6 ಎಸೆತಗಳಲ್ಲೇ ಯುವರಾಜ್ ಸಿಂಗ್ ದಾಖಲೆ ಉಡೀಸ್ ಮಾಡಿದ ನಮನ್ ಧೀರ್!
ಎದುರಿಸಿದ್ದು ಕೇವಲ 6 ಎಸೆತಗಳು, ಅದರಲ್ಲಿ 3 ಭರ್ಜರಿ ಸಿಕ್ಸ್ ಹಾಗೂ 1 ಫೋರ್... ಈ ಸಿಕ್ಸ್-ಫೋರ್‌ಗಳ ನೆರವಿನಿಂದ ಟೀಮ್ ಇಂಡಿಯಾದ ಯುವ ಸ್ಫೋಟಕ ದಾಂಡಿಗ ನಮನ್ ಧೀರ್ ಹೊಸ ಇತಿಹಾಸ ನಿರ್ಮಿಸಿದ್ದಾರೆ. ಅದು ಸಹ 'ಸಿಕ್ಸರ್ ಸಿಂಗ್' ಖ್ಯಾತಿಯ ಯುವರಾಜ್ ಸಿಂಗ್ ಅವರ 19 ವರ್ಷಗಳ ಹಳೆಯ ಸುದೀರ್ಘ ದಾಖಲೆಯನ್ನು ಮುರಿಯುವ ಮೂಲಕ ಎಂಬುದು ವಿಶೇಷ.
ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ 5ನೇ ಟಿ20 ಪಂದ್ಯದಲ್ಲಿ ಭಾರತದ ಯುವ ಆಲ್ ರೌಂಡರ್ ನಮನ್ ಧೀರ್ ಹೊಸ ಇತಿಹಾಸ ಬರೆದಿದ್ದಾರೆ. ಅದು ಸಹ ಕೇವಲ 6 ಎಸೆತಗಳಲ್ಲಿ ಎಂಬುದು ವಿಶೇಷ. ಅಂದರೆ ಟಿ20 ಕ್ರಿಕೆಟ್ನಲ್ಲಿ ಕನಿಷ್ಠ 6 ಎಸೆತಗಳನ್ನು ಎದುರಿಸಿ ಗರಿಷ್ಠ ಸ್ಟ್ರೈಕ್ ರೇಟ್ ಕಾಯ್ದುಕೊಂಡ ಭಾರತೀಯ ಬ್ಯಾಟರ್ ಎಂಬ ದಾಖಲೆ ಇದೀಗ ನಮನ್ ಧೀರ್ ಪಾಲಾಗಿದೆ.
ಯುವರಾಜ್ ಸಿಂಗ್ ದಾಖಲೆ ಉಡೀಸ್!
2007ರ ಟಿ20 ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ಯುವರಾಜ್ ಸಿಂಗ್ 6 ಎಸೆತಗಳಲ್ಲಿ 6 ಸಿಕ್ಸರ್ ಸಿಡಿಸಿ, 16 ಎಸೆತಗಳಲ್ಲಿ 58 ರನ್ ಚಚ್ಚಿದ್ದರು. ಅಂದು ಯುವಿ 362.50 ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟ್ ಬೀಸಿ ಭರ್ಜರಿ ದಾಖಲೆ ಬರೆದಿದ್ದರು. ಈ ಬೃಹತ್ ದಾಖಲೆಯನ್ನು ನಮನ್ ಧೀರ್ ಈಗ ಮುರಿದಿದ್ದಾರೆ.
ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಲ್ಲಿ ಕೇವಲ 6 ಎಸೆತಗಳನ್ನು ಎದುರಿಸಿದ ಧೀರ್, 3 ಸಿಕ್ಸರ್ ಹಾಗೂ 1 ಬೌಂಡರಿ ನೆರವಿನಿಂದ 400 ರ ಸ್ಟ್ರೈಕ್ ರೇಟ್ನಲ್ಲಿ ಅಜೇಯ 24 ರನ್ ಚಚ್ಚಿದರು. ಈ ಮೂಲಕ ಕನಿಷ್ಠ 6 ಎಸೆತಗಳನ್ನು ಎದುರಿಸಿ ಗರಿಷ್ಠ ಸ್ಟ್ರೈಕ್ ರೇಟ್ ಕಾಯ್ದುಕೊಂಡ ಭಾರತೀಯ ಬ್ಯಾಟರ್ ಎಂಬ ದಾಖಲೆಯನ್ನು ನಮನ್ ತಮ್ಮದಾಗಿಸಿಕೊಂಡಿದ್ದಾರೆ.
ಭಾರತೀಯ ಗರಿಷ್ಠ ಟಿ20 ಸ್ಟ್ರೈಕ್ ರೇಟ್ (ಕನಿಷ್ಠ 6 ಎಸೆತಗಳು):
| ಆಟಗಾರ | ಸ್ಟ್ರೈಕ್ ರೇಟ್ | ರನ್ | ಎಸೆತ | ಎದುರಾಳಿ | ವರ್ಷ |
|---|---|---|---|---|---|
| ನಮನ್ ಧೀರ್ | 400.00 | 24* | 6 | ವೆಸ್ಟ್ ಇಂಡೀಸ್ | 2026 |
| ಯುವರಾಜ್ ಸಿಂಗ್ | 362.50 | 58 | 16 | ಇಂಗ್ಲೆಂಡ್ | 2007 |
| ದಿನೇಶ್ ಕಾರ್ತಿಕ್ | 362.50 | 29* | 8 | ಬಾಂಗ್ಲಾದೇಶ | 2018 |
ವಿಶ್ವ ದಾಖಲೆಯಲ್ಲ!
ನಮನ್ ಧೀರ್ ಕೇವಲ 6 ಎಸೆತಗಳಲ್ಲಿ 400.00 ರ ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟ್ ಬೀಸಿದರೂ ಇದು ವಿಶ್ವ ದಾಖಲೆಯಲ್ಲ ಎಂಬುದು ವಿಶೇಷ. ಅಂದರೆ ಕನಿಷ್ಠ 6 ಎಸೆತಗಳನ್ನು ಎದುರಿಸಿ ಗರಿಷ್ಠ ಸ್ಟ್ರೈಕ್ ರೇಟ್ ಪ್ರದರ್ಶಿಸಿದ ವರ್ಲ್ಡ್ ರೆಕಾರ್ಡ್ ನೆಪಾಳ ತಂಡದ ದೀಪೇಂದ್ರ ಸಿಂಗ್ ಐರಿ ಹೆಸರಿನಲ್ಲಿದೆ.
ನೇಪಾಳ ತಂಡದ ದೀಪೇಂದ್ರ ಸಿಂಗ್ ಐರಿ ಈ ಜಾಗತಿಕ ದಾಖಲೆಯನ್ನು 2023ರ ಸೆಪ್ಟೆಂಬರ್ 27ರಂದು ಚೀನಾದ ಹಾಂಗ್‌ಝೌನಲ್ಲಿ ನಡೆದ 19ನೇ ಏಷ್ಯನ್ ಗೇಮ್ಸ್ ಪಂದ್ಯಾವಳಿಯಲ್ಲಿ ಬರೆದಿದ್ದರು.
ಮಂಗೋಲಿಯಾ ವಿರುದ್ಧ ನಡೆದ ಆ ಐತಿಹಾಸಿಕ ಪಂದ್ಯದಲ್ಲಿ, 19ನೇ ಓವರ್‌ನಲ್ಲಿ ಕಣಕ್ಕಿಳಿದ ದೀಪೇಂದ್ರ ಸಿಂಗ್ ಐರಿ, ಎದುರಿಸಿದ ಮೊದಲ 6 ಎಸೆತಗಳನ್ನೂ ಸಿಕ್ಸರ್‌ಗೆ ಅಟ್ಟಿದ್ದರು. ಅಲ್ಲದೆ ಕೇವಲ 9 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ಅವರು, ಅಂತಿಮವಾಗಿ 10 ಎಸೆತಗಳಲ್ಲಿ 8 ಭರ್ಜರಿ ಸಿಕ್ಸರ್‌ಗಳ ನೆರವಿನಿಂದ ಅಜೇಯ 52 ರನ್ ಚಚ್ಚಿದರು.
ಇದನ್ನೂ ಓದಿ: 5+5+2: ಟೀಮ್ ಇಂಡಿಯಾದ ಮುಂದಿನ ಸರಣಿ ವೇಳಾಪಟ್ಟಿ ಇಲ್ಲಿದೆ
ಈ ಮೂಲಕ ದೀಪೇಂದ್ರ ಸಿಂಗ್ ಐರಿ 520.00 ರ ಅತ್ಯದ್ಭುತ ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟ್ ಬೀಸಿ ಹೊಸ ವಿಶ್ವ ದಾಖಲೆ ನಿರ್ಮಿಸಿದ್ದರು. ಇದು ಅಂತರರಾಷ್ಟ್ರೀಯ ಟಿ20 ಕ್ರಿಕೆಟ್ ಇತಿಹಾಸದಲ್ಲೇ ಕನಿಷ್ಠ 6 ಎಸೆತಗಳನ್ನು ಎದುರಿಸಿದ ಇನಿಂಗ್ಸ್‌ ಒಂದರಲ್ಲಿ ಬ್ಯಾಟರ್ ಒಬ್ಬರು ಕಾಯ್ದುಕೊಂಡ ಸಾರ್ವಕಾಲಿಕ ಗರಿಷ್ಠ ಸ್ಟ್ರೈಕ್ ರೇಟ್ ಆಗಿದೆ.