T20 World Cup 2021: ಟಿ20 ಕ್ರಿಕೆಟ್​ನಲ್ಲಿ ಉತ್ತಮ ಪ್ರದರ್ಶನವಿದ್ದರೂ ಧವನ್​ಗೆ ಸಿಗಲಿಲ್ಲ ಅವಕಾಶ! ಆಯ್ಕೆ ಸಮಿತಿ ಹೇಳಿದ್ದೇನು?

2021 ರ ಟಿ 20 ವಿಶ್ವಕಪ್​ಗಾಗಿ ಭಾರತೀಯ ಕ್ರಿಕೆಟ್ ತಂಡವನ್ನು ಘೋಷಿಸಿದಾಗ ಅದರಲ್ಲಿ ಒಂದು ಹೆಸರು ಇಲ್ಲದಿರುವುದು ಎಲ್ಲರನ್ನೂ ಅಚ್ಚರಿಗೊಳಿಸಿತು. ಈ ಹೆಸರು ಶಿಖರ್ ಧವನ್ ಅವರದ್ದು. ಎಡಗೈ ಬ್ಯಾಟ್ಸ್‌ಮನ್ ಶಿಖರ್ ಧವನ್ ಅವರನ್ನು ಯುಎಇಯಲ್ಲಿ ನಡೆಯಲಿರುವ ಪಂದ್ಯಾವಳಿಗೆ ಆಯ್ಕೆಗಾರರು ಆಯ್ಕೆ ಮಾಡಿಲ್ಲ. ಕೆ ಎಲ್ ರಾಹುಲ್, ರೋಹಿತ್ ಶರ್ಮಾ ಮತ್ತು ಇಶಾನ್ ಕಿಶನ್ ಅವರನ್ನು ತಂಡದಲ್ಲಿ ಆರಂಭಿಕರಾಗಿ ತೆಗೆದುಕೊಳ್ಳಲಾಗಿದೆ. ಧವನ್ ಕಳೆದ ಎರಡು ವರ್ಷಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು. ಟಿ 20 ವಿಶ್ವಕಪ್‌ಗೆ ಅವರ ಹೆಸರನ್ನು ಸ್ಥಿರವೆಂದು ಪರಿಗಣಿಸಲಾಗಿತ್ತು. ಆದರೆ ಚೇತನ್ ಶರ್ಮಾ ನೇತೃತ್ವದ ಆಯ್ಕೆ ಸಮಿತಿ ಮತ್ತು ತಂಡದ ಆಡಳಿತವು ಆತನ ಮೇಲೆ ನಂಬಿಕೆ ಇಡಲಿಲ್ಲ. ಅವರ ಬದಲಿಗೆ ಯುವ ಆಟಗಾರ ಇಶಾನ್ ಕಿಶನ್ ಅವರನ್ನು ಪ್ರಯತ್ನಿಸಲು ನಿರ್ಧರಿಸಿದರು. ಕಳೆದ ಮೂರು-ನಾಲ್ಕು ದಿನಗಳಲ್ಲಿ ಧವನ್​ಗೆ ಇದು ಎರಡನೇ ದೊಡ್ಡ ಹಿನ್ನಡೆಯಾಗಿದೆ.

ಟಿ 20 ವಿಶ್ವಕಪ್‌ಗಾಗಿ ಭಾರತ ತಂಡವನ್ನು ಘೋಷಿಸಿದ ನಂತರ, ಆಯ್ಕೆ ಸಮಿತಿಯ ಅಧ್ಯಕ್ಷರಾದ ಚೇತನ್ ಶರ್ಮಾ ಅವರನ್ನು ಧವನ್ ಅವರನ್ನು ಏಕೆ ತೆಗೆದುಕೊಳ್ಳಲಿಲ್ಲ ಎಂದು ಕೇಳಿದಕ್ಕೆ ಅವರು ನೀಡಿದ ಉತ್ತರವೆಂದರೆ, ಧವನ್ ಉತ್ತಮ ಆಟಗಾರ. ಅವರು ತಂಡದ ಯೋಜನೆಗಳ ಭಾಗವಾಗಿದ್ದಾರೆ. ಇತ್ತೀಚೆಗೆ, ಅವರು ನಾಯಕನಾಗಿ ಶ್ರೀಲಂಕಾ ಪ್ರವಾಸಕ್ಕೆ ಹೋಗಿದ್ದರು. ಆದರೆ ಟಿ 20 ವಿಶ್ವಕಪ್‌ಗೆ ನಮಗೆ ಬೇರೆ ರೀತಿಯ ಆಟಗಾರನ ಅಗತ್ಯವಿದೆ. ಹಾಗಾಗಿ ಕಿಶನ್ ಅವರನ್ನು ತೆಗೆದುಕೊಳ್ಳಲಾಯಿತು. ಧವನ್ ಅನ್ನು ಲೂಪ್‌ನಲ್ಲಿ ಇರಿಸಲಾಗಿದೆ. ಅವರು ಶೀಘ್ರದಲ್ಲೇ ಹಿಂತಿರುಗುತ್ತಾರೆ. ನಾವು ಟಿ 20 ವಿಶ್ವಕಪ್‌ಗಾಗಿ ವಿಭಿನ್ನ ರೀತಿಯ ಆಟಗಾರರನ್ನು ಹುಡುಕುತ್ತಿದ್ದೆವು. ಅದಕ್ಕಾಗಿಯೇ ಧವನ್‌ಗೆ ವಿಶ್ರಾಂತಿ ನೀಡಲಾಗಿದೆ. ಈ ಮೊದಲು, ಇತರ ಪ್ರಶ್ನೆಗಳಿಗೆ ಉತ್ತರಿಸುವಾಗ, ಚೇತನ್ ಶರ್ಮಾ ಅವರು ಇಶಾನ್ ಕಿಶನ್ ಅವರನ್ನು ಓಪನರ್ ಜೊತೆಗೆ ಮಧ್ಯಮ ಕ್ರಮಾಂಕದಲ್ಲಿ ಆಡಿಸಬಹುದು ಎಂದು ಹೇಳಿದ್ದರು.

ಐಪಿಎಲ್​ನಲ್ಲಿ ರಾಕಿಂಗ್ ಮಾಡಿದ್ದ ಧವನ್ ಶಿಖರ್ ಧವನ್ 2016 ರ ಸೀಸನ್ ನಂತರ ಐಪಿಎಲ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರಲ್ಲಿ ಒಬ್ಬರಾಗಿದ್ದಾರೆ. ಈ ಸಮಯದಲ್ಲಿ ಅವರು 501, 479, 497, 521, 618 ರನ್ ಗಳಿಸಿದರು. ಐಪಿಎಲ್ 2021 ರ ಮೊದಲಾರ್ಧದಲ್ಲಿ ಕೂಡ ಅವರು ಎಂಟು ಪಂದ್ಯಗಳಲ್ಲಿ 380 ರನ್ ಗಳಿಸಿದ್ದರು. ಮೊದಲು ಅವರ ಸ್ಟ್ರೈಕ್ ರೇಟ್ ತುಂಬಾ ದುರ್ಬಲವಾಗಿತ್ತು. ಆದರೆ ಕಳೆದ ಎರಡು ಋತುಗಳಲ್ಲಿ, ಅವರು ಅದರ ಮೇಲೆ ಕೆಲಸ ಮಾಡಿದ್ದಾರೆ. 2020 ರಲ್ಲಿ, ಯುಎಇನಲ್ಲಿ ವಿಶ್ವಕಪ್ ನಡೆದಾಗ, ಧವನ್ ಎರಡು ಶತಕಗಳನ್ನು ಗಳಿಸಿದ್ದರು ಮತ್ತು 144.73 ಸರಾಸರಿಯಲ್ಲಿ 618 ರನ್ ಗಳಿಸಿದ್ದರು. ಅವರು ದೆಹಲಿ ಕ್ಯಾಪಿಟಲ್ಸ್‌ನ ಫೈನಲ್ ತಲುಪುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.

ಧವನ್ ಅವರ ಟಿ 20 ವೃತ್ತಿಜೀವನವನ್ನು ನೋಡಿದರೆ, ಅವರು 68 ಪಂದ್ಯಗಳಲ್ಲಿ 1759 ರನ್ ಗಳಿಸಿದ್ದಾರೆ. ಈ ಪಂದ್ಯಗಳಲ್ಲಿ, ಅವರ ಬ್ಯಾಟ್‌ನಿಂದ 11 ಅರ್ಧಶತಕಗಳು ಬಂದಿವೆ. ಅವರ ಸ್ಟ್ರೈಕ್ ರೇಟ್ 126.36.