5+5+2: ಟೀಮ್ ಇಂಡಿಯಾದ ಮುಂದಿನ ಸರಣಿ ವೇಳಾಪಟ್ಟಿ ಇಲ್ಲಿದೆ
ಭಾರತ ಮತ್ತು ನ್ಯೂಝಿಲೆಂಡ್ ನಡುವಣ ಸರಣಿಯು ಅಕ್ಟೋಬರ್ 22 ರಿಂದ ಶುರುವಾಗಲಿದೆ. ಈ ಸರಣಿಯಲ್ಲಿ ಟೀಮ್ ಇಂಡಿಯಾ ಒಟ್ಟು 5 ಟಿ20, 5 ಏಕದಿನ ಹಾಗೂ 2 ಟೆಸ್ಟ್ ಪಂದ್ಯಗಳನ್ನಾಡಲಿದೆ. ಇದರಲ್ಲಿನ 2 ಟೆಸ್ಟ್ ಪಂದ್ಯಗಳು ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಸರಣಿಯ ಭಾಗವಾಗಿವೆ. ಹೀಗಾಗಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ ರೇಸ್‌ನಲ್ಲಿ ಉಳಿಯಲು ಟೀಮ್ ಇಂಡಿಯಾ ಪಾಲಿಗೆ ಈ ಟೆಸ್ಟ್ ಪಂದ್ಯಗಳು ಅತ್ಯಂತ ಮಹತ್ವದ್ದಾಗಿವೆ.
Updated on: Oct 18, 2026 | 10:13 AM
ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಣ ಸರಣಿ ಮುಕ್ತಾಯಗೊಂಡಿದೆ. ಮೂರು ಮ್ಯಾಚ್ಗಳ ಏಕದಿನ ಸರಣಿಯನ್ನು 2-1 ಅಂತರದಿಂದ ಟೀಮ್ ಇಂಡಿಯಾ ಗೆದ್ದುಕೊಂಡರೆ, ಐದು ಪಂದ್ಯಗಳ ಟಿ20 ಸರಣಿಯು 2-2 ಅಂತರದಿಂದ ಡ್ರಾನಲ್ಲಿ ಅಂತ್ಯ ಕಂಡಿದೆ. ಇದೀಗ ಭಾರತ ತಂಡವು ಮುಂದಿನ ಸರಣಿಗಾಗಿ ಸಜ್ಜಾಗಬೇಕಿದೆ. ಈ ಸರಣಿಯು ಆರಂಭವಾಗುವುದು ಅಕ್ಟೋಬರ್ 22 ರಿಂದ. ಅದು ಕೂಡ ದೂರದ ನ್ಯೂಝಿಲೆಂಡ್ನಲ್ಲಿ ಎಂಬುದು ವಿಶೇಷ.
ಭಾರತ ತಂಡವು ನ್ಯೂಝಿಲೆಂಡ್ ವಿರುದ್ಧ ಒಟ್ಟು 12 ಪಂದ್ಯಗಳ ಸರಣಿಯನ್ನು ಆಡಲಿದೆ. ಈ ಪ್ರವಾಸದಲ್ಲಿ ಮೊದಲಿಗೆ 5 ಪಂದ್ಯಗಳ ಟಿ20 ಸರಣಿ ಜರುಗಲಿದ್ದು, ಇದಾದ ಬಳಿಕ 5 ಪಂದ್ಯಗಳ ಏಕದಿನ ಸರಣಿ ನಡೆಯಲಿದೆ. ಈ ಎರಡೂ ಸೀಮಿತ ಓವರ್‌ಗಳ ಸರಣಿಗಳ ಮುಕ್ತಾಯದ ನಂತರ, ಟೀಮ್ ಇಂಡಿಯಾ ಆತಿಥೇಯರ ವಿರುದ್ಧ 2 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಮುಖಾಮುಖಿಯಾಗಲಿದೆ. ಈ ಸರಣಿಗಳ ಸಂಪೂರ್ಣ ವೇಳಾಪಟ್ಟಿ ಈ ಕೆಳಗಿನಂತಿದೆ…
ಟಿ20 ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ (2026) | ಕ್ರೀಡಾಂಗಣ ಮತ್ತು ಸ್ಥಳ | ಸಮಯ (IST) |
|---|---|---|---|
| 1ನೇ ಟಿ20 | ಅಕ್ಟೋಬರ್ 22 | ಹಾಗ್ಲಿ ಓವಲ್, ಕ್ರೈಸ್ಟ್‌ಚರ್ಚ್ | ಮಧ್ಯಾಹ್ನ 1:30 |
| 2ನೇ ಟಿ20 | ಅಕ್ಟೋಬರ್ 24 | ಹಾಗ್ಲಿ ಓವಲ್, ಕ್ರೈಸ್ಟ್‌ಚರ್ಚ್ | ಮಧ್ಯಾಹ್ನ 1:30 |
| 3ನೇ ಟಿ20 | ಅಕ್ಟೋಬರ್ 27 | ಹೆನ್ರಿ ಸ್ಟೇಡಿಯಂ, ವೆಲ್ಲಿಂಗ್ಟನ್ | ಮಧ್ಯಾಹ್ನ 1:30 |
| 4ನೇ ಟಿ20 | ಅಕ್ಟೋಬರ್ 30 | ಈಡನ್ ಪಾರ್ಕ್, ಆಕ್ಲೆಂಡ್ | ಮಧ್ಯಾಹ್ನ 1:30 |
| 5ನೇ ಟಿ20 | ನವೆಂಬರ್ 01 | ಸೆಡನ್ ಪಾರ್ಕ್, ಹ್ಯಾಮಿಲ್ಟನ್ | ಮಧ್ಯಾಹ್ನ 1:30 |
ಇದನ್ನೂ ಓದಿ: ಕೇವಲ 30ನೇ ವಯಸ್ಸಿಗೆ ನಿವೃತ್ತಿ ಘೋಷಿಸಿದ ಬ್ರಾಡ್ ವೀಲ್!
ಏಕದಿನ ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ (2026) | ಕ್ರೀಡಾಂಗಣ ಮತ್ತು ಸ್ಥಳ | ಸಮಯ (IST) |
|---|---|---|---|
| 1ನೇ ಏಕದಿನ | ನವೆಂಬರ್ 04 | ಈಡನ್ ಪಾರ್ಕ್, ಆಕ್ಲೆಂಡ್ | ಮುಂಜಾನೆ 6:30 |
| 2ನೇ ಏಕದಿನ | ನವೆಂಬರ್ 07 | ಹೆನ್ರಿ ಸ್ಟೇಡಿಯಂ, ವೆಲ್ಲಿಂಗ್ಟನ್ | ಮುಂಜಾನೆ 6:30 |
| 3ನೇ ಏಕದಿನ | ನವೆಂಬರ್ 10 | ಸೆಡನ್ ಪಾರ್ಕ್, ಹ್ಯಾಮಿಲ್ಟನ್ | ಮುಂಜಾನೆ 6:30 |
| 4ನೇ ಏಕದಿನ | ನವೆಂಬರ್ 13 | ಬೇ ಓವಲ್, ತೌರಂಗಾ | ಮುಂಜಾನೆ 6:30 |
| 5ನೇ ಏಕದಿನ | ನವೆಂಬರ್ 15 | ಬೇ ಓವಲ್, ತೌರಂಗಾ | ಮುಂಜಾನೆ 6:30 |
ಇದನ್ನೂ ಓದಿ: ಸರಣಿ ಕೈ ತಪ್ಪಲು ಇವರೇ ಕಾರಣ: ಪಂದ್ಯದ ಬಳಿಕ ಶ್ರೇಯಸ್ ಅಯ್ಯರ್ ಹೇಳಿದ್ದೇನು?
ಟೆಸ್ಟ್ ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ (2026) | ಕ್ರೀಡಾಂಗಣ ಮತ್ತು ಸ್ಥಳ | ಸಮಯ (IST) |
|---|---|---|---|
| 1ನೇ ಟೆಸ್ಟ್ | ನವೆಂಬರ್ 19 – 23 | ಬೆಸಿನ್ ರಿಸರ್ವ್, ವೆಲ್ಲಿಂಗ್ಟನ್ | ಮುಂಜಾನೆ 3:30 |
| 2ನೇ ಟೆಸ್ಟ್ | ನವೆಂಬರ್ 27 – ಡಿ 01 | ಹಾಗ್ಲಿ ಓವಲ್, ಕ್ರೈಸ್ಟ್‌ಚರ್ಚ್ | ಮುಂಜಾನೆ 3:30 |
