Battlegrounds Mobile India: ಬ್ಯಾಟಲ್ಗ್ರೌಂಡ್ಸ್ ಮೊಬೈಲ್ ಇಂಡಿಯಾ ಭಾರತದಲ್ಲಿ ಅಧಿಕೃತ ಅನಾವರಣ
ಭಾರತದಲ್ಲಿ ಬ್ಯಾಟಲ್ಗ್ರೌಂಡ್ಸ್ ಇಂಡಿಯಾ ಮೊಬೈಲ್ ಅಧಿಕೃತವಾಗಿ ಅನಾವರಣಗೊಂಡಿದೆ. ಇದರ ಡೌನ್ಲೋಡ್ ಮತ್ತಿತರ ವಿವರಗಳು ಇಲ್ಲಿವೆ.
Updated on:Jul 02, 2021 | 1:36 PM
ಬ್ಯಾಟಲ್ಗ್ರೌಂಡ್ಸ್ ಮೊಬೈಲ್ ಇಂಡಿಯಾ ಭಾರತದಲ್ಲಿ ಅನಾವರಣಗೊಂಡಿದೆ. ಪಬ್ಜಿ ಮೊಬೈಲ್ನ ಪರ್ಯಾಯ ಬೇಟಾ ವರ್ಷನ್ ಈಗಾಗಲೇ ನೋಂದಣಿ ಮಾಡಿದವರಿಗೆ ಮೇ ತಿಂಗಳಲ್ಲಿ ಡೌನ್ಲೋಡ್ಗೆ ಸಿಕ್ಕಿದೆ. ಬ್ಯಾಟಲ್ಗ್ರೌಂಡ್ಸ್ ಮೊಬೈಲ್ ಇಂಡಿಯಾದ ಅಧಿಕೃತ ವರ್ಷನ್ ಭಾರತದಲ್ಲಿ ಗೂಗಲ್ ಪ್ಲೇ ಸ್ಟೋರ್ ಮೂಲಕ ಡೌನ್ಲೋಡ್ ಮಾಡಬಹುದು. ಈ ಬಗ್ಗೆ ಡೆವಲಪರ್ ಆದ ಕ್ರಾಫ್ಟನ್ ಘೋಷಣೆ ಮಾಡಿದೆ. ಯಾವ ಬಳಕೆದಾರರು ಆರಂಭದ ವರ್ಷನ್ ಸಂಪರ್ಕ ಪಡೆದಿರುತ್ತಾರೋ ಅಧಿಕೃತ ವರ್ಷನ್ ಆ್ಯಪ್ಗೆ ಅಪ್ಡೇಟ್ ಮಾಡಿಕೊಳ್ಳಬಹುದು. ಥರ್ಡ್ ಪಾರ್ಟಿ ಸ್ಟೋರ್ಸ್ಗಳಿಂದ ಬ್ಯಾಟಲ್ಗ್ರೌಂಡ್ಸ್ ಮೊಬೈಲ್ ಇಂಡಿಯಾ APK ಡೌನ್ಲೋಡ್ ಮಾಡಿಕೊಳ್ಳುವ ಅಗತ್ಯ ಇಲ್ಲ. ಇದರರ್ಥ ಏನೆಂದರೆ, ಬ್ಯಾಟಲ್ಗ್ರೌಂಡ್ಸ್ ಮೊಬೈಲ್ ಇಂಡಿಯಾ ಆ್ಯಪ್ಗೆ ಐಫೋನ್ ಬಳಕೆದಾರರು ಕ್ರಾಪ್ಟನ್ನಿಂದ ಘೋಷಣೆ ಆಗುವ ತನಕ ಕಾಯಬೇಕಾಗುತ್ತದೆ. ಶೀಘ್ರದಲ್ಲೇ ಈ ಬಗ್ಗೆ ಅಧಿಕೃತವಾಗಿ ಮಾಹಿತಿ ಹೊರಬೀಳಲಿದೆ.
ಈ ಮಧ್ಯೆ, ಆಂಡ್ರಾಯಿಡ್ ಬಳಕೆದಾರರು ಆರಂಭದ ವರ್ಷನ್ ಡೌನ್ಲೋಡ್ ಮಾಡಿರುತ್ತಾರೋ ಅಂಥವರು ಆ್ಯಪ್ ಪ್ಲೇಸ್ಟೋರ್ ಲಿಸ್ಟಿಂಗ್ಗೆ ಭೇಟಿ ನೀಡಿ, ಅಪ್ಡೇಟ್ ಮಾಡಬಹುದು. ಒಂದು ಸಲ ಅಪ್ಡೇಟ್ ಆದ ಮೇಲೆ ಶಾಶ್ವತವಾದದ್ದನ್ನು (ಕಾನ್ಸ್ಟೆಬಲ್ ಸೆಟ್) ಸಂಗ್ರಹಿಸಬಹುದು. ಇದು ಇನ್-ಗೇಮ್ ಈವೆಂಟ್ಸ್ ವಿಭಾಗದಲ್ಲಿ 10 ಮಿಲಿಯನ್ ಡೌನ್ಲೋಡ್ಸ್ಗೆ ರಿವಾರ್ಡ್ ಆಗಿ ಸಿಗುತ್ತದೆ. ಇಂಡಿಯಾ ಕಾ ಬ್ಯಾಟಲ್ಗ್ರೌಂಡ್ಸ್ ಕೊಡುಗೆ ರಿವಾರ್ಡ್ ಪಡೆಯುವುದಕ್ಕೆ ಅವಧಿಯನ್ನು ಕ್ರಾಫ್ಟನ್ ವಿಸ್ತರಣೆ ಮಾಡಿದೆ. 1 ಮಿಲಿಯನ್ ಮತ್ತು 5 ಮಿಲಿಯನ್ ಡೌನ್ಲೋಡ್ ರಿವಾರ್ಡ್ ಆಗಸ್ಟ್ 19ರ ತನಕ ಪಡೆಯಬಹುದು.
ಬ್ಯಾಟಲ್ಗ್ರೌಂಡ್ಸ್ ಇಂಡಿಯಾ ಮೊಬೈಲ್ ಗೇಮ್ ಪಬ್ಜಿ ಮೊಬೈಲ್ ಹೋಲಿಕೆ ಇದೆ. ಅಲ್ಲಿ- ಇಲ್ಲಿ ಅಲ್ಪಸ್ವಲ್ಪ ಬದಲಾವಣೆ ಆಗುತ್ತದೆ. ಪ್ರಾಥಮಿಕವಾಗಿ ತಿಳಿಸಿರುವಂತೆ, ಹೊಸ ಗೇಮ್ನಲ್ಲಿ ಹೆಚ್ಚಿನ ಬದಲಾವಣೆ ಇಲ್ಲ. ಹಸಿರು ಬ್ಲಡ್ ಮತ್ತು ಪೂರ್ತಿ ದಿರಿಸಿನ ಪಾತ್ರಗಳು ಹೀಗೆ ಸಣ್ಣಪುಟ್ಟ ಬದಲಾವಣೆಗಳು ಆಗಿವೆ. ಅತಿ ದೊಡ್ಡ ಬದಲಾವಣೆ ಅಂದರೆ, ಗೇಮ್ ಪ್ಲೇ ಮ್ಯಾನೇಜ್ಮೆಂಟ್ ಸಿಸ್ಟಮ್. ಈ ಮೂಲಕ ಆರೊಗ್ಯ ಕಾಪಾಡಿಕೊಳ್ಳುವುದಕ್ಕೆ ನೆನಪಿಸುತ್ತದೆ ಮತ್ತು ದೇಹದಲ್ಲಿ ನೀರಿನ ಅಂಶ ಇರುವಂತೆ ನೋಡಿಕೊಳ್ಳಲು ಸಲಹೆ ನೀಡುತ್ತದೆ. ಒಂದು ವೇಳೆ ನಿಮಗೆ 18 ವರ್ಷ ತುಂಬಿದಲ್ಲಿ ಈ ಮೆಸೇಜ್ಗಳನ್ನು ಟರ್ನ್ ಆಫ್ ಮಾಡಬಹುದು.
ಇದನ್ನೂ ಓದಿ:ಮೊಬೈಲ್ ಗೇಮ್ ಆಡಿ 1.33 ಲಕ್ಷ ರೂಪಾಯಿ ಖಾಲಿ ಮಾಡಿದ ಮಗ, ನಷ್ಟ ಭರಿಸಲು ಕಾರ್ ಮಾರಿದ ಅಪ್ಪ; ಎಚ್ಚರ ಪೋಷಕರೇ ಎಚ್ಚರ!
(Battlegrounds mobile India officially launched in India. Here is the details about gaming app)
Published On - 1:34 pm, Fri, 2 July 21
