IND vs ENG: ಇಂಗ್ಲೆಂಡ್ನಲ್ಲಿ ಈ ಸಾಧನೆ ಮಾಡಿದ ಏಷ್ಯಾದ ಮೊದಲ ಆಟಗಾರ ರವೀಂದ್ರ ಜಡೇಜಾ
Ravindra Jadeja's Record-Breaking Performance: ರವೀಂದ್ರ ಜಡೇಜಾ ಅವರು ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ 89 ರನ್ ಗಳಿಸಿ ಶತಕದಿಂದ ಕೇವಲ 11 ರನ್ಗಳಿಂದ ವಂಚಿತರಾದರು. ಆದಾಗ್ಯೂ, ಅವರು ಇಂಗ್ಲೆಂಡ್ನಲ್ಲಿ 700 ಕ್ಕೂ ಹೆಚ್ಚು ರನ್ ಮತ್ತು 25 ಕ್ಕೂ ಹೆಚ್ಚು ವಿಕೆಟ್ಗಳನ್ನು ಪಡೆದ ಭಾರತ ಮತ್ತು ಏಷ್ಯಾದ ಮೊದಲ ಆಟಗಾರ ಎಂಬ ದಾಖಲೆಯನ್ನು ಸೃಷ್ಟಿಸಿದ್ದಾರೆ. ಇದಲ್ಲದೆ, ಕಪಿಲ್ ದೇವ್ ನಂತರ ಇಂಗ್ಲೆಂಡ್ನಲ್ಲಿ 7 ರಿಂದ 11 ನೇ ಕ್ರಮಾಂಕದಲ್ಲಿ 600 ಕ್ಕೂ ಹೆಚ್ಚು ರನ್ ಗಳಿಸಿದ ಎರಡನೇ ಭಾರತೀಯ ಆಟಗಾರರಾಗಿದ್ದಾರೆ.
Updated on: Jul 03, 2025 | 6:40 PM
ಭಾರತ ತಂಡದ ಅನುಭವಿ ಆಲ್ರೌಂಡರ್ ರವೀಂದ್ರ ಜಡೇಜಾ (Ravindra Jadeja) ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ 89 ರನ್ಗಳ ಇನ್ನಿಂಗ್ಸ್ ಆಡಿದರು. ಆದರೆ ಕೇವಲ 11 ರನ್ಗಳಿಂದ ಶತಕ ವಂಚಿತರಾದರು. ಆದಾಗ್ಯೂ ಈ ಪಂದ್ಯದಲ್ಲಿ ದಾಖಲೆ ಸೃಷ್ಟಿಸಿದ ಜಡೇಜಾ, ಇಂಗ್ಲೆಂಡ್ನಲ್ಲಿ 700 ಕ್ಕೂ ಹೆಚ್ಚು ರನ್ ಮತ್ತು 25 ಕ್ಕೂ ಹೆಚ್ಚು ವಿಕೆಟ್ಗಳನ್ನು ಪಡೆದ ಭಾರತ ಮತ್ತು ಏಷ್ಯಾದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಅಷ್ಟೇ ಅಲ್ಲ, ಕಪಿಲ್ ದೇವ್ (Kapil Dev) ನಂತರ ಇಂಗ್ಲೆಂಡ್ನಲ್ಲಿ 7 ರಿಂದ 11 ನೇ ಕ್ರಮಾಂಕದ ನಡುವೆ 600 ಕ್ಕೂ ಹೆಚ್ಚು ರನ್ ಗಳಿಸಿದ ಎರಡನೇ ಭಾರತೀಯ ಬ್ಯಾಟ್ಸ್ಮನ್ ಎಂಬ ಸಾಧನೆಯನ್ನು ಮಾಡಿದ್ದಾರೆ.
ವಿಶೇಷ ಸಾಧನೆ ಮಾಡಿದ ಜಡೇಜಾ
ಜಡೇಜಾ ಇದುವರೆಗೆ ಇಂಗ್ಲೆಂಡ್ ವಿರುಸ್ಧ 28 ವಿಕೆಟ್ಗಳನ್ನು ಕಬಳಿಸಿದ್ದು 700 ಕ್ಕೂ ಹೆಚ್ಚು ರನ್ಗಳನ್ನು ಗಳಿಸಿದ್ದಾರೆ. ಇಂಗ್ಲೆಂಡ್ನಲ್ಲಿ ವಿದೇಶಿ ಬ್ಯಾಟ್ಸ್ಮನ್ನಿಂದ ಅತಿ ಹೆಚ್ಚು ರನ್ ಗಳಿಸಿದವರೆಂದರೆ ವೆಸ್ಟ್ ಇಂಡೀಸ್ನ ದಂತಕಥೆ ಗ್ಯಾರಿ ಸೋಬರ್ಸ್. ಅವರು 1820 ರನ್ಗಳನ್ನು ಗಳಿಸಿದ್ದು, 62 ವಿಕೆಟ್ಗಳನ್ನು ಸಹ ಪಡೆದಿದ್ದಾರೆ. ಈ ಪಟ್ಟಿಯಲ್ಲಿ ನಂತರದ ಸ್ಥಾನದಲ್ಲಿರುವ ಆಸ್ಟ್ರೇಲಿಯಾದ ಚಾರ್ಲ್ಸ್ ಮೆಕ್ಕರ್ಟ್ನಿ ಅವರು 1118 ರನ್ ಬಾರಿಸಿದ್ದು, 28 ವಿಕೆಟ್ಗಳನ್ನು ಪಡೆದಿದ್ದಾರೆ.
ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿರುವ ಆಸ್ಟ್ರೇಲಿಯಾದ ಮಾಂಟಿ ನೋಬಲ್ ಅವರು ಇಂಗ್ಲೆಂಡ್ನಲ್ಲಿ 848 ರನ್ ಕಲೆಹಾಕುವುದರ ಜೊತೆಗೆ 37 ವಿಕೆಟ್ಗಳನ್ನು ಪಡೆದಿದ್ದಾರೆ. ಮಾಂಟಿ ನೋಬಲ್ ನಂತರದ ಸ್ಥಾನದಲ್ಲಿರುವ ದಕ್ಷಿಣ ಆಫ್ರಿಕಾದ ಜಾಕ್ವೆಸ್ ಕಾಲಿಸ್ 848 ರನ್ ಜೊತೆಗೆ 39 ವಿಕೆಟ್ಗಳನ್ನು ಪಡೆದಿದ್ದಾರೆ. ಈಗ ಜಡೇಜಾ ಕೂಡ ಈ ಸಾಧನೆ ಮಾಡಿದ್ದಾರೆ. ಇದು ಮಾತ್ರವಲ್ಲದೆ ಇಂಗ್ಲೆಂಡ್ನಲ್ಲಿ ವಿದೇಶಿ ಬ್ಯಾಟ್ಸ್ಮನ್ಗಳು 7 ರಿಂದ 11 ನೇ ಕ್ರಮಾಂಕದ ನಡುವೆ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರ ಪಟ್ಟಿಯಲ್ಲಿ ಜಡೇಜಾ ಕೂಡ ಸ್ಥಾನ ಪಡೆದಿದ್ದಾರೆ. ಜಡೇಜಾ ಇಲ್ಲಿಯವರೆಗೆ 692 ರನ್ ಗಳಿಸಿದ್ದಾರೆ. ಅವರಲ್ಲದೆ, ಕಪಿಲ್ ದೇವ್ ಮತ್ತು ರಾಡ್ ಮಾರ್ಷ್ ಕೂಡ ಈ ಪಟ್ಟಿಯಲ್ಲಿದ್ದು, ಕಪಿಲ್ ದೇವ್ ಇಂಗ್ಲೆಂಡ್ನಲ್ಲಿ 638 ರನ್ ಗಳಿಸಿದ್ದರೆ, ರಾಡ್ ಮಾರ್ಷ್ 729 ರನ್ ಗಳಿಸಿದ್ದಾರೆ.
Ravindra Jadeja: 4 ಪದಗಳ ಉತ್ತರ; ನಿವೃತ್ತಿ ವದಂತಿಯ ಬಗ್ಗೆ ಮೌನ ಮುರಿದ ರವೀಂದ್ರ ಜಡೇಜಾ
ಶತಕ ವಂಚಿತರಾದ ಜಡೇಜಾ
ಎರಡನೇ ಟೆಸ್ಟ್ ಪಂದ್ಯದಲ್ಲಿ ಜಡೇಜಾ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿ 89 ರನ್ ಗಳಿಸಿದರು. ಅವರ ಇನ್ನಿಂಗ್ಸ್ನಲ್ಲಿ 10 ಬೌಂಡರಿ ಮತ್ತು 1 ಸಿಕ್ಸರ್ ಕೂಡ ಸೇರಿತ್ತು. ಅಷ್ಟೇ ಅಲ್ಲ, ಜಡೇಜಾ, ಶುಭ್ಮನ್ ಗಿಲ್ ಜೊತೆ ಆರನೇ ವಿಕೆಟ್ ಗೆ 213 ರನ್ಗಳ ಜೊತೆಯಾಟ ಕೂಡ ನಡೆಸಿದರು. ಇವರಿಬ್ಬರ ಜೊತೆಯಾಟದಿಂದಾಗಿ ಟೀಂ ಇಂಡಿಯಾ ಮೊದಲ ಇನ್ನಿಂಗ್ಸ್ನಲ್ಲಿ ಬಲಿಷ್ಠ ಸ್ಥಾನದಲ್ಲಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
