ಲುವ ಮೂಲಕ ಕೊನೆಯ ಸ್ಥಾನದಿಂದ ನೇರವಾಗಿ 7 ನೇ ಸ್ಥಾನಕ್ಕೆ ಜಿಗಿದಿದೆ.
ಕಳೆದ ಬಾರಿ ಇಂಗ್ಲೆಂಡ್ನಲ್ಲಿ ಚಾಂಪಿಯನ್ಸ್ ಟ್ರೋಫಿ ಆಯೋಜಿಸಲಾಗಿತ್ತು. ಆ ಆವೃತ್ತಿಯಲ್ಲಿ ಅಂದರೆ 2017ರಲ್ಲಿ ಪಾಕಿಸ್ತಾನ ಚಾಂಪಿಯನ್ಸ್ ಟ್ರೋಫಿ ಗೆದ್ದಿತ್ತು. ಅಂದಿನಿಂದ ಒಮ್ಮೆಯೂ ಚಾಂಪಿಯನ್ಸ್ ಟ್ರೋಫಿ ಆಯೋಜಿಸಿರಲಿಲ್ಲ. 8 ವರ್ಷಗಳ ನಂತರ ಈ ಮೆಗಾ ಐಸಿಸಿ ಟೂರ್ನಿಯನ್ನು 2025ರಲ್ಲಿ ಪಾಕಿಸ್ತಾನದಲ್ಲಿ ಆಯೋಜಿಸಲಾಗುವುದು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
