India vs New Zealand 1st Test: ಅಯ್ಯರ್ ಶತಕದ ಫಲ: ಬೋಜನ ವಿರಾಮದ ವೇಳೆಗೆ ಭಾರತ 339-8
Shreyas Iyer Century: ಶ್ರೇಯಸ್ ಅಯ್ಯರ್ ಅವರ ಆಕರ್ಷಕ ಶತಕದ ನೆರವಿನಿಂದ ಟೀಮ್ ಇಂಡಿಯಾ ಸದ್ಯ ಬೋಜನ ವಿರಾಮದ ಹೊತ್ತಿಗೆ 8 ವಿಕೆಟ್ ಕಳೆದುಕೊಂಡು 339 ರನ್ ಕಲೆಹಾಕಿದೆ. ಆರ್. ಅಶ್ವಿನ್ 38 (54) ಮತ್ತು ಉಮೇಶ್ ಯಾದವ್ 4 (28) ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ.
Updated on: Nov 26, 2021 | 11:52 AM
ಕಾನ್ಪುರದ ಗ್ರೀನ್ ಪಾರ್ಕ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ನ್ಯೂಜಿಲೆಂಡ್ ವಿರುದ್ಧದ ಮೊದಲ ಟೆಸ್ಟ್ನಲ್ಲಿ ಭಾರತ (India vs New Zealand 1st Test) ಉತ್ತಮ ಮೊತ್ತ ಕಲೆಹಾಕಿದೆ. ಶ್ರೇಯಸ್ ಅಯ್ಯರ್ ಅವರ ಆಕರ್ಷಕ ಶತಕದ ನೆರವಿನಿಂದ ಟೀಮ್ ಇಂಡಿಯಾ ಸದ್ಯ ಬೋಜನ ವಿರಾಮದ ಹೊತ್ತಿಗೆ 8 ವಿಕೆಟ್ ಕಳೆದುಕೊಂಡು 339 ರನ್ ಕಲೆಹಾಕಿದೆ. ಶ್ರೇಯಸ್ ಅಯ್ಯರ್ (Shreyas Iyer) ಶತಕ ಸಿಡಿಸಿ ಔಟ್ ಆಗಿದ್ದು ಸದ್ಯ ಕ್ರೀಸ್ನಲ್ಲಿ ರವಿಂದ್ರನ್ ಅಶ್ವಿನ್ (Ravichandran Ashwin) ಮತ್ತು ಉಮೇಶ್ ಯಾದವ್ ಇದ್ದಾರೆ. ಅಶ್ವಿನ್ ಭರ್ಜರಿ ಬ್ಯಾಟಿಂಗ್ ನಡೆಸಿ ಅರ್ಧಶತಕದತ್ತ ದಾಪುಗಾಲಿಡುತ್ತಿದ್ದರೆ, ಇತ್ತ ಭಾರತ 400ರ ಆಸುಪಾಸಿನ ಮೊತ್ತ ಕಲೆಹಾಕುವ ಯೋಜನೆಯಲ್ಲಿದೆ.
ನಿನ್ನೆ ಮೊದಲ ದಿನದಾಟದ ಅಂತ್ಯಕ್ಕೆ ಟೀಮ್ ಇಂಡಿಯಾ 84 ಓವರ್ಗಳಿಗೆ ನಾಲ್ಕು ವಿಕೆಟ್ಗಳ ಅಂತ್ಯಕ್ಕೆ 258 ರನ್ ಗಳಿಸಿ ದೊಡ್ಡ ಮೊತ್ತದತ್ತ ಸಂಪಾದಿಸುವ ಸೂಚನೆ ನೀಡಿತ್ತು. ಆರಂಭಿಕ ದಿನ ಜವಾಬ್ದಾರಿಯುತ ಬ್ಯಾಟ್ ಮಾಡಿ ತಂಡವನ್ನು ಅಪಾಯದಿಂದ ಪಾರು ಮಾಡಿದ ಅಯ್ಯರ್ ಅಜೇಯ 75 ಮತ್ತು ರವೀಂದ್ರ ಜಡೇಜಾ ಅಜೇಯ 50 ರನ್ ಗಳಿಸಿ ಎರಡನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದರು. ಅದರಂತೆ ಎರಡನೇ ದಿನದಾಟ ಆರಂಭಿಸಿದಾಗ ನ್ಯೂಜಿಲೆಂಡ್ ಪ್ಲಾನ್ ಬೇರೆಯೇ ಆಗಿತ್ತು. ಭಾರತವನ್ನು ಆರಂಭದಲ್ಲೇ ಕಟ್ಟಿಹಾಕುವಲ್ಲಿ ಸಫಲರಾದರು.
Lunch on Day 1 of the 1st Test.
Shreyas Iyer gets to his maiden Test ton as #TeamIndia post 339/8 at Lunch.
Scorecard – https://t.co/WRsJCUhS2d #INDvNZ @Paytm pic.twitter.com/RzdZNSvyRy
— BCCI (@BCCI) November 26, 2021
ಮೊದಲಿಗರಾಗಿ ರವೀಂದ್ರ ಜಡೇಜಾ 50 ರನ್ಗೆವೇ ಟಿಮ್ ಸೌದೀ ಬೌಲಿಂಗ್ನಲ್ಲಿ ಬೌಲ್ಡ್ ಆದರು. ಉತ್ತಮ ಇನ್ನಿಂಗ್ಸ್ ಆಡುವಲ್ಲಿ ಮತ್ತೆ ಎಡವಿದ ವೃದ್ದಿಮಾನ್ ಸಾಹ ಆಟ ಕೇವಲ 1 ರನ್ಗೆ ಅಂತ್ಯವಾಯಿತು. ಇದರ ನಡುವೆ ಶ್ರೇಯಸ್ ಅಯ್ಯರ್ ಚೊಚ್ಚಕ ಶತಕ ಸಿಡಿಸಿ ಮಿಂಚಿದರು. ಈ ಮೂಲಕ ಚೊಚ್ಚಲ ಪಂದ್ಯದಲ್ಲಿ ಶತಕ ಸಿಡಿಸಿದ ಮೂರನೇ ಹಿರಿಯ ಆಟಗಾರ ಎನಿಸಿಕೊಂಡರು. ಜೊತೆಗೆ ಡೆಬ್ಯೂ ಪಂದ್ಯದಲ್ಲಿ ವೇಗವಾಗಿ 100 ರನ್ ಗಳಿಸಿದ ನಾಲ್ಕನೇ ಪ್ಲೇಯರ್ ಎಂಬ ಸಾಧನೆ ಮಾಡಿದ್ದಾರೆ. ಶತಕದ ಬಳಿಕ ಅಯ್ಯರ್ ಹೆಚ್ಚುಹೊತ್ತು ಕ್ರೀಸ್ನಲ್ಲಿ ನಿಲ್ಲಲಿಲ್ಲ. 171 ಎಸೆತಗಳಲ್ಲಿ 13 ಬೌಂಡರಿ, 2 ಸಿಕ್ಸರ್ನೊಂದಿಗೆ 105 ರನ್ ಬಾರಿಸಿ ಔಟ್ ಆದರು.
ಬಳಿಕ ರವಿಚಂದ್ರನ್ ಅಶ್ವಿನ್ ಜೊತೆಯಾದ ಅಕ್ಷರ್ ಪಟೇಲ್ ನಿರೀಕ್ಷೆ ಹುಸಿ ಮಾಡಿದರು. ಪಟೇಲ್ ಆಟ 3 ರನ್ಗೆ ಅಂತ್ಯವಾಯಿತು. ಸದ್ಯ ಅಶ್ವಿನ್ಗೆ ಉಮೇಶ್ ಯಾದವ್ ಸಾಥ್ ನೀಡುತ್ತಿದ್ದು ತಂಡದ ಮೊತ್ತವನ್ನು ಏರಿಸಲು ಸಹಾಯ ಮಾಡುತ್ತಿದ್ದಾರೆ. ಭೋಜನ ವಿರಾಮದ ವೇಳೆಗೆ ಭಾರತ 109 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 339 ರನ್ ಕಲೆಹಾಕಿದೆ. ಆರ್. ಅಶ್ವಿನ್ 38 (54) ಮತ್ತು ಉಮೇಶ್ ಯಾದವ್ 4 (28) ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ.
ಇದಕ್ಕೂ ಮುನ್ನ ಮೊದಲ ದಿನ ಟಾಸ್ ಗೆದ್ದು ಬ್ಯಾಟ್ ಮಾಡಿದ ಟೀಮ್ ಇಂಡಿಯಾದ ಆರಂಭ ನಿರಾಸೆ ಮೂಡಿಸಿತು. ಕರ್ನಾಟಕದ ಮಯಂಕ್ ಅಗರ್ವಾಲ್ ಕೇವಲ 13 ರನ್ ಗಳಿಸಿ ಔಟಾದರು. ಆದರೆ, ನಂತರ ಶುಭ್ಮನ್ ಗಿಲ್ ಮತ್ತು ಚೇತೇಶ್ವರ್ ಪೂಜಾರ 2ನೇ ವಿಕೆಟ್ಗೆ 61 ರನ್ ಜೊತೆಯಾಟ ಆಡಿದ್ದು ತಂಡದ ಇನ್ನಿಂಗ್ಸ್ಗೆ ಜೀವ ಸಿಕ್ಕಿತು. ಶುಬ್ಮನ್ ಗಿಲ್ 1 ಸಿಕ್ಸರ್ ಸಹಿತ 93 ಬಾಲ್ನಲ್ಲಿ 52 ರನ್ ಗಳಿಸಿದರು. ತಾಳ್ಮೆಯುತ ಆಟ ಪ್ರದರ್ಶಿಸುತ್ತಿದ್ದ ಪೂಜಾರ ಕೂಡ 26 ರನ್ ಗಳಿಸಿದ್ದಾಗ ವೇಗಿ ಸೋಥಿ ಬೌಲಿಂಗ್ನಲ್ಲಿ ಔಟಾದರು.
Shreyas Iyer: ಪದಾರ್ಪಣೆ ಪಂದ್ಯದಲ್ಲೇ ಶತಕ ಸಿಡಿಸಿ ದಾಖಲೆ ಬರೆದ ಶ್ರೇಯಸ್ ಅಯ್ಯರ್
(India vs New Zealand 1st Test Day 2 Shreyas Iyer Century help Team India reach 339-8 at lunch break)
