Rohit Sharma: ಪಂದ್ಯ ಮುಗಿದ ಬಳಿಕ ರೋಹಿತ್ ಶರ್ಮಾ ಹೊಗಳಿದ್ದು ಯಾರನ್ನ ನೋಡಿ
IND vs WI, 2nd ODI: ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತ ಭರ್ಜರಿ ಗೆಲುವು ಸಾಧಿಸಿ ಸರಣಿ ಕೈವಶ ಮಾಡಿಕೊಂಡಿದೆ. ಪಂದ್ಯ ಮುಗಿದ ಬಳಿಕ ಆಟಗಾರರ ಪ್ರದರ್ಶನದ ಬಗ್ಗೆ ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಮಾತನಾಡಿದ್ದು ಅವರು ಏನು ಹೇಳಿದ್ರು ಕೇಳಿ.
ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ 44 ರನ್ಗಳ ಭರ್ಜರಿ ಜಯ ಸಾಧಿಸಿರುವ ಭಾರತ (India vs West Indies) ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ 2-0 ಮುನ್ನಡೆ ಪಡೆದುಕೊಳ್ಳುವ ಮೂಲಕ ಸರಣಿಯನ್ನು ಕೈವಶ ಮಾಡಿಕೊಂಡಿದೆ. ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳ ಸಹಾಯದಿಂದ ಟೀಮ್ ಇಂಡಿಯಾ ಮೊತ್ತ 200ರ ಗಡಿ ದಾಟಿತು. 43 ರನ್ಗೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟ ಸಿಲುಕಿದ್ದ ಸಂದರ್ಭ ತಂಡಕ್ಕೆ ಆಸರೆಯಾಗಿದ್ದು ಕೆಎಲ್ ರಾಹುಲ್ (KL Rahul) ಹಾಗೂ ಸೂರ್ಯಕುಮಾರ್ ಯಾದವ್. ರಾಹುಲ್ (49) ಮತ್ತು ಸೂರ್ಯಕುಮಾರ್(64) 91 ರನ್ಗಳ ಜೊತೆಯಾಟವನ್ನು ಆಡುವುದರ ಮೂಲಕ ತಂಡವನ್ನು ಉತ್ತಮ ಸ್ಥಿತಿಯತ್ತ ಕೊಂಡೊಯ್ದರು. ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಎರಡನೇ ಪಂದ್ಯವಾಡಿದ ದೀಪಕ್ ಹೂಡಾ 29 ರನ್ ಬಾರಿಸಿದರು. ಭಾರತ 237 ರನ್ ಗಳಿಸಿತು. ವೆಸ್ಟ್ ಇಂಡೀಸ್ ಈ ಮೊತ್ತ ಚೇಸ್ ಮಾಡಲು ಸಾಧ್ಯವಾಗದೆ 193 ರನ್ಗೆ ಸರ್ವಪತನ ಕಂಡಿತು. ಪಂದ್ಯ ಮುಗಿದ ಬಳಿಕ ಆಟಗಾರರ ಪ್ರದರ್ಶನದ ಬಗ್ಗೆ ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ (Rohit Sharma) ಮಾತನಾಡಿದ್ದು ಅವರು ಏನು ಹೇಳಿದ್ರು ಕೇಳಿ.
“ಸರಣಿಯನ್ನು ಕೈವಶ ಮಾಡಿಕೊಂಡಿದ್ದು ನಿಜಕ್ಕೂ ಖುಷಿ ತಂದಿದೆ. ಈ ಪಂದ್ಯದಲ್ಲಿ ನಮಗೆ ಕೆಲ ಸವಾಲುಗಳಿದ್ದವು. ಕೆಎಲ್ ರಾಹುಲ್ ಮತ್ತು ಸೂರ್ಯಕುಮಾರ್ ಯಾದವ್ ಜೊತೆಯಾಟ ಪ್ರಬುದ್ಧತೆಯಿಂದ ಕೂಡಿತ್ತು. ಕೊನೆಯದಾಗಿ ನಾವು ಗೌರವಯುತ ಮೊತ್ತ ಸಂಪಾದಿಸಿದೆವು. ಈ ಟಾರ್ಗೆಟ್ ಅನ್ನು ವೆಸ್ಟ್ ಇಂಡೀಸ್ ಮುಟ್ಟದಂತೆ ತಡೆಯುವ ಸಾಮರ್ಥ್ಯ ನಮ್ಮಲಿದೆ ಎಂಬುದು ತಿಳಿದಿತ್ತು. ನಮ್ಮ ಬೌಲಿಂಗ್ ಪಡೆ ಕಣಕ್ಕಿಳಿದು ಅದ್ಭುತ ಪ್ರದರ್ಶನ ತೋರಿತು. ಈರೀತಿಯ ಒತ್ತಡದ ಸಂದರ್ಭದಲ್ಲಿ ಬ್ಯಾಟ್ ಮಾಡುವುದು ಕಷ್ಟ, ಬ್ಯಾಟರ್ಗಳು ಯಾವ ಮನಸ್ಥಿತಿಯಲ್ಲಿ ಇರುತ್ತಾರೆ ಎಂದು ಗ್ರಹಿಸುವುದು ಕಷ್ಟ,” ಎಂದು ಹೇಳಿದ್ದಾರೆ.
“ಸೂರ್ಯಕುಮಾರ್ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದಾರೆ. ಸಮಯವನ್ನು ತೆಗೆದುಕೊಂಡು ತಂಡ ಅವರಿಂದ ಏನು ಭಯಸುತ್ತಿದೆ ಎಂಬುದನ್ನು ಅರಿತು ಆಟವಾಡಿದ್ದಾರೆ. ಕೆಎಲ್ ರಾಹುಲ್ ಕೂಡ ಟಾಪ್ ಆರ್ಡರ್, ಮಧ್ಯಮ ಕ್ರಮಾಂಕ ಯಾವುದೇ ಸ್ಥಾನ ಕೊಟ್ಟರು ಅದ್ಭುತ ಆಟವಾಡುತ್ತಿದ್ದಾರೆ. ನಾನು ಈ ಪಂದ್ಯದಲ್ಲಿ ರಿಷಭ್ ಪಂತ್ರನ್ನು ಆರಂಭಿಕನಾಗಿ ಕಣಕ್ಕಿಳಿಸಿ ಪ್ರಯೋಗಕ್ಕೆ ಮುಂದಾದೆವು. ಅದೇರೀತಿ ನಾವು ಬದಲಾವಣೆ ಮಾಡಿದೆವು. ಮುಂದೆಯೂ ಇದೇರೀತಿ ಇರುತ್ತದೆ ಎಂದು ಅರ್ಥವಲ್ಲ.”
“ಶಿಖರ್ ಧವನ್ ಮುಂದಿನ ಅಂತಿಮ ಏಕದಿನಕ್ಕೆ ಕಮ್ಬ್ಯಾಕ್ ಮಾಡಲಿದ್ದಾರೆ. ತಂಡದಲ್ಲಿ ಕೆಲ ಬದಲಾವಣೆ ಮಾಡಿ ಅದರಿಂದ ಪಂದ್ಯ ಕಳೆದುಕೊಳ್ಳಲು ಮನಸ್ಸಿಲ್ಲ. ಯಾಕಂದ್ರೆ ನಮ್ಮ ಮುಂದೆ ದೊಡ್ಡ ಸವಾಲುಗಳಿವೆ. ತಂಡ ಬಲಿಷ್ಠವಾಗಲು ಏನು ಮಾಡಬೇಕು ಎಂಬ ಬಗ್ಗೆ ಯೋಚಿಸುತ್ತೇವೆ. ಈ ಪಂದ್ಯದಲ್ಲಿ ಡ್ಯೂ ಇಲ್ಲದಿರುವುದು ಕಂಡು ಶಾಕ್ ಆಯಿತು,” ಎಂದು ರೋಹಿತ್ ಶರ್ಮಾ ಹೇಳಿದ್ದಾರೆ.
ಟೀಮ್ ಇಂಡಿಯಾ ಗೆಲುವಿನಲ್ಲಿ ಮುಖ್ಯ ಪಾತ್ರವಹಿಸಿ ಪಂದ್ಯ ಶ್ರೇಷ್ಠ ಬಾಜಿಕೊಂಡ ಪ್ರಸಿದ್ಧ ಕೃಷ್ಣ ಮಾತನಾಡಿ, “ನಾನು ಈರೀತಿ ಬೌಲಿಂಗ್ ಮಾಡಲು ಅನೇಕ ಸಮಯಗಳಿಂದ ಅಭ್ಯಾಸ ನಡೆಸುತ್ತಿದ್ದೆ. ಈ ಪಂದ್ಯ ಗೆದ್ದಿರುವುದು ತುಂಬಾನೆ ಸಂತಸ ತಂದಿದೆ. ನಾನು ಈಗಲು ಉತ್ತಮ ಲಯದಲ್ಲಿ ಬೌಲಿಂಗ್ ಮಾಡಲು ನೋಡುತ್ತಿದ್ದೇನೆ. ಟಾರ್ಗೆಟ್ ಸ್ವಲ್ಪ ಚಿಕ್ಕದಿದ್ದಾಗ ಪ್ರಯೋಗಗಳು ಹೆಚ್ಚು ಪ್ರಯೋಜನ ಕೊಡುವುದಿಲ್ಲ. ಅದಕ್ಕಾಗಿ ನಾನು ಲೆಂತ್ ಮೇಲೆ ಹೆಚ್ಚು ಗಮನ ಹರಿಸಿದೆ,” ಎಂದು ಹೇಳಿದರು.
IND vs WI: ವೆಸ್ಟ್ ಇಂಡೀಸ್ ವಿರುದ್ಧ ಗೆದ್ದು ಸರಣಿ ವಶಪಡಿಸಿಕೊಂಡು ವಿಶೇಷ ದಾಖಲೆ ಬರೆದ ಟೀಮ್ ಇಂಡಿಯಾ
