Virat Kohli: ಈ ಕಡೆ ಹಾಕು, ವಿಕೆಟ್ ಸಿಗುತ್ತೆ: ಕೊಹ್ಲಿಯ ಪ್ಲ್ಯಾನ್​ಗೆ ಸೌತ್ ಆಫ್ರಿಕಾ ಕ್ಯಾಪ್ಟನ್ ಔಟ್..!

Virat Kohli: ಈ ಕಡೆ ಹಾಕು, ವಿಕೆಟ್ ಸಿಗುತ್ತೆ: ಕೊಹ್ಲಿಯ ಪ್ಲ್ಯಾನ್​ಗೆ ಸೌತ್ ಆಫ್ರಿಕಾ ಕ್ಯಾಪ್ಟನ್ ಔಟ್..!
Virat Kohli

India vs South Africa: ಟೀಮ್ ಇಂಡಿಯಾ ಬೌಲರುಗಳು ನಾನಾ ರೀತಿಯ ಎಸೆತಗಳನ್ನು ಎಸೆದರೂ ಡೀನ್ ಎಲ್ಗರ್ ವಿಕೆಟ್ ಪಡೆಯುವಲ್ಲಿ ಮಾತ್ರ ಸಫಲರಾಗಿರಲಿಲ್ಲ.

TV9kannada Web Team

| Edited By: Zahir PY

Dec 30, 2021 | 4:11 PM

ಭಾರತ-ದಕ್ಷಿಣ ಆಫ್ರಿಕಾ ನಡುವಣ ಮೊದಲ ಟೆಸ್ಟ್ ಪಂದ್ಯವು ತೀವ್ರ ಕುತೂಹಲಕ್ಕೆ ಕಾರಣವಾಗಿತ್ತು. ಅದರಲ್ಲೂ ಮೊದಲ ಇನಿಂಗ್ಸ್​ನಲ್ಲಿ 327 ರನ್​ ಬಾರಿಸಿದ್ದ ಟೀಮ್ ಇಂಡಿಯಾ 2ನೇ ಇನಿಂಗ್ಸ್​ನಲ್ಲಿ ಕೇವಲ 174 ರನ್​ಗಳಿಗೆ ಆಲೌಟ್ ಆಗಿತ್ತು. ಅತ್ತ ಮೊದಲ ಇನಿಂಗ್ಸ್​ನಲ್ಲಿ 197 ರನ್​ ಕಲೆಹಾಕಿದ ದಕ್ಷಿಣ ಆಫ್ರಿಕಾಗೆ 2ನೇ ಇನಿಂಗ್ಸ್​ನಲ್ಲಿ 305 ರನ್​ಗಳ ಟಾರ್ಗೆಟ್ ನೀಡಲಾಗಿತ್ತು. ಅದರಂತೆ ಪಂದ್ಯದ ಕೊನೆಯ ದಿನದಾಟದಲ್ಲಿ ದಕ್ಷಿಣ ಆಫ್ರಿಕಾ 211 ರನ್​ಗಳ ಗುರಿ ಪಡೆದರೆ, ಟೀಮ್ ಇಂಡಿಯಾಗೆ ಗೆಲ್ಲಲು 6 ವಿಕೆಟ್​ಗಳ ಅವಶ್ಯಕತೆಯಿತ್ತು.

ಆದರೆ ಭಾರತದ ಗೆಲುವಿಗೆ ಅತೀ ದೊಡ್ಡ ತೊಡಕು ಎಂದರೆ ದಕ್ಷಿಣ ಆಫ್ರಿಕಾ ನಾಯಕ ಡೀನ್ ಎಲ್ಗರ್. 2ನೇ ಇನಿಂಗ್ಸ್​ನಲ್ಲಿ ಟೀಮ್ ಇಂಡಿಯಾ ಬೌಲರುಗಳನ್ನು ನಿರಾಯಾಸವಾಗಿ ಎದುರಿಸಿದ ಎಲ್ಗರ್ ಅತ್ಯುತ್ತಮವಾಗಿ ಬ್ಯಾಟ್ ಬೀಸಿದ್ದರು. ಒಂದೆಡೆ ವಿಕೆಟ್ ಬೀಳುತ್ತಿದ್ದರೆ ಮತ್ತೊಂದು ರಕ್ಷಣಾತ್ಮಕ ಆಟದೊಂದಿಗೆ ಪಂದ್ಯವನ್ನು ಡ್ರಾ ಮಾಡಿಕೊಳ್ಳಲು ಮುಂದಾಗಿದ್ದರು.

ಟೀಮ್ ಇಂಡಿಯಾ ಬೌಲರುಗಳು ನಾನಾ ರೀತಿಯ ಎಸೆತಗಳನ್ನು ಎಸೆದರೂ ಡೀನ್ ಎಲ್ಗರ್ ವಿಕೆಟ್ ಪಡೆಯುವಲ್ಲಿ ಮಾತ್ರ ಸಫಲರಾಗಿರಲಿಲ್ಲ. ಇತ್ತ ಎಲ್ಗರ್ ಕ್ರೀಸ್ ಕಚ್ಚಿ ನಿಂತರೆ ಪಂದ್ಯ ಕೈ ತಪ್ಪಲಿದೆ ಎಂಬುದು ಕೂಡ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಮನವರಿಕೆಯಾಗಿತ್ತು. ಅದಕ್ಕಾಗಿ ಎಲ್ಗರ್ ಅವರ ಬ್ಯಾಟಿಂಗ್ ಚಲನವಲನದ ಮೇಲೆ ಕಣ್ಣಿಟ್ಟ ಕೊಹ್ಲಿ ಓವರ್​ ಎಸೆಯುತ್ತಿದ್ದ ಜಸ್​ಪ್ರೀತ್ ಬುಮ್ರಾಗೆ ಸಲಹೆಯೊಂದನ್ನು ನೀಡಿದ್ದರು.

ಜಸ್ಸಿ ಈ ಕಡೆಯಿಂದ ಚೆಂಡೆಸೆ…ಸುಲಭವಾಗಿ ಔಟ್ ಮಾಡಬಹುದು ಎಂದು ಕೊಹ್ಲಿ ಹಿಂದಿಯಲ್ಲಿ ಬುಮ್ರಾಗೆ ಸಲಹೆ ನೀಡಿದ್ದರು. ಅದರಂತೆ ಹಾಫ್ ಸೈಡ್ ಬದಲು ವಿಕೆಟ್ ಟು ವಿಕೆಟ್​ ಚೆಂಡೆಸೆದರು. ಅಷ್ಟರಲ್ಲಾಗಲೇ 77 ರನ್​ಗಳಿಸಿದ್ದ ಡೀನ್ ಎಲ್ಗರ್ ಬುಮ್ರಾ ಎಸೆತವನ್ನು ಗುರುತಿಸುವಲ್ಲಿ ಎಡವಿ ಎಲ್​ಬಿಡಬ್ಲ್ಯೂ ಆದರು. ಇತ್ತ ಕೊಹ್ಲಿ ಕೂಡ ಖುಷ್…ಬುಮ್ರಾ ಕೂಡ ಡಬಲ್ ಖುಷ್ ಆದರು. ಸದ್ಯ ವಿರಾಟ್ ಕೊಹ್ಲಿ ನೀಡಿದ ಈ ಸಲಹೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ವಿರಾಟ್ ಕೊಹ್ಲಿಯ ನಾಯಕತ್ವವನ್ನು ಅಭಿಮಾನಿಗಳು ಶ್ಲಾಘಿಸುತ್ತಿದ್ದಾರೆ.

ಇದನ್ನೂ ಓದಿ:  ಭಾರತವನ್ನು ಗೇಲಿ ಮಾಡಿದ ಇಂಗ್ಲೆಂಡ್ ಕ್ರಿಕೆಟಿಗನ ಕಾಲೆಳೆದ ಆಸ್ಟ್ರೇಲಿಯಾ ಪತ್ರಕರ್ತೆ..!

ಇದನ್ನೂ ಓದಿ: IPL 2022: RCB ಮನೀಷ್ ಪಾಂಡೆಯನ್ನು ಯಾಕೆ ಖರೀದಿಸಬೇಕು ಅಂದರೆ…

ಇದನ್ನೂ ಓದಿ: IPL 2022: ಇವರೇ RCB ತಂಡದ ಮುಂದಿನ ಕ್ಯಾಪ್ಟನ್ ಎಂದ ಮಾಜಿ ಆರ್​ಸಿಬಿ ನಾಯಕ

(Virat Kohli instructs Jasprit Bumrah to come around the wicket to Dean Elgar)

Follow us on

Related Stories

Most Read Stories

Click on your DTH Provider to Add TV9 Kannada