ICC: ಬರೋಬ್ಬರಿ 183 ಅಂತಾರಾಷ್ಟ್ರೀಯ ಪಂದ್ಯಗಳು! 2027ರವರೆಗೆ ಟೀಂ ಇಂಡಿಯಾಗೆ ಬಿಡುವೇ ಇಲ್ಲ
ICC: ಕಳೆದ ಎಫ್‌ಟಿಪಿಯಲ್ಲಿ 151 ಟೆಸ್ಟ್‌ಗಳು, 241 ಏಕದಿನ ಪಂದ್ಯಗಳು ಮತ್ತು 301 T20 ಪಂದ್ಯಗಳು ಇದ್ದವು. ಆದರೆ ಈ ಬಾರಿ 173 ಟೆಸ್ಟ್, 281 ಏಕದಿನ, 326 ಟಿ20 ಪಂದ್ಯಗಳು ನಡೆಯಲಿವೆ.
rohit sharma
Updated on: Aug 17, 2022 | 5:01 PM
ಐಸಿಸಿಯ (ICC) ಬಿಡುವಿಲ್ಲದ ವೇಳಾಪಟ್ಟಿಯಿಂದ ಬೇಸತ್ತಿರುವ ಹಲವು ಕ್ರಿಕೆಟಿಗರು ಈಗಾಗಲೇ ಒಂದು ಮಾದರಿಯ ಕ್ರಿಕೆಟ್ಗೆ ವಿದಾಯ ಹೇಳಲು ಆರಂಭ ಮಾಡಿದ್ದಾರೆ. ಅದಕ್ಕೆ ತಾಜಾ ಉದಾಹರಣೆ ಎಂದರೆ, ಇತ್ತೀಚೆಗೆ ಏಕದಿನ ಕ್ರಿಕೆಟ್ಗೆ ವಿದಾಯ ಹೇಳಿದ ಬೆನ್ ಸ್ಟೋಕ್ಸ್ (Ben Stokes). ವಿದಾಯದ ಸಂದರ್ಭದಲ್ಲಿ ಸ್ಟೋಕ್ಸ್ ಬಿಡುವಿಲ್ಲದ ವೇಳಾಪಟ್ಟಿ ನನ್ನ ಈ ನಿರ್ಧಾರಕ್ಕೆ ಕಾರಣ ಎಂಬ ಹೇಳಿಕೆ ನೀಡಿದ್ದರು. ಸ್ಟೋಕ್ಸ್ ಅವರ ಈ ನಿರ್ಧಾರವು ಇಂಗ್ಲೆಂಡ್ ತಂಡಕ್ಕೆ ದೊಡ್ಡ ಹೊಡೆತವನ್ನು ನೀಡಿತು. ಆದರೆ ಸ್ಟೋಕ್ಸ್ ನಿರ್ಧಾರ ಇನ್ನೂ ಐಸಿಸಿ ಮತ್ತು ಇತರ ಕ್ರಿಕೆಟ್ ಮಂಡಳಿಗಳ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ ಎಂದೆನಿಸುತ್ತಿದೆ. ವಾಸ್ತವವಾಗಿ, ICC ಇಂದು 2027ರ ವರೆಗಿನ ಕ್ರಿಕೆಟ್ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಹೀಗಾಗಿ ಐಸಿಸಿಯ ಹೊಸ ವೇಳಾಪಟ್ಟಿ ಅನೇಕ ಕ್ರಿಕೆಟಿಗರು ಬೆವರುವಂತೆ ಮಾಡಿದೆ. ಇದಕ್ಕೆ ಪ್ರಮುಖ ಕಾರಣ ಪಂದ್ಯಗಳ ಸಂಖ್ಯೆಯಲ್ಲಿ ಏರಿಕೆಯಾಗಿರುವುದು.
- ವಾಸ್ತವವಾಗಿ, ಬುಧವಾರ ಐಸಿಸಿ ಬಿಡುಗಡೆ ಮಾಡಿದ ಎಫ್‌ಟಿಪಿ 2023-27 ರಲ್ಲಿ, ಪಂದ್ಯಗಳ ಸಂಖ್ಯೆ ಕಳೆದ ಬಾರಿಗಿಂತ ಹೆಚ್ಚಾಗಿದೆ. ಅಂದರೆ ಮುಂದಿನ ಐದು ವರ್ಷಗಳಲ್ಲಿ 777 ಅಂತಾರಾಷ್ಟ್ರೀಯ ಪಂದ್ಯಗಳು ನಡೆಯಲಿವೆ. ಈ ಅವಧಿಯಲ್ಲಿ 2 ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್, 2 ಏಕದಿನ ವಿಶ್ವಕಪ್, 2 T20 ವಿಶ್ವಕಪ್ ಮತ್ತು ಚಾಂಪಿಯನ್ಸ್ ಟ್ರೋಫಿ ಕೂಡ ಇರುತ್ತದೆ.
- ಕಳೆದ ಎಫ್‌ಟಿಪಿಯಲ್ಲಿ 151 ಟೆಸ್ಟ್‌ಗಳು, 241 ಏಕದಿನ ಪಂದ್ಯಗಳು ಮತ್ತು 301 T20 ಪಂದ್ಯಗಳು ಇದ್ದವು. ಆದರೆ ಈ ಬಾರಿ 173 ಟೆಸ್ಟ್, 281 ಏಕದಿನ, 326 ಟಿ20 ಪಂದ್ಯಗಳು ನಡೆಯಲಿವೆ. ಹೊಸ ಎಫ್‌ಟಿಪಿಯಲ್ಲಿ, ಹಿಂದಿನ ವೇಳಾಪಟ್ಟಿಗಿಂತ 22 ಟೆಸ್ಟ್, 40 ಏಕದಿನ ಮತ್ತು 25 T20 ಪಂದ್ಯಗಳನ್ನು ಹೆಚ್ಚಾಗಿ ಆಡಲಾಗುತ್ತದೆ.
- ಭಾರತದ ಬಗ್ಗೆ ಮಾತನಾಡುವುದಾದರೆ, ಹೊಸ ಎಫ್‌ಟಿಪಿ ಪ್ರಕಾರ, ಟೀಮ್ ಇಂಡಿಯಾ 2023 ರಿಂದ ಫೆಬ್ರವರಿ 2027 ರವರೆಗೆ 44 ಟೆಸ್ಟ್, 63 ಏಕದಿನ ಮತ್ತು 76 T20 ಪಂದ್ಯಗಳನ್ನು ಆಡಲಿದೆ. ಈಗಿನ ವೇಳಾಪಟ್ಟಿಯ ಪ್ರಕಾರ ಟೀಮ್ ಇಂಡಿಯಾ ಏಪ್ರಿಲ್ 2027 ರವರೆಗೆ ಪ್ರತಿ ತಿಂಗಳು ಮೈದಾನದಲ್ಲಿ ಕಾಣಿಸಿಕೊಳ್ಳಲ್ಲಿದೆ. ಆದರೆ ಆಗಸ್ಟ್ 2024 ರಲ್ಲಿ ಮಾತ್ರ ಟೀಮ್ ಇಂಡಿಯಾ ಯಾವುದೇ ದೇಶದೆದುರು ಸರಣಿಯನ್ನು ಆಡುವುದಿಲ್ಲ.
- 2023ರ ವಿಶ್ವಕಪ್‌ಗೂ ಮುನ್ನ ಭಾರತ ತಂಡ 27 ಏಕದಿನ ಪಂದ್ಯಗಳನ್ನು ಆಡಲಿದೆ. 2023-25ರ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಟೀಮ್ ಇಂಡಿಯಾ ತವರಿನಲ್ಲಿ 10 ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ಬಳಿಕ ವಿದೇಶದಲ್ಲಿ 9 ಟೆಸ್ಟ್ ಪಂದ್ಯಗಳನ್ನು ಆಡಲಿದೆ.
- ವೆಸ್ಟ್ ಇಂಡೀಸ್, ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ಭಾರತ ತಂಡ ತಲಾ 2 ಟೆಸ್ಟ್ ಪಂದ್ಯಗಳ ಸರಣಿಯನ್ನು ಆಡಲಿದೆ. ತವರಿನಲ್ಲಿ ಇಂಗ್ಲೆಂಡ್ ವಿರುದ್ಧ 5, ಬಾಂಗ್ಲಾದೇಶ ವಿರುದ್ಧ 2 ಮತ್ತು ನ್ಯೂಜಿಲೆಂಡ್ ವಿರುದ್ಧ 3 ಟೆಸ್ಟ್ ಪಂದ್ಯಗಳ ಸರಣಿ ನಡೆಯಲಿದೆ. ಹಾಗೆಯೇ, ಡಿಸೆಂಬರ್ 2024 ರಲ್ಲಿ ಟೀಂ ಇಂಡಿಯಾ ಆಸ್ಟ್ರೇಲಿಯಾ ಪ್ರವಾಸದಲ್ಲಿ 5 ಟೆಸ್ಟ್ ಪಂದ್ಯಗಳ ಸರಣಿಯನ್ನು ಆಡಲಿದೆ.
ಇದನ್ನೂ ಓದಿ
Related Stories
ಸುದೀಪ್ ಹೇಳಿದ ಒಂದೇ ಮಾತಿಗೆ ಉಗ್ರಂ ಮಂಜು, ಗೌತಮಿ ನಡುವಿನ ಸ್ನೇಹ ಕಟ್
ಅಂಬರೀಶ್ ಪುಣ್ಯಸ್ಮರಣೆ, ಸಮಾಧಿಗೆ ಪೂಜೆ ಮಾಡಿದ ಸುಮಲತಾ ಅಂಬರೀಶ್
ಮೊಮ್ಮಗ ನಿಖಿಲ್ ಸೋಲಿನ ಬಗ್ಗೆ ದೇವೇಗೌಡರ ಮೊದಲ ಪ್ರತಿಕ್ರಿಯೆ ಹೇಗಿತ್ತು ನೋಡಿ
ಸಮುದ್ರಕ್ಕೆ ಹಾರಿದ ಯುವತಿ, ರೋಚಕ ರಕ್ಷಣಾ ಕಾರ್ಯಾಚರಣೆ ಹೀಗಿತ್ತು ನೋಡಿ
ನಾಥನ್ ಲಿಯಾನ್ ಹೆಣೆದ ಬಲೆಗೆ ಬಿದ್ದ ರಿಷಭ್ ಪಂತ್
ಆಸ್ಟ್ರೇಲಿಯಾ ಪಾಲಿಗೆ ದುಬಾರಿಯಾದ ಖ್ವಾಜಾ ಕೈಬಿಟ್ಟ ಕ್ಯಾಚ್
ಮಹಾರಾಷ್ಟ್ರ: ಸ್ವತಂತ್ರ ಅಭ್ಯರ್ಥಿಯ ವಿಜಯೋತ್ಸವದ ವೇಳೆ ಅಗ್ನಿ ಅವಘಡ
ಸಂಭಾಲ್ ಜಾಮಾ ಮಸೀದಿ ಸಮೀಕ್ಷೆ ವೇಳೆ ಕಲ್ಲು ತೂರಾಟ
ಹಾರ್ದಿಕ್ ಪಾಂಡ್ಯ ತೂಫಾನ್ಗೆ ಎದುರಾಳಿ ತಂಡ ತತ್ತರ
ಇನ್ನು ಮುಂದೆ ಸುಮ್ಮನಿರಲ್ಲ: ಚೈತ್ರಾ-ಮೋಕ್ಷಿತಾಗೆ ತ್ರಿವಿಕ್ರಮ್ ಸವಾಲು
