India vs Australia Test Series | ಬ್ರಿಸ್ಬೇನ್​ ಟೆಸ್ಟ್​ನಲ್ಲಿ ಕುಲ್​ದೀಪ್​ ಯಾದವ್​ರನ್ನು ಅಡಿಸದಿರುವುದು ಆಶ್ಚರ್ಯ ಮೂಡಿಸಿದೆ: ಅಗರ್ಕರ್

ಆಸ್ಟ್ರೇಲಿಯಾ ಪ್ರವಾಸಕ್ಕೆ ಟೆಸ್ಟ್ ಟೀಮಿನಲ್ಲಿ ಸ್ಪೆಷಲಿಸ್ಟ್ ಸ್ಪಿನ್ನರ್ ಆಗಿ ಆಯ್ಕೆಯಾಗಿರುವ ಚೈನಾಮನ್ ಬೌಲರ್ ಕುಲ್​ದೀಪ್ ಯಾದವ್​ ಅವರನ್ನು ಬ್ರಿಸ್ಬೇನ್​ ಟೆಸ್ಟ್​ನಲ್ಲಿ ಆಡಿಸದಿರುವುದು ಭಾರತದ ಮಾಜಿ ವೇಗ್ ಬೌಲರ್ ಮತ್ತು ಕಾಮೆಂಟೇಟರ್ ಅಜಿತ್ ಅಗರ್ಕರ್ ಅವರಲ್ಲಿ ಆಶ್ಚರ್ಯ ಮತ್ತು ನಿರಾಸೆ ಮೂಡಿಸಿದೆ.

‘ಕುಲ್​ದೀಪ್​ಗೆ ಭಾರಿ ನಿರಾಸೆಯಾಗಿರಬೇಕು. ಅದು ಸಹಜ ತಾನೆ? ಕಳೆದ ಸರಣಿಯ ಕೊನೆಯ ಟೆಸ್ಟ್ ಕೊನೆಗೊಂಡ ನಂತರ ಅವರು ಭಾರತದ ನಂಬರ್ ಒನ್ ಸ್ಪಿನ್ನರ್ ಆಗಿದ್ದರು. ಅದಾದ ಮೇಲೆ ಅವರು ಒಂದೇ ಒಂದು ಟೆಸ್ಟ್​ ಆಡಿಲ್ಲವೆಂದು ನಾನು ಭಾವಿಸುತ್ತೇನೆ. ಐದು ಬೌಲರ್​ಗಳೊಂದಿಗೆ ಕಣಕ್ಕಿಳಿಯುವ ನಿರ್ಧಾರ ಭಾರತ ಮಾಡಿದ್ದರೆ ಅವರಲ್ಲಿ ಒಬ್ಬ ಅನುಭವಿ ಬೌಲರ್​ನನ್ನು ಸೇರಿಸಿಕೊಳ್ಳಬೇಕಿತ್ತು. ಈ ಟೆಸ್ಟ್​ನಲ್ಲಿ ಆಡುತ್ತಿರುವವರೆಲ್ಲ ಅನನುಭವಿಗಳು. ಮತ್ತೊಬ್ಬ ಸ್ಪಿನ್ನರ್​ನನ್ನು ಆಡಿಸಿದ್ದರೆ ಪ್ರಮಾದವೇನೂ ಆಗುತ್ತಿರಲಿಲ್ಲ. ಯಾದವ್ ಬಾರತದ ಬೌಲಿಂಗ್ ದಾಳಿಗೆ ಮೊನಚು ಮತ್ತು ಸಮತೋಲನ ಒದಗಿಸುತ್ತಿದ್ದರು. ಪಿಚ್ ಫ್ಲ್ಯಾಟ್ ಆದರೆ, ವೇಗದ ಬೌಲರ್​ಗಳಿಗೆ ಯಾವ ಪ್ರಯೋಜನವೂ ಸಿಗದು. ಆಗ ದಾಳಿ ವೈವಿಧ್ಯಮಯ ಆಯಾಮ ತಳೆಯುವ ಬದಲು ಒಂದೇ ಡೈಮೆನ್ಷನಲ್ ಅನಿಸಲಿದೆ’ ಎಂದು ಸೋನಿ ಸ್ಪೋರ್ಟ್ಸ್ ನೆಟ್​ವರ್ಕ್ ನಡೆಸುವ ಎಕ್ಸ್​ಟ್ರಾ ಇನ್ನಿಂಗ್ಸ್ ಕಾರ್ಯಕ್ರಮದಲ್ಲಿ ಮೊದಲ ದಿನದಾಟದ ನಂತರ ಅಗರ್ಕರ್ ಹೇಳಿದರು.

ಅಜಿತ್ ಅಗರ್ಕರ್

‘ಭಾರತದ ಟೀಮಿನಲ್ಲಿ ಮಿಚೆಲ್ ಸ್ಟಾರ್ಕ್​ನಂಥ ಭಯಂಕರ ವೇಗದ ಬೌಲರ್ ಇಲ್ಲ. ಕುಲ್​ದೀಪ್​ರನ್ನು ಆಡಿಸಿದ್ದರೆ ಆಕ್ರಮಣದಲ್ಲಿ ವೈವಿಧ್ಯತೆ ಇರುತಿತ್ತು. ತಾನು ಆಸ್ಟ್ರೇಲಿಯಾದ ಪಿಚ್​ಗಳಲ್ಲಿ ವಿಕೆಟ್ ಕೀಳಬಲ್ಲೆ ಎನ್ನುವುದನ್ನು ಕುಲ್ದೀಪ್ ಈ ಹಿಂದೆ ಸಾಬೀತು ಮಾಡಿದ್ದಾರೆ. ಅವರು ಕೊಂಚ ನಿಧಾನಗತಿಯಲ್ಲಿ ಬೌಲ್ ಮಾಡುತ್ತಾರೆನ್ನುವ ಆಪಾದನೆಯಿದೆ. ಆದರೆ ಇಲ್ಲಿನ ಕಂಡೀಷನ್​ಗಳಿಗೆ ಅವರ ಬೌಲಿಂಗ್​ಗೆ ಅದ್ಭುತವಾಗಿ ಒಗ್ಗುತ್ತದೆ. ಹಾಗಾಗಿ ಅವರನ್ನು ಆಡಿಸದಿರುವುದು ನನ್ನಲ್ಲಿ ಆಶ್ವರ್ಯವನ್ನಷ್ಟೇ ಅಲ್ಲ ನಿರಾಸೆಯೂ ಮೂಡಿಸಿದೆ’ ಎಂದು ಅಗರ್ಕರ್ ಹೇಳಿದ್ದಾರೆ.

2019-19ರ ಬಾರ್ಡರ್-ಗಾವಸ್ಕರ್ ಟ್ರೋಫಿಗಾಗಿ ನಡೆದ ಸರಣಿಯಲ್ಲಿ ಕುಲ್​ದೀಪ್​ ಅತ್ಯತ್ತುಮವಾಗಿ ಬೌಲ್ ಮಾಡಿದ್ದರು ಮತ್ತ್ತು ಸಿಡ್ನಿಯಲ್ಲಿ ನಡೆದ ಟೆಸ್ಟ್​ನಲ್ಲಿ 5 ವಿಕೆಟ್ ಪಡೆಯುವ ಸಾಧನೆ ಕೂಡ ಮಾಡಿದ್ದರು.