ಧರ್ಮ ಹೇಳಿದಂತೆ ಬದುಕಲು 18ನೇ ವಯಸ್ಸಿಗೆ ನಿವೃತ್ತಿ ಘೋಷಿಸಿದ ಪಾಕ್ ತಂಡದ ಸ್ಫೋಟಕ ಬ್ಯಾಟರ್​..!

ವೃತ್ತಿ ಬದುಕಿನ ಉತ್ತುಂಗದಲ್ಲಿರುವಾಗಲೇ ಪಾಕ್ ಮಹಿಳಾ ತಂಡದ (Pakistan women’s cricket) ಸ್ಫೋಟಕ ಬ್ಯಾಟರ್ 18 ವರ್ಷದ ಆಯೇಶಾ ನಸೀಮ್ (Ayesha Naseem) ಎಲ್ಲಾ ಮಾದರಿಯ ಕ್ರಿಕೆಟ್​ಗೆ ವಿದಾಯ ಘೋಷಿಸಿದ್ದಾರೆ. ಇನ್ನು ಮುಂದೆ ಇಸ್ಲಾಂ (Islam) ಧರ್ಮದ ಪ್ರಕಾರ ತನ್ನ ಜೀವನವನ್ನು ನಡೆಸಲು ಕ್ರಿಕೆಟ್ ತ್ಯಜಿಸುವುದಾಗಿ ಆಯೇಶಾ ಹೇಳಿಕೆ ನೀಡಿರುವುದು ಇನ್ನಷ್ಟು ಅಚ್ಚರಿಯನ್ನುಂಟು ಮಾಡಿದೆ. ವಾಸ್ತವವಾಗಿ ಈ ವರ್ಷದ ಆರಂಭದಲ್ಲಿ ಟೀಂ ಇಂಡಿಯಾ (Team India) ವಿರುದ್ಧ ಹಾಗೂ ಅದಕ್ಕೂ ಮುನ್ನ ಆಸ್ಟ್ರೇಲಿಯಾ ವಿರುದ್ಧ ಅತಿ ಉದ್ಧದ ಸಿಕ್ಸರ್ ಬಾರಿಸಿ ಮಹಿಳಾ ಕ್ರಿಕೆಟ್​ನಲ್ಲಿ ಸಂಚಲನ ಮೂಡಿಸಿದ್ದ ಆಯೇಶಾ ಅವರ ಬ್ಯಾಟಿಂಗ್​ಗೆ ಪಾಕಿಸ್ತಾನದ ಮಾಜಿ ಅನುಭವಿ ಆಟಗಾರ ವಾಸಿಂ ಅಕ್ರಮ್ (Wasim Akram) ಕೂಡ ಫಿದಾ ಆಗಿದ್ದರು. ಆಕೆಯನ್ನು ಪಾಕಿಸ್ತಾನ ಮಹಿಳಾ ಕ್ರಿಕೆಟ್‌ನ ಮುಂದಿನ ಸೂಪರ್‌ಸ್ಟಾರ್ ಎಂದು ಹೇಳಲಾಗುತ್ತಿತ್ತು.

ಆಯೇಶಾ ತನ್ನ ನಿರ್ಧಾರದ ಬಗ್ಗೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಗೂ ತಿಳಿಸಿದ್ದಾರೆ ಎಂದು ವರದಿಯಾಗಿದೆ. ಈ ವರ್ಷ ದಕ್ಷಿಣ ಆಫ್ರಿಕಾದಲ್ಲಿ ನಡೆದಿದ್ದ ಮಹಿಳಾ ಟಿ20 ವಿಶ್ವಕಪ್​ನಲ್ಲಿ ಆಡಿದ್ದ ಆಯೇಶಾ, ಭಾರತದ ವಿರುದ್ಧದ ಪಂದ್ಯದಲ್ಲಿ ಕೇವಲ 25 ಎಸೆತಗಳಲ್ಲಿ ಅಜೇಯ 43 ರನ್ ಸಿಡಿಸಿದ್ದರು. ಅಲ್ಲದೆ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲೂ 20 ಎಸೆತಗಳಲ್ಲಿ 4ಸಿಕ್ಸರ್ ಹಾಗೂ 1 ಬೌಂಡರಿ ಸಹಿತ 24 ರನ್ ಕಲೆಹಾಕಿದ್ದರು.

ಏಷ್ಯಾಕಪ್, ವಿಶ್ವಕಪ್​ಗೂ ಮುನ್ನವೇ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಹೇಳಿದ ಇಬ್ಬರು ಪಾಕ್ ಕ್ರಿಕೆಟಿಗರು..!

Ayesha made her international debut for Pakistan in March 2020, representing the country in four women’s ODIs and four women’s T20Is

Read more: https://t.co/mulsrxDWYP#AyeshaNaseem pic.twitter.com/iKeRQKsNfB

— Cricket Pakistan (@cricketpakcompk) July 20, 2023

ಇಸ್ಲಾಂಗಾಗಿ ವೃತ್ತಿ ಬದುಕಿಗೆ ವಿದಾಯ

ಪಾಕಿಸ್ತಾನದ ಈ ಸ್ಫೋಟಕ ಬ್ಯಾಟರ್ ಇಸ್ಲಾಂ ಧರ್ಮದ ಪ್ರಕಾರ ತನ್ನ ಜೀವನವನ್ನು ನಡೆಸಲು ಬಯಸಿದ್ದರಿಂದ ತಮ್ಮ ವೃತ್ತಿ ಬದುಕಿಗೆ ನಿವೃತ್ತಿ ಘೋಷಿಸಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ತಾನು ಇಸ್ಲಾಂ ಧರ್ಮದ ಪ್ರಕಾರ ತನ್ನ ಜೀವನವನ್ನು ನಡೆಸಲು ಬಯಸುತ್ತಿರುವುದರಿಂದ ಕ್ರಿಕೆಟ್ ತ್ಯಜಿಸುತ್ತಿದ್ದೇನೆ ಎಂದು ಆಯೇಶಾ, ಪಾಕಿಸ್ತಾನ ಮಂಡಳಿಗೆ ತಿಳಿಸಿದ್ದಾರೆ ಎಂದು ವರದಿಯಾಗಿದೆ.

Now that’s some serious talent . https://t.co/P5HS9XkkTS

— Wasim Akram (@wasimakramlive) January 25, 2023

ಆಯೇಶಾ ವೃತ್ತಿಬದುಕು ಹೀಗಿತ್ತು

ಸುಮಾರು 3 ವರ್ಷಗಳ ಹಿಂದೆ 2020 ರಲ್ಲಿ ಥಾಯ್ಲೆಂಡ್ ವಿರುದ್ಧದ ಏಕದಿನ ಪಂದ್ಯದಲ್ಲಿ ಪಾಕಿಸ್ತಾನ ಪರ ತಮ್ಮ ಚೊಚ್ಚಲ ಅಂತರಾಷ್ಟ್ರೀಯ ಪಂದ್ಯವನ್ನಾಡಿದ ಆಯೇಶಾ, ತಂಡದ ಪರ ಒಟ್ಟು 30 ಟಿ20 ಪಂದ್ಯಗಳಲ್ಲಿ 369 ರನ್ ಮತ್ತು 4 ಏಕದಿನ ಪಂದ್ಯಗಳಲ್ಲಿ 33 ರನ್ ಕಲೆಹಾಕಿದ್ದಾರೆ . ವೆಸ್ಟ್ ಇಂಡೀಸ್ ಮತ್ತು ಶ್ರೀಲಂಕಾ ವಿರುದ್ಧ ಅಜೇಯ 45 ರನ್ ಬಾರಿಸಿರುವುದು ಆಯೇಶಾ ಅವರ ವೃತ್ತಿಜೀವನದ ಅತಿದೊಡ್ಡ ಇನ್ನಿಂಗ್ಸ್ ಆಗಿದೆ. ವಿಶ್ವಕಪ್‌ನಲ್ಲಿ ಭಾರತದ ವಿರುದ್ಧ ಆಡಿದ ಅಜೇಯ 43 ರನ್‌ಗಳ ಇನ್ನಿಂಗ್ಸ್ ಅವರ ವೃತ್ತಿಜೀವನದ ಎರಡನೇ ದೊಡ್ಡ ಇನ್ನಿಂಗ್ಸ್ ಆಗಿದೆ.

ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 6:46 am, Fri, 21 July 23