WPL Auction 2024: ನಾಳೆ ಡಬ್ಲ್ಯುಪಿಎಲ್ ಮಿನಿ ಹರಾಜು; ಕಣದಲ್ಲಿ ಎಷ್ಟು ಆಟಗಾರ್ತಿಯರು? ಹರಾಜು ಎಷ್ಟು ಗಂಟೆಗೆ ಆರಂಭ?
WPL Auction 2024: ಮಹಿಳಾ ಪ್ರೀಮಿಯರ್ ಲೀಗ್ನ ಎರಡನೇ ಆವೃತ್ತಿಯ ಆಟಗಾರ್ತಿಯರ ಹರಾಜು ನಾಳೆ ಅಂದರೆ, ಡಿಸೆಂಬರ್ 9 ರಂದು ಮುಂಬೈನಲ್ಲಿ ನಡೆಯಲಿದೆ.ಈ ಬಾರಿ ಹರಾಜಿನಲ್ಲಿ ಒಟ್ಟು 165 ಆಟಗಾರ್ತಿಯರ ಭವಿಷ್ಯ ನಿರ್ಧಾರವಾಗಲಿದೆ.
Updated on: Dec 08, 2023 | 9:50 AM
ಮಹಿಳಾ ಪ್ರೀಮಿಯರ್ ಲೀಗ್ನ (Women’s Premier League) ಎರಡನೇ ಆವೃತ್ತಿಯ ಆಟಗಾರ್ತಿಯರ ಹರಾಜು ನಾಳೆ ಅಂದರೆ, ಡಿಸೆಂಬರ್ 9 ರಂದು ಮುಂಬೈನಲ್ಲಿ (Mumbai) ನಡೆಯಲಿದೆ. ಲೀಗ್ನ ಮುಂದಿನ ಆವೃತ್ತಿಗಾಗಿ ಐದು ಫ್ರಾಂಚೈಸಿಗಳು 60 ಆಟಗಾರ್ತಿಯರನ್ನು ತಮ್ಮಲ್ಲೇ ಉಳಿಸಿಕೊಂಡಿವೆ. ಇದರಲ್ಲಿ 21 ವಿದೇಶಿ ಆಟಗಾರ್ತಿಯರು ಸಹ ಸೇರಿದ್ದಾರೆ. ಈಗ ಎಲ್ಲಾ ಫ್ರಾಂಚೈಸಿಗಳು ತಮ್ಮ ತಂಡಗಳಲ್ಲಿ ಖಾಲಿ ಇರುವ ಸ್ಲಾಟ್ಗಳನ್ನು ಹರಾಜಿನ (WPL Auction 2024) ಮೂಲಕ ಪೂರ್ಣಗೊಳಿಸಲಿದ್ದು, ಈ ಬಾರಿ ಹರಾಜಿನಲ್ಲಿ ಒಟ್ಟು 165 ಆಟಗಾರ್ತಿಯರ ಭವಿಷ್ಯ ನಿರ್ಧಾರವಾಗಲಿದೆ.
ಹರಾಜಿನಲ್ಲಿ 165 ಆಟಗಾರ್ತಿಯರು
ಮಹಿಳಾ ಪ್ರೀಮಿಯರ್ ಲೀಗ್ನ ಮುಂದಿನ ಸೀಸನ್ನ ಹರಾಜಿನಲ್ಲಿ ಒಟ್ಟು 165 ಆಟಗಾರ್ತಿಯರ ಹೆಸರನ್ನು ಅಂತಿಮಗೊಳಿಸಲಾಗಿದೆ. ಹರಾಜು ಪಟ್ಟಿಯಲ್ಲಿರುವ 165 ಆಟಗಾರ್ತಿಯರ ಪೈಕಿ 104 ಆಟಗಾರ್ತಿಯರು ಭಾರತೀಯರು ಮತ್ತು 61 ಆಟಗಾರ್ತಿಯರು ವಿದೇಶಿಯರಾಗಿದ್ದಾರೆ. ಈ 61 ಆಟಗಾರ್ತಿಯರಲ್ಲಿ 15 ಆಟಗಾರ್ತಿಯರು ಅಸೋಸಿಯೇಟ್ ದೇಶಗಳಿಂದ ಬಂದವರಾಗಿದ್ದಾರೆ. ಅದೇ ಸಮಯದಲ್ಲಿ, ಈ ಪಟ್ಟಿಯಲ್ಲಿ ಕೇವಲ56 ಆಟಗಾರ್ತಿಯರು ಅಂತರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದರೆ, ಉಳಿದ 109 ಆಟಗಾರ್ತಿಯರು ಅನ್ಕ್ಯಾಪ್ ಆಗಿದ್ದಾರೆ.
30 ಸ್ಲಾಟ್ಗಳು ಖಾಲಿ ಇವೆ
ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ, ಪ್ರತಿ ಫ್ರಾಂಚೈಸಿಯೂ ಗರಿಷ್ಠ 18 ಆಟಗಾರ್ತಿಯರನ್ನು ತಮ್ಮ ತಂಡದಲ್ಲಿ ಇರಿಸಿಕೊಳ್ಳಬಹುದಾಗಿದೆ. ಇದರಲ್ಲಿ 6 ವಿದೇಶಿ ಆಟಗಾರ್ತಿಯರು ಸೇರಿದ್ದಾರೆ. ಇನ್ನು ನಾಳೆ ನಡೆಯಲಿರುವ ಹರಾಜಿಗೆ ಕೇವಲ 30 ಸ್ಲಾಟ್ಗಳು ಮಾತ್ರ ಖಾಲಿ ಇವೆ. ಇದರಲ್ಲಿ ಕೇವಲ 9 ವಿದೇಶಿ ಸ್ಲಾಟ್ಗಳು ಖಾಲಿ ಉಳಿದಿವೆ. ಮೂಲ ಬೆಲೆಯ ಬಗ್ಗೆ ಮಾತನಾಡುವುದಾದರೆ, ಹರಾಜಿನಲ್ಲಿರುವ ಆಟಗಾರ್ತಿಯರ ಮೂಲ ಬೆಲೆ 10 ಲಕ್ಷದಿಂದ 50 ಲಕ್ಷದವರೆಗೆ ಇರುತ್ತದೆ.
ಇಬ್ಬರು ಆಟಗಾರರ ಮೂಲ ಬೆಲೆ 50 ಲಕ್ಷ ರೂ
50 ಲಕ್ಷ ಮೂಲ ಬೆಲೆಯಲ್ಲಿ ಡಿಯಾಂಡ್ರಾ ಡಾಟಿನ್ ಮತ್ತು ಕಿಮ್ ಗಾರ್ತ್ ಮಾತ್ರ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದಾರೆ. ಅದೇ ಸಮಯದಲ್ಲಿ, ನಾಲ್ವರು ಆಟಗಾರ್ತಿಯರ ಮೂಲ ಬೆಲೆ 40 ಲಕ್ಷ ರೂ. ಆಗಿದ್ದರೆ, ಉಳಿದವರ ಮೂಲ ಬೆಲೆ 10 ಲಕ್ಷದಿಂದ 30 ಲಕ್ಷದವರೆಗೆ ಇದೆ.
ಹರಾಜಿನ ಬಗ್ಗೆ ಪೂರ್ಣ ಮಾಹಿತಿ ಇಲ್ಲಿದೆ
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜು ಯಾವಾಗ ನಡೆಯಲ್ಲಿದೆ?
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜು ಡಿಸೆಂಬರ್ 9 ರಂದು ನಡೆಯಲ್ಲಿದೆ.
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜು ಎಲ್ಲಿ ನಡೆಯಲ್ಲಿದೆ?
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜು ಮುಂಬೈನಲ್ಲಿ ನಡೆಯಲ್ಲಿದೆ.
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜು ಎಷ್ಟು ಗಂಟೆಗೆ ಆರಂಭವಾಗಲಿದೆ?
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜು ಮಧ್ಯಾಹ್ನ 2:30ಕ್ಕೆ ಆರಂಭವಾಗಲಿದೆ.
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜನ್ನು ಎಲ್ಲಿ ವೀಕ್ಷಿಸಬಹುದು?
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜನ್ನು ಸ್ಪೋರ್ಟ್ಸ್ 18 ಮತ್ತು ಸ್ಪೋರ್ಟ್ಸ್ 18 HD ಚಾನಲ್ಗಳಲ್ಲಿ ವೀಕ್ಷಿಸಬಹುದಾಗಿದೆ.
ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜಿನ ಲೈವ್ ಸ್ಟ್ರೀಮಿಂಗ್ ವೀಕ್ಷಿಸುವುದು ಹೇಗೆ?
ಜಿಯೋ ಸಿನಿಮಾದಲ್ಲಿ ಮಹಿಳಾ ಪ್ರೀಮಿಯರ್ ಲೀಗ್ನ 2ನೇ ಆವೃತ್ತಿಯ ಹರಾಜಿನ ಲೈವ್ ಸ್ಟ್ರೀಮಿಂಗ್ ವೀಕ್ಷಿಸಬಹುದಾಗಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
