Tokyo Paralympics: ಇತಿಹಾಸ ನಿರ್ಮಿಸಿದ ಭಾವಿನಾ ಪತಿ ಭಾರತದ ವಿಶ್ವಕಪ್ ತಂಡದ ಸದಸ್ಯ ಎಂಬುದು ನಿಮಗೆ ಗೊತ್ತೇ?

ಟೋಕಿಯೊದಲ್ಲಿ ಸಾಗುತ್ತಿರುವ ಪ್ಯಾರಾಲಿಂಪಿಕ್ಸ್ 2020 (Tokyo Paralympics 2020) ಕ್ರೀಡಾಕೂಟದಲ್ಲಿ ಭಾರತ ಅಮೋಘ ಪ್ರದರ್ಶನ ನೀಡುತ್ತಿದೆ. ಹೊಸ ಹೊಸ ಇತಿಹಾಸ ನಿರ್ಮಿಸುತ್ತಿರುವ ಭಾರತದ ಪ್ಯಾರಾಥ್ಲೆಟಿಕ್​ಗಳು ಹೆಮ್ಮೆ ಪಡುವಂತೆ ಮಾಡುತ್ತಿದ್ದಾರೆ. ಭಾರತಕ್ಕೆ ಚೊಚ್ಚಲ ಪದಕ ದಕ್ಕಿದ್ದು ಟೇಬಲ್ ಟೆನಿಸ್​ನಲ್ಲಿ. ಭಾರತದ ಪ್ಯಾರಾ ಟೇಬಲ್‌ ಟೆನಿಸ್‌ ಆಟಗಾರ್ತಿ ಭಾವಿನಾ ಪಟೇಲ್‌ (Bhavina Patel) ಅವರು ಬೆಳ್ಳೆ ಪದಕಕ್ಕೆ ಕೊರಳೊಡ್ಡಿದರು.

ಟೇಬಲ್ ಟೆನಿಸ್​ನ ಫೈನಲ್‌ ಪಂದ್ಯದಲ್ಲಿ ಚೀನಾದ ಝೋ ಯಿಂಗ್ ವಿರುದ್ಧ 0-3 ಅಂತರದಿಂದ ಸೋಲು ಕಾಣುವ ಮೂಲಕ ಭಾವಿನಾ ಬೆಳ್ಳಿಗೆ ತೃಪ್ತಪಟ್ಟರು. ಆದರೆ, ಪ್ಯಾರಾಲಿಂಪಿಕ್ಸ್​ನ ಟೇಬಲ್ ಟೆನಿಸ್​ನಲ್ಲಿ ಭಾರತ ಈವರೆಗೆ ಫೈನಲ್​ಗೆ ಲಗ್ಗೆಯಿಟ್ಟಿದ್ದೇ ಇಲ್ಲ. ಇದೇ ಮೊದಲ ಬಾರಿಗೆ ಫೈನಲ್​ಗೆ ತಲುಪಿ ಪದಕ ಗೆದ್ದಿರುವುದು ಐತಿಹಾಸಿಕ ಸಾಧನೆಯಾಗಿದೆ.

ಭಾವಿನಾ ಅವರ ಈ ವಿಶೇಷ ಸಾಧನೆಗೆ ಅವರ ಪತಿ ನಿಕುಲ್ ಪಟೇಲ್ ಕೂಡ ಕಾರಣವಂತೆ. ಆದರೆ, ನಿಮಗೊಂದು ವಿಚಾರ ಗೊತ್ತೇ? ಭಾವಿನಾ ಅವರ ಪತಿ ನಿಕುಲ್ ಕೂಡ ಒಬ್ಬ ಕ್ರೀಡಾಪಟು. ಅವರು 2002ರ ಅಂಡರ್- 19 ಕ್ರಿಕೆಟ್ ವಿಶ್ವಕಪ್​ನಲ್ಲಿ ಭಾರತ ತಂಡದ ಸದಸ್ಯರಾಗಿದ್ದರು.

ಹೌದು, ಪಾರ್ಥಿವ್ ಪಟೇಲ್ ನಾಯಕತ್ವದ 2002 ಅಂಡರ್- 19 ವಿಶ್ವಕಪ್​ನಲ್ಲಿ ಭಾವಿನಾ ಅವರ ಪತಿ ನಿಕುಲ್ ಕೂಡ ಸ್ಥಾನ ಪಡೆದುಕೊಂಡಿದ್ದರು. ಆದರೆ, ಅವರಿಗೆ ಆಡಲು ಅವಕಾಶ ಸಿಗಲಿಲ್ಲ. ಇವರು ಮಾಜಿ ಸ್ಟೇಟ್ ಲೆವೆಲ್ ಕ್ರಿಕೆಟರ್ ಆಗಿದ್ದಾರೆ. ಬಳಿಕ ಫ್ಯಾಮಿಲಿ ಬ್ಯುಸಿನೆಸ್ ನೋಡುಕೊಳ್ಳುವುದರಲ್ಲಿ ಬ್ಯುಸಿಯಾದ ನಿಕುಲ್ ಕ್ರಿಕೆಟ್​ನಿಂದ ದೂರ ಉಳಿದರು.

2002 ಅಂಡರ್- 19 ವಿಶ್ವಕಪ್ ಟೂರ್ನಿ ನ್ಯೂಜಿಲೆಂಡ್​ನಲ್ಲಿ ನಡೆದಿತ್ತು. ಪಾರ್ಥಿವ್ ಪಟೇಲ್ ಭಾರತ ತಂಡದ ನಾಯಕನಾಗಿದ್ದರು. ಇದೇ ತಂಡದಲ್ಲಿ ಸ್ಟುವರ್ಟ್ ಬಿನ್ನಿ, ಇರ್ಫಾನ್ ಪಠಾಣ್, ಮನ್ವಿಂದರ್ ಬಿಸ್ಲಾ ಕೂಡ ಇದ್ದರು. ಈ ಟೂರ್ನಿಯಲ್ಲಿ ಟೀಮ್ ಇಂಡಿಯಾ ಕಿರಿಯರು ದಕ್ಷಿಣ ಆಫ್ರಿಕಾ ವಿರುದ್ಧ ಸೆಮಿ ಫೈನಲ್​ನಲ್ಲಿ ಸೋತರು.

Avani Lekhara: ಚಿನ್ನದ ಹುಡುಗಿ ಅವನಿಗೆ 3 ಕೋಟಿ ಬಹುಮಾನ ಘೋಷಣೆ; ಮಹೀಂದ್ರಾದಿಂದ ವಿಶೇಷ ಉಡುಗೊರೆ

IND vs ENG: 4ನೇ ಟೆಸ್ಟ್​ನಲ್ಲಿ ಸೂರ್ಯಕುಮಾರ್ ಯಾದವ್ ಆಡುವುದಿಲ್ಲ! ಅಶ್ವಿನ್​ಗೆ ಅವಕಾಶ ಖಚಿತ; ಆಕಾಶವಾಣಿ

(Tokyo Paralympics 2020 Bhavina Patels husband Nikul Patel was shortlisted for 2002 U-19 cricket World Cu)