INDW vs ENGW: ಮಂದಾನ ಸ್ಪೋಟಕ ಬ್ಯಾಟಿಂಗ್ ವ್ಯರ್ಥ: 8 ವಿಕೆಟ್ಗಳಿಂದ ಗೆದ್ದ ಇಂಗ್ಲೆಂಡ್ಗೆ ಟಿ-20 ಸರಣಿ
ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ಇಂಗ್ಲೆಂಡ್ 18.4 ಓವರ್ನಲ್ಲೇ ಕೇವಲ 2 ವಿಕೆಟ್ ಕಳೆದುಕೊಂಡು 154 ರನ್ ಬಾರಿಸುವ ಮೂಲಕ ಭರ್ಜರಿ ಜಯ ಸಾಧಿಸಿತು. ಡೆನಿಯಲ್ ವ್ಯಾಟ್ ಬ್ಯಾಟಿಂಗ್ ಅಬ್ಬವನ್ನು ತಡೆಯಲು ಭಾರತೀಯ ಬೌಲರ್ಗಳು ವಿಫಲರಾದರು.
ಭಾರೀ ಕುತೂಹಲ ಕೆರಳಿಸಿದ್ದ ಭಾರತ ಹಾಗೂ ಇಂಗ್ಲೆಂಡ್ (India vs England) ಮಹಿಳೆಯರ ನಡುವಣ ನಿರ್ಣಾಯಕ ಮೂರನೇ ಟಿ-20 ಪಂದ್ಯದದಲ್ಲಿ (3rd T20I) ಆಂಗ್ಲರು ಭರ್ಜರಿ ಜಯ ಸಾಧಿಸಿ ಸರಣಿ ವಶಪಡಿಸಿಕೊಂಡಿದ್ದಾರೆ. ಸೃತಿ ಮಂದಾನ (Smriti Mandhana) ಸ್ಫೋಟಕ ಆಟ ತಂಡಕ್ಕೆ ಯಾವುದೆ ಸಹಾಯ ಮಾಡಲಿಲ್ಲ. ಡೆನಿಯಲ್ ವ್ಯಾಟ್ (Danielle Wyatt) ಅವರ ಅಜೇಯ ಆಟದ ನೆರವಿನಿಂದ ಇಂಗ್ಲೆಂಡ್ 8 ವಿಕೆಟ್ಗಳ ಗೆಲುವು ಸಾಧಿಸಿ ಮೂರು ಟಿ-20 ಪಂದ್ಯಗಳಲ್ಲಿ 2-1 ಮುನ್ನಡೆ ಕಾಯ್ದುಕೊಳ್ಳುವ ಮೂಲಕ ಸರಣಿ ವಶಪಡಿಸಿಕೊಂಡಿತು.
ಟಾಸ್ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಭಾರತ ಅಂದುಕೊಂಡಂತೆ ಉತ್ತಮ ಆರಂಭ ಪಡೆದುಕೊಂಡಿಲ್ಲ. ಮೊದಲ ಓವರ್ನಲ್ಲೇ ಶೆಫಾಲಿ ವರ್ಮಾ ಶೂನ್ಯಕ್ಕೆ ಔಟ್ ಆದರು. ಹರ್ಲೀನ್ ಡಿಯೋನಲ್ 6 ರನ್ಗೆ ನಿರ್ಗಮಿಸಿ. ಈ ಸಂದರ್ಭ ತಂಡಕ್ಕೆ ಆಸರೆಯಾಗಿದ್ದು, ಸ್ಮೃತಿ ಮಂದಾನ ಮತ್ತು ನಾಯಕಿ ಹರ್ಮನ್ಪ್ರತ್ ಕೌರ್.
13 ರನ್ಗೆ 2 ವಿಕೆಟ್ ಕಳೆದುಕೊಂಡಿದ್ದ ವೇಳೆ ಜೊತೆಯಾದ ಈ ಜೋಡಿ ಅತ್ಯುತ್ತಮ ಆಟ ಪ್ರದರ್ಶಿಸಿತು. ಅದರಲ್ಲೂ ಮಂದಾನ ಬಿರುಸಿನ ಆಟಕ್ಕೆ ಮುಂದಾದರೆ ಕೌರ್ ಉತ್ತಮ ಸಾತ್ ನೀಡಿದರು. ಈ ಜೋಡಿ 68 ರನ್ಗಳ ಕಾಣಿಕೆ ನೀಡಿತು. 26 ಎಸೆತಗಳಲ್ಲಿ 5 ಬೌಂಡರಿ 1 ಸಿಕ್ಸರ್ ಬಾರಿಸಿ ಕೌರ್ 36 ರನ್ಗೆ ಔಟ್ ಆದರು. ಇತ್ತ ಸ್ನೇ ರಾಣ ಕೇವಲ 4 ರನ್ಗೆ ಬ್ಯಾಟ್ ಕೆಳಗಿಟ್ಟರು.
ಇದರ ನಡುವೆ ಮಂದಾನ ತಂಡದ ಮೊತ್ತವನ್ನು ಹೆಚ್ಚಿಸುವಲ್ಲಿ ಪ್ರಯತ್ನ ಪಟ್ಟರು. 51 ಎಸೆತಗಳನ್ನು ಎದುರಿಸಿದ ಮಂದಾನ 8 ಬೌಂಡರಿ, 2 ಸಿಕ್ಸರ್ನೊಂದಿಗೆ 70 ರನ್ ಬಾರಿಸಿದರು, ರಿಚಾ ಘೋಶ್ 20 ರನ್ ಗಳಿಸಿದರು. ಅಂತಿಮವಾಗಿ ಭಾರತ ನಿಗದಿತ 20 ಓವರ್ನಲ್ಲಿ 6 ವಿಕೆಟ್ ನಷ್ಟಕ್ಕೆ 153 ರನ್ ಕಲೆಹಾಕಿತು.
ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ಇಂಗ್ಲೆಂಡ್ 18.4 ಓವರ್ನಲ್ಲೇ ಕೇವಲ 2 ವಿಕೆಟ್ ಕಳೆದುಕೊಂಡು 154 ರನ್ ಬಾರಿಸುವ ಮೂಲಕ ಭರ್ಜರಿ ಜಯ ಸಾಧಿಸಿತು. ಡೆನಿಯಲ್ ವ್ಯಾಟ್ ಬ್ಯಾಟಿಂಗ್ ಅಬ್ಬವನ್ನು ತಡೆಯಲು ಭಾರತೀಯ ಬೌಲರ್ಗಳು ವಿಫಲರಾದರು.
ವ್ಯಾಟ್ ಕೇವಲ 56 ಎಸೆತಗಳಲ್ಲಿ 12 ಬೌಂಡರಿ, 1 ಸಿಕ್ಸರ್ ಸಿಡಿಸಿ ಅಜೇಯ 89 ರನ್ ಚಚ್ಚಿದರು. ಇವರಿಗೆ ಕೈಜೋಡಿಸಿದ ನತಾಲಿ ಸ್ಕಿವರ್ 36 ಎಸೆತಗಳಲ್ಲಿ 42 ರನ್ ಬಾರಿಸಿದರು. 8 ವಿಕೆಟ್ಗಳ ಅಮೋಘ ಗೆಲುವಿನೊಂದಿಗೆ ಇಂಗ್ಲೆಂಡ್ ಮಹಿಳಾ ತಂಡ 2-1 ಮುನ್ನಡೆ ಸಾಧಿಸಿ ಟಿ-20 ಸರಣಿ ವಶಪಡಿಸಿಕೊಂಡಿತು. ಡೆನಿಯಲ್ ವ್ಯಾಟ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಬಾಜಿಕೊಂಡರೆ, ಟೂರ್ನಿಯದ್ದಕ್ಕೂ ಅತ್ಯುತ್ತಮ ಪ್ರದರ್ಶನ ನೀಡಿದ ನತಾಲಿ ಸ್ಕಿವರ್ ಸರಣಿಶ್ರೇಷ್ಠ ಪ್ರಶಸ್ತಿ ತಮ್ಮದಾಗಿಸಿದರು.
(ENG beats IND by eight wickets to win the match and series)
