Apple iCloud+: ಆಪಲ್ ಕಂಪೆನಿಯಿಂದ ಹೊಸ ಫೀಚರ್ಗಳ ಐಕ್ಲೌಡ್+ ಘೋಷಣೆ; ಏನಿದರ ವೈಶಿಷ್ಟ್ಯ ಎಂಬುದನ್ನು ತಿಳಿಯಿರಿ
ಆಪಲ್ ಕಂಪೆನಿಯಿಂದ iCloud+ ಸೇವೆಯನ್ನು ಘೋಷಣೆ ಮಾಡಿದೆ. iCloud+ ಎಂಬುದು ಹೊಸ Cloud ಸಂಗ್ರಹ ಸೇವೆ. ಆಪಲ್ ಹೇಳಿರುವಂತೆ ಈ ಹೊಸ ಫೀಚರ್ಗಳಿಗೆ ಹೆಚ್ಚುವರಿ ವೆಚ್ಚವಿಲ್ಲ. ಇದರರ್ಥ ಏನೆಂದರೆ, ಐಕ್ಲೌಡ್ ಸ್ಟೋರೇಜ್ ಪ್ಲಾನ್ಗಳು ಏನಿದ್ದವೋ ಅದೇ ಇದಕ್ಕೂ ಅನ್ವಯ ಆಗುತ್ತದೆ.
ಆಪಲ್ ಕಂಪೆನಿಯಿಂದ iCloud+ ಸೇವೆಯನ್ನು ಘೋಷಣೆ ಮಾಡಿದೆ. WWDC 2021ರ ಕಾರ್ಯಕ್ರಮದಲ್ಲಿ ಇದನ್ನು ಘೋಷಿಸಲಾಗಿದೆ. ಹೊಸ ಸೇವೆಗಳ ಬಗ್ಗೆ ಆಪಲ್ ಹೇಳಿರುವ ಪ್ರಕಾರ, ಎಲ್ಲವನ್ನೂ ಈ ಐಕ್ಲೌಡ್ ಒಗ್ಗೂಡಿಸುತ್ತದೆ. ಈ ಹೊಸ ಪ್ರೀಮಿಯಮ್ ಫೀಚರ್ಗಳನ್ನು ಬಳಕೆದಾರರು ಇಷ್ಟಪಡುತ್ತಾರೆ. ಈ ಹೊಸ ಕ್ಲೌಡ್ ಸೇವೆಗಳಿಗೆ ಹೆಚ್ಚುವರಿಯಾಗಿ ಯಾವುದೇ ಶುಲ್ಕವನ್ನು ಗ್ರಾಹಕರಿಗೆ ಹಾಕುವುದಿಲ್ಲ. ಈಗಿರುವ ಕ್ಲೌಡ್ ಸೇವೆಗಿಂತ ಹೊಸದು ಹೇಗೆ ಭಿನ್ನ ಎಂಬುದನ್ನು ತಿಳಿಯುವುದಕ್ಕೆ ಮುಂದೆ ಓದಿ.
ಏನಿದು iCloud+?
iCloud+ ಎಂಬುದು ಹೊಸ Cloud ಸಂಗ್ರಹ ಸೇವೆ. ಇದನ್ನು ಆಪಲ್ನ ವಾರ್ಷಿಕ ಡೆವಲಪರ್ಸ್ ಕಾರ್ಯಕ್ರಮದಲ್ಲಿ ಘೋಷಿಸಲಾಗಿದೆ. ಉತ್ತಮ ಖಾಸಗಿತನಕ್ಕಾಗಿ ಇದು ಸಾಕಷ್ಟು ಹೊಸ ಪ್ರೀಮಿಯಂ ವೈಶಿಷ್ಟ್ಯಗಳ ಜತೆಗೆ ಬರುತ್ತದೆ. ಈ ಸೇವೆಯ ಬಗ್ಗೆ ಒಟ್ಟು ಸಾರಾಂಶದಲ್ಲಿ ಹೇಳಬೇಕೆಂದರೆ, ಐಕ್ಲೌಡ್ ಸಂಗ್ರಹವು ವಿಸ್ತೃತ ಖಾಸಗಿತನದೊಂದಿಗೆ ಬರುತ್ತದೆ. ಖಾಸಗಿ ರಿಲೇ, ಹೈಡ್ ಮೈ ಇಮೇಲ್, ವಿಸ್ತರಣೆಯಾದ ಹೋಮ್ಕಿಟ್ ಸೆಕ್ಯೂರ್ ವಿಡಿಯೋ ಸಪೋರ್ಟ್ನಂಥ ಫೀಚರ್ಗಳಿವೆ.
iCloud+ ಮುಖ್ಯ ವೈಶಿಷ್ಟ್ಯಗಳೇನು?
ಮೊದಲ ಮತ್ತು ಅತ್ಯಂತ ಮುಖ್ಯವಾದದ್ದು ಖಾಸಗಿ ರಿಲೇ ವೈಶಿಷ್ಟ್ಯ. ಈ ಹೊಸ ಇಂಟರ್ನೆಟ್ ಖಾಸಗಿತನ ಸೇವೆಯು ಬಳಕೆದಾರರಿಗೆ ಸುರಕ್ಷಿತವಾಗಿ ಮತ್ತು ಖಾಸಗಿ ವಿಧಾನದಲ್ಲಿ ವೆಬ್ ಬ್ರೌಸ್ ಮಾಡುವುದಕ್ಕೆ ಅವಕಾಶ ನೀಡುತ್ತದೆ. ಈ ಫೀಚರ್ ಅನ್ನು ಐಕ್ಲೌಡ್ನಲ್ಲಿ ರೂಪಿಸಲಾಗಿದೆ. ಈ ಮೂಲಕ ಬಳಕೆದಾರರ ಸಾಧನದಲ್ಲಿನ ಟ್ರಾಫಿಕ್ ಸಂಪೂರ್ಣ ಎನ್ಕ್ರಿಪ್ಟ್ ಆಗಿರುತ್ತದೆ. ಈ ಹೊಸ ಫೀಚರ್ ಇರುವುದರಿಂದ ಆಪಲ್ ಅಥವಾ ಬಳಕೆದಾರರ ನೆಟ್ವರ್ಕ್ ಒದಗಿಸುವವರು ಸಹ ಯಾವ್ಯಾವ ವೆಬ್ಸೈಟ್ ನೋಡಿದ್ದಾರೆ ಎಂಬುದನ್ನು ತಿಳಿಯುವುದಕ್ಕೆ ಸಾಧ್ಯವಿಲ್ಲ.
ಹೈಡ್ ಮೈ ಇಮೇಲ್ ಫೀಚರ್ ಮೂಲಕವಾಗಿ ವಿಶಿಷ್ಟ ಮತ್ತು ಆಯ್ದ ಇಮೇಲ್ ವಿಳಾಸದಿಂದ ಬಂದ ಮೇಲ್ ಅನ್ನು ಪರ್ಸನಲ್ ಇನ್ಬಾಕ್ಸ್ಗೆ ಫಾರ್ವರ್ಡ್ ಮಾಡುತ್ತದೆ. ಈ ಮೂಲಕ ಬಳಕೆದಾರರು ತಮ್ಮ ವೈಯಕ್ತಿಕ ಇಮೇಲ್ ವಿಳಾಸವನ್ನು ಖಾಸಗಿಯಾಗಿ ಇಟ್ಟುಕೊಳ್ಳಬಹುದು. ಒಂದು ವೇಳೆ ಭವಿಷ್ಯದಲ್ಲಿ ವಂಚಕ ಸ್ಪ್ಯಾಮ್ ಸಂದೇಶಗಳು ಬಂದಲ್ಲಿ ಸುರಕ್ಷತೆ ದೊರೆಯುತ್ತದೆ. ಬಳಕೆದಾರರು ಎಷ್ಟು ವಿಳಾಸವಾದರೂ ಸೃಷ್ಟಿಸಬಹುದು ಮತ್ತು ಯಾವಾಗ ಬೇಕಾದರೂ ಡಿಲೀಟ್ ಮಾಡಬಹುದು.
ಐಕ್ಲೌಡ್+ ಹೋಮ್ ಕಿಟ್ ಸೆಕ್ಯೂರ್ ವಿಡಿಯೋಗೆ ಬೆಂಬಲ ವಿಸ್ತರಿಸಿದೆ. ಇದರಿಂದ ಬಳಕೆದಾರರು ಹೋಮ್ ಆ್ಯಪ್ನಲ್ಲಿ ಹೆಚ್ಚು ಕ್ಯಾಮೆರಾಗಳಿಗೆ ಸಂಪರ್ಕಿಸಬಹುದು. ಸದ್ಯಕ್ಕಿರುವ ಸಂಗ್ರಹ ಸಪೋರ್ಟ್ 5 ಹೋಮ್ ಕಿಟ್ Xಸೆಕ್ಯೂರ್ ವಿಡಿಯೋಸ್ ಮಾತ್ರ. ಅದನ್ನು ಅನಿಯಮಿತವಾಗಿ ಬದಲಿಸಲಾಗಿದೆ. ಆದರೆ ಈ ಅನಿಯಮಿತ ವಿಡಿಯೋ ಸಪೋರ್ಟ್ ದೊರೆಯುವುದು ಟಾಪ್ ಮೋಸ್ಟ್ ಪ್ಲಾನ್ನಲ್ಲಿ ಮಾತ್ರ.
ಐಕ್ಲೌಡ್ಗಿಂತ ಐಕ್ಲೌಡ್+ ಹೇಗೆ ಭಿನ್ನ?
ಐಕ್ಲೌಡ್ ಎಂಬುದು ಬಹುತೇಕ ಕ್ಲೌಡ್ ಸೇವೆ ಪ್ಲಾಟ್ಫಾರ್ಮ್. ಐಕ್ಲೌಡ್+ ಎಂಬುದು ಅದಕ್ಕೂ ಒಂದು ಹೆಜ್ಜೆ ಮುಂದೆ. ಈ ಹಿಂದೆಯೇ ಹೇಳಿದಂತೆ ಇನ್ನಷ್ಟು ಸುಧಾರಿತ ಖಾಸಗಿತನ ಫೀಚರ್ಗಳೊಂದಿಗೆ ಇದು ಬರುತ್ತದೆ. ಹೊಸ ಐಕ್ಲೌಡ್+ ಸರ್ವೀಸ್ ಎಂಬುದು ಪಾವತಿ ಮಾಡುವ ಬಳಕೆದಾರರನ್ನು ಉಚಿತ ಐಕ್ಲೌಡ್ ಬಳಕೆದಾರರಿಂದ ಬೇರ್ಪಡಿಸುತ್ತದೆ.
ಈಗಿನ ಐಕ್ಲೌಡ್ ಚಂದಾದಾರರು ಐಕ್ಲೌಡ್+ ಪಡೆಯುವುದು ಹೇಗೆ?
ಮುಖ್ಯ ಭಾಷಣದ ವೇಳೆ ತಿಳಿಸಿರುವ ಪ್ರಕಾರ, ಐಕ್ಲೌಡ್ ಬಳಕೆದಾರರು ತಾವಾಗಿಯೇ ಐಕ್ಲೌಡ್+ಗೆ ಅಪ್ಗ್ರೇಡ್ ಆಗುತ್ತಾರೆ. ಒಂದು ವೇಳೆ ಐಕ್ಲೌಡ್ ಪಾವತಿ ಬಳಕೆದಾರರಾಗಿದ್ದಲ್ಲಿ ಐಕ್ಲೌಡ್+ ಪ್ಲಾನ್ಗಳನ್ನು ಖರೀದಿಸುವ ಅಗತ್ಯ ಇಲ್ಲ.
ಐಕ್ಲೌಡ್+ನಲ್ಲಿ ಇರುವ ಪ್ಲಾನ್ಗಳೇನು?
ಆಪಲ್ ಹೇಳಿರುವಂತೆ ಈ ಹೊಸ ಫೀಚರ್ಗಳಿಗೆ ಹೆಚ್ಚುವರಿ ವೆಚ್ಚವಿಲ್ಲ. ಇದರರ್ಥ ಏನೆಂದರೆ, ಐಕ್ಲೌಡ್ ಸ್ಟೋರೇಜ್ ಪ್ಲಾನ್ಗಳು ಏನಿದ್ದವೋ ಅದೇ ಇದಕ್ಕೂ ಅನ್ವಯ ಆಗುತ್ತದೆ. ಭಾರತದಲ್ಲಿ ತಿಂಗಳಿಗೆ 75 ರೂಪಾಯಿಯೊಂದಿಗೆ ಪ್ಲಾನ್ ಶುರುವಾಗುತ್ತದೆ. ಇದು 50GB ಸಂಗ್ರಹದೊಂದಿಗೆ ಮತ್ತು ಒಂದು ಹೋಮ್ಕಿಟ್ ಸೆಕ್ಯೂರ್ ವಿಡಿಯೋ ಕ್ಯಾಮೆರಾ ಸಪೋರ್ಟ್ ಮಾಡುತ್ತದೆ.
ರೂ. 219ರ ಪ್ಲಾನ್ನಲ್ಲಿ 200GB ಐಕ್ಲೌಡ್ ಸಂಗ್ರಹ ಆಫರ್ ಮಾಡುತ್ತದೆ. 5 ಹೋಮ್ಕಿಟ್ ಸೆಕ್ಯೂರ್ ವಿಡಿಯೋ ಕ್ಯಾಮೆರಾ ಸಪೋರ್ಟ್ ಮಾಡುತ್ತದೆ. ಅತಿ ಹೆಚ್ಚಿನ ದರದ ಪ್ಲಾನ್ ಅಂದರೆ ಅದು ರೂ. 749. ಇದು 2TB ಸ್ಟೋರೇಜ್ ನೀಡುತ್ತದೆ. ಜತೆಗೆ ಅನಿಯಮಿತವಾಗಿ ಹೋಮ್ಕಿಟ್ ಸೆಕ್ಯೂರ್ ಪ್ಲಾನ್ ದೊರೆಯುತ್ತದೆ,
ಐಕ್ಲೌಡ್ ಉಚಿತ ಪ್ಲಾನ್ (5GB ಒಂದು) ಇರುವವರಿಗೆ ಐಕ್ಲೌಡ್+ ದೊರೆಯುತ್ತದೆಯೇ?
ಇಲ್ಲ. ಐಕ್ಲೌಡ್+ಗೆ ಅಪ್ಗ್ರೇಡ್ ಆಗಲು ಸಾಧ್ಯವಿರುವುದು ಐಕ್ಲೌಡ್ನ ಪೇಯ್ಡ್ ಚಂದಾದಾರರು ಮಾತ್ರ. ಯಾರು ಉಚಿತವಾಗಿ ಐಕ್ಲೌಡ್ ಪ್ಲಾನ್ ಹೊಂದಿದ್ದಲ್ಲಿ ಪೇಯ್ಡ್ ಪ್ಲಾನ್ ಅನ್ನು ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ. ಆಗಷ್ಟೇ ಐಕ್ಲೌಡ್+ ಫೀಚರ್ಗಳು ದೊರೆಯುತ್ತವೆ.
ಇದನ್ನೂ ಓದಿ: Apple products: ಆಪಲ್ನಿಂದ ಹೊಸ ಐಪ್ಯಾಡ್ ಪ್ರೋ ಸೇರಿ ಇನ್ನಷ್ಟು ಪ್ರಾಡಕ್ಟ್ ಬಿಡುಗಡೆ; ಭಾರತದಲ್ಲಿ ಯಾವುದರ ಬೆಲೆ ಎಷ್ಟು?
(Apple company launched iCloud+ service in WWDC 2021 event. Here is the plan details with features)