IPL Auction 2022: ಮೆಗಾ ಹರಾಜಿನಲ್ಲಿ ಈ ಐವರು ಗೇಮ್ ಫಿನಿಶರ್‌ಗಳ ಮೇಲೆ ಹಣದ ಮಳೆಯೇ ಸುರಿಯಲಿದೆ
IPL Auction 2022: ಕಷ್ಟದ ಸಂದರ್ಭಗಳಲ್ಲಿ ರನ್‌ಗಳ ವೇಗವನ್ನು ಹೆಚ್ಚಿಸುವುದಾಗಲಿ ಅಥವಾ ಗುರಿ ಮುಟ್ಟಲು ರನ್ ಹೊಡೆಯುವುದಾಗಲಿ 5 ಮತ್ತು 6ನೇ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ಪಾತ್ರ ಬಹಳ ಮುಖ್ಯವಾಗುತ್ತದೆ. ಈ ಬ್ಯಾಟ್ಸ್‌ಮನ್‌ಗಳನ್ನು ಸಾಮಾನ್ಯವಾಗಿ ಮ್ಯಾಚ್ ಫಿನಿಶರ್ ಎಂದು ಕರೆಯಲಾಗುತ್ತದೆ.
Updated on: Feb 10, 2022 | 9:37 PM
ಐಪಿಎಲ್ 2022 ಮೆಗಾ ಹರಾಜು: ಕಷ್ಟದ ಸಂದರ್ಭಗಳಲ್ಲಿ ರನ್‌ಗಳ ವೇಗವನ್ನು ಹೆಚ್ಚಿಸುವುದಾಗಲಿ ಅಥವಾ ಗುರಿ ಮುಟ್ಟಲು ರನ್ ಹೊಡೆಯುವುದಾಗಲಿ 5 ಮತ್ತು 6ನೇ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ಪಾತ್ರ ಬಹಳ ಮುಖ್ಯವಾಗುತ್ತದೆ. ಈ ಬ್ಯಾಟ್ಸ್‌ಮನ್‌ಗಳನ್ನು ಸಾಮಾನ್ಯವಾಗಿ ಮ್ಯಾಚ್ ಫಿನಿಶರ್ ಎಂದು ಕರೆಯಲಾಗುತ್ತದೆ. ಕೊನೆಯ ಎಸೆತದವರೆಗೂ ನಿಂತು ತಂಡಕ್ಕೆ ಜಯ ತಂದುಕೊಡುವ ಜವಾಬ್ದಾರಿ ಈ ಆಟಗಾರರ ಮೇಲಿದೆ. ಇದೇ ಪಾತ್ರದಿಂದ ಎಂಎಸ್ ಧೋನಿ (MS Dhoni) ವಿಶ್ವದ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರಾಗಿದ್ದಾರೆ. ಆಸ್ಟ್ರೇಲಿಯದ ಮಾಜಿ ಬ್ಯಾಟ್ಸ್‌ಮನ್ ಮೈಕೆಲ್ ಬೆವನ್ ಅವರು ಇನ್ನೂ ನೆನಪಿನಲ್ಲಿ ಉಳಿಯುವ ಆಟಗಾರರಾಗಿದ್ದಾರೆ.
ಐಪಿಎಲ್‌ನಲ್ಲೂ ಬ್ಯಾಟ್ಸ್‌ಮನ್‌ಗಳು ಈ ಪಾತ್ರವನ್ನು ನಿರ್ವಹಿಸುವ ಅವಶ್ಯಕತೆಯಿದೆ. ಹೀಗಾಗಿ ಪ್ರತಿ ತಂಡವು ಅತ್ಯುತ್ತಮ ಫಿನಿಶರ್ ಅನ್ನು ಹೊಂದಲು ಬಯಸುತ್ತದೆ. ಐಪಿಎಲ್ 2022 ರ ಹರಾಜಿನಲ್ಲಿ, ಅಂತಹ ಬ್ಯಾಟ್ಸ್‌ಮನ್‌ಗಳ ಮೇಲೆ ಸಾಕಷ್ಟು ಹಣದ ಮಳೆ ಬೀಳಲು ಇದು ಕಾರಣವಾಗಿದೆ. ಫಿನಿಶರ್ ಪಾತ್ರಕ್ಕೆ ಪರ್ಫೆಕ್ಟ್ ಆಗಿರುವ ಆ 5 ಬ್ಯಾಟ್ಸ್‌ಮನ್‌ಗಳು ಯಾರೆಂದು ನಾವು ನಿಮಗೆ ಹೇಳಲಿದ್ದೇವೆ.
1. ಟಿಮ್ ಡೇವಿಡ್
ಸಿಂಗಾಪುರದ ಬ್ಯಾಟ್ಸ್‌ಮನ್ ಟಿಮ್ ಡೇವಿಡ್ ಹೆಸರು ಇತ್ತೀಚಿನ ದಿನಗಳಲ್ಲಿ ಮುಖ್ಯಾಂಶಗಳಲ್ಲಿದೆ. ಈ ಬಲಗೈ ಬ್ಯಾಟ್ಸ್‌ಮನ್ ಪ್ರಪಂಚದಾದ್ಯಂತ T20 ಲೀಗ್‌ಗಳನ್ನು ಆಡುತ್ತಾರೆ. ಅದು ಆಸ್ಟ್ರೇಲಿಯಾದ ಬಿಗ್ ಬ್ಯಾಷ್ ಆಗಿರಲಿ, ಅಥವಾ ವೆಸ್ಟ್ ಇಂಡೀಸ್ ನ CPL ಆಗಿರಲಿ, ಪಾಕಿಸ್ತಾನದ PSL ಅಥವಾ ಶ್ರೀಲಂಕಾದ ಲಂಕಾ ಪ್ರೀಮಿಯರ್ ಲೀಗ್ ಆಗಿರಲಿ. ಟಿಮ್ ಡೇವಿಡ್ ಅವರ ಹಿಟ್ಟಿಂಗ್ ಪ್ರತಿ T20 ಲೀಗ್‌ನಲ್ಲಿ ಪ್ರಾಬಲ್ಯ ಹೊಂದಿದೆ. ಟಿಮ್ ಡೇವಿಡ್ 5 ಮತ್ತು 6 ನೇ ಸ್ಥಾನದಲ್ಲಿ ಬ್ಯಾಟ್ ಮಾಡುತ್ತಾರೆ ಮತ್ತು ಸಿಕ್ಸರ್ಗಳನ್ನು ಹೊಡೆಯುವ ಅವರ ಸಾಮರ್ಥ್ಯವು ಕಣ್ಣಿಗೆ ಬೀಳುತ್ತದೆ. ಕಳೆದ ಋತುವಿನಲ್ಲಿ, ಟಿಮ್ ಡೇವಿಡ್ ಅವರನ್ನು ಎರಡನೇ ಲೆಗ್‌ನಲ್ಲಿ RCB ತನ್ನ ತಂಡಕ್ಕೆ ಸೇರಿಸಿಕೊಂಡಿತು ಆದರೆ ಅವರಿಗೆ ಕೇವಲ 1 ಪಂದ್ಯವನ್ನು ನೀಡಲಾಯಿತು, ಅದರಲ್ಲಿ ಅವರು 1 ರನ್ ಗಳಿಸಿದ ನಂತರ ಔಟಾದರು. ಅಂದಹಾಗೆ, ಟಿಮ್ ಡೇವಿಡ್ ಅವರ T20 ಸರಾಸರಿ 34 ಕ್ಕಿಂತ ಹೆಚ್ಚು ಮತ್ತು ಅವರು ಸುಮಾರು 160 ಸ್ಟ್ರೈಕ್ ರೇಟ್‌ನಲ್ಲಿ ರನ್ ಗಳಿಸಿದ್ದಾರೆ.
2. ರಾಯುಡು
175 ಐಪಿಎಲ್ ಪಂದ್ಯಗಳು, 3916 ರನ್, ಒಂದು ಶತಕ ಮತ್ತು 21 ಅರ್ಧ ಶತಕ, ಇದು ಚೆನ್ನೈ ಸೂಪರ್ ಕಿಂಗ್ಸ್‌ಗಾಗಿ ಎರಡು ಬಾರಿ ಪ್ರಶಸ್ತಿ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಬ್ಯಾಟ್ಸ್‌ಮನ್‌ನ ಅಂಕಿಅಂಶಗಳು. ಈ ಬಾರಿಯ ಐಪಿಎಲ್ ಹರಾಜಿನಲ್ಲಿ ಕೋಟಿಗಟ್ಟಲೆ ಗಳಿಸಬಲ್ಲ ಅಂಬಟಿ ರಾಯುಡು ಬಗ್ಗೆ ಮಾತನಾಡಲಾಗುತ್ತಿದೆ. ರಾಯುಡು ರಬಸವಾಗಿ ಹೊಡೆಯುವುದರ ಹೊರತಾಗಿ, ಸ್ಟ್ರೈಕ್ ಅನ್ನು ತಿರುಗಿಸುವ ಸಾಮರ್ಥ್ಯವನ್ನೂ ಹೊಂದಿದ್ದಾರೆ, ಅದು ಅವರನ್ನು ಅತ್ಯಂತ ಅಪಾಯಕಾರಿ ಆಟಗಾರನನ್ನಾಗಿ ಮಾಡುತ್ತದೆ. ಈ ಆಟಗಾರನನ್ನು ಮತ್ತೊಮ್ಮೆ ಖರೀದಿಸಲು ಚೆನ್ನೈ ಪ್ರಯತ್ನಿಸಲಿದ್ದು, ಇತರ ತಂಡಗಳು ಕೂಡ ರಾಯುಡು ಮೇಲೆ ಕಣ್ಣಿಟ್ಟಿವೆ.
3. ಹೂಡಾ ಬೆಸ್ಟ್ ಮ್ಯಾಚ್ ಫಿನಿಶರ್
ಬಲಗೈ ಬ್ಯಾಟ್ಸ್‌ಮನ್ ದೀಪಕ್ ಹೂಡಾ ಕೂಡ ಮ್ಯಾಚ್ ಫಿನಿಶರ್ ಆಗಿರುವುದರಿಂದ ಐಪಿಎಲ್ ಹರಾಜಿನಲ್ಲಿ ಪ್ರಾಬಲ್ಯ ಸಾಧಿಸಬಹುದು. ಇತ್ತೀಚೆಗಷ್ಟೇ ದೀಪಕ್ ಹೂಡಾ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆದಿದ್ದು, ಅವರಿಗೆ ಮ್ಯಾಚ್ ಫಿನಿಶರ್ ಪಾತ್ರವನ್ನು ವಹಿಸಲಾಗಿದೆ. ಹೂಡಾ ಅವರಿಗೆ 80 ಐಪಿಎಲ್ ಪಂದ್ಯಗಳ ಅನುಭವವಿದ್ದರೂ ಅವರ ಪ್ರತಿಭೆಗೆ ತಕ್ಕಂತೆ ಪ್ರದರ್ಶನ ನೀಡಲು ಸಾಧ್ಯವಾಗಿಲ್ಲ. ಆದಾಗ್ಯೂ, 2020 ರಲ್ಲಿ, ಅವರು ಖಂಡಿತವಾಗಿಯೂ 101 ರ ಸರಾಸರಿಯಲ್ಲಿ 101 ರನ್ ಗಳಿಸುವ ಮೂಲಕ ತಮ್ಮ ಕೌಶಲ್ಯವನ್ನು ತೋರಿಸಿದರು. ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ 2021 ರಲ್ಲಿ, ಹೂಡಾ ತಮ್ಮ ಅದ್ಭುತ ಬ್ಯಾಟಿಂಗ್‌ನಿಂದ ಎಲ್ಲರ ಗಮನ ಸೆಳೆದಿದ್ದಾರೆ.
4. ಶಾರುಖ್ ಖಾನ್
ಐಪಿಎಲ್ 2022 ಹರಾಜಿನಲ್ಲಿ ಯಾವುದೇ ಫಿನಿಶರ್ ಹೆಚ್ಚು ಹಣವನ್ನು ಪಡೆದರೆ, ಅದು ಶಾರುಖ್ ಖಾನ್. ತಮಿಳುನಾಡಿನ ಈ ಬ್ಯಾಟ್ಸ್‌ಮನ್‌ನನ್ನು ಕಳೆದ ಐಪಿಎಲ್ ಹರಾಜಿನಲ್ಲಿ ಪಂಜಾಬ್ ಕಿಂಗ್ಸ್ 5.25 ಕೋಟಿ ರೂ.ಗೆ ಖರೀದಿಸಿತ್ತು. ಈ ಬ್ಯಾಟ್ಸ್‌ಮನ್ 11 ಪಂದ್ಯಗಳಲ್ಲಿ 21.85 ಸರಾಸರಿಯಲ್ಲಿ 153 ರನ್ ಗಳಿಸಿದ್ದಾರೆ. ಶಾರುಖ್‌ಗೆ ಹೆಚ್ಚು ಬ್ಯಾಟಿಂಗ್ ಅವಕಾಶಗಳನ್ನು ನೀಡಲಿಲ್ಲ ಆದರೆ ಅವರ ಕೌಶಲ್ಯದ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಇತ್ತೀಚೆಗೆ ವಿಜಯ್ ಹಜಾರೆ ಟ್ರೋಫಿಯ ಫೈನಲ್ ಪಂದ್ಯದಲ್ಲಿ ಶಾರುಖ್ ಖಾನ್ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿ ತಮಿಳುನಾಡಿಗೆ ವಿಜಯ್ ಹಜಾರೆ ಟ್ರೋಫಿ ಗೆದ್ದುಕೊಟ್ಟಿದ್ದರು. ಖಂಡಿತಾ ಈ ಆಟಗಾರನ ಮೇಲೆ ಕೋಟಿಗಳ ಮಳೆ ಬೀಳಲಿದೆ.
5. ದಿನೇಶ್ ಕಾರ್ತಿಕ್ ಒಬ್ಬ ಅನುಭವಿ ಮ್ಯಾಚ್ ಫಿನಿಶರ್
ತಮಿಳುನಾಡಿನ ಮತ್ತೊಬ್ಬ ಬ್ಯಾಟ್ಸ್‌ಮನ್ ದಿನೇಶ್ ಕಾರ್ತಿಕ್. ಮ್ಯಾಚ್ ಫಿನಿಶರ್ ಅಲ್ಲದೆ ದಿನೇಶ್ ಕಾರ್ತಿಕ್ ಅತ್ಯುತ್ತಮ ವಿಕೆಟ್ ಕೀಪರ್ ಕೂಡ. ಕಾರ್ತಿಕ್ 213 ಐಪಿಎಲ್ ಪಂದ್ಯಗಳ ಅನುಭವವನ್ನು ಹೊಂದಿದ್ದಾರೆ ಮತ್ತು 25.77 ರ ಸರಾಸರಿಯಲ್ಲಿ ತಮ್ಮ ಬ್ಯಾಟ್‌ನಿಂದ 4046 ರನ್ ಗಳಿಸಿದ್ದಾರೆ. ಕಾರ್ತಿಕ್ ಅವರ ಅನುಭವವು ಯಾವುದೇ ತಂಡಕ್ಕೆ ಕಷ್ಟಕರ ಸಂದರ್ಭಗಳಲ್ಲಿ ಲಾಭವನ್ನು ನೀಡುತ್ತದೆ.
ಇದನ್ನೂ ಓದಿ:IND vs WI: 2 ವರ್ಷಗಳಿಂದ ಶತಕಗಳಿಲ್ಲ; ಬ್ಯಾಟಿಂಗ್ ಸರಾಸರಿಯಲ್ಲೂ ತೀರ ಕುಸಿತ ಕಂಡ ಕೊಹ್ಲಿ!
