ICC U19 World Cup: ಅಫ್ಘನ್ ತಂಡಕ್ಕೆ ವೀಸಾ ವಿಳಂಬ; ಅಂಡರ್-19 ಕ್ರಿಕೆಟ್ ವಿಶ್ವಕಪ್ ವೇಳಾಪಟ್ಟಿಯಲ್ಲಿ ಬದಲಾವಣೆ!

ICC U19 World Cup: ವೆಸ್ಟ್ ಇಂಡೀಸ್‌ಗೆ ಅಫ್ಘಾನಿಸ್ತಾನ U19 ಕ್ರಿಕೆಟ್ ತಂಡ ತಡವಾಗಿ ಆಗಮನದ ಕಾರಣ, ICC ಅಂಡರ್ 19 ವಿಶ್ವಕಪ್ 2022 ರ C ಗುಂಪಿನ ವೇಳಾಪಟ್ಟಿಯನ್ನು ಬದಲಾಯಿಸಬೇಕಾಗಿದೆ.

ICC U19 World Cup: ಅಫ್ಘನ್ ತಂಡಕ್ಕೆ ವೀಸಾ ವಿಳಂಬ; ಅಂಡರ್-19 ಕ್ರಿಕೆಟ್ ವಿಶ್ವಕಪ್ ವೇಳಾಪಟ್ಟಿಯಲ್ಲಿ ಬದಲಾವಣೆ!
ಅಫ್ಘನ್ ತಂಡ

ವೆಸ್ಟ್ ಇಂಡೀಸ್‌ಗೆ ಅಫ್ಘಾನಿಸ್ತಾನ U19 ಕ್ರಿಕೆಟ್ ತಂಡ ತಡವಾಗಿ ಆಗಮನದ ಕಾರಣ, ICC ಅಂಡರ್ 19 ವಿಶ್ವಕಪ್ 2022 ರ C ಗುಂಪಿನ ವೇಳಾಪಟ್ಟಿಯನ್ನು ಬದಲಾಯಿಸಬೇಕಾಗಿದೆ. ICC ಟೂರ್ನಮೆಂಟ್ ತಾಂತ್ರಿಕ ಸಮಿತಿಯು ವೇಳಾಪಟ್ಟಿಯಲ್ಲಿ ಬದಲಾವಣೆಯನ್ನು ಅನುಮೋದಿಸಿದೆ. ಐಸಿಸಿಯು ಅಫ್ಘಾನಿಸ್ತಾನದ ಗುಂಪಿನಿಂದ ಆರು ಪಂದ್ಯಗಳಲ್ಲಿ ನಾಲ್ಕನ್ನು ಬದಲಿಸಬೇಕಾಗಿತ್ತು. ಅಂಡರ್-19 ವಿಶ್ವಕಪ್ ಜನವರಿ 14 ರಂದು ವೆಸ್ಟ್ ಇಂಡೀಸ್ ಮತ್ತು ಆಸ್ಟ್ರೇಲಿಯಾ ನಡುವಿನ ಪಂದ್ಯದೊಂದಿಗೆ ಪ್ರಾರಂಭವಾಗಲಿದೆ. ಅದೇ ದಿನ ಶ್ರೀಲಂಕಾ ಮತ್ತು ಸ್ಕಾಟ್ಲೆಂಡ್ ಕೂಡ ಪೈಪೋಟಿ ನಡೆಸಲಿವೆ. ಭಾರತ ತಂಡ ತನ್ನ ಮೊದಲ ಪಂದ್ಯವನ್ನು ದಕ್ಷಿಣ ಆಫ್ರಿಕಾ ವಿರುದ್ಧ ಜನವರಿ 15 ರಂದು ಆಡಲಿದೆ.

ಐಸಿಸಿ ಹೇಳಿಕೆಯಲ್ಲಿ, ‘ಪ್ರಯಾಣಕ್ಕೆ ಅಗತ್ಯವಾದ ವೀಸಾವನ್ನು ಪಡೆದ ನಂತರ, ಅಫ್ಘಾನಿಸ್ತಾನ ತಂಡವು ವೆಸ್ಟ್ ಇಂಡೀಸ್‌ಗೆ ತಲುಪುತ್ತದೆ ಮತ್ತು ಕ್ವಾರಂಟೈನ್ ಅವಧಿಯನ್ನು ಪೂರ್ಣಗೊಳಿಸುತ್ತದೆ. ಅಫ್ಘಾನಿಸ್ತಾನವು ಅಗತ್ಯವಿರುವ ವೀಸಾವನ್ನು ಪಡೆದುಕೊಂಡಿದೆ ಮತ್ತು ಪಂದ್ಯಾವಳಿಯಲ್ಲಿ ಭಾಗವಹಿಸಲು ನಮಗೆ ಸಂತೋಷವಾಗಿದೆ. ‘ಸಿ’ ಗುಂಪಿನ ವೇಳಾಪಟ್ಟಿಯಲ್ಲಿ ಬದಲಾವಣೆ ಮಾಡಿದ್ದು, ನಿಗದಿತ ಅವಧಿಯೊಳಗೆ ಎಲ್ಲ ಪಂದ್ಯಗಳು ನಡೆಯಲಿವೆ. ಸಹಕರಿಸಿದ ಎಲ್ಲಾ ಸ್ಪರ್ಧಾಕಾಂಕ್ಷಿಗಳಿಗೆ ನಾವು ಧನ್ಯವಾದಗಳನ್ನು ಅರ್ಪಿಸುತ್ತೇವೆ ಎಂದಿದ್ದಾರೆ.

ಅಫ್ಘಾನ್​ಗೆ ಅಭ್ಯಾಸ ಪಂದ್ಯವನ್ನು ಆಡಲು ಸಾಧ್ಯವಾಗಲಿಲ್ಲ ಸಮಿತಿಯಲ್ಲಿ ಐಸಿಸಿ ಟೂರ್ನಮೆಂಟ್ ಮುಖ್ಯಸ್ಥ ಕ್ರಿಸ್ ಟೆಟ್ಲಿ, ಐಸಿಸಿ ಹಿರಿಯ ಈವೆಂಟ್ ಮ್ಯಾನೇಜರ್ ಫವಾಜ್ ಬಕ್ಷ್, ಟೂರ್ನಮೆಂಟ್ ನಿರ್ದೇಶಕ ರೋಲ್ಯಾಂಡ್ ಹೋಲ್ಡರ್ ಮತ್ತು ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿಯ ಪ್ರತಿನಿಧಿಗಳಾದ ಅಲನ್ ವಿಲ್ಕಿನ್ಸ್ ಮತ್ತು ರಸೆಲ್ ಅರ್ನಾಲ್ಡ್ ಇದ್ದಾರೆ. ಅಫ್ಘಾನಿಸ್ತಾನ ತಂಡ ವಿಶ್ವಕಪ್‌ಗೆ ತಲುಪಲು ವಿಳಂಬವಾಗಿದೆ. ಇದರಿಂದಾಗಿ ಅವರ ಅಭ್ಯಾಸ ಪಂದ್ಯಗಳನ್ನು ನಡೆಸಲಾಗಲಿಲ್ಲ. ಈಗ ತಂಡವು ಅಭ್ಯಾಸ ಪಂದ್ಯಗಳಿಲ್ಲದೆ ವಿಶ್ವಕಪ್‌ನಲ್ಲಿ ಆಡಲಿದೆ ಎಂದಿದ್ದಾರೆ.

ಏಳನೇ ಬಾರಿಗೆ ಅಂಡರ್-19 ವಿಶ್ವಕಪ್‌ನಲ್ಲಿ ಅಫ್ಘಾನ್ ತಂಡ ಹೊಸ ವೇಳಾಪಟ್ಟಿಯ ಪ್ರಕಾರ, ಅಫ್ಘಾನಿಸ್ತಾನದ ಮೊದಲ ಪಂದ್ಯವು ಈಗ ಜನವರಿ 16 ರ ಬದಲಿಗೆ ಜನವರಿ 18 ರಂದು ನಡೆಯಲಿದೆ. ಮೊದಲು ಅವರ ಆರಂಭಿಕ ಪಂದ್ಯವು ಜಿಂಬಾಬ್ವೆಯೊಂದಿಗೆ ಆಗಿತ್ತು, ಅದು ಈಗ ಪಪುವಾ ನ್ಯೂಗಿನಿಯಾದೊಂದಿಗೆ. ಅಫ್ಘಾನಿಸ್ತಾನ ತಂಡ ಏಳನೇ ಬಾರಿಗೆ ಅಂಡರ್-19 ವಿಶ್ವಕಪ್‌ನಲ್ಲಿ ಭಾಗವಹಿಸುತ್ತಿದೆ. ಅವರು 2010 ರಲ್ಲಿ ಮೊದಲ ಬಾರಿಗೆ ಅರ್ಹತೆ ಪಡೆದರು. ಅದರ ನಂತರ ಪ್ರತಿ ಆವೃತ್ತಿಯನ್ನು ಆಡಲಾಗಿದೆ. 2018 ರಲ್ಲಿ ಅವರು ಸೆಮಿಫೈನಲ್ ತಲುಪಿದಾಗ ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ.

ಸಿ ಗುಂಪಿನ ಆರು ಪಂದ್ಯಗಳ ಪರಿಷ್ಕೃತ ವೇಳಾಪಟ್ಟಿ ಹೀಗಿದೆ:

15 ಜನವರಿ: ಜಿಂಬಾಬ್ವೆ ವಿರುದ್ಧ ಪಪುವಾ ನ್ಯೂಗಿನಿಯಾ ( ಜನವರಿ 20 ರಂದು ನಡೆಯಲಿದೆ)

ಜನವರಿ 17: ಪಾಕಿಸ್ತಾನ ವಿರುದ್ಧ ಜಿಂಬಾಬ್ವೆ ( ಜನವರಿ 22 ರಂದು ನಡೆಯಲಿದೆ)

ಜನವರಿ 18: ಅಫ್ಘಾನಿಸ್ತಾನ ವಿರುದ್ಧ ಪಪುವಾ ನ್ಯೂಗಿನಿಯಾ (ಬದಲಾಗಿಲ್ಲ)

ಜನವರಿ 20: ಪಾಕಿಸ್ತಾನ ವಿರುದ್ಧ ಅಫ್ಘಾನಿಸ್ತಾನ (ಬದಲಾಗಿಲ್ಲ)

22 ಜನವರಿ: ಪಾಕಿಸ್ತಾನ ವಿರುದ್ಧ ಪಪುವಾ ನ್ಯೂಗಿನಿಯಾ ( ಜನವರಿ 15 ರಂದು ನಡೆಯಲಿದೆ)

ಜನವರಿ 22: ಅಫ್ಘಾನಿಸ್ತಾನ ವಿರುದ್ಧ ಜಿಂಬಾಬ್ವೆ ( ಜನವರಿ 16 ರಂದು ನಡೆಯಲಿದೆ)

Click on your DTH Provider to Add TV9 Kannada