Wimbledon 2021: ಆರನೇ ಬಾರಿಗೆ ವಿಂಬಲ್ಡನ್ ಗೆದ್ದ ಜೊಕೊವಿಕ್! ಗ್ರ್ಯಾಂಡ್ ಸ್ಲ್ಯಾಮ್ ಗೆಲ್ಲುವಲ್ಲಿ ಫೆಡರರ್-ನಡಾಲ್ ಸರಿಗಟ್ಟಿದ ನೊವಾಕ್

ನೊವಾಕ್ ಜೊಕೊವಿಕ್ ವಿಂಬಲ್ಡನ್ 2021 ಗೆದ್ದಿದ್ದಾರೆ. ಫೈನಲ್‌ನಲ್ಲಿ ಇಟಲಿಯ ಮ್ಯಾಟಿಯೊ ಬೆರೆಟ್ಟಿನಿಯನ್ನು 6-7, 6-4, 6-4, 6-3 ಸೆಟ್‌ಗಳಿಂದ ಸೋಲಿಸಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು. ಈ ವಿಜಯದೊಂದಿಗೆ ನೊವಾಕ್ ಜೊಕೊವಿಕ್ ಇತಿಹಾಸವನ್ನು ಸೃಷ್ಟಿಸಿದ್ದಾರೆ. ಪುರುಷರ ವಿಭಾಗದಲ್ಲಿ ಹೆಚ್ಚು ಗ್ರ್ಯಾಂಡ್ ಸ್ಲ್ಯಾಮ್ ಪ್ರಶಸ್ತಿಗಳನ್ನು ಗೆಲ್ಲುವಲ್ಲಿ ಅವರು ಜಂಟಿ ನಂಬರ್ ಒನ್ ಆಗಿದ್ದಾರೆ. ಈಗ ರೋಜರ್ ಫೆಡರರ್ ಮತ್ತು ರಾಫೆಲ್ ನಡಾಲ್ ಅವರಂತೆ, ಅವರ ಹೆಸರಿಗೆ 20 ಗ್ರ್ಯಾಂಡ್ ಸ್ಲ್ಯಾಮ್ ಪ್ರಶಸ್ತಿಗಳು ಸೇರಿವೆ. ಜೊಕೊವಿಕ್ ಈ ಮೊದಲು ಫ್ರೆಂಚ್ ಓಪನ್ ಗೆದ್ದಿದ್ದರು. ಫೈನಲ್‌ನಲ್ಲಿ ಸೋಲಿನೊಂದಿಗೆ, ಇಟಲಿಯ ಮ್ಯಾಟಿಯೊ ಬೆರೆಟ್ಟಿನಿ ಮೊದಲ ಬಾರಿಗೆ ಪ್ರಶಸ್ತಿಯನ್ನು ಗೆಲ್ಲುವ ಅವಕಾಶವನ್ನು ಕಳೆದುಕೊಂಡರು. ಬೆರೆಟ್ಟಿನಿ ಮೊದಲ ಬಾರಿಗೆ ವಿಂಬಲ್ಡನ್ ಫೈನಲ್ ತಲುಪಿದರು. ಟೈಬ್ರೇಕರ್​ನಲ್ಲಿ ಮೊದಲ ಸೆಟ್ ಅನ್ನು ಕಳೆದುಕೊಂಡ ನಂತರ, ಜೊಕೊವಿಕ್ ಭವ್ಯವಾದ ಪುನರಾಗಮನವನ್ನು ಮಾಡಿದರು ಮತ್ತು ಮುಂದಿನ ಮೂರು ಸೆಟ್ಗಳಲ್ಲಿ ಬೆರೆಟ್ಟಿನಿಗೆ ಗೆಲ್ಲುವ ಅವಕಾಶ ಕೂಡ ನೀಡಲಿಲ್ಲ.

Tennis history's greatest chase is over. NOVAK DJOKOVIC is a 20-time major champion. #Wimbledon pic.twitter.com/IcqaK0IiyF

— Tennis GIFs ?? (@tennis_gifs) July 11, 2021

ಜೊಕೊವಿಕ್​ಗೆ ಸುವರ್ಣಾವಕಾಶ ಈಗ ನೊವಾಕ್ ಜೊಕೊವಿಕ್ ಪುರುಷರ ವಿಭಾಗದಲ್ಲಿ ಹೆಚ್ಚಿನ ಗ್ರ್ಯಾಂಡ್ ಸ್ಲ್ಯಾಮ್ ಗೆದ್ದ ದಾಖಲೆಯನ್ನು ಸೃಷ್ಟಿಸುವ ಸುವರ್ಣಾವಕಾಶವನ್ನು ಹೊಂದಿದ್ದಾರೆ. ಯುಎಸ್ ಓಪನ್ ಗೆಲ್ಲುವ ಮೂಲಕ ಅವರು ಈ ಅದ್ಭುತವನ್ನು ಮಾಡಬಹುದು. ಇಲ್ಲಿ ನಡಾಲ್ ಮತ್ತು ಫೆಡರರ್‌ ಅವರ ಸವಾಲು ಎದುರಾದರೂ ಇಬ್ಬರೂ ಫಿಟ್‌ನೆಸ್ ಮತ್ತು ವಯಸ್ಸಿಗೆ ಸಂಬಂಧಿಸಿದ ಸಮಸ್ಯೆಗಳೊಂದಿಗೆ ಹೋರಾಡುತ್ತಿದ್ದಾರೆ. 34 ವರ್ಷದ ನೊವಾಕ್ ಜೊಕೊವಿಕ್​ಗೆ ಅಂತಹ ಯಾವುದೇ ಸಮಸ್ಯೆ ಇಲ್ಲ. ಜೊತೆಗೆ ಅವರು ಈಗಿರುವ ಫಾರ್ಮ್​ ಅನ್ನು ಗಮನಿಸಿದರೆ ಯಾರೂ ಕೂಡ ಅವರ ಮುಂದೆ ಗೆಲ್ಲುವುದು ತುಂಬಾ ಕಷ್ಟದ ವಿಚಾರವಾಗಿದೆ.

12 ಗ್ರ್ಯಾಂಡ್ ಸ್ಲ್ಯಾಮ್‌ಗಳಲ್ಲಿ ಎಂಟರಲ್ಲಿ ಗೆದ್ದಿರುವ ಜೊಕೊವಿಕ್ 2018 ರಿಂದ, ನೊವಾಕ್ ಜೊಕೊವಿಕ್ ಮಾತ್ರ ಗ್ರ್ಯಾಂಡ್ ಸ್ಲ್ಯಾಮ್ನಲ್ಲಿ ಅದ್ಭುತ ಆಟ ಆಡುತ್ತಿದ್ದಾರೆ. ಅವರು ಕಳೆದ 12 ಗ್ರ್ಯಾಂಡ್ ಸ್ಲ್ಯಾಮ್‌ಗಳಲ್ಲಿ ಎಂಟನ್ನು ತಮ್ಮ ಬುಟ್ಟಿಗೆ ಹಾಕಿಕೊಂಡಿದ್ದಾರೆ. ರಾಫೆಲ್ ನಡಾಲ್ ನಾಲ್ಕು ಮತ್ತು ರೋಜರ್ ಫೆಡರರ್ ಮತ್ತು ಡೊಮಿನಿಕ್ ಥೀಮ್ ತಲಾ ಒಂದು ಗ್ರ್ಯಾಂಡ್ ಸ್ಲ್ಯಾಮ್ ಗೆದ್ದಿದ್ದಾರೆ. ಫೆಡರರ್ ಕೊನೆಯ ಬಾರಿಗೆ 2018 ರಲ್ಲಿ ನಡೆದ ಆಸ್ಟ್ರೇಲಿಯನ್ ಓಪನ್‌ನಲ್ಲಿ ಗೆದ್ದರೆ, ನಡಾಲ್ ಕೊನೆಯದಾಗಿ 2020 ರ ಫ್ರೆಂಚ್ ಓಪನ್‌ನಲ್ಲಿ ಗೆದ್ದರು.

Published On - 10:21 pm, Sun, 11 July 21