ಚೊಚ್ಚಲ ಆವೃತ್ತಿಯ ಯುಎಸ್ ಮಾಸ್ಟರ್ಸ್ ಟಿ10 ಲೀಗ್ ಗೆದ್ದ ಟೆಕ್ಸಾಸ್ ಚಾರ್ಜರ್ಸ್..!
US Masters T10 2023: ಆಗಸ್ಟ್ 27 ರಂದು ನಡೆದ ಯುಎಸ್ ಮಾಸ್ಟರ್ಸ್ ಟಿ10 ಲೀಗ್ನ ಫೈನಲ್ ಪಂದ್ಯದಲ್ಲಿ ನ್ಯೂಯಾರ್ಕ್ ವಾರಿಯರ್ಸ್ ತಂಡವನ್ನು ಮಣಿಸಿದ ಬೆನ್ ಡಂಕ್ ನೇತೃತ್ವದ ಟೆಕ್ಸಾಸ್ ಚಾರ್ಜರ್ಸ್ ತಂಡ ಚೊಚ್ಚಲ ಆವೃತ್ತಿಯ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
Updated on:Aug 28, 2023 | 2:03 PM
ಆಗಸ್ಟ್ 27 ರಂದು ನಡೆದ ಯುಎಸ್ ಮಾಸ್ಟರ್ಸ್ ಟಿ10 ಲೀಗ್ನ (US Masters T10 2023) ಫೈನಲ್ ಪಂದ್ಯದಲ್ಲಿ ನ್ಯೂಯಾರ್ಕ್ ವಾರಿಯರ್ಸ್ ತಂಡವನ್ನು ಮಣಿಸಿದ ಬೆನ್ ಡಂಕ್ ನೇತೃತ್ವದ ಟೆಕ್ಸಾಸ್ ಚಾರ್ಜರ್ಸ್ (New York Warriors vs Texas Chargers) ತಂಡ ಚೊಚ್ಚಲ ಆವೃತ್ತಿಯ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ನ್ಯೂಯಾರ್ಕ್ ವಾರಿಯರ್ಸ್ ತಂಡ 92 ರನ್ಗಳ ಗುರಿ ನೀಡಿತು. ಈ ಗುರಿ ಬೆನ್ನಟ್ಟಿದ ಟೆಕ್ಸಾಸ್ ಚಾರ್ಜರ್ಸ್ ತಂಡ ನಿಗದಿತ 10 ಓವರ್ಗಳಲ್ಲಿ ತನ್ನೇಲ್ಲ ವಿಕೆಟ್ ಕಳೆದುಕೊಂಡು 92 ರನ್ ಕಲೆಹಾಕಿತು. ಹೀಗಾಗಿ ಪಂದ್ಯ ಟೈ ಆಯಿತು. ಆ ಬಳಿಕ ನಡೆದ ಒಂದು-ಓವರ್ ಎಲಿಮಿನೇಟರ್‌ನಲ್ಲಿ ಮೊದಲು ಬ್ಯಾಟ್ ಮಾಡಿದ ಟೆಕ್ಸಾಸ್ ಚಾರ್ಜರ್ಸ್ ತಂಡ 6 ಎಸೆತಗಳಲ್ಲಿ 1 ವಿಕೆಟ್ ಕಳೆದುಕೊಂಡು 15 ರನ್ ಕಲೆಹಾಕಿತು. ಈ ಗುರಿ ಬೆನ್ನಟ್ಟಿದ ನ್ಯೂಯಾರ್ಕ್ ವಾರಿಯರ್ಸ್ ಕೇವಲ 13 ರನ್ ಗಳಿಸಲಷ್ಟೇ ಶಕ್ತವಾಗಿ 2 ರನ್ಗಳಿಂದ ಸೋಲೊಪ್ಪಿಕೊಂಡಿದಲ್ಲದೆ ಚಾಂಪಿಯನ್ ಆಗುವುದರಿಂದ ವಂಚಿತವಾಯಿತು.
ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ನ್ಯೂಯಾರ್ಕ್ ವಾರಿಯರ್ಸ್ ತಂಡಕ್ಕೆ ಉತ್ತಮ ಆರಂಭ ಒದಗಿಸಿಕೊಡುವಲ್ಲಿ ಆರಂಭಿಕರು ಎಡವಿದರು. ಆರಂಭಿಕರಾಗಿ ಕಣಕ್ಕಿಳಿದಿದ್ದ ಕಮ್ರಾನ್ ಅಕ್ಮಲ್ ಮೊದಲ ಎಸೆತದಲ್ಲೇ ವಿಕೆಟ್ ಒಪ್ಪಿಸಿ ಶೂನ್ಯಕ್ಕೆ ಪೆವಿಲಿಯನ್ ಸೇರಿಕೊಂಡರು. ಮತ್ತೊಬ್ಬ ಆರಂಭಿಕರಾಗಿ ಕಣಕ್ಕಿಳಿದಿದ್ದ ತಿಲಕರತ್ನೆ ದಿಲ್ಶನ್ 18ರನ್ಗಳ ಕೊಡುಗೆ ನೀಡಿದರೆ, ಮೂರನೇ ಕ್ರಮಾಂಕದಲ್ಲಿ ಬಂದ ರಿಚರ್ಡ್ ಲೆವಿ ಕೂಡ 17 ರನ್ಗಳಿಗೆ ಇನ್ನಿಂಗ್ಸ್ ಮುಗಿಸಿದರು.
ಅಬುದಾಬಿ ಟಿ10 ಲೀಗ್ ಗೆದ್ದ ರೈನಾ ತಂಡ; ಟಿ20 ವಿಶ್ವಕಪ್ ಫ್ಲಾಪ್ ಸ್ಟಾರ್ಗಳೇ ಇಲ್ಲಿ ಸೂಪರ್ ಸ್ಟಾರ್ಸ್..!
92 ರನ್ ಟಾರ್ಗೆಟ್
ಆದರೆ ಕೆಳಕ್ರಮಾಂಕದಲ್ಲಿ ಸ್ಫೋಟಕ ಬ್ಯಾಟಿಂಗ್ ಮಾಡಿದ ಜೊನಾಥನ್ ಕಾರ್ಟರ್ 17 ಎಸೆತಗಳಲ್ಲಿ 3 ಸಿಕ್ಸರ್ ಹಾಗೂ 3 ಬೌಂಡರಿ ಸಹಿತ ಅಜೇಯ 39 ರನ್ ಚಚ್ಚಿದರು. ಫಲವಾಗಿ ನಿಗದಿತ 10 ಓವರ್ಗಳಲ್ಲಿ ನ್ಯೂಯಾರ್ಕ್ ವಾರಿಯರ್ಸ್ ತಂಡ 6 ವಿಕೆಟ್ ಕಳೆದುಕೊಂಡು 92 ರನ್ ಕಲೆಹಾಕಿತು. ಟೆಕ್ಸಾಸ್ ಚಾರ್ಜರ್ಸ್ ಪರ ಎಹ್ಸಾನ್ ಆದಿಲ್ 3 ವಿಕೆಟ್ ಪಡೆದರೆ, ಫಿಡೆಲ್ ಎಡ್ವರ್ಡ್ಸ್ ಹಾಗೂ ಇಮ್ರಾನ್ ಖಾನ್ ತಲಾ 1 ವಿಕೆಟ್ ಪಡೆದರು.
ಟೈನಲ್ಲಿ ಪಂದ್ಯ ಅಂತ್ಯ
ಇನ್ನು ಈ ಗುರಿ ಬೆನ್ನಟ್ಟಿದ ಟೆಕ್ಸಾಸ್ ಚಾರ್ಜರ್ಸ್ ತಂಡಕ್ಕೂ ಉತ್ತಮ ಆರಂಭ ಸಿಗಲಿಲ್ಲ. ಆರಂಭಿಕ ಮುಖ್ತಾರ್ ಅಹ್ಮದ್ 6 ರನ್ಗಳಿಗೆ ಬ್ಯಾಟ್ ಎತ್ತಿಟ್ಟರು. ಆದರೆ ಆ ಬಳಿಕ ಜೊತೆಯಾದ ಮೊಹಮದ್ ಹಫೀಜ್ (46 ರನ್) ಹಾಗೂ ಬೆನ್ ಡಂಕ್ (20 ರನ್) ಸ್ಫೋಟಕ ಜತೆಯಾಟ ನಡೆಸಿದರು. ಆದರೆ ಈ ಎರಡು ವಿಕೆಟ್ಗಳ ಬಳಿಕ ಟೆಕ್ಸಾಸ್ ತಂಡದ ಪೆವಿಲಿಯನ್ ಪರೇಡ್ ಆರಂಭವಾಯಿತು. ಹೀಗಾಗಿ ಒಂದು ಹಂತದಲ್ಲಿ ಗೆಲುವಿನ ಸನಿಹದಲ್ಲಿದ್ದ ಟೆಕ್ಸಾಸ್, ಪಂದ್ಯವನ್ನು ಟೈ ಮಾಡಿಕೊಂಡಿತು. ನ್ಯೂಯಾರ್ಕ್ ಪರ ವಿಕೆಟ್ಗಳ ಬೇಟೆಯಾಡಿದ ಸೊಹೈಲ್ ಖಾನ್ 5 ವಿಕೆಟ್ ಪಡೆದು ಮಿಂಚಿದರೆ, ಉಮೇದ್ ಆಸಿಫ್ ಹಾಗೂ ಶಾಹೀದ್ ಆಫ್ರಿದಿ ತಲಾ 2 ವಿಕೆಟ್ ಪಡೆದರು.
ಸೂಪರ್ ಓವರ್ ಡ್ರಾಮಾ
ಪಂದ್ಯ ಟೈ ಆಗಿದ್ದರಿಂದ ಒಂದು-ಓವರ್ ಎಲಿಮಿನೇಟರ್‌ ಆಡಿಸಬೇಕಾಯ್ತು. ಇಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಚಾರ್ಜರ್ಸ್ ಒಟ್ಟು 15 ರನ್ ಕಲೆಹಾಕಿತು. ಹೀಗಾಗಿ ಪ್ರಶಸ್ತಿಯನ್ನು ಗೆಲ್ಲಲು ನ್ಯೂಯಾರ್ಕ್ ತಂಡಕ್ಕೆ 16 ರನ್ ಗುರಿ ಹತ್ತಬೇಕಾಗಿತ್ತು. ಈ ವೇಳೆ ತಂಡದ ಪರ ಬ್ಯಾಟಿಂಗ್ಗೆ ಇಳಿದ ಆಫ್ರಿದಿ ಹಾಗೂ ಜೊನಾಥನ್ ಕಾರ್ಟರ್ಗೆ ವೇಗಿ ಸೊಹೈಲ್ ತನ್ವಿರ್‌ ಸರಾಗವಾಗಿ ರನ್ ಗಳಿಸಲು ಅವಕಾಶ ಕೊಡಲಿಲ್ಲ. ಹೀಗಾಗಿ ಈ ಜೋಡಿ ಅಂತಿಮವಾಗಿ 13 ರನ್ಗಳಿಸಲಷ್ಟೇ ಶಕ್ತವಾಗಿ 2 ರನ್ಗಳಿಂದ ಸೋಲೊಪ್ಪಿಕೊಂಡಿತು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 1:59 pm, Mon, 28 August 23
