ಏಸಸ್​ನಿಂದ ಬಂತು ಹೊಸ ಬಲಿಷ್ಠ ಸ್ಮಾರ್ಟ್​ಫೋನ್ ಝೆನ್​ಫೋನ್ 11 ಆಲ್ಟ್ರಾ: ಬೆಲೆ ಎಷ್ಟು?

ಅಪರೂಪಕ್ಕೆ ಆಕರ್ಷಕ ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸುವ ಪ್ರಸಿದ್ಧ ಏಸಸ್ ಕಂಪನಿ ಇದೀಗ ಹೊಸ ಫೋನ್ ಒಂದನ್ನು ಮಾರುಕಟ್ಟೆಗೆ ತಂದಿದೆ. ಇದರ ಹೆಸರು ಏಸಸ್ ಝೆನ್​ಫೋನ್ 11 ಆಲ್ಟ್ರಾ (Asus Zenfone 11 Ultra). ಹೊಸ ಝೆನ್​ಫೋನ್ ಸರಣಿಯ ಈ ಫೋನ್ ನಾಲ್ಕು ಬಣ್ಣ ಆಯ್ಕೆಗಳಲ್ಲಿ ಬರುತ್ತದೆ ಮತ್ತು ಕ್ವಾಲ್ಕಂನ ಇತ್ತೀಚಿನ ಸ್ನಾಪ್​ಡ್ರಾಗನ್ 8 Gen 3 ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. 6.78-ಇಂಚಿನ ಪರದೆಯನ್ನು ಹೊಂದಿದೆ ಮತ್ತು 5,500mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ. ಈ ಹ್ಯಾಂಡ್‌ಸೆಟ್ ಹಿಂಭಾಗದಲ್ಲಿ 50-ಮೆಗಾಪಿಕ್ಸೆಲ್ ಟ್ರಿಪಲ್ ಕ್ಯಾಮೆರಾ ಇದೆ. ಏಸಸ್ ಝೆನ್​ಫೋನ್ 11 ಆಲ್ಟ್ರಾ ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಏಸಸ್ ಝೆನ್​ಫೋನ್ 11 ಆಲ್ಟ್ರಾ ಬೆಲೆ:

ಏಸಸ್ ಝೆನ್​ಫೋನ್ 11 ಆಲ್ಟ್ರಾ ಸ್ಮಾರ್ಟ್​ಫೋನ್​ನ 12GB RAM + 256GB ಸ್ಟೋರೇಜ್ ಮಾದರಿಗೆ EUR 999 (ಸುಮಾರು ರೂ. 90,000). 16GB RAM + 512GB ಸ್ಟೋರೇಜ್ ಮಾಡೆಲ್‌ನ ಬೆಲೆ EUR 1099 (ಸುಮಾರು ರೂ. 99,000) ಆಗಿದೆ. ಇದು ಎಟರ್ನಲ್ ಬ್ಲ್ಯಾಕ್, ಮಿಸ್ಟಿ ಗ್ರೇ, ಸ್ಕೈಲೈನ್ ಬ್ಲೂ ಮತ್ತು ಡೆಸರ್ಟ್ ಸ್ಯಾಂಡ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ.

ಫೇಸ್​ಬುಕ್, ಇನ್​ಸ್ಟಾಗ್ರಾಮ್, ಯೂಟ್ಯೂಬ್ ನಿಮ್ಮನ್ನು ಶ್ರೀಮಂತರನ್ನಾಗಿ ಮಾಡುತ್ತದೆ: ಹೇಗೆ?

ಏಸಸ್ ಝೆನ್​ಫೋನ್ 11 ಆಲ್ಟ್ರಾ ಫೀಚರ್ಸ್:

ಡ್ಯುಯಲ್-ಸಿಮ್ (ನ್ಯಾನೊ) ಏಸಸ್ ಝೆನ್​ಫೋನ್ 11 ಆಲ್ಟ್ರಾ ಆಂಡ್ರಾಯ್ಡ್ 14 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು 6.78-ಇಂಚಿನ ಪೂರ್ಣ-HD+ (1,080×2,400 ಪಿಕ್ಸೆಲ್‌ಗಳು) AMOLED LTPO ಡಿಸ್ಪ್ಲೇ ಜೊತೆಗೆ 94 ಪ್ರತಿಶತ ಸ್ಕ್ರೀನ್-ಟು-ಬಾಡಿ ಅನುಪಾತ, 2500 ನಿಟ್ಸ್ ಗರಿಷ್ಠ ಬ್ರೈಟ್​ನೆಸ್ ಮತ್ತು 144Hz ರಿಫ್ರೆಶ್ ದರದಿಂದ ಕೂಡಿದೆ. ಡಿಸ್​ಪ್ಲೇಯು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ 2 ರಕ್ಷಣೆಯೊಂದಿಗೆ ಬರುತ್ತದೆ. ಈ ಹ್ಯಾಂಡ್‌ಸೆಟ್ ಕ್ವಾಲ್ಕಂನ ಇತ್ತೀಚಿನ ಸ್ನಾಪ್​ಡ್ರಾಗನ್ 8 Gen 3 SoC ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಫೋಟೋಗಳು ಮತ್ತು ವಿಡಿಯೋಗಳಿಗಾಗಿ, ಏಸಸ್ ಝೆನ್​ಫೋನ್ 11 ಆಲ್ಟ್ರಾ 50-ಮೆಗಾಪಿಕ್ಸೆಲ್ Sony IMX890 1/1.56 ಪ್ರಾಥಮಿಕ ಸಂವೇದಕದ AI-ಬೆಂಬಲಿತ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. 13-ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್-ಆಂಗಲ್ ಕ್ಯಾಮೆರಾವನ್ನು 120-ಡಿಗ್ರಿ ಫೀಲ್ಡ್ ಆಫ್ ವ್ಯೂ ಮತ್ತು 32-ಮೆಗಾಪಿಕ್ಸೆಲ್ ಟೆಲಿಫೋಟೋ ಸೆನ್ಸಾರ್ ಜೊತೆಗೆ OIS ಮತ್ತು 3x ಆಪ್ಟಿಕಲ್ ಜೂಮ್ ಅನ್ನು ಒಳಗೊಂಡಿದೆ. ಜೂಮಿಂಗ್‌ಗಾಗಿ ಕ್ಯಾಮೆರಾ ವಿಭಿನ್ನ AI ಅಲ್ಗಾರಿದಮ್‌ಗಳನ್ನು ಬೆಂಬಲಿಸುತ್ತದೆ. ಸೆಲ್ಫಿಗಳಿಗಾಗಿ, ಈ ಫೋನ್ 32-ಮೆಗಾಪಿಕ್ಸೆಲ್ RGBW ಸಂವೇದಕವನ್ನು ಹೊಂದಿದೆ.

ಭಾರತದಲ್ಲಿ Zeiss ಕ್ಯಾಮೆರಾ ಇರುವ ವಿವೋ V30 ಸರಣಿ ಫೋನಿನ ಮಾರಾಟ ಆರಂಭ: ಬೆಲೆ ಎಷ್ಟು?

ಏಸಸ್ ಝೆನ್​ಫೋನ್ 11 ಆಲ್ಟ್ರಾದಲ್ಲಿನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, 4G LTE, Wi-Fi, Wi-Fi ಡೈರೆಕ್ಟ್, NFC, ಬ್ಲೂಟೂತ್, GPS/ A-GPS, 3.5mm ಆಡಿಯೋ ಜ್ಯಾಕ್ ಮತ್ತು USB ಟೈಪ್-C ಪೋರ್ಟ್ ಸೇರಿವೆ. 5,500mAh ಬ್ಯಾಟರಿಯನ್ನು ಹೊಂದಿದ್ದು, 65W ಹೈಪರ್‌ಚಾರ್ಜ್ ವೇಗದ ಚಾರ್ಜಿಂಗ್‌ಗೆ ಬೆಂಬಲವನ್ನು ನೀಡುತ್ತದೆ. ಈ ವೇಗದ ಚಾರ್ಜಿಂಗ್ ತಂತ್ರಜ್ಞಾನವು 39 ನಿಮಿಷಗಳಲ್ಲಿ 0 ರಿಂದ 100 ಪ್ರತಿಶತದಷ್ಟು ಬ್ಯಾಟರಿಯನ್ನು ತುಂಬುತ್ತದೆ ಎಂದು ಕಂಪನಿ ಹೇಳಿದೆ. ಇದು 15W ವೈರ್‌ಲೆಸ್ ಚಾರ್ಜಿಂಗ್ ಅನ್ನು ಸಹ ಬೆಂಬಲಿಸುತ್ತದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ