IND vs NZ, Highlights, 1st Test, Day 2: 2ನೇ ದಿನದಾಟ ಅಂತ್ಯ; ವಿಕೆಟ್ ನಷ್ಟವಿಲ್ಲದೆ 129 ರನ್ ಬಾರಿಸಿದ ಕಿವೀಸ್

India vs New Zealand 1st Test Day 1 Live Score Updates: ಮೊದಲ ದಿನದಾಟದ ಅಂತ್ಯಕ್ಕೆ 4 ವಿಕೆಟ್‌ ಕಳೆದುಕೊಂಡು 258 ರನ್‌ ಗಳಿಸಿದ್ದ ಭಾರತ ಈಗ ಎರಡನೇ ದಿನದಾಟ ಆರಂಭಿಸಿದೆ. ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ ಜವಾಬ್ದಾರಿಯುತ ಬ್ಯಾಟ್‌ ಮಾಡಿ ತಂಡವನ್ನು ಅಪಾಯದಿಂದ ಪಾರು ಮಾಡಿದ ಶ್ರೇಯಸ್ ಅಯ್ಯರ್‌ ಶತಕ ಸಿಡಿಸಿ ಔಟ್ ಆಗಿದ್ದಾರೆ.

IND vs NZ, Highlights, 1st Test, Day 2: 2ನೇ ದಿನದಾಟ ಅಂತ್ಯ; ವಿಕೆಟ್ ನಷ್ಟವಿಲ್ಲದೆ 129 ರನ್ ಬಾರಿಸಿದ ಕಿವೀಸ್

ಕಾನ್ಪುರ ಟೆಸ್ಟ್‌ನ ಮೊದಲ ದಿನವೇ ದೊಡ್ಡ ಸ್ಕೋರ್‌ನ ಟ್ರೇಲರ್ ಅನ್ನು ಬಿಡುಗಡೆ ಮಾಡಿದ ಟೀಮ್ ಇಂಡಿಯಾ ಎರಡನೇ ದಿನ ವಿಫಲವಾಗಿದೆ. ಗ್ರೀನ್ ಪಾರ್ಕ್‌ನಲ್ಲಿ ಎರಡನೇ ದಿನ ನ್ಯೂಜಿಲೆಂಡ್‌ನ ಬೌಲರ್‌ಗಳು ಮತ್ತು ನಂತರ ಬ್ಯಾಟ್ಸ್‌ಮನ್‌ಗಳು ತಮ್ಮ ಪ್ರದರ್ಶನದಿಂದ ರಹಾನೆ ಮತ್ತು ಕಂಪನಿಗೆ ಅಚ್ಚರಿ ಮೂಡಿಸಿದರು. ಕಿವೀ ತಂಡದ ಬೌಲರ್‌ಗಳು ಮೊದಲು ಭಾರತ ತಂಡವನ್ನು 345 ರನ್‌ಗಳಿಗೆ ಆಲೌಟ್ ಮಾಡಿದರು ಮತ್ತು ಆ ನಂತರ ಆರಂಭಿಕ ಟಾಮ್ ಲ್ಯಾಥಮ್ ಮತ್ತು ವಿಲ್ ಯಂಗ್ ಅದ್ಭುತ ಶತಕ ಆರಂಭಿಕ ಜೊತೆಯಾಟವನ್ನು ಮಾಡುವ ಮೂಲಕ ತಮ್ಮ ತಂಡದ ಸ್ಥಾನವನ್ನು ಬಲಪಡಿಸಿದರು. ಎರಡನೇ ದಿನದಾಟದ ಅಂತ್ಯಕ್ಕೆ ನ್ಯೂಜಿಲೆಂಡ್ ಮೊದಲ ಇನಿಂಗ್ಸ್‌ನಲ್ಲಿ 129 ರನ್ ಗಳಿಸಿದೆ. ಲಾಥಮ್ 50 ಮತ್ತು ವಿಲ್ ಯಂಗ್ 74 ರನ್ ಗಳಿಸಿ ಅಜೇಯರಾಗಿ ಉಳಿದರು. ಭಾರತ ತಂಡ 57 ಓವರ್‌ಗಳಲ್ಲಿ ಒಂದೇ ಒಂದು ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ.

LIVE Cricket Score & Updates

The liveblog has ended.
  • 26 Nov 2021 16:40 PM (IST)

    ಎರಡನೇ ದಿನದ ಆಟ ಮುಗಿದಿದೆ

    ಮಂದ ಬೆಳಕಿನ ಕಾರಣ ಎರಡನೇ ದಿನದಾಟವನ್ನು 57ನೇ ಓವರ್ ನಂತರವೇ ಅಂತ್ಯಗೊಳಿಸಲು ನಿರ್ಧರಿಸಲಾಯಿತು. 57ನೇ ಓವರ್ ಅಂತ್ಯಕ್ಕೆ ನ್ಯೂಜಿಲೆಂಡ್ ತಂಡ ಯಾವುದೇ ವಿಕೆಟ್ ನಷ್ಟವಿಲ್ಲದೆ 129 ರನ್ ಗಳಿಸಿದೆ. ಟಾಮ್ ಲ್ಯಾಥಮ್ 50 ಮತ್ತು ವಿಲ್ ಯಂಗ್ 75 ರನ್ ಗಳಿಸಿದರು. ನ್ಯೂಜಿಲೆಂಡ್ ಇನ್ನೂ 216 ರನ್ ಹಿಂದಿದೆ

  • 26 Nov 2021 15:42 PM (IST)

    ಲಾಥಮ್ ಅರ್ಧಶತಕ

    img

    ಆರ್ ಅಶ್ವಿನ್ 42ನೇ ಓವರ್ ನಲ್ಲಿ ಆರು ರನ್ ನೀಡಿದರು. ಓವರ್‌ನ ಮೂರನೇ ಎಸೆತದಲ್ಲಿ ಲಾಥಮ್ ಫೈನ್ ಲೆಗ್ ಕಡೆಗೆ ಬೌಂಡರಿ ಬಾರಿಸಿದರು. ಟಾಮ್ ಲ್ಯಾಥಮ್ 50 ರನ್ ಗಳಿಸಿ ಅರ್ಧಶತಕ ಪೂರೈಸಿದ್ದಾರೆ.

  • 26 Nov 2021 15:35 PM (IST)

    ಶತಕ ಪೂರೈಸಿದ ನ್ಯೂಜಿಲೆಂಡ್

    img

    ರವೀಂದ್ರ ಜಡೇಜಾ 39ನೇ ಓವರ್ ನಲ್ಲಿ ನಾಲ್ಕು ರನ್ ನೀಡಿದರು. ಓವರ್‌ನ ಮೂರನೇ ಎಸೆತದಲ್ಲಿ ಮಿಡ್ ವಿಕೆಟ್‌ನಲ್ಲಿ ಲಾಥಮ್ ಬೌಂಡರಿ ಬಾರಿಸಿದರು. ಇದರೊಂದಿಗೆ ನ್ಯೂಜಿಲೆಂಡ್ ಸ್ಕೋರ್ 100ರ ಗಡಿ ದಾಟಿದೆ.2016ರ ನಂತರ ಭಾರತ ಪ್ರವಾಸಿ ತಂಡದ ಆರಂಭಿಕ ಜೋಡಿ ಶತಕದ ಜೊತೆಯಾಟವಾಡಿದ್ದು ಇದೇ ಮೊದಲು.

  • 26 Nov 2021 14:53 PM (IST)

    30 ಓವರ್‌ಗಳ ನಂತರವೂ ಭಾರತ ಖಾಲಿ ಕೈಯಲ್ಲಿದೆ

    30 ಓವರ್‌ಗಳು ನಡೆದಿದ್ದು, ನ್ಯೂಜಿಲೆಂಡ್ 86 ರನ್ ಗಳಿಸಿದೆ ಆದರೆ ಇದುವರೆಗೆ ಭಾರತ ಒಂದು ವಿಕೆಟ್ ಪಡೆಯುವಲ್ಲಿ ವಿಫಲವಾಗಿದೆ. ರಿವ್ಯೂ ನೆರವಿನಿಂದ ಲಾಥಮ್ ಎರಡು ಬಾರಿ ತಮ್ಮ ವಿಕೆಟ್ ಉಳಿಸಿಕೊಂಡರು. ಟೀಂ ಇಂಡಿಯಾ ಈಗ ಏನಾದರೂ ವಿಭಿನ್ನವಾಗಿ ಮಾಡಬೇಕಾಗಿದೆ.

  • 26 Nov 2021 14:43 PM (IST)

    ವಿಲ್ ಯಂಗ್ ಅರ್ಧಶತಕ

    img

    ಉಮೇಶ್ ಯಾದವ್ 28ನೇ ಓವರ್‌ನ ಎರಡನೇ ಎಸೆತದಲ್ಲಿ ಯಂಗ್ ಸ್ಟ್ರೀಟ್ ಕಡೆಗೆ ಬೌಂಡರಿ ಬಾರಿಸಿ ಅರ್ಧಶತಕ ಪೂರೈಸಿದರು. ಅವರು 48 ಎಸೆತಗಳಲ್ಲಿ 50 ರನ್ ಪೂರೈಸಿದರು. ಅವರು ಈ ಇನ್ನಿಂಗ್ಸ್‌ನಲ್ಲಿ ಇದುವರೆಗೆ 8 ಬೌಂಡರಿಗಳನ್ನು ಬಾರಿಸಿದ್ದಾರೆ.

  • 26 Nov 2021 14:34 PM (IST)

    ನ್ಯೂಜಿಲೆಂಡ್ ಸ್ಕೋರ್ 72/0 ಟೀ ವಿರಾಮ

    ಎರಡನೇ ಸೆಷನ್‌ನ ಆರಂಭದಲ್ಲಿ ಟೀಂ ಇಂಡಿಯಾ ಇನ್ನಿಂಗ್ಸ್ ಕಡಿತಗೊಂಡಿತು, ನಂತರ ನ್ಯೂಜಿಲೆಂಡ್ ಬ್ಯಾಟಿಂಗ್ ಆರಂಭಿಸಿತು. ಟಾಮ್ ಲ್ಯಾಥಮ್ ಮತ್ತು ವಿಲ್ ಯಂಗ್ ಅವರ ಆರಂಭಿಕ ಜೊತೆಯಾಟವು ಅವರ ತಂಡಕ್ಕೆ 72 ರನ್ ಗಳಿಸುವ ಮೂಲಕ ಉತ್ತಮ ಆರಂಭವನ್ನು ನೀಡಿತು

  • 26 Nov 2021 14:34 PM (IST)

    ನ್ಯೂಜಿಲೆಂಡ್ ಸ್ಕೋರ್ 50 ಗಡಿ ದಾಟಿದೆ

    img

    ರವೀಂದ್ರ ಜಡೇಜಾ 21ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ, ಲ್ಯಾಥಮ್ ಸ್ಕ್ವೇರ್ ಲೆಗ್​ನಲ್ಲಿ ಫೋರ್‌ಗೆ ಸ್ವೀಪ್ ಮಾಡಿದರು. ಈ ಓವರ್‌ನಲ್ಲಿ ಒಟ್ಟು ಏಳು ರನ್‌ಗಳು ಬಂದವು ಮತ್ತು ನ್ಯೂಜಿಲೆಂಡ್‌ನ ಸ್ಕೋರ್ 50 ದಾಟಿದೆ.

  • 26 Nov 2021 13:32 PM (IST)

    ನ್ಯೂಜಿಲೆಂಡ್ ಡ್ರಿಂಕ್ಸ್ ಬ್ರೇಕ್ ತನಕ 23 ರನ್ ಗಳಿಸಿದೆ

    ಕಿವೀಸ್ ತಂಡದ ಇನ್ನಿಂಗ್ಸ್​ನ ಮೊದಲ ಡ್ರಿಂಕ್ಸ್ ಬ್ರೇಕ್ ಬಂದಿದೆ. ನ್ಯೂಜಿಲೆಂಡ್ 11 ಓವರ್‌ಗಳಲ್ಲಿ 23 ರನ್ ಗಳಿಸಿದೆ. ಲಾಥಮ್ (9) ಮತ್ತು ವಿಲ್ ಯಂಗ್ (13) ಕ್ರೀಸ್‌ನಲ್ಲಿದ್ದಾರೆ. ಯಂಗ್ ಅವರ ಇನ್ನಿಂಗ್ಸ್‌ನಲ್ಲಿ ಎರಡು ಬೌಂಡರಿಗಳನ್ನು ಹೊಡೆದರು ಮತ್ತು ಲ್ಯಾಥಮ್ ಒಂದು ಬೌಂಡರಿ ಹೊಡೆದರು.

  • 26 Nov 2021 12:52 PM (IST)

    ಲಾಥಮ್ ಬೌಂಡರಿ

    img

    ಉಮೇಶ್ ಯಾದವ್ ಎರಡನೇ ಓವರ್ನಲ್ಲಿ ಎರಡು ರನ್ ನೀಡಿದರು. ಮೂರನೇ ಓವರ್‌ಗೆ ಇಶಾಂತ್ ಶರ್ಮಾಗೆ ಚೆಂಡನ್ನು ನೀಡಲಾಯಿತು ಮತ್ತು ಅವರು ಐದು ರನ್ ನೀಡಿದರು. ಲ್ಯಾಥಮ್ ಓವರ್‌ನ ನಾಲ್ಕನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು.

  • 26 Nov 2021 12:47 PM (IST)

    ನ್ಯೂಜಿಲೆಂಡ್‌ ಬ್ಯಾಟಿಂಗ್ ಆರಂಭ

    ನ್ಯೂಜಿಲೆಂಡ್ ಬ್ಯಾಟಿಂಗ್ ಆರಂಭಿಸಿದ್ದು, ಲ್ಯಾಥಮ್ ಮತ್ತು ವಿಲ್ ಯಂಗ್ ಬ್ಯಾಟಿಂಗ್​ಗೆ ಇಳಿದಿದ್ದಾರೆ. ಇಶಾಂತ್ ಮೊದಲ ಓವರ್‌ನಲ್ಲಿ ಎಸೆದರು, ಈ ಓವರ್‌ನಲ್ಲಿ ಅವರು ಒಂದು ರನ್ ನೀಡಿದರು, ಅದು ಅವರ ನೋ ಬಾಲ್‌ನಿಂದ ಬಂದಿತು.

  • 26 Nov 2021 12:38 PM (IST)

    ಭಾರತದ ಮೊದಲ ಇನ್ನಿಂಗ್ಸ್ 345 ರನ್‌

    ಟಿಮ್ ಸೌಥಿ ಅವರ ಮಾರಕ ಬೌಲಿಂಗ್‌ನಿಂದಾಗಿ ಭಾರತ ದೊಡ್ಡ ಸ್ಕೋರ್ ಮಾಡುವ ಅವಕಾಶವನ್ನು ಕಳೆದುಕೊಂಡಿತು. ಭಾರತ ಮೊದಲ ಇನಿಂಗ್ಸ್‌ನಲ್ಲಿ 345 ರನ್ ಗಳಿಸಿತ್ತು. ಟೀಂ ಇಂಡಿಯಾ ಪರ ಶ್ರೇಯಸ್ ಅಯ್ಯರ್ 105 ರನ್ ಗಳಿಸಿದರೆ, ಶುಭಮನ್ ಗಿಲ್ ಮತ್ತು ರವೀಂದ್ರ ಜಡೇಜಾ ಅರ್ಧಶತಕಗಳ ಇನ್ನಿಂಗ್ಸ್‌ನೊಂದಿಗೆ ಪ್ರಮುಖ ಕೊಡುಗೆ ನೀಡಿದರು. ದಿನದ ಅಂತ್ಯದಲ್ಲಿ ಅಶ್ವಿನ್ ಸಣ್ಣ ಆದರೆ ಮಹತ್ವದ ಇನ್ನಿಂಗ್ಸ್ ಆಡಿದರು. ನ್ಯೂಜಿಲೆಂಡ್ ಪರ ಟಿಮ್ ಸೌಥಿ ಐದು, ಜೇಮಿಸನ್ ಮೂರು ಮತ್ತು ಅಜಾಜ್ ಪಟೇಲ್ ಎರಡು ವಿಕೆಟ್ ಪಡೆದರು.

  • 26 Nov 2021 12:38 PM (IST)

    ಅಶ್ವಿನ್ ಬೌಲ್ಡ್

    img

    ಊಟದ ನಂತರದ ಮೊದಲ ಓವರ್‌ನಲ್ಲಿ ಅಜಾಜ್ ಪಟೇಲ್ ಆರ್ ಅಶ್ವಿನ್ ಅವರನ್ನು ಔಟ್ ಮಾಡುವ ಮೂಲಕ ಭಾರತಕ್ಕೆ ಒಂಬತ್ತನೇ ಹೊಡೆತ ನೀಡಿದರು. ಎಜಾಜ್ ಅವರ ಓವರ್‌ನ ಎರಡನೇ ಎಸೆತದಲ್ಲಿ ಅಶ್ವಿನ್ ಡ್ರೈವ್ ಮಾಡಲು ಹೊರಟಿದ್ದರು ಆದರೆ ಚೆಂಡು ಸ್ಟಂಪ್‌ಗೆ ಅಪ್ಪಳಿಸಿತು. ಅಶ್ವಿನ್ 56 ಎಸೆತಗಳಲ್ಲಿ 38 ರನ್ ಗಳಿಸಿ ಔಟಾದರು.

  • 26 Nov 2021 11:35 AM (IST)

    ಭಾರತ: 339-8

    ಭೋಜನ ವಿರಾಮದ ಸಮಯವಾಗಿದ್ದು, ಭಾರತ 109 ಓವರ್​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 339 ರನ್ ಕಲೆಹಾಕಿದೆ. ಆರ್. ಅಶ್ವಿನ್ 38 (54) ಮತ್ತು ಉಮೇಶ್ ಯಾದವ್ 4 (28) ರನ್ ಗಳಿಸಿ ಕ್ರೀಸ್​ನಲ್ಲಿದ್ದಾರೆ.

  • 26 Nov 2021 11:23 AM (IST)

    ಅಶ್ವಿನ್ ಭರ್ಜರಿ ಬ್ಯಾಟಿಂಗ್

    ರವಿಚಂದ್ರನ್ ಅಶ್ವಿನ್ ಭರ್ಜರಿ ರನ್ ಕಲೆಹಾಕುತ್ತಿದ್ದಾರೆ. ಭಾರತ ತಂಡದ ಮೊತ್ತ 350ರ ಆಸುಪಾಸಿನಲ್ಲಿದೆ. ಆರ್. ಅಶ್ವಿನ್ 49 ಎಸೆತಗಳಲ್ಲಿ 32 ರನ್ ಬಾರಿಸಿ ಕ್ರೀಸ್​ನಲ್ಲಿದ್ದಾರೆ. ಇವರಿಗೆ ಉಮೇಶ್ ಯಾದವ್ ಸಾಥ್ ಕೊಡುತ್ತಿದ್ದಾರೆ.

  • 26 Nov 2021 11:11 AM (IST)

    ಉಮೇಶ್ ಯಾದವ್ ಬೌಂಡರಿ

    img

    ಅಶ್ವಿನ್ ಜೊತೆ ಬಿರುಸಿನ ಬ್ಯಾಟಿಂಗ್​ಗೆ ಉಮೇಶ್ ಯಾದವ್ ಕೂಡ ಜೊತೆಯಾಗಿದ್ದಾರೆ. 104ನೇ ಓವರ್​ನ ಅಜಾದ್ ಪಟೇಲ್​ರ ಕೊನೇ ಎಸೆತದಲ್ಲಿ ಉಮೇಶ್ ಬೌಂಡರಿ ಬಾರಿಸಿದ್ದಾರೆ. ಭಾರತದ ಮೊತ್ತ 104 ಓವರ್​ಗೆ 8 ವಿಕೆಟ್ ಕಳೆದುಕೊಂಡು 326 ರನ್ ಆಗಿದೆ. ಟೀಮ್ ಇಂಡಿಯಾ ಕನಿಷ್ಠ 350ರ ಗಡಿ ದಾಟಲು ಎದುರು ನೋಡುತ್ತಿದೆ.

  • 26 Nov 2021 11:03 AM (IST)

    ಅಶ್ವಿನ್ ಬಿರುಸಿನ ಆಟ

    8 ವಿಕೆಟ್ ಕಳೆದುಕೊಂಡು ಆಲೌಟ್ ಭೀತಿಯಲ್ಲಿರುವ ಭಾರತ ಪರ ರವಿಚಂದ್ರನ್ ಅಶ್ವಿನ್ ಬಿರುಸಿನ ಬ್ಯಾಟಿಂಗ್ ನಡೆಸುತ್ತಿದ್ದಾರೆ. ಇವರು 34 ಎಸೆತಗಳಲ್ಲಿ 4 ಬೌಂಡರಿ ಬಾರಿಸಿ 27 ರನ್ ಸಿಡಿಸಿದ್ದಾರೆ. ಇವರ ಜೊತೆ 50ನೇ ಟೆಸ್ಟ್ ಪಂದ್ಯವನ್ನು ಆಡುತ್ತಿರುವ ಉಮೇಶ್ ಯಾದವ್ ಕ್ರೀಸ್​ನಲ್ಲಿದ್ದಾರೆ.

    ಭಾರತದ ಸ್ಕೋರ್: 320-8 (102)

  • 26 Nov 2021 10:49 AM (IST)

    ಭಾರತದ 8ನೇ ವಿಕೆಟ್ ಪತನ

    img

    ಅಯ್ಯರ್ ನಿರ್ಗಮನದ ಬಳಿಕ ಸರಾಗವಾಗಿ ವಿಕೆಟ್ ಕಳೆದುಕೊಳ್ಳುತ್ತಿದೆ ಭಾರತ. ಟಿಮ್ ಸೌದೀ ಬೌಲಿಂಗ್ ದಾಳಿಯನ್ನು ಅರಿಯುವಲ್ಲಿ ಅಕ್ಷರ್ ಪಟೇಲ್ ಕೂಡ ವಿಫಲರಾಗಿದ್ದು ಕೇವಲ 3 ರನ್ ಗಳಿಸಿ ಪೆವಿಲಿಯನ್ ಸೇರಿಕೊಂಡಿದ್ದಾರೆ.

    ಭಾರತದ ಸ್ಕೋರ್: 313/8 (99 ಓವರ್)

  • 26 Nov 2021 10:42 AM (IST)

    ಶತಕವೀರ ಅಯ್ಯರ್ ಔಟ್

    img

    ಪದಾರ್ಪಣೆ ಪಂದ್ಯದಲ್ಲಿ ಆಕರ್ಷಕ ಶತಕ ಸಿಡಿಸಿ ಶ್ರೇಯಸ್ ಅಯ್ಯರ್ ಔಟ್ ಆಗಿದ್ದಾರೆ. ಈ ಮೂಲಕ ಭಾರತದ 7ನೇ ವಿಕೆಟ್ ಪತನಗೊಂಡಿದೆ. ಅಯ್ಯರ್ 171 ಎಸೆತಗಳಲ್ಲಿ 13 ಬೌಂಡರಿ, 2 ಸಿಕ್ಸರ್​ನೊಂದಿಗೆ 105 ರನ್ ಬಾರಿಸಿ ಸೌದೀ ಬೌಲಿಂಗ್​ನಲ್ಲಿ ಔಟ್ ಆದರು.

  • 26 Nov 2021 10:26 AM (IST)

    300 ಗಡಿ ದಾಟಿದ ಭಾರತದ ಮೊತ್ತ

    ವೃದ್ದಿಮಾನ್ ಸಾಹ ನಿರ್ಗಮನದ ಬಳಿಕ ಕ್ರೀಸ್​ಗೆ ರವಿಚಂದ್ರನ್ ಅಶ್ವಿನ್ ಬಂದಿದ್ದು, ಭಾರತದ ಮೊತ್ತ 300ರ ಗಡಿ ದಾಟಿದೆ. ಶತಕ ಸಿಡಿಸಿ ಬ್ಯಾಟಿಂಗ್ ಮುಂದುವರೆಸುತ್ತಿರುವ ಅಯ್ಯರ್​ಗೆ ಅಶ್ವಿನ್ ಉತ್ತಮ ಸಾಥ್ ನೀಡುತ್ತಿದ್ದಾರೆ.

    ಭಾರತದ ಸ್ಕೋರ್: 301-6 (95 ಓವರ್)

  • 26 Nov 2021 10:12 AM (IST)

    ಸಾಹ ಮತ್ತೆ ವೈಫಲ್ಯ

    img

    ಭಾರತದ 6ನೇ ವಿಕೆಟ್ ಪತನಗೊಂಡಿದೆ. ವೃದ್ದಿಮಾನ್ ಸಾಹ ಉತ್ತಮ ಇನ್ನಿಂಗ್ಸ್ ಕಟ್ಟುವಲ್ಲಿ ಮತ್ತೆ ಎಡವಿದ್ದು ಕೇವಲ 1 ರನ್ ಗಳಿಸಿ ಟಿಮ್ ಸೌದೀ ಬೌಲಿಂಗ್​ನಲ್ಲಿ ಕೀಪರ್​ಗೆ ಕ್ಯಾಚಿತ್ತು ನಿರ್ಗಮಿಸಿದ್ದಾರೆ.

  • 26 Nov 2021 10:06 AM (IST)

    ಅಯ್ಯರ್ ಚೊಚ್ಚಲ ಶತಕ

    ಪದಾರ್ಪಣೆ ಪಂದ್ಯದಲ್ಲೇ ಶ್ರೇಯಸ್ ಅಯ್ಯರ್ ಆಕರ್ಷಕ ಶತಕ ಸಿಡಿಸಿದ ಸಾಧನೆ ಮಾಡಿದ್ದಾರೆ. 157 ಎಸೆತಗಳಲ್ಲಿ 12 ಬೌಂಡರಿ, 2 ಸಿಕ್ಸರ್ ಸಿಡಿಸಿ ಅಯ್ಯರ್ ಸೆಂಚುರಿ ಪೂರ್ಣಗೊಳಿಸಿದ್ದಾರೆ. ಚೊಚ್ಚಲ ಪಂದ್ಯದಲ್ಲೇ ಶತಕ ಬಾರಿಸಿದ ಭಾರತದ 16ನೇ ಆಟಗಾರ ಇವರಾಗಿದ್ದಾರೆ.

    ಭಾರತ ಸ್ಕೋರ್: 284-5 (91.1 ಓವರ್)

  • 26 Nov 2021 09:54 AM (IST)

    ಭಾರತದ ಸ್ಕೋರ್: 272-5 (89 ಓವರ್)

    ಜಡೇಜಾ ಔಟ್ ಆದ ಬಳಿಕ ವಿಕೆಟ್ ಕೀಪರ್, ಬ್ಯಾಟರ್ ವೃದ್ದಿಮಾನ್ ಸಾಹ ಕ್ರೀಸ್​ಗೆ ಬಂದಿದ್ದಾರೆ. ಶ್ರೇಯಸ್ ಅಯ್ಯರ್ ಶತಕದತ್ತ ದಾಪುಗಾಲಿಡುತ್ತಿದ್ದು, 146 ಎಸೆತಗಳಲ್ಲಿ 88 ರನ್ ಬಾರಿಸಿ ಕ್ರೀಸ್​ನಲ್ಲಿದ್ದಾರೆ.

  • 26 Nov 2021 09:49 AM (IST)

    2ನೇ ದಿನದಾಟದ ಆರಂಭದಲ್ಲೇ ಭಾರತಕ್ಕೆ ಶಾಕ್

    img

    ಎರಡನೇ ದಿನದಾಟ ಆರಂಭಿಸಿರುವ ಭಾರತಕ್ಕೆ ಆರಂಭದಲ್ಲೇ ಆಘಾತ ಉಂಟಾಗಿದೆ. ಮೊದಲ ದಿನ ಅರ್ಧಶತಕ ಸಿಡಿಸಿ ಅಯ್ಯರ್ ಜೊತೆ ತಂಡಕ್ಕೆ ಆಸರೆಯಾಗಿದ್ದ ರವೀಂದ್ರ ಜಡೇಜಾ ಅವರು ಟಿಮ್ ಸೌದೀ ಬೌಲಿಂಗ್​ನಲ್ಲಿ ಕ್ಲೀನ್ ಬೌಲ್ಡ್ ಆಗಿದ್ದಾರೆ.

Click on your DTH Provider to Add TV9 Kannada