ಮೆಲ್ಬೋರ್ನ್ ಟೆಸ್ಟ್ಗೆ ಈ ಇಬ್ಬರು ಆಟಗಾರರಿದ್ದರೆ ಮಾತ್ರ ಭಾರತದ ಅದೃಷ್ಟ ಬದಲಾಗುತ್ತೆ

ಆಂಗ್ಲ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಸುನಿಲ್ ಗಾವಸ್ಕರ್, ಈ ರೀತಿಯ ಪ್ರದರ್ಶನ ನೋಡಿದ ನಂತರದಲ್ಲಿ ಎಲ್ಲರಿಗೂ ಬೇಸರವಾಗುವುದು ಸಹಜ. ಮುಂದಿನ ಪಂದ್ಯದಲ್ಲಿ ಎರಡು ಬದಲಾವಣೆ ಆಗಲೇಬೇಕು ಎಂದಿದ್ದಾರೆ.

ಟೀಂ ಇಂಡಿಯಾ

ರಾಜೇಶ್ ದುಗ್ಗುಮನೆ | Updated By: Ghanashyam D M | ಡಿ.ಎಂ.ಘನಶ್ಯಾಮ
Updated on:Dec 20, 2020 | 3:05 PM

ಅಡಿಲೇಡ್ ಟೆಸ್ಟ್ ಪಂದ್ಯದಲ್ಲಿ ಕೆಲವರು ಭಾರತದ ಸೋಲನ್ನು ಪರಾಮರ್ಶಿಸಿದರೆ ಇನ್ನೂ ಕೆಲವರು ಮುಂದಿನ ಪಂದ್ಯಕ್ಕೆ ಯಾವ ಆಟಗಾರರನ್ನು ಕೈ ಬಿಡಬೇಕು ಎನ್ನುವ ಬಗ್ಗೆ ಚರ್ಚೆ ಆರಂಭಿಸಿದ್ದಾರೆ. ಈ ಬಗ್ಗೆ ಟೀಂ ಇಂಡಿಯಾ ಮಾಜಿ ನಾಯಕ ಸುನಿಲ್ ಗಾವಸ್ಕರ್ ಕೆಲ ಕಿವಿಮಾತು ಹೇಳಿದ್ದಾರೆ.

ಆಂಗ್ಲ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಸುನಿಲ್ ಗಾವಸ್ಕರ್, ಈ ರೀತಿಯ ಪ್ರದರ್ಶನ ನೋಡಿದ ನಂತರದಲ್ಲಿ ಎಲ್ಲರಿಗೂ ಬೇಸರವಾಗುವುದು ಸಹಜ. ನಾವು ಉತ್ತಮ ಪ್ರದರ್ಶನ ನೀಡಿದ್ದರೆ ಗೆಲ್ಲಬಹುದಿತ್ತು. ಏಕೆಂದರೆ, ಆಸ್ಟ್ರೇಲಿಯಾ ಬ್ಯಾಟ್ಸಮನ್ಗಳು ಅಷ್ಟು ವಿಶ್ವಾಸದಿಂದ ಇರಲಿಲ್ಲ. ಕ್ರಿಕೆಟ್ನಲ್ಲಿ ಏನು ಬೇಕಾದರೂ ಆಗಬಹುದು ಎಂದರು.

ಟೀಂ ಇಂಡಿಯಾದಲ್ಲಿ ಎರಡು ಬದಲಾವಣೆ ಆಗಬೇಕು ಎಂದಿರುವ ಗಾವಸ್ಕರ್, ಭಾರತದ ಬ್ಯಾಟಿಂಗ್ ವಿಭಾಗದಲ್ಲಿ ಎರಡು ಬದಲಾವಣೆ ಆಗೋದು ಖಚಿತ. ಪೃಥ್ವಿ ಶಾ ಬದಲಾಗಿ ಕನ್ನಡಿಗ ಕೆ.ಎಲ್. ರಾಹುಲ್ ಕಣಕ್ಕೆ ಇಳಿಯಬಹುದು. ಶುಭ್ ಮನ್ ಗಿಲ್ ಐದು ಅಥವಾ ಆರನೇ ಸ್ಥಾನದಲ್ಲಿ ಬ್ಯಾಟಿಂಗ್ಗೆ ಇಳಿಯಬಹುದು. ಇವರಿಬ್ಬರಿದ್ದರೆ ಮಾತ್ರ ಭಾರತದ ಅದೃಷ್ಟ ಬದಲಾಗಲಿದೆ ಎಂದರು.

ಕನ್ನಡಿಗ ಕೆ.ಎಲ್. ರಾಹುಲ್ ಮೊದಲ ಟೆಸ್ಟ್ನಿಂದ ಹೊರಗುಳಿದಿದ್ದರು. ಇದಕ್ಕೆ ಕಾರಣ ಕೂಡ ಇತ್ತು. ಏಕದಿನ ಹಾಗೂ ಟಿ-20 ಪಂದ್ಯಗಳಲ್ಲಿ ಕೆಲ್ ರಾಹುಲ್ ಆಡಿದ್ದಾರೆ. ಹೀಗಾಗಿ ಅವರಿಗೆ ಕೊಂಚ ವಿಶ್ರಾಂತಿ ಅಗತ್ಯ ಇದೆ. ಅಲ್ಲದೆ, ಎರಡನೇ ಟೆಸ್ಟ್ನಿಂದ ವಿರಾಟ್ ಕೊಹ್ಲಿ ಅಲಭ್ಯರಾಗಲಿದ್ದಾರೆ. ಈ ಕಾರಣಕ್ಕೆ ಮೊದಲ ಟೆಸ್ಟ್ನಲ್ಲಿ ವಿಶ್ರಾಂತಿ ಕೊಡಲು ನಿರ್ಧರಿಸಲಾಗಿತ್ತು. ಆದರೆ ಈಗ ರಾಹುಲ್ ತಂಡ ಸೇರಿಕೊಳ್ಳೋದು ಅನಿವಾರ್ಯವಾಗಿದೆ.