Virat Kohli: ಸೆಂಚುರಿಗಳ ಸರದಾರ ವಿರಾಟ್ ಕೊಹ್ಲಿ ಶತಕವೀರ ತೆಂಡೂಲ್ಕರ್ರ ಈ ಸಾಧನೆ ಮುರಿಯವಲ್ಲಿ ಯಶಸ್ವಿಯಾಗುವರೇ? ವಿಶ್ಲೇಷಣೆ
ಕ್ಯಾಪ್ಟನ್ ಕೊಹ್ಲಿ ಸೆಂಚುರಿ ಬಾರಿಸಿದಾಗ 70 ಮ್ಯಾಚ್ಗಳ ಪೈಕಿ 48 ಪಂದ್ಯಗಳನ್ನು ಭಾರತ ಗೆದ್ದಿದೆ. ಕೇವಲ14 ಬಾರಿ ಸೋತಿದೆ. ಇದು ಒಬ್ಬ ಆಟಗಾರನ ಸಫಲತೆಯನ್ನು ಎತ್ತಿತೋರಿಸುತ್ತದೆ. 2019ರಲ್ಲಿ ಈಡನ್ ಗಾರ್ಡನ್ ಮೈದಾನದಲ್ಲಿ ಪಕ್ಕದ ಬಾಂಗ್ಲಾ ವಿರುದ್ಧ 136 ರನ್ ಬಾರಿಸಿದ್ದೇ ಕೊನೆಯ ಸರ್ವಾಧಿಕ ಸ್ಕೋರ್. ಅದಾದ ನಂತರ ಟ್ರಿಬಲ್ ಸೆಂಚುರಿ ಬಾರಿಸಿಲ್ಲ ಕೊಹ್ಲಿ. ಆದರೆ ಯಾವುದೇ ಪಂದ್ಯದಲ್ಲಿ ಎಂಬಂತೆ ಯಾವುದೇ ಕ್ಷಣ ರನ್ ಮಷೀನ್ ವಿರಾಟ್ ಕೊಹ್ಲಿ ಮತ್ತೆ ಮಿಂಚಬಹುದು.
Updated on: May 25, 2021 | 4:31 PM
ಸೆಂಚುರಿಗಳ ಸರದಾರ ವಿರಾಟ್ ಕೊಹ್ಲಿ ಇನ್ನೂ 30 ಶತಕ ಬಾರಿಸಲೇಬೇಕು… ಮತ್ತು ಕಿಂಗ್ ಕೊಹ್ಲಿಯ ಈಗಿನ ದೈಹಿಕ ಸಾಮರ್ಥ್ಯ ಗಮನಿಸಿದರೆ ಅದನ್ನು ಅವರು ಸಾಧಿಸಬಲ್ಲರು. ಏಕೆಂದರೆ ಅವರ ಎದುರಿಗೆ ಹಿಮಾಲಯದಷ್ಟು ಎತ್ತರದ ಗುರಿ ಸ್ಪಷ್ಟವಾಗಿ ಗೋಚರವಾಗುತ್ತಿದೆ. ಅದುವೇ ಕ್ರಿಕೆಟ್ ಜಗತ್ತಿನ ಮತ್ತೊಬ್ಬ ಶತಕವೀರ ಭಾರತದ ಸಚಿನ್ ತೆಂಡೂಲ್ಕರ್ ಅವರ ಶತಕಗಳ ಸರಮಾಲೆ ಸಾಧನೆ. ಅಂತಾರಾಷ್ಟ್ರೀಯ ಕ್ರಿಕೆಟ್ ಜಗತ್ತಿನಲ್ಲಿ ತ್ರಿಬಲ್ ಡಿಜಿಟ್ ಸ್ಕೋರ್ ಮಾಡುವ ಹಪಾಹಪಿ ಬಲಾಢ್ಯ ಬ್ಯಾಟ್ಸ್ಮನ್ ಕೊಹ್ಲಿಯಲ್ಲಿ ಹೇರಳವಾಗಿದೆ. ಈ ಸಂದರ್ಭದಲ್ಲಿ ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್, ಕಿಂಗ್ ಕೊಹ್ಲಿ ಬಗ್ಗೆ ಹೇಳಿದ್ದ ಮಾತನ್ನು ಉಲ್ಲೇಖಿಸುವುದಾದರೆ ‘ನಾವು ಆಸ್ಟ್ರೇಲಿಯನ್ನರು ಕಿಂಗ್ ಕೊಹ್ಲಿಯನ್ನು ಔಟ್ ಮಾಡುವುದಿಲ್ಲ. ಅಂದರೆ ನೂರು ಶತಕಗಳ ಗಡಿಯಲ್ಲಿರುವ ಕೊಹ್ಲಿಯನ್ನು ಅವರ ಪಾಡಿಗೆ ಅವರನ್ನು ಬ್ಯಾಟ್ ಮಾಡುವುದಕ್ಕೆ ಬಿಡುತ್ತೇವೆ. ಅಂದ್ರೆ ಆತ ಶತಕಗಳ ಗಡಿ ತಲುಪಲಿ’ ಎಂಬುದು ನಮ್ಮಿಚ್ಚೆ ಎಂದಿದ್ದರು. ಆದರೆ ಕಿಂಗ್ ಕೊಹ್ಲಿ 2019ರ ನವೆಂಬರ್ನಿಂದೀಚೆಗೆ ಒಂದೂ ಸೆಂಚುರಿ ಬಾರಿಸಿಲ್ಲ. ಆದರೂ ಶತಕ ಬಾರಿಸುವುದರಲ್ಲಿ ಕಿಂಗ್ ಕೊಹ್ಲಿಗೆ ನಾವು ಯಾರೂ ಸಾಟಿಯಿಲ್ಲ ಎಂಬುದು ಡೇವಿಡ್ ವಾರ್ನರ್ ಇಂಗಿತ.
ಸರಿ ಹಾಗಾದ್ರೆ ಕಿಂಗ್ ಕೊಹ್ಲಿಯ ಕೆಲ ಅದ್ಭುತ ಶತಕದಾಟಗಳನ್ನು ವಿಶ್ಲೇಷಿಸುವುದಾದರೆ… 2008 ರಿಂದ 2021ರವರೆಗೆ ಈ 13 ವರ್ಷಗಳಲ್ಲಿ ಕಿಂಗ್ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 70 ಶತಕಗಳನ್ನು ದಾಖಲಿಸಿದ್ದಾರೆ. ಸದ್ಯಕ್ಕೆ ಅವರಿಗಿಂತ ಮೇಲಿರುವವರು 71 ಶತಕಗಳನ್ನು ಬಾರಿಸಿರುವ ಅದೇ ಆಸ್ಟ್ರೇಲಿಯಾದ ರಿಕಿ ಪಾಂಟಿಂಗ್. ಇವರಿಬ್ಬರಿಗಿಂತ ಸುಸ್ಥಿತಿಯಲ್ಲಿ ಮೇಲೆ ವಿರಾಜಮಾನವಾಗಿರುವವರು ಲಿಟ್ಲ್ ಮಾಸ್ಟರ್ ಸಚಿನ್ ತೆಂಡೂಲ್ಕರ್. ಇದಕ್ಕೂ ಮುನ್ನ ಕಿಂಗ್ ಕೊಹ್ಲಿ ಇಬ್ಬರನ್ನು ದಾಟಿಕೊಂಡು ಈ ಹಂತಕ್ಕೆ ಬಂದಿದ್ದಾರೆ. 63 ಶತಕಗಳೊಂದಿಗೆ ನಾಲ್ಕನೆಯ ಸ್ಥಾನದಲ್ಲಿರುವ ಕುಮಾರ ಸಂಗಕ್ಕಾರ್ ಮತ್ತು 62 ಸೆಂಚುರಿಗಳೊಂದಿಗೆ 5ನೆಯ ಸ್ಥಾನದಲ್ಲಿರುವ ಜಾಕ್ ಕಲ್ಲೀಸ್.
ಹೀಗೆ ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ ಸ್ತರದಲ್ಲಿ ಸುಮಾರು 30 ಸೆಂಚುರಿಗಳನ್ನು ಬಾರಿಸಿರುವ 43 ಬ್ಯಾಟ್ಸ್ಮನ್ಗಳು ಹೇಗೆಲ್ಲಾ ತಮ್ಮ ಸೆಂಚುರಿಗಳನ್ನು ಬಾರಿಸಿದರು ಎಂಬುದನ್ನು ವಿಶ್ಲೇಷಣೆಗೆ ಒಳಪಡಿಸಿದಾಗ ಅವರೆಲ್ಲ ಇಷ್ಟಾನುಸಾರ ಆವಾಗಾವಾಗ ಸೆಂಚುರಿಗಳನ್ನು ಬಾರಿಸಿದವರೇ. ಆದ್ರೆ ಕಿಂಗ್ ಕೊಹ್ಲಿ ಪ್ರತಿ 7 ಇನ್ನಿಂಗ್ಸ್ಗಳಿಗೆ ಒಮ್ಮೆ ಒಂದೊಂದು ಸೆಂಚುರಿ ಬಾರಿಸಿದ್ದಾರೆ. ಅಂದ್ರೆ ಶತಕ ಬಾರಿಸುವ ತಮ್ಮ ಹಸಿವನ್ನು ಹಾಗೆಯೇ ಜಾರಿಯಲ್ಲಿಟ್ಟಿದ್ದಾರೆ. ಸ್ಟೀವ್ ಸ್ಮಿತ್ 7.61 ಇನ್ನಿಂಗ್ಸ್ಗಳಿಗೆ ಒಮ್ಮೆ ಸೆಂಚುರಿ ಬಾರಿಸಿದ್ದರೆ ಸಚಿನ್ ತೆಂಡೂಲ್ಕರ್ 7.82 ಇನ್ನಿಂಗ್ಸ್ಗಳಿಗೆ ಒಮ್ಮೆ ಸೆಂಚುರಿ ಬಾರಿಸಿದ್ದಾರೆ. ಇನ್ನು ರಿಕಿ ಪಾಂಟಿಂಗ್ 9.41 ಇನ್ನಿಂಗ್ಸ್ಗೆ ಒಮ್ಮೆ ಸೆಂಚುರಿ ಬಾರಿಸಿದ್ದಾರೆ. ಲಾರಾ, ರಿಚರ್ಡ್ಸ್, ಜೋ ರೂಟ್ ಅವರೆಲ್ಲ ಬಹುತೇಕ 10 ಇನ್ನಿಂಗ್ಸ್ಗಳಿಗೆ ಒಮ್ಮೆ ಸೆಂಚುರಿ ಬಾರಿಸಿದ್ದಾರೆ!
ಕ್ಯಾಪ್ಟನ್ ಕೊಹ್ಲಿ ಸೆಂಚುರಿ ಬಾರಿಸಿದ್ದಾಗ 70 ಮ್ಯಾಚ್ಗಳ ಪೈಕಿ 48 ಪಂದ್ಯಗಳನ್ನು ಭಾರತ ಗೆದ್ದಿದೆ. ಕೇವಲ 14 ಬಾರಿ ಸೋತಿದೆ.
ಅದ್ಸರಿ ODI ಕ್ರಿಕೆಟ್ನಲ್ಲಿ ಕಿಂಗ್ ಕೊಹ್ಲಿ ಶತಕಗಳ ಸಾಧನೆ ಹೇಗಿದೆ ಎಂದು ನೋಡುವುದಾದರೆ ಮೇಲೆ ಹೇಳಿದಂತೆ ಟೆಸ್ಟ್ ಕ್ರಿಕೆಟ್ನಲ್ಲಿ ವಿರಾಟ್ ಕೊಹ್ಲಿ ಶತಕಗಳನ್ನು ಬಾರಿಸುತ್ತಾ ಹೋಗಿದ್ದರೆ ಏಕ ದಿನ ಪಂದ್ಯಗಳಲ್ಲಿ ಕಿಂಗ್ ಕೊಹ್ಲಿಗೆ ಸರಿಸಾಟಿಯೇ ಯಾರೂ ಇಲ್ಲ. ಕೇವಲ 245 ಇನ್ನಿಂಗ್ಸ್ಗಳಲ್ಲಿ ಭಾರತ ಕ್ರಿಕೆಟ್ ತಂದ ಕ್ಯಾಪ್ಟನ್ ಕೊಹ್ಲಿ 43 ಶತಕಗಳನ್ನು ಸಿಡಿಸಿದ್ದಾರೆ. 5.6 ಇನ್ನಿಂಗ್ಸ್ಗಳಿಗೆ ಒಮ್ಮೆ ಸೆಂಚುರಿ ಸಿಡಿಸಿದ್ದಾರೆ. ತೆಂಡೂಲ್ಕರ್ ಪ್ರತಿ 10 ಇನ್ನಿಂಗ್ಸ್ಗೆ ಒಮ್ಮೆ ಸೆಂಚುರಿ ಹೊಡೆದಿದ್ದಾರೆ. ಇನ್ನೂ ಸ್ಪಷ್ಟವಾಗಿ ಹೇಳಬೇಕೆಂದ್ರೆ ತೆಂಡೂಲ್ಕರ್ಗಿಂತ 207 ಇನ್ನಿಂಗ್ಸ್ಗಳನ್ನು ಕಡಿಮೆ ಆಡಿರುವ ವಿರಾಟ್ ಕೊಹ್ಲಿ, ತೆಂಡೂಲ್ಕರ್ಗಿಂತ ಜಸ್ಟ್ 6 ಶತಕಗಳನ್ನು ಕಡಿಮೆ ಬಾರಿಸಿದ್ದಾರೆ ಅಷ್ಟೇ. ಹಾಗಾದ್ರೆ ಈ ವೇಗದಲ್ಲಿ ಸಾಗಿರುವ ವಿರಾಟ್ ಕೊಹ್ಲಿ, ಮುಂದೆ ಶತಕಗಳ ಶತಕ ಪೂರೈಸುವುದರಲ್ಲಿ ಯಾವುದೇ ಅನುಮಾನವಿಲ್ಲ ಅನ್ನಿಸುತ್ತದೆ.
ರನ್ ಮಷೀನ್ ವಿರಾಟ್ ಕೊಹ್ಲಿ, 115 ಅರ್ಧ ಶತಕಗಳನ್ನೂ ಬಾರಿಸಿದ್ದಾರೆ. ಅಂದರೆ 2.6 ಬಾರಿ ಅವರು ಅರ್ಧ ಶತಕ ಬಾರಿಸಿದ ಮೇಲೆ ಮುಂದಿನದು ಶತಕದತ್ತಲೇ ಓಟ ಎಂಬಂತಾಗಿದೆ. ಆದರೆ ಇಲ್ಲಿ ಸ್ಟೀವ್ ಸ್ಮಿತ್ ಒಬ್ಬರು ಮಾತ್ರವೇ ವಿರಾಟ್ ಕೊಹ್ಲಿಗಿಂತ ತುಸು ಮುಂದಿರುವುದು… ಆತ 2.58 ಬಾರಿ ಅರ್ಧ ಶತಕ ಬಾರಿಸಿದ ಮೇಲೆ ಮುಂದಿನದು ಶತಕ ಗ್ಯಾರಂಟಿ ಎಂಬಂತೆ ಆಡಿದವರು.
ತೆಂಡೂಲ್ಕರ್ ಒಟ್ಟಾರೆಯಾಗಿ 482 ಅಂತಾರಾಷ್ಟ್ರೀಯ ಇನ್ನಿಂಗ್ಸ್ಗಳನ್ನಾಡಿ 49 ರನ್ ಸರಾಸರಿಯಲ್ಲಿ 66 ಸೆಂಚುರಿಗಳೊಂದಿಗೆ 21,331 ರನ್ ಕ್ರೋಢೀಕರಿಸಿದ್ದಾರೆ. ಕೊಹ್ಲಿ ಸಹ ಇಷ್ಟೇ ಸಂಖ್ಯೆಯ ಇನ್ನಿಂಗ್ಸ್ಗಳನ್ನಾಡಿದ್ದಾರೆ. ಇದರರ್ಥ ವಿರಾಟ್ ಕೊಹ್ಲಿ ಅದಾಗಲೇ ನಾಲ್ಕು ಚೆಂಚುರಿಗಳನ್ನು ಹೆಚ್ಚಾಗಿ ಬಾರಿಸಿದ್ದಾರೆ! 482 ಅಂತಾರಾಷ್ಟ್ರೀಯ ಇನ್ನಿಂಗ್ಸ್ಗಳಲ್ಲಿ 22818 ರನ್ ಗಳಿಸಿರುವ ಕೊಹ್ಲಿ 70 ಶತಕಗಳನ್ನು ಬಾರಿಸಿದ್ದಾರೆ.
ರನ್ ಮಷೀನ್ ವಿರಾಟ್ ಕೊಹ್ಲಿ ತಮ್ಮ ವೃತ್ತಿ ಜೀವನದ ಪೀಕ್ನಲ್ಲಿ ಅಂದ್ರೆ 2017 ಮತ್ತು 2018ರ ಕ್ಯಾಲೆಂಡರ್ ವರ್ಷದಲ್ಲಿ ತಲಾ 11 ಶತಕಗಳನ್ನು ಬಾರಿಸಿದ್ದರು. ಆದರೆ 1998ರಲ್ಲಿ ತೆಂಡೂಲ್ಕರ್ 12 ಶತಕಗಳನ್ನು ಸಿಡಿಸಿದ್ದು ಇನ್ನೂ ದಾಖಲೆಯಾಗಿಯೇ ಇದೆ. ರಿಕಿ ಪಾಂಟಿಂಗ್ ಒಮ್ಮೆ ಮಾತ್ರ ಅಂದ್ರೆ 2003ರಲ್ಲಿ 11 ಶತಕಗಳನ್ನು ಬಾರಿಸಿದ್ದರು.
ಕ್ಯಾಪ್ಟನ್ ಕೊಹ್ಲಿ ಸೆಂಚುರಿ ಬಾರಿಸಿದ್ದಾಗ 70 ಮ್ಯಾಚ್ಗಳ ಪೈಕಿ 48 ಪಂದ್ಯಗಳನ್ನು ಭಾರತ ಗೆದ್ದಿದೆ. ಕೇವಲ 14 ಬಾರಿ ಸೋತಿದೆ. ಇದು ಒಬ್ಬ ಆಟಗಾರನ ಸಫಲತೆಯನ್ನು ಎತ್ತಿತೋರಿಸುತ್ತದೆ.
2019ರಲ್ಲಿ ಈಡನ್ ಗಾರ್ಡನ್ ಮೈದಾನದಲ್ಲಿ ಪಕ್ಕದ ಬಾಂಗ್ಲಾ ವಿರುದ್ಧ 136 ರನ್ ಬಾರಿಸಿದ್ದೇ ಕೊನೆಯ ಸರ್ವಾಧಿಕ ಸ್ಕೋರ್. ಅದಾದ ನಂತರ ಟ್ರಿಬಲ್ ಸೆಂಚುರಿ ಬಾರಿಸಿಲ್ಲ ಕೊಹ್ಲಿ. ಆದರೆ ಯಾವುದೇ ಪಂದ್ಯದಲ್ಲಿ ಎಂಬಂತೆ ಯಾವುದೇ ಕ್ಷಣ ರನ್ ಮಷೀನ್ ವಿರಾಟ್ ಕೊಹ್ಲಿ ಮತ್ತೆ ಮಿಂಚಬಹುದು.
(King Virat Kohli will surpass Sachin Tendulkar 100 centuries shortly and may score 30 centuries more analysis)
