SA20: ಅತ್ಯಂತ ಕಡಿಮೆ ಮೊತ್ತಕ್ಕೆ ಆಲೌಟ್ ಆಗಿ ಕಳಪೆ ದಾಖಲೆ ಬರೆದ ಕ್ಯಾಪಿಟಲ್ಸ್
T20 Records: ಟಿ20 ಕ್ರಿಕೆಟ್ ಇತಿಹಾಸದ ಅತ್ಯಂತ ಕಳಪೆ ದಾಖಲೆ ಇರುವುದು ಐಲ್ ಆಫ್ ಮ್ಯಾನ್ ತಂಡದ ಹೆಸರಿನಲ್ಲಿದೆ. ಸ್ಪೇನ್ ವಿರುದ್ಧದ ಪಂದ್ಯದಲ್ಲಿ ಐಲ್ ಆಫ್ ಮ್ಯಾನ್ ತಂಡವು ಕೇವಲ 10 ರನ್ಗಳಿಗೆ ಆಲೌಟ್ ಆಗಿತ್ತು. ಇದು ಟಿ20 ಕ್ರಿಕೆಟ್ನಲ್ಲಿ ತಂಡವೊಂದು ಕಲೆಹಾಕಿದ ಅತ್ಯಂತ ಕಡಿಮೆ ಸ್ಕೋರ್. ಇನ್ನು ಐಪಿಎಲ್ನಲ್ಲಿ ಕೆಕೆಆರ್ ವಿರುದ್ಧ ಆರ್ಸಿಬಿ ತಂಡವು ಕೇವಲ 49 ರನ್ಗಳಿಗೆ ಆಲೌಟ್ ಆಗಿ ಕಳಪೆ ದಾಖಲೆ ನಿರ್ಮಿಸಿದೆ.
Updated on: Jan 23, 2024 | 10:41 AM
ಸೌತ್ ಆಫ್ರಿಕಾ ಟಿ20 ಲೀಗ್ನಲ್ಲಿ ಕೇವಲ 52 ರನ್ಗಳಿಗೆ ಆಲೌಟ್ ಆಗುವ ಮೂಲಕ ಪ್ರಿಟೋರಿಯಾ ಕ್ಯಾಪಿಟಲ್ಸ್ (Pretoria Capitals) ತಂಡವು ಅತ್ಯಂತ ಕಳಪೆ ದಾಖಲೆ ಬರೆದಿದೆ. ಗೆಬ್ಬಗಾದ ಸೇಂಟ್ ಜಾರ್ಜ್ ಪಾರ್ಕ್ ಮೈದಾನದಲ್ಲಿ ನಡೆದ ಈ ಪಂದ್ಯದಲ್ಲಿ ಪ್ರಿಟೋರಿಯಾ ಕ್ಯಾಪಿಟಲ್ಸ್ ಮತ್ತು ಸನ್ರೈಸರ್ಸ್ ಈಸ್ಟರ್ನ್ ಕೇಪ್ ತಂಡಗಳು ಮುಖಾಮುಖಿಯಾಗಿತ್ತು. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಸನ್ರೈಸರ್ಸ್ ಈಸ್ಟರ್ನ್ ಕೇಪ್ ತಂಡದ ನಾಯಕ ಐಡೆನ್ ಮಾರ್ಕ್ರಾಮ್ ಬೌಲಿಂಗ್ ಆಯ್ದುಕೊಂಡರು. ಅದರಂತೆ ಇನಿಂಗ್ಸ್ ಆರಂಭಿಸಿದ ಪ್ರಿಟೋರಿಯಾ ಕ್ಯಾಪಿಟಲ್ಸ್ ತಂಡವು ಉತ್ತಮ ಆರಂಭ ಪಡೆದಿರಲಿಲ್ಲ.
ಆರಂಭಿಕರಾದ ಫಿಲ್ ಸಾಲ್ಟ್ (10) ಹಾಗೂ ವಿಲ್ ಜಾಕ್ಸ್ (12) ಎರಡಂಕಿ ಮೊತ್ತಗಳಿಸಿ ಔಟಾದರೆ, ಆ ಬಳಿಕ ಬಂದವರೆಲ್ಲಾ ಒಂದಂಕಿ ಮೊತ್ತದೊಂದಿಗೆ ಹಿಂತಿರುಗಿದ್ದರು. ಕೈಲ್ ವೆರ್ರೆನ್ನೆ 8 ರನ್ಗಳಿಸಿದರೆ, ರಿಲೀ ರೊಸ್ಸೊವ್ 1 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದ್ದರು. ಇನ್ನು ಕಾಲಿನ್ ಇನ್ಗ್ರಾಮ್ (1) ಹಾಗೂ ಜಿಮ್ಮಿ ನೀಶಮ್ (2) ಬಂದ ವೇಗದಲ್ಲೇ ಹಿಂತಿರುಗಿದ್ದರು. ಇದರ ನಡುವೆ ನಾಯಕ ವೇಯ್ನ್ ಪಾರ್ನೆಲ್ 9 ರನ್ಗಳಿಸಿದ್ದು ಗರಿಷ್ಠ ಸ್ಕೋರ್ ಎನಿಸಿತು.
ಅಂತಿಮವಾಗಿ 13.3 ಓವರ್ಗಳಲ್ಲಿ 52 ರನ್ಗಳಿಗೆ ಪ್ರಿಟೋರಿಯಾ ಕ್ಯಾಪಿಟಲ್ಸ್ ತಂಡವು ಆಲೌಟ್ ಆಯಿತು. ಇತ್ತ ಮಾರಕ ದಾಳಿ ಸಂಘಟಿಸಿದ ಒಟ್ನಿಯೆಲ್ ಬಾರ್ಟ್ಮ್ಯಾನ್ 3.3 ಓವರ್ಗಳಲ್ಲಿ ಕೇವಲ 12 ರನ್ ನೀಡಿ 4 ವಿಕೆಟ್ ಕಬಳಿಸಿದರೆ, ಡೇನಿಯಲ್ ವೊರಾಲ್ 4 ಓವರ್ಗಳಲ್ಲಿ 22 ರನ್ ನೀಡಿ 3 ವಿಕೆಟ್ ಕಬಳಿಸಿ ಮಿಂಚಿದರು.
ಇನ್ನು 53 ರನ್ಗಳ ಸುಲಭ ಗುರಿಯನ್ನು ಬೆನ್ನತ್ತಿದ ಸನ್ ರೈಸರ್ಸ್ ಈಸ್ಟರ್ನ್ ಕೇಪ್ ತಂಡವು 6.5 ಓವರ್ಗಳಲ್ಲಿ 1 ವಿಕೆಟ್ ಕಳೆದುಕೊಂಡು ಗುರಿ ಮುಟ್ಟುವ ಮೂಲಕ 9 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು.
ಪ್ರಿಟೋರಿಯಾ ಕ್ಯಾಪಿಟಲ್ಸ್ ಹೆಸರಿಗೆ ಕಳಪೆ ದಾಖಲೆ:
ಸೌತ್ ಆಫ್ರಿಕಾ ಟಿ20 ಲೀಗ್ನಲ್ಲಿ ಅತೀ ಕಡಿಮೆ ಮೊತ್ತಕ್ಕೆ ಆಲೌಟ್ ಆದ ಕಳಪೆ ದಾಖಲೆಯೊಂದು ಪ್ರಿಟೋರಿಯಾ ಕ್ಯಾಪಿಟಲ್ಸ್ ತಂಡದ ಪಾಲಾಗಿದೆ. ಈ ಹಿಂದೆ ಈ ದಾಖಲೆ ಡರ್ಬನ್ ಸೂಪರ್ ಜೈಂಟ್ಸ್ ತಂಡದ ಹೆಸರಿನಲ್ಲಿತ್ತು.
2023 ರಲ್ಲಿ ಪ್ರಿಟೋರಿಯಾ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಡರ್ಬನ್ ಸೂಪರ್ ಜೈಂಟ್ಸ್ ತಂಡವು ಕೇವಲ 80 ರನ್ಗಳಿಗೆ ಆಲೌಟ್ ಆಗಿದ್ದು ಇದುವರೆಗಿನ ಕಳಪೆ ದಾಖಲೆಯಾಗಿತ್ತು. ಇದೀಗ ಸನ್ರೈಸರ್ಸ್ ಈಸ್ಟರ್ನ್ ಕೇಪ್ ತಂಡದ ವಿರುದ್ಧ ಕೇವಲ 52 ರನ್ಗಳಿಗೆ ಮುಗ್ಗರಿಸುವ ಮೂಲಕ ಪ್ರಿಟೋರಿಯಾ ಕ್ಯಾಪಿಟಲ್ಸ್ ತಂಡವು SA20 ಲೀಗ್ನಲ್ಲಿ ಅತೀ ಕಡಿಮೆ ಮೊತ್ತಕ್ಕೆ ಆಲೌಟ್ ಆದ ತಂಡ ಎನಿಸಿಕೊಂಡಿದೆ.
ಪ್ರಿಟೋರಿಯಾ ಕ್ಯಾಪಿಟಲ್ಸ್ ಪ್ಲೇಯಿಂಗ್ 11: ಫಿಲಿಪ್ ಸಾಲ್ಟ್ (ವಿಕೆಟ್ ಕೀಪರ್) , ವಿಲ್ ಜಾಕ್ಸ್ , ಕೈಲ್ ವೆರೆನ್ನೆ , ರಿಲೀ ರೊಸೊವ್ , ಕಾಲಿನ್ ಇನ್ಗ್ರಾಮ್ , ಜೇಮ್ಸ್ ನೀಶಮ್ , ಸೆನುರಾನ್ ಮುತ್ತುಸಾಮಿ , ವೇಯ್ನ್ ಪಾರ್ನೆಲ್ (ನಾಯಕ) , ಈಥನ್ ಬಾಷ್ , ಆದಿಲ್ ರಶೀದ್ , ಡೇರಿನ್ ಡುಪಾವಿಲ್ಲನ್.
ಇದನ್ನೂ ಓದಿ: VIDEO: ಅಯೋಧ್ಯೆಯಲ್ಲಿ ಡುಪ್ಲಿಕೇಟ್ ವಿರಾಟ್ ಕೊಹ್ಲಿ: ಮುಗಿಬಿದ್ದ ಫ್ಯಾನ್ಸ್..!
ಸನ್ರೈಸರ್ಸ್ ಈಸ್ಟರ್ಕ್ ಕೇಪ್ ಪ್ಲೇಯಿಂಗ್ 11: ಜೋರ್ಡಾನ್ ಹರ್ಮನ್ , ಡೇವಿಡ್ ಮಲನ್ , ಟಾಮ್ ಅಬೆಲ್ , ಐಡೆನ್ ಮಾರ್ಕ್ರಾಮ್ (ಸಿ) ಟ್ರಿಸ್ಟಾನ್ ಸ್ಟಬ್ಸ್ (ವಾಕ್) , ಪ್ಯಾಟ್ರಿಕ್ ಕ್ರುಗರ್ , ಮಾರ್ಕೊ ಜಾನ್ಸೆನ್ , ಲಿಯಾಮ್ ಡಾಸನ್ , ಸೈಮನ್ ಹಾರ್ಮರ್ , ಒಟ್ನಿಯೆಲ್ ಬಾರ್ಟ್ಮನ್ , ಡೇನಿಯಲ್ ವೊರಾಲ್.
