Virat Kohli: ವಿರಾಟ್​ ಕೊಯ್ಲಿಗೆ ‘ಮನಿ ಹೈಸ್ಟ್​’ ಪ್ರೊಫೆಸರ್ ಪಾತ್ರ? ವೈರಲ್​ ಆಯ್ತು ಹೊಸ ಲುಕ್​

ಐಪಿಎಲ್​ ರದ್ದಾದ​ ಬಳಿಕ ಕ್ರಿಕೆಟಿಗ ವಿರಾಟ್​ ಕೊಯ್ಲಿ ಬೇರೆ ಬೇರೆ ಕಾರಣಗಳಿಂದ ಸುದ್ದಿ ಆಗುತ್ತಿದ್ದಾರೆ. ಲಾಕ್​ಡೌನ್ ಜಾರಿಯಾದ ಕಾರಣ ಅವರು ಹೊರಗೆಲ್ಲೂ ತಿರುಗಾಡುತ್ತಿಲ್ಲ. ಹೇರ್​ ಕಟ್​ ಕೂಡ ಮಾಡಿಸಿಲ್ಲ ಎನಿಸುತ್ತದೆ. ಸದಾ ಸ್ಟೈಲಿಶ್​ ಆಗಿ ಮಿಂಚುವ ಅವರು ಈಗ ಡಿಫರೆಂಟ್​ ಆಗಿ ಕಾಣಿಸಿಕೊಂಡಿದ್ದಾರೆ. ಮಾಮೂಲಿಗಿಂತಲೂ ಸ್ವಲ್ಪ ಉದ್ದ ಕೂದಲು, ಕುರುಚಲು ಗಡ್ಡದ ಲುಕ್​ನಲ್ಲಿರುವ ಅವರ ಒಂದು ಫೋಟೋ ವೈರಲ್​ ಆಗಿದೆ. ಅದನ್ನು ಕಂಡವರಿಗೆಲ್ಲ ಜನಪ್ರಿಯ ‘ಮನಿ ಹೈಸ್ಟ್​’ ವೆಬ್​ ಸಿರೀಸ್​ನ ಪ್ರೊಫೆಸರ್​ ಪಾತ್ರ ನೆನಪಾಗುತ್ತಿದೆ.

ಮನಿ ಹೈಸ್ಟ್​ ವೆಬ್​ ಸರಣಿಯಲ್ಲಿ ಪ್ರೊಫೆಸರ್​ ಪಾತ್ರ ತುಂಬ ಮುಖ್ಯವಾದದ್ದು. ಆ ಪಾತ್ರಕ್ಕೆ ಬಣ್ಣ ಹಚ್ಚಿದವರು ಸ್ಪ್ಯಾನಿಶ್​ ನಟ ಅಲ್ವರೋ ಮೋರ್ಟೆ. ಆ ಪಾತ್ರದ ಮೂಲಕ ಅವರು ವಿಶ್ವಾದ್ಯಂತ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಈಗ ವಿರಾಟ್​ ಕೊಯ್ಲಿ ಅವರ ಲಾಕ್​ಡೌನ್​ ಲುಕ್​ ಕೂಡ ಮನಿ ಹೈಸ್ಟ್​ ವೆಬ್​ ಸಿರೀಸ್​ನಲ್ಲಿ ಅಲ್ವರೋ ಮೋರ್ಟೆ ಅವರ ಪ್ರೊಫೆಸರ್​ ಪಾತ್ರಕ್ಕೆ ಹೋಲಿಕೆ ಆಗುತ್ತಿದೆ ಎಂದೇ ಎಲ್ಲರೂ ಹೇಳುತ್ತಿದ್ದಾರೆ.

ವಿರಾಟ್​ ಕೊಯ್ಲಿ ಮತ್ತು ಅಲ್ವರೋ ಮೋರ್ಟೆ ಅವರ ಫೋಟೋಗಳನ್ನು ಅಕ್ಕ-ಪಕ್ಕ ಇಟ್ಟು ವೈರಲ್​ ಮಾಡಲಾಗುತ್ತಿದೆ. ನೆಟ್ಟಿಗರು ಹಲವು ಬಗೆಯಲ್ಲಿ ಇದನ್ನು ವೈರಲ್​ ಮಾಡುತ್ತಿದ್ದಾರೆ. ವಿರಾಟ್​ ಕೊಯ್ಲಿ ಲುಕ್​ ಕಂಡವರು ಅನೇಕ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ. ಆದಷ್ಟು ಬೇಗ ಅವರು ನಟನೆಗೆ ಬರಬೇಕು ಎಂದು ಅಭಿಮಾನಿಗಳು ಬಯಸುತ್ತಿದ್ದಾರೆ.

‘ಟ್ರೋಫಿ ಹೈಸ್ಟ್​ ವೆಬ್​ ಸಿರೀಸ್​ನ ಫಸ್ಟ್​ಲುಕ್​ ಇದು. ಜೂ.18ಕ್ಕೆ ರಿಲೀಸ್​ ಆಗಲಿದೆ’ ಎಂದು ನೆಟ್ಟಿಗರೊಬ್ಬರು ಹೇಳಿದ್ದಾರೆ. ಮನಿ ಹೈಸ್ಟ್​ ಭಾರತೀಯ ವರ್ಷನ್​ನ ವೆಬ್​ ಸರಣಿಯಲ್ಲಿ ಪ್ರೊಫೆಸರ್​ ಪಾತ್ರ ಮಾಡಲು ವಿರಾಟ್​ ಕೊಯ್ಲಿ ರೆಡಿ ಆಗಿದ್ದಾರೆ ಎಂಬ ಕ್ಯಾಪ್ಷನ್​ನೊಂದಿಗೆ ಅನೇಕರು ಈ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಅನುಷ್ಕಾ ಶರ್ಮಾ ಅವರು ಮನಿ ಹೈಸ್ಟ್​ ರಿಮೇಕ್​ ಹಕ್ಕುಗಳನ್ನು ಖರೀದಿಸಬೇಕು ಹಾಗೂ ಅದರಲ್ಲಿ ವಿರಾಟ್​ ಕೊಯ್ಲಿ ಪ್ರೊಫೆಸರ್​ ಪಾತ್ರ ಮಾಡಬೇಕು ಎಂದೆಲ್ಲ ಜನರು ಕಮೆಂಟ್​ ಮಾಡಿದ್ದಾರೆ.

Anushka Sharma is going to launch Virat Kohli in Bollywood. She has bought the hindi rights of #MoneyHeist

Here is first look of Virat Kohli as a Professor … @AnushkaSharma @imVkohli #MoneyHeist5 pic.twitter.com/BQDvCMqeQa

— SUHAIB صہیب ?? (@SRKmania_) May 24, 2021

Professor Virat ?❤️#MoneyHeist #ViratKohli pic.twitter.com/5jLDLXTf6W

— SUBHAM? (@iamsubu30) May 24, 2021

Virat Kohli as Professor in Season 5 #MoneyHeist pic.twitter.com/9ypdj2pezH

— Gul Gee? (@GulGeeOfficial) May 24, 2021

ನಿಜಕ್ಕೂ ಕೊಯ್ಲಿ ಈ ಲುಕ್​ನಲ್ಲಿ ಇದ್ದಾರಾ? ಯಾಕೋ ಅನುಮಾನ. ಕೆಲವೇ ದಿನಗಳ ಹಿಂದೆ ಅವರು ಸೋಷಿಯಲ್​ ಮೀಡಿಯಾದಲ್ಲಿ ಕ್ಯಾಮರಾ ಮುಂದೆ ಬಂದಿದ್ದರು. ಆಗ ಅವರು ಇಷ್ಟು ಉದ್ದ ಕೂದಲು ಬಿಟ್ಟಿರಲಿಲ್ಲ. ಇಷ್ಟು ಕಡಿಮೆ ಅವಧಿಯಲ್ಲಿ ಇಷ್ಟು ಕೂದಲು ಬೆಳೆಯಲು ಹೇಗೆ ಸಾಧ್ಯ ಎಂದು ಅನೇಕರು ಪ್ರಶ್ನಿಸಿದ್ದಾರೆ. ಅಂತಿಮವಾಗಿ ಇದು ಫೋಟೋಶಾಪ್​ನಲ್ಲಿ ಎಡಿಟ್​ ಮಾಡಿರುವ ಫೋಟೋ ಅಂದು ಕೂಡ ಹಲವರು ವಾದ ಮಂಡಿಸಿದ್ದಾರೆ.

ಇದನ್ನೂ ಓದಿ:

ಕೊವಿಡ್​ ಸಂಕಷ್ಟಕ್ಕೆ ಅನುಷ್ಕಾ-ವಿರಾಟ್​ 2 ಕೋಟಿ ರೂ. ದೇಣಿಗೆ; ನಿಧಿ ಸಂಗ್ರಹಕ್ಕೆ ಮುಂದಾದ ದಂಪತಿ

ಬಾಲ್ಯ ಸ್ನೇಹಿತರಾಗಿದ್ದ ಅನುಷ್ಕಾ ಶರ್ಮಾ ಮತ್ತು ಸಾಕ್ಷಿ ಧೋನಿ; ಪುರಾವೆ ಒದಗಿಸುತ್ತಿದೆ ವೈರಲ್​ ಫೋಟೋ