IND vs SA: ಸೆಂಚುರಿಯನ್ ಟೆಸ್ಟ್ ಗೆದ್ದ ಟೀಂ ಇಂಡಿಯಾ! ಭಾರತದ ಐತಿಹಾಸಿಕ ಗೆಲುವಿಗೆ 5 ಅಂಶಗಳೇ ಕಾರಣ
IND vs SA: ಟೀಂ ಇಂಡಿಯಾ ಅಭೇದ್ಯವಾದ ಸೆಂಚುರಿಯನ್ ಕೋಟೆಯನ್ನು ವಶಪಡಿಸಿಕೊಂಡಿದೆ. ಸೆಂಚುರಿಯನ್ ಟೆಸ್ಟ್ನ ಐದನೇ ದಿನದಂದು ಟೀಮ್ ಇಂಡಿಯಾ ಗೆಲುವಿಗೆ 6 ವಿಕೆಟ್ಗಳ ಅಗತ್ಯವಿತ್ತು. ಹೀಗಾಗಿ ಭಾರತದ ಬೌಲರ್ಗಳು ಊಟದ ನಂತರ ಆತಿಥೇಯ ದಕ್ಷಿಣ ಆಫ್ರಿಕಾವನ್ನು 191 ರನ್ಗಳಿಗೆ ಆಲೌಟ್ ಮಾಡಿದರು.
Updated on: Dec 30, 2021 | 5:34 PM
ಏಷ್ಯಾದ ಯಾವುದೇ ತಂಡಕ್ಕೆ ಗೆಲುವು ಅಸಾಧ್ಯವೆಂದು ಪರಿಗಣಿಸಲ್ಪಟ್ಟ ಮೈದಾನ. ಏಷ್ಯಾದ ಲೆಜೆಂಡರಿ ಬ್ಯಾಟ್ಸ್ಮನ್ಗಳಿಗೆ ಪಿಚ್ ಅಪಾಯವನ್ನುಂಟುಮಾಡುವ ಮೈದಾನವಾಗಿದೆ. ಅದೇ 22 ಗಜಗಳ ಪಿಚ್ನಲ್ಲಿ ಟೀಂ ಇಂಡಿಯಾ ಇತಿಹಾಸ ಸೃಷ್ಟಿಸಿದೆ. ಗುರುವಾರ ಟೀಂ ಇಂಡಿಯಾ ಅಭೇದ್ಯವಾದ ಸೆಂಚುರಿಯನ್ ಕೋಟೆಯನ್ನು ವಶಪಡಿಸಿಕೊಂಡಿದೆ. ಸೆಂಚುರಿಯನ್ ಟೆಸ್ಟ್ನ ಐದನೇ ದಿನದಂದು ಟೀಮ್ ಇಂಡಿಯಾ ಗೆಲುವಿಗೆ 6 ವಿಕೆಟ್ಗಳ ಅಗತ್ಯವಿತ್ತು. ಹೀಗಾಗಿ ಭಾರತದ ಬೌಲರ್ಗಳು ಊಟದ ನಂತರ ಆತಿಥೇಯ ದಕ್ಷಿಣ ಆಫ್ರಿಕಾವನ್ನು 191 ರನ್ಗಳಿಗೆ ಆಲೌಟ್ ಮಾಡಿದರು. ಈ ಪಂದ್ಯವನ್ನು ಭಾರತ ತಂಡ 113 ರನ್ಗಳಿಂದ ಗೆದ್ದು ಟೆಸ್ಟ್ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ. ಅಷ್ಟಕ್ಕೂ ಸೆಂಚುರಿಯನ್ ಮೈದಾನದಲ್ಲಿ ಟೀಂ ಇಂಡಿಯಾ ಹೇಗೆ ಗೆಲುವು ಸಾಧಿಸಿತು, ಎಂಬುದಕ್ಕೆ ಐದು ದೊಡ್ಡ ಕಾರಣಗಳು ಇಲ್ಲಿವೆ.
1. ಅತ್ಯುತ್ತಮ ಆರಂಭಿಕ ಪಾಲುದಾರಿಕೆ ಮೊದಲ ಇನಿಂಗ್ಸ್ನಲ್ಲಿ ಕೆಎಲ್ ರಾಹುಲ್ ಮತ್ತು ಮಯಾಂಕ್ ಅಗರ್ವಾಲ್ ಅವರ ಆರಂಭಿಕ ಜೊತೆಯಾಟವು ಸೆಂಚುರಿಯನ್ನಲ್ಲಿ ಗೆಲುವಿನ ದೊಡ್ಡ ಅಡಿಪಾಯವನ್ನು ಹಾಕಿತು. ಕಷ್ಟಕರವಾದ ಪಿಚ್ನಲ್ಲಿ ಇಬ್ಬರೂ ಬ್ಯಾಟ್ಸ್ಮನ್ಗಳು ಮೊದಲ ವಿಕೆಟ್ಗೆ 117 ರನ್ ಸೇರಿಸಿದರು ಮತ್ತು ಇದರಿಂದಾಗಿ ಭಾರತ ತಂಡ 327 ರನ್ ಗಳಿಸಿತು. ರಾಹುಲ್ ಮತ್ತು ಮಯಾಂಕ್ ಅಗರ್ವಾಲ್ ದಕ್ಷಿಣ ಆಫ್ರಿಕಾದ ಬೌಲರ್ಗಳ ಕಳಪೆ ಲೆಂತ್ನ ಸಂಪೂರ್ಣ ಲಾಭ ಪಡೆದರು. ಮಯಾಂಕ್ ಅರ್ಧಶತಕ ಬಾರಿಸಿದರು ಮತ್ತು ಕೆಎಲ್ ರಾಹುಲ್ ಬ್ಯಾಟ್ನಿಂದ ಶತಕ ಗಳಿಸಿದರು.
2. ರಾಹುಲ್ ಜವಾಬ್ದಾರಿ ನಿರ್ವಹಿಸಿದರು ರೋಹಿತ್ ಶರ್ಮಾ ಅನುಪಸ್ಥಿತಿಯಲ್ಲಿ, ಕೆಎಲ್ ರಾಹುಲ್ ಟೆಸ್ಟ್ ತಂಡದ ಉಪನಾಯಕರಾದರು ಮತ್ತು ದೀರ್ಘಕಾಲ ಕ್ರೀಸ್ನಲ್ಲಿ ಉಳಿಯುವ ಜವಾಬ್ದಾರಿಯನ್ನು ಅವರು ವಹಿಸಿಕೊಂಡರು. ಖಾತೆ ತೆರೆಯಲು ರಾಹುಲ್ 21 ಎಸೆತಗಳನ್ನು ಆಡಿದರು ಮತ್ತು ಸೆಟ್ ಮಾಡಿದ ನಂತರವೇ ತಮ್ಮ ಹೊಡೆತಗಳನ್ನು ಆಡಿದರು. ರಾಹುಲ್ 16 ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 123 ರನ್ ಗಳಿಸಿದರು. ಸೆಂಚುರಿಯನ್ನ ಕಠಿಣ ಪಿಚ್ ನಲ್ಲಿ 260 ಎಸೆತಗಳನ್ನು ಆಡಿದ್ದು ದೊಡ್ಡ ವಿಷಯ.
3. ಶಮಿಯ ಪಂಜಕ್ಕೆ ಸಿಲುಕಿದ ದಕ್ಷಿಣ ಆಫ್ರಿಕಾ ದಕ್ಷಿಣ ಆಫ್ರಿಕಾದ ಬೌಲರ್ಗಳು ಸರಿಯಾದ ಲೈನ್-ಲೆಂಗ್ನೊಂದಿಗೆ ಬೌಲಿಂಗ್ ಮಾಡಲು ಸಾಧ್ಯವಾಗದ ಸೆಂಚುರಿಯನ್ ಪಿಚ್ನಲ್ಲಿ, ಮೊಹಮ್ಮದ್ ಶಮಿ ಸಂಪೂರ್ಣವಾಗಿ ನಿಖರವಾಗಿ ಬೌಲಿಂಗ್ ಮಾಡುವ ಮೂಲಕ ತಮ್ಮ ಶಕ್ತಿಯನ್ನು ತೋರಿಸಿದರು. ಶಮಿ ಮೊದಲ ಇನ್ನಿಂಗ್ಸ್ನಲ್ಲಿ ಐದು ವಿಕೆಟ್ಗಳನ್ನು ಕಬಳಿಸಿದರು ಮತ್ತು ದಕ್ಷಿಣ ಆಫ್ರಿಕಾ ತಂಡವನ್ನು 197 ರನ್ಗಳಿಗೆ ಆಲೌಟ್ ಮಾಡಿದರು. ದೊಡ್ಡ ವಿಷಯವೆಂದರೆ ಜಸ್ಪ್ರೀತ್ ಬುಮ್ರಾ ಅವರು ಮೊದಲ ಇನ್ನಿಂಗ್ಸ್ನಲ್ಲಿ ಗಾಯದ ಕಾರಣ 7.2 ಓವರ್ಗಳನ್ನು ಮಾತ್ರ ಮಾಡಲು ಸಾಧ್ಯವಾಯಿತು, ಆದರೆ ಶಮಿ ಅವರಿಗೆ ತಮ್ಮ ಕೊರತೆಯನ್ನು ಅನುಭವಿಸಲು ಬಿಡಲಿಲ್ಲ.
4. ಎರಡನೇ ಇನ್ನಿಂಗ್ಸ್ನಲ್ಲೂ ಬೌಲರ್ಗಳು ತಮ್ಮ ಶಕ್ತಿ ಪ್ರದರ್ಶಿಸಿದರು. ಸೆಂಚುರಿಯನ್ ಟೆಸ್ಟ್ನ ಎರಡನೇ ಇನ್ನಿಂಗ್ಸ್ನಲ್ಲೂ ವೇಗದ ಬೌಲರ್ಗಳು ತಮ್ಮ ಶಕ್ತಿ ಪ್ರದರ್ಶಿಸಿದರು. ಈ ಸಮಯದಲ್ಲಿ ಜಸ್ಪ್ರೀತ್ ಬುಮ್ರಾ ಅದ್ಭುತ ಆರಂಭವನ್ನು ಮಾಡಿದರು ಮತ್ತು ಪ್ರಮುಖ ಸಂದರ್ಭಗಳಲ್ಲಿ ತಂಡಕ್ಕೆ 3 ವಿಕೆಟ್ಗಳನ್ನು ಪಡೆದರು. ಶಮಿ ಕೂಡ ಹಿಂದೆ ಬೀಳಲಿಲ್ಲ ಮತ್ತು ಎರಡನೇ ಇನ್ನಿಂಗ್ಸ್ನಲ್ಲಿ 3 ವಿಕೆಟ್ ಪಡೆದರು. ಸಿರಾಜ್ ಮತ್ತು ಅಶ್ವಿನ್ 2-2 ವಿಕೆಟ್ ಪಡೆಯುವ ಮೂಲಕ ತಂಡದ ಗೆಲುವಿಗೆ ಮಹತ್ವದ ಕೊಡುಗೆ ನೀಡಿದರು.
5. ವಿರಾಟ್ ಕೊಹ್ಲಿ ಟಾಸ್ ಗೆಲ್ಲುವುದು ಬಹಳ ಮುಖ್ಯವಾಗಿತ್ತು ಸೆಂಚುರಿಯನ್ನಲ್ಲಿ ಟಾಸ್ ಗೆದ್ದು ಟೀಂ ಇಂಡಿಯಾ ಗೆಲುವಿಗೆ ಪ್ರಮುಖ ಕಾರಣವಾಗಿತ್ತು. ಸೆಂಚುರಿಯನ್ನಲ್ಲಿ ವಿರಾಟ್ ಕೊಹ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಇದರಿಂದಾಗಿ ಅವರು ನಾಲ್ಕನೇ ಇನ್ನಿಂಗ್ಸ್ನಲ್ಲಿ ಬ್ಯಾಟಿಂಗ್ ಮಾಡಬೇಕಾಗಿರಲಿಲ್ಲ. ಸೆಂಚುರಿಯನ್ ಪಿಚ್ನಲ್ಲಿ ನಾಲ್ಕನೇ ಇನ್ನಿಂಗ್ಸ್ನಲ್ಲಿ ಬ್ಯಾಟಿಂಗ್ ಮಾಡುವುದು ತುಂಬಾ ಕಷ್ಟ. ಈ ಪಿಚ್ನಲ್ಲಿ 250 ರನ್ಗಳನ್ನು ಬೆನ್ನಟ್ಟುವುದು ಕೂಡ ಕಷ್ಟಕರವಾಗಿದೆ ಮತ್ತು ಈ ಬಾರಿಯೂ ಅದೇ ರೀತಿ ಕಂಡುಬಂದಿದೆ.
