Vijay Hazare Trophy 2023: ವಿಜಯ್ ಹಜಾರೆ ಟ್ರೋಫಿ: ಸೆಮಿಫೈನಲ್​ಗೆ 4 ತಂಡಗಳು ಎಂಟ್ರಿ

ದೇಶೀಯ ಅಂಗಳದಲ್ಲಿ ನಡೆಯುತ್ತಿರುವ ವಿಜಯ್ ಹಜಾರೆ ಟೂರ್ನಿಯು ಅಂತಿಮ ಹಂತಕ್ಕೆ ಬಂದು ನಿಂತಿದೆ. ಈಗಾಗಲೇ ಕ್ವಾರ್ಟರ್​ ಫೈನಲ್​ ಪಂದ್ಯಗಳು ಮುಗಿದಿದ್ದು, ಇದರಲ್ಲಿ ಗೆದ್ದಿರುವ ನಾಲ್ಕು ತಂಡಗಳು ಸೆಮಿಫೈನಲ್​ಗೆ ಪ್ರವೇಶಿಸಿದೆ. ಮೊದಲ ಕ್ವಾರ್ಟರ್​ ಫೈನಲ್ ಪಂದ್ಯದಲ್ಲಿ ಬೆಂಗಾಲ್ ತಂಡವನ್ನು 4 ವಿಕೆಟ್​ಗಳಿಂದ ಸೋಲಿಸಿ ಹರ್ಯಾಣ ತಂಡವು ಸೆಮಿಫೈನಲ್​ಗೆ ಪ್ರವೇಶಿಸಿದೆ. ಹಾಗೆಯೇ 2ನೇ ಕ್ವಾರ್ಟರ್ ಫೈನಲ್​ನಲ್ಲಿ ಕೇರಳ ವಿರುದ್ಧ ರಾಜಸ್ಥಾನ್ ತಂಡವು ಬರೋಬ್ಬರಿ 200 ರನ್​ಗಳ ಭರ್ಜರಿ ಜಯ ಸಾಧಿಸಿ ನಾಕೌಟ್ ಹಂತಕ್ಕೇರಿದೆ.

ಇನ್ನು ಮೂರನೇ ಕ್ವಾರ್ಟರ್ ಫೈನಲ್​ನಲ್ಲಿ ವಿದರ್ಭ ತಂಡಕ್ಕೆ ಸೋಲುಣಿಸಿ ಕರ್ನಾಟಕ ತಂಡವು ಸೆಮಿಫೈನಲ್​ಗೆ ಎಂಟ್ರಿ ಕೊಟ್ಟಿದೆ. ನಾಲ್ಕನೇ ಕ್ವಾರ್ಟರ್ ಫೈನಲ್​ನಲ್ಲಿ ಮುಂಬೈ ವಿರುದ್ಧ ಗೆದ್ದಿರುವ ತಮಿಳುನಾಡು ತಂಡವು ಸೆಮಿಫೈನಲ್​ಗೆ ಅರ್ಹತೆ ಪಡೆದುಕೊಂಡಿದೆ.

ಇಲ್ಲಿ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ತಮಿಳುನಾಡು ಹಾಗೂ ಹರ್ಯಾಣ ತಂಡಗಳು ಮುಖಾಮುಖಿಯಾದರೆ, ಎರಡನೇ ಸೆಮಿಫೈನಲ್​ನಲ್ಲಿ ರಾಜಸ್ಥಾನ್ ಹಾಗೂ ಕರ್ನಾಟಕ ತಂಡಗಳು ಸೆಣಸಲಿದೆ.

ವಿಜಯ್ ಹಜಾರೆ ಟೂರ್ನಿ ಸೆಮಿಫೈನಲ್ ವೇಳಾಪಟ್ಟಿ:

• ಡಿಸೆಂಬರ್ 13- ಹರ್ಯಾಣ vs ತಮಿಳುನಾಡು (ಮೊದಲ ಸೆಮಿಫೈನಲ್​ ಪಂದ್ಯ)
• ಡಿಸೆಂಬರ್ 14- ರಾಜಸ್ಥಾನ್ vs ಕರ್ನಾಟಕ (ಎರಡನೇ ಸೆಮಿಫೈನಲ್​ ಪಂದ್ಯ)

ಈ ಎರಡೂ ಪಂದ್ಯಗಳು ರಾಜ್​ಕೋಟ್​ನ ಸೌರಾಷ್ಟ್ರ ಕ್ರಿಕೆಟ್ ಅಸೋಷಿಯೇಷನ್ ಸ್ಟೇಡಿಯಂನಲ್ಲಿ ನಡೆಯಲಿದೆ.

ಸೆಮಿಫೈನಲ್ ಪ್ರವೇಶಿಸಿರುವ 4 ತಂಡಗಳು:

ಹರ್ಯಾಣ ತಂಡ: ಅಶೋಕ್ ಮೆನಾರಿಯಾ (ನಾಯಕ) ರೋಹಿತ್ ಪರ್ಮೋದ್ ಶರ್ಮಾ, ಅಮನ್ ಕುಮಾರ್ , ಮಯಾಂಕ್ ಶಾಂಡಿಲ್ಯ , ಕಪಿಲ್ ಹೂಡಾ , ಅಂಕಿತ್ ಕುಮಾರ್ , ಹರ್ಷಲ್ ಪಟೇಲ್ , ಯುಜ್ವೇಂದ್ರ ಚಹಲ್ , ರಾಹುಲ್ ತೆವಾಟಿಯಾ , ಸುಮಿತ್ ಕುಮಾರ್ , ನಿಶಾಂತ್ ಸಿಂಧು , , ಅಂಶುಲ್ ಕಾಂಬೋಜ್ , ಯುವರಾಜ್ ಸಿಂಗ್ , ಹಿಮಾಂಶು ರಾಣ.

ತಮಿಳುನಾಡು ತಂಡ: ದಿನೇಶ್ ಕಾರ್ತಿಕ್ (ನಾಯಕ) ವರುಣ್ ಚಕ್ರವರ್ತಿ , ಮಣಿಮಾರನ್ ಸಿದ್ಧಾರ್ಥ್ , ಕುಲದೀಪ್ ಸೇನ್ , ಸಂದೀಪ್ ವಾರಿಯರ್ , ರವಿಶ್ರೀನಿವಾಸನ್ ಸಾಯಿ ಕಿಶೋರ್ , ಟಿ ನಟರಾಜನ್ , ಸೋನು ಯಾದವ್ , ವಿಜಯ್ ಶಂಕರ್ , ಬಾಬಾ ಅಪರಾಜಿತ್ , ಶಾರುಖ್ ಖಾನ್ , ಸಾಯಿ ಸುದರ್ಶನ್ , ಪ್ರದೋಶ್ ಪಾಲ್ , ಎನ್ ಜಗದೀಸನ್ , ಬಾಬಾ ಇಂದ್ರಜಿತ್ , ನಿಧೀಶ್ ರಾಜಗೋಪಾಲ್.

ರಾಜಸ್ಥಾನ್ ತಂಡ: ದೀಪಕ್ ಹೂಡಾ (ನಾಯಕ), ಕುನಾಲ್ ಸಿಂಗ್ ರಾಥೋರ್, ಅಭಿಜೀತ್ ತೋಮರ್ , , ಮಹಿಪಾಲ್ ಲೊಮ್ರೋರ್ , ಖಲೀಲ್ ಅಹ್ಮದ್ , ದೀಪಕ್ ಚಾಹರ್ , ರಾಹುಲ್ ಚಾಹರ್ , ಅನಿಕೇತ್ ಚೌಧರಿ , ಕುಕ್ನಾ ಅಜಯ್ ಸಿಂಗ್ , ಅರಾಫತ್ ಖಾನ್ , ಸಾಹಿಲ್ ದಿವಾನ್ , ಸಲ್ಮಾನ್ ಖಾನ್ , ಯಶ್ ಸುಪಿತ್ ಕೊಠಾರಿ , ಸಮರವ್ ಕೊಠಾರಿ ಕರಣ್ ಲಂಬಾ , ರಾಮ್ ಮೋಹನ್ ಚೌಹಾಣ್.

ಇದನ್ನೂ ಓದಿ: RCB ತಂಡದ ಅತ್ಯಂತ ಕೆಟ್ಟ ಆಯ್ಕೆಗಳಾವುವು ಗೊತ್ತಾ?

ಕರ್ನಾಟಕ ತಂಡ: ಮಯಾಂಕ್ ಅಗರ್ವಾಲ್ (ನಾಯಕ) , ರವಿಕುಮಾರ್ ಸಮರ್ಥ್ , ನಿಕಿನ್ ಜೋಸ್ , ದೇವದತ್ ಪಡಿಕ್ಕಲ್ , ಮನೀಶ್ ಪಾಂಡೆ , ಶರತ್ ಬಿ ಆರ್ , ಕೃಷ್ಣನ್ ಶ್ರೀಜಿತ್ , ಮನೋಜ್ ಭಾಂಡಗೆ , ಕೃಷ್ಣಪ್ಪ ಗೌತಮ್ , ಶುಭಾಂಗ್ ಹೆಗ್ಡೆ , ಅಭಿನವ್ ಮನೋಹರ್ , ವಿಧ್ವತ್ ಕಾವೇರಪ್ಪ, ವಾಸುಕಿ ಕೌಶಿಕ್, ಜಗದೀಶ ಸುಚಿತ್, ವಿಜಯಕುಮಾರ್ ವೈಶಾಕ್, ಮುರಳೀಧರ ವೆಂಕಟೇಶ್.