ವಿಂಬಲ್ಡನ್ 2022: ಎಂಟನೇ ಬಾರಿ ಫೈನಲ್ಗೇರಿದ ಜೊಕೊವಿಕ್: ನಿಕ್ ಕಿರ್ಗಿಯೋಸ್‌ ಎದುರಾಳಿ
Wimbledon 2022: ಆಸ್ಟ್ರೇಲಿಯದ ನಿಕ್ ಕಿರ್ಗಿಯೋಸ್‌ ವಾಕ್‌ ಓವರ್‌ ಪಡೆದು ಫೈನಲ್ ಪ್ರವೇಶಿಸಿದರು. ರವಿವಾರದ ಪ್ರಶಸ್ತಿ ಸೆಣಸಾಟದಲ್ಲಿ ನೊವಾಕ್ ಜೊಕೊವಿಕ್ ವಿರುದ್ಧ ಸೆಣೆಸಾಟ ನಡೆಸಲಿದ್ದಾರೆ.
22 ಬಾರಿ ಟೆನಿಸ್ ಗ್ರ್ಯಾಂಡ್‌ಸ್ಲಾಮ್ ಪ್ರಶಸ್ತಿ ವಿಜೇತ ಸ್ಪ್ಯಾನಿಷ್ ಸ್ಟಾರ್ ಆಟಗಾರ ರಾಫೆಲ್ ನಡಾಲ್ (Rafael Nadal) ವಿಂಬಲ್ಡನ್ ಸೆಮಿಫೈನಲ್‌ನಿಂದ ಹಿಂದೆ ಸರಿದಿದ್ದಾರೆ. ಹೀಗಾಗಿ ಇವರ ಎದುರಾಳಿ ಆಸ್ಟ್ರೇಲಿಯದ ನಿಕ್ ಕಿರ್ಗಿಯೋಸ್‌ ವಾಕ್‌ ಓವರ್‌ ಪಡೆದು ಫೈನಲ್ ಪ್ರವೇಶಿಸಿದರು. ರವಿವಾರದ ಪ್ರಶಸ್ತಿ ಸೆಣಸಾಟದಲ್ಲಿ ನೊವಾಕ್ ಜೊಕೊವಿಕ್ ವಿರುದ್ಧ ಸೆಣೆಸಾಟ ನಡೆಸಲಿದ್ದಾರೆ. ಅಗ್ರ ಶ್ರೇಯಾಂಕದ ನೊವಾಕ್ ಜೊಕೊವಿಕ್ (Novak Djokovic) ಅವರು ಎಂಟನೇ ಬಾರಿಗೆ ವಿಂಬಲ್ಡನ್ (Wimbledon 2022) ಟೆನಿಸ್ ಟೂರ್ನಿಯ ಫೈನಲ್ ಪ್ರವೇಶಿಸಿದರು. ಬ್ರಿಟನ್‍ನ ಕೆಮರೂನ್ ನೊರಿ ವಿರುದ್ಧ ಮೊದಲ ಸೆಟ್‍ನ ಆಘಾತದಿಂದ ಚೇತರಿಸಿಕೊಂಡು ಅದ್ಭುತ ಪ್ರದರ್ಶನ ನೀಡಿ ಫೈನಲ್‍ನಲ್ಲಿ ನಿಕ್ ಕಿರ್ಗೋಸ್ ಅವರನ್ನು ಎದುರಿಸಲು ಅರ್ಹತೆ ಪಡೆದರು.
ಶುಕ್ರವಾರ ಸೆಂಟರ್‌ ಕೋರ್ಟ್ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲ ಸೆಟ್ ಅನ್ನು 2-6 ರಿಂದ ಕಳೆದುಕೊಂಡ ಜೊಕೊವಿಕ್ ಬಳಿಕ ಆಟದ ಲಯ ಕಂಡುಕೊಂಡು 6-3, 6-2, 6-4 ಅಂತರದಿಂದ ಪಂದ್ಯ ಗೆದ್ದರು. ಈ ಗೆಲುವಿನೊಂದಿಗೆ ಜೊಕೊವಿಕ್ ಅತಿಹೆಚ್ಚು ಗ್ರ್ಯಾಂಡ್‍ಸ್ಲಾಂ ಫೈನಲ್ (32) ತಲುಪಿದ ದಾಖಲೆಗೆ ಪಾತ್ರರಾದರು. ರೋಜರ್ ಫೆಡರರ್ 31 ಹಾಗೂ ರಫೇಲ್ ನಡಾಲ್ 30 ಬಾರಿ ಫೈನಲ್ ತಲುಪಿದ್ದಾರೆ. ಜೊಕೊವಿಕ್ ಸತತ ನಾಲ್ಕನೇ ವಿಂಬಲ್ಡನ್ ಪ್ರಶಸ್ತಿಯ ಮೇಲೆ ಕಣ್ಣಿಟ್ಟಿದ್ದು, ಇಲ್ಲಿ ಗೆದ್ದರೆ ದಾಖಲೆ ಏಳು ಬಾರಿ ವಿಂಬಲ್ಡನ್ ಕಿರೀಟ ಧರಿಸಿದಂತಾಗುತ್ತದೆ.
ENG vs IND: ಭಾರತ-ಇಂಗ್ಲೆಂಡ್ 2ನೇ ಟಿ20ಗೆ ಇದೆಯೆ ಮಳೆಯ ಕಾಟ?: ಇಲ್ಲಿದೆ ಹವಾಮಾನ ವರದಿ
ಟೇಲರ್‌ ಫ್ರಿಟ್ಸ್‌ ಎದುರಿನ ಕ್ವಾರ್ಟರ್ ಫೈನಲ್ ಪಂದ್ಯದ ವೇಳೆ ತೀವ್ರ ಕಿಬ್ಬೊಟ್ಟೆ ನೋವಿಗೆ ಸಿಲುಕಿದ ರಾಫೆಲ್ ನಡಾಲ್, ಆಗಲೇ ಸೆಮಿಫೈನಲ್‌ನಿಂದ ಹಿಂದೆ ಸರಿಯುವ ಕುರಿತು ಪ್ರಸ್ತಾವಿಸಿದ್ದರು. ಗುರುವಾರ ತಡರಾತ್ರಿ ತಮ್ಮ ನಿರ್ಧಾರವನ್ನು ಅಧಿಕೃತವಾಗಿ ಪ್ರಕಟಿಸಿದರು. “ನನ್ನ ಪ್ರಕಾರ ಪಂದ್ಯದ ಮಧ್ಯದಲ್ಲಿ ಹಿಂದೆ ಸರಿಯುವುದು ತೀರಾ ಕಷ್ಟದ ಕೆಲಸ, ನಾನು ಟನಿಸ್ ವೃತ್ತಿಜೀವನದಲ್ಲಿ ಈಗಾಗಲೇ ಕೆಲವು ಬಾರಿ ಪಂದ್ಯಗಳ ನಡುವೆ ರಿಟೈರ್ ಆಗಿದ್ದೇನೆ ಹಾಗೂ ಅದು ನಾನು ಹೆಚ್ಚಾಗಿ ದ್ವೇಷಿಸುವ ವಿಷಯ ಕೂಡ ಹೌದು, ಆದ್ದರಿಂದ ಪಂದ್ಯದಿಂದ ಹಿಂದೆ ಸರಿಯದೇ ಮುಂದುವರಿಸಿದೆ”, ಎಂದು ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಗಾಯದ ಸಮಸ್ಯೆ ನಡುವೆ ಗೆಲುವು ಸಾಧಿಸಿದ ಬಳಿಕ ನಡಾಲ್ ಹೇಳಿದ್ದರು.
ಇತ್ತ ಅಮೆರಿಕನ್‌-ಬ್ರಿಟನ್‌ ಜೋಡಿಯಾದ ಡಿಸೈರ್‌ ಕ್ರಾಜಿಕ್‌-ನೀಲ್‌ ಸ್ಕಪ್‌ಸ್ಕಿ ವಿಂಬಲ್ಡನ್ ಮಿಶ್ರ ಡಬಲ್ಸ್‌ ಪ್ರಶಸ್ತಿ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಸೆಂಟರ್‌ ಕೋರ್ಟ್ನಲ್ಲಿ ನಡೆದ ಫೈನಲ್ ಮುಖಾಮುಖಿಯಲ್ಲಿ ಆಸ್ಟ್ರೇಲಿಯದ ಮ್ಯಾಥ್ಯೂ ಎಬೆನ್‌-ಸಮಂತಾ ಸ್ಟೋಸರ್‌ ವಿರುದ್ಧ ಕ್ರಾಜಿಕ್‌-ಸ್ಕಪ್‌ಸ್ಕಿ 6-4, 6-3 ಅಂತರದ ಗೆಲುವು ಸಾಧಿಸಿದರು. 1997ರ ಬಳಿಕ ವಿಂಬಲ್ಡನ್ ಮಿಕ್ಸೆಡ್‌ ಡಬಲ್ಸ್‌ ಪ್ರಶಸ್ತಿ ಉಳಿಸಿಕೊಂಡ ಮೊದಲ ಜೋಡಿ ಎಂಬ ಹೆಗ್ಗಳಿಕೆ ಕ್ರಾಜಿಕ್‌-ಸ್ಕಪ್‌ಸ್ಕಿ ಅವರದಾಯಿತು. ಅಂದು ಜೆಕ್‌ ಸೋದರ-ಸೋದರಿಯರಾದ ಸಿರಿಲ್‌ ಸುಕ್‌-ಹೆಲೆನಾ ಸುಕೋವಾ ಈ ಸಾಧನೆಗೈದಿದ್ದರು.
ENG vs IND: ಇಂದು ದ್ವಿತೀಯ ಟಿ20: ಕಿಂಗ್ ಕೊಹ್ಲಿಗೆ ಜಾಗ ಕೊಡುವವರು ಯಾರು? ಪಂತ್, ಜಡ್ಡು ಕೂಡ ಕಮ್ಬ್ಯಾಕ್
Published On - 9:37 am, Sat, 9 July 22
