IND vs NZ: ಶ್ರೇಯಸ್ ಅಯ್ಯರ್ ಚೊಚ್ಚಲ ಟೆಸ್ಟ್ ಶತಕ! ಭಾರತದ ಮೊದಲ ಇನ್ನಿಂಗ್ಸ್ 345 ರನ್ಗಳಿಗೆ ಅಂತ್ಯ
IND vs NZ: ಕಾನ್ಪುರ ಟೆಸ್ಟ್ನ ಎರಡನೇ ದಿನದಂದು ಭಾರತದ ಮೊದಲ ಇನ್ನಿಂಗ್ಸ್ 345 ರನ್ಗಳಿಗೆ ಕೊನೆಗೊಂಡಿತು. ಟೀಂ ಇಂಡಿಯಾದ ಹೊಸ ಬ್ಯಾಟ್ಸ್ಮನ್ ಶ್ರೇಯಸ್ ಅಯ್ಯರ್ ತಮ್ಮ ಚೊಚ್ಚಲ ಪಂದ್ಯದಲ್ಲೇ ಅತ್ಯುತ್ತಮ ಶತಕ ಬಾರಿಸುವ ಮೂಲಕ ಭಾರತಕ್ಕೆ ಈ ಸ್ಕೋರ್ ತಲುಪಲು ನೆರವಾದರು.
Updated on:Nov 26, 2021 | 12:51 PM
ಕಾನ್ಪುರ ಟೆಸ್ಟ್ನ ಎರಡನೇ ದಿನದಂದು ಭಾರತದ ಮೊದಲ ಇನ್ನಿಂಗ್ಸ್ 345 ರನ್ಗಳಿಗೆ ಕೊನೆಗೊಂಡಿತು. ಟೀಂ ಇಂಡಿಯಾದ ಹೊಸ ಬ್ಯಾಟ್ಸ್ಮನ್ ಶ್ರೇಯಸ್ ಅಯ್ಯರ್ ತಮ್ಮ ಚೊಚ್ಚಲ ಪಂದ್ಯದಲ್ಲೇ ಅತ್ಯುತ್ತಮ ಶತಕ ಬಾರಿಸುವ ಮೂಲಕ ಭಾರತಕ್ಕೆ ಈ ಸ್ಕೋರ್ ತಲುಪಲು ನೆರವಾದರು. ಆದರೆ ರವಿಚಂದ್ರನ್ ಅಶ್ವಿನ್ ಸಹ ಕೆಳ ಕ್ರಮಾಂಕದಲ್ಲಿ ಉಪಯುಕ್ತ ಇನ್ನಿಂಗ್ಸ್ ಆಡಿದರು. ಮತ್ತೊಂದೆಡೆ, ನ್ಯೂಜಿಲೆಂಡ್ನ ಅನುಭವಿ ವೇಗದ ಬೌಲರ್ ಟಿಮ್ ಸೌಥಿ ಉತ್ತಮವಾಗಿ ಬೌಲಿಂಗ್ ಮಾಡಿದರು. ಭಾರತದ ಇನ್ನಿಂಗ್ಸ್ನಲ್ಲಿ ಸೌದಿ 5 ವಿಕೆಟ್ ಪಡೆದು ಟೀಂ ಇಂಡಿಯಾ ದೊಡ್ಡ ಸ್ಕೋರ್ಗೆ ಹೋಗದಂತೆ ತಡೆದರು. ಎರಡನೇ ದಿನದ ಮೊದಲ ಸೆಷನ್ನಲ್ಲಿ ಭಾರತದ 4 ವಿಕೆಟ್ಗಳನ್ನು ಕಬಳಿಸಿದ ನ್ಯೂಜಿಲೆಂಡ್, ಎರಡನೇ ಸೆಷನ್ನ ಆರಂಭದಲ್ಲಿಯೇ ಉಳಿದ 2 ವಿಕೆಟ್ಗಳನ್ನು ಕಬಳಿಸುವ ಮೂಲಕ ಟೀಂ ಇಂಡಿಯಾದ ಇನ್ನಿಂಗ್ಸ್ ಅನ್ನು ಅಂತ್ಯಗೊಳಿಸಿತು.
ನವೆಂಬರ್ 26 ರ ಶುಕ್ರವಾರದಂದು ಟೀಮ್ ಇಂಡಿಯಾ 258/4 ಸ್ಕೋರ್ನೊಂದಿಗೆ ದಿನದಾಟವನ್ನು ಪ್ರಾರಂಭಿಸಿತು. ಮೊದಲ ದಿನ ಐದನೇ ವಿಕೆಟ್ಗೆ ಶತಕದ ಜೊತೆಯಾಟವಾಡಿದ ಶ್ರೇಯಸ್ ಅಯ್ಯರ್ ಮತ್ತು ರವೀಂದ್ರ ಜಡೇಜಾ ಇನ್ನಿಂಗ್ಸ್ ಅನ್ನು ಮುನ್ನಡೆಸಿದರು. ಆದರೆ ದಿನದ ಮೂರನೇ ಓವರ್ನಲ್ಲಿ ಟಿಮ್ ಸೌಥಿ ಜಡೇಜಾ ಅವರನ್ನು ಬೌಲ್ಡ್ ಮಾಡಿದರು. ಜಡೇಜಾ 50 ರನ್ ಗಳಿಸಿ ಸೌದಿಯ ಎರಡನೇ ಬಲಿಯಾದರು. ಈ ವಿಕೆಟ್ ಪಡೆದರೂ ಶ್ರೇಯಸ್ ಅಯ್ಯರ್ ವೇಗದ ಗತಿಯಲ್ಲಿ ರನ್ ಕಲೆಹಾಕುವುದನ್ನು ಮುಂದುವರಿಸಿದರು.
ಶ್ರೇಯಸ್ ಶತಕ ದಿನದ ಮೊದಲ ಅರ್ಧ ಗಂಟೆಯಲ್ಲಿ ಶ್ರೇಯಸ್ ಅಯ್ಯರ್ 5 ಬೌಂಡರಿ ಬಾರಿಸಿದ್ದು, ಈ ಎಲ್ಲ ಬೌಂಡರಿಗಳು ಕೈಲ್ ಜೇಮಿಸನ್ ಎಸೆತಗಳಲ್ಲಿ ಬಂದಿದ್ದು ವಿಶೇಷವಾಗಿತ್ತು. ಇನಿಂಗ್ಸ್ನ 92 ನೇ ಓವರ್ನಲ್ಲಿ, ಅಯ್ಯರ್ ಸೌದಿಯ ಮೊದಲ ಎಸೆತದಲ್ಲಿ 2 ರನ್ ಗಳಿಸುವ ಮೂಲಕ ಐತಿಹಾಸಿಕ ಶತಕವನ್ನು ಗಳಿಸಿದರು. ಟೆಸ್ಟ್ ಕ್ರಿಕೆಟ್ನಲ್ಲಿ ಚೊಚ್ಚಲ ಶತಕ ಸಿಡಿಸಿದ 16ನೇ ಭಾರತೀಯ ಬ್ಯಾಟ್ಸ್ಮನ್ ಎನಿಸಿಕೊಂಡರು. ಇದಕ್ಕೂ ಮುನ್ನ 2018ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಪೃಥ್ವಿ ಶಾ ಈ ಸಾಧನೆ ಮಾಡಿದ್ದರು. ಅಯ್ಯರ್ ಶತಕ ತಲುಪಲು 157 ಎಸೆತಗಳನ್ನು ಆಡಿದ್ದರು. ಆದಾಗ್ಯೂ, ಶ್ರೇಯಸ್ ತನ್ನ ಅದ್ಭುತ ಇನ್ನಿಂಗ್ಸ್ ಅನ್ನು ಹೆಚ್ಚು ವಿಸ್ತರಿಸಲು ಸಾಧ್ಯವಾಗಲಿಲ್ಲ ಮತ್ತು 105 ಸ್ಕೋರ್ನಲ್ಲಿ ಸೌದಿಗೆ ಬಲಿಯಾದರು. ಶ್ರೇಯಸ್ 171 ಎಸೆತಗಳಲ್ಲಿ 13 ಬೌಂಡರಿ ಮತ್ತು 2 ಸಿಕ್ಸರ್ಗಳ ಸಹಾಯದಿಂದ ಈ ರನ್ ಗಳಿಸಿದರು.
ಶ್ರೇಯಸ್ ಹೊರತಾಗಿ, ರವಿಚಂದ್ರನ್ ಅಶ್ವಿನ್ ಕೂಡ ಭಾರತಕ್ಕೆ ವೇಗದ ಮತ್ತು ಮಹತ್ವದ ಇನ್ನಿಂಗ್ಸ್ಗಳನ್ನು ಆಡಿದರು ಮತ್ತು ಭಾರತವನ್ನು 345 ರನ್ಗಳ ಸ್ಕೋರ್ಗೆ ಕೊಂಡೊಯ್ಯುವಲ್ಲಿ ಕೊಡುಗೆ ನೀಡಿದರು. ಅಶ್ವಿನ್ ಕಿವೀಸ್ ಬೌಲರ್ಗಳ ಮೇಲೆ ಆಕ್ರಮಣಕಾರಿ ನಿಲುವು ತಳೆದರು ಮತ್ತು ಕೇವಲ 56 ಎಸೆತಗಳಲ್ಲಿ 5 ಬೌಂಡರಿಗಳ ಸಹಾಯದಿಂದ 38 ರನ್ ಗಳಿಸಿದರು.
ಸೌದಿ ಹೆಸರಿನಲ್ಲಿ ಮೊದಲ ಸೆಷನ್ ಭಾರತದ ಪರ ಅಯ್ಯರ್ ಈ ಅವಧಿಯಲ್ಲಿ ಸಾಧನೆ ಮಾಡಿದರೆ, ನ್ಯೂಜಿಲೆಂಡ್ ಪರ ಅನುಭವಿ ವೇಗಿ ಟಿಮ್ ಸೌಥಿ ಕೂಡ ಅದ್ಭುತ ಪ್ರದರ್ಶನ ನೀಡಿದರು. ಜಡೇಜಾರನ್ನು ಪೆವಿಲಿಯನ್ಗೆ ಮರಳಿಸಿದ ಸೌದಿ, ವೃದ್ಧಿಮಾನ್ ಸಾಹಾ ಅವರನ್ನೂ ಸಹ ಬೇಟೆಯಾಡಿದರು. ಸಹಾ ಉತ್ತಮ ಇನ್ನಿಂಗ್ಸ್ ಆಡುವ ಅವಕಾಶವನ್ನು ಹೊಂದಿದ್ದರು, ಆದರೆ ಅವರು ಕೇವಲ 1 ರನ್ ಗಳಿಸಿದರು. ನಂತರ ಶೀಘ್ರದಲ್ಲೇ ದೊಡ್ಡ ಹೊಡೆತ ನೀಡಿದ ಸೌದಿ ಕವರ್ಸ್ನಲ್ಲಿ ಸುಲಭ ಕ್ಯಾಚ್ ನೀಡಿದ ಶ್ರೇಯಸ್ ವಿಕೆಟ್ ಪಡೆದರು. ನಂತರ ಸೌದಿ ಅಕ್ಸರ್ ಪಟೇಲ್ (3) ಅವರನ್ನು ಕೀಪರ್ಗೆ ವಿಕೆಟ್ನ ಹಿಂದೆ ಕ್ಯಾಚ್ ಪಡೆಯುವ ಮೂಲಕ ಐದನೇ ವಿಕೆಟ್ ಪಡೆದರು. ಸೌದಿ ತನ್ನ ಟೆಸ್ಟ್ ವೃತ್ತಿಜೀವನದಲ್ಲಿ 13 ನೇ ಬಾರಿಗೆ ಇನ್ನಿಂಗ್ಸ್ನಲ್ಲಿ 5 ವಿಕೆಟ್ ಪಡೆದ ಸಾಧನೆ ಮಾಡಿದರು.
ಎಜಾಜ್ ಪಟೇಲ್ ಇನ್ನಿಂಗ್ಸ್ ಮುಗಿಸಿದರು ಭಾರತವು ಊಟದ ತನಕ 8 ವಿಕೆಟ್ ನಷ್ಟಕ್ಕೆ 339 ರನ್ ಗಳಿಸಿತ್ತು ಮತ್ತು ನಂತರ ಊಟದ ನಂತರ, ಉಳಿದ ಎರಡು ವಿಕೆಟ್ಗಳು ಸಹ ಕೇವಲ 13 ಎಸೆತಗಳಲ್ಲಿ ಉರುಳಿದವು. ಈ ಎರಡೂ ವಿಕೆಟ್ಗಳು ಎಡಗೈ ಸ್ಪಿನ್ನರ್ ಎಜಾಜ್ ಪಟೇಲ್ ಪಾಲಾಯಿತು. ಎರಡನೇ ಅವಧಿಯ ಮೊದಲ ಓವರ್ನಲ್ಲಿಯೇ ಪಟೇಲ್ ಅವರು ಅಶ್ವಿನ್ ಅವರನ್ನು ಸ್ಪಿನ್ನೊಂದಿಗೆ ಬೌಲ್ಡ್ ಮಾಡಿದರು. ನಂತರ ಮೂರನೇ ಓವರ್ನ ಮೊದಲ ಎಸೆತದಲ್ಲಿ ಇಶಾಂತ್ ಶರ್ಮಾ ಎಲ್ಬಿಡಬ್ಲ್ಯೂ ಆಗಿ ಔಟಾದರು. ಈ ಎರಡು ವಿಕೆಟ್ಗಳ ನಡುವೆ ಉಮೇಶ್ ಯಾದವ್ (ಔಟಾಗದೆ 10) ಸಿಕ್ಸರ್ ಗಳಿಸಿದರು.
Published On - 12:44 pm, Fri, 26 November 21
