Samsung Galaxy F22: ಸ್ಯಾಮ್ಸಂಗ್ ಗ್ಯಾಲಕ್ಸಿ ಜುಲೈ 6ಕ್ಕೆ ಅನಾವರಣ; ದರ ಮತ್ತಿತರ ವಿವರ ಇಲ್ಲಿದೆ
ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಫ್22 ಭಾರತದಲ್ಲಿ ಜುಲೈ 6ಕ್ಕೆ ಅನಾವರಣಗೊಳ್ಳಲಿದೆ. ಈ ಮೊಬೈಲ್ಫೋನ್ನ ಬಗ್ಗೆ ವಿವರಗಳು ಈ ಲೇಖನದಲ್ಲಿ ಇವೆ.
Updated on:Jul 05, 2021 | 10:24 AM
ಸ್ಯಾಮ್ಸಂಗ್ನ ಹೊಸ ಗ್ಯಾಲಕ್ಸಿ ಎಫ್- ಸರಣಿಯ ಸ್ಮಾರ್ಟ್ಫೋನ್ಗಳು ಸಾಲಾಗಿ ಬಿಡುಗಡೆ ಆಗುತ್ತಿವೆ. ಭಾರತದಲ್ಲಿ ಗ್ಯಾಲಕ್ಸಿ F22 ಬಿಡುಗಡೆ ಬಗ್ಗೆ ಕಂಪೆನಿಯು ಖಾತ್ರಿಪಡಿಸಿದೆ. ಈ ವರ್ಷ ಎಫ್ ಸರಣಿ ಅಡಿಯಲ್ಲಿ ಸ್ಯಾಮ್ಸಂಗ್ ಬಿಡುಗಡೆ ಮಾಡುತ್ತಿರುವ ನಾಲ್ಕನೇ ಫೋನ್ ಇದು. ಈ ಮುನ್ನ ಗ್ಯಾಲಕ್ಸಿ ಎಫ್62, ಎಫ್12 ಮತ್ತಿ ಎಫ್02ಎಸ್ ಬಿಡುಗಡೆ ಮಾಡಲಾಗಿತ್ತು. ಅಂದಹಾಗೆ ಎಫ್22 ಫೋನ್ ಬಿಡುಗಡೆ ಆದ ಮೇಲೆ ಫ್ಲಿಪ್ಕಾರ್ಟ್ ಮೂಲಕ ಮಾರಾಟ ಆಗುತ್ತದೆ. ಹೊಸ ಸ್ಮಾರ್ಟ್ಫೋನ್ ಜುಲೈ 6ಕ್ಕೆ ಭಾರತಕ್ಕೆ ನಿಡುಗಡೆ ಆಗಲಿದೆ ಎಂದು ಸ್ಯಾಮ್ಸಂಗ್ ಖಾತ್ರಿಪಡಿಸಿದೆ. ಈ ಫೋನ್ನ ಪ್ರಮುಖ ವೈಶಿಷ್ಟ್ಯಗಳನ್ನು ಅನಾವರಣಗೊಳಿಸಲಿದೆ. ಈ ಫೋನ್ ಅನ್ನು 15,000 ರೂಪಾಯಿಯೊಳಗೆ ಬಿಡುಗಡೆ ಮಾಡುವ ನಿರೀಕ್ಷೆ ಇದೆ. ಸ್ಯಾಮ್ಸಂಗ್ ಎಫ್22 ಬಗ್ಗೆ ಇನ್ನಷ್ಟು ವೈಶಿಷ್ಟ್ಯ ಮತ್ತು ಇತರ ಮಾಹಿತಿಗಳು ಇಲ್ಲಿವೆ.
ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಫ್22 ಭಾರತದಲ್ಲಿ ಬಿಡುಗಡೆ ಆಗುವ ದಿನಾಂಕವನ್ನು ಖಾತ್ರಿಪಡಿಸಲಾಗಿದೆ. ಈ ಫೋನ್ ಜುಲೈ 6ನೇ ತಾರೀಕಿನಂದು ಬಿಡುಗಡೆ ಆಗಲಿದೆ ಎಂದು ಮಾಹಿತಿ ನೀಡಲಾಗಿದೆ. ಇದರ ಜತೆಗೆ ಫೋನ್ನ ವೈಶಿಷ್ಟ್ಯದ ಬಗ್ಗೆ ತಿಳಿಸಲಾಗಿದೆ. ಫ್ಲಿಪ್ಕಾರ್ಟ್ನಲ್ಲಿ ಇರುವಂತೆ, ಈ ಫೋನ್ನಲ್ಲಿ 6000 mAh ಬ್ಯಾಟರಿ ಬರುತ್ತದೆ. ಸದ್ಯಕ್ಕೆ ಫಾಸ್ಟ್ ಚಾರ್ಜಿಂಗ್ ಬಗ್ಗೆ ಯಾವ ಮಾಹಿತಿಯೂ ಇಲ್ಲ. ಆದರೆ ಕನಿಷ್ಠ 15W ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್ ನಿರೀಕ್ಷಿಸಬಹುದು. ಫ್ಲಿಪ್ಕಾರ್ಟ್ನಲ್ಲೇ ತಿಳಿಸಿರುವಂತೆ, F22 ಜತೆಗೆ 6.4 ಇಂಚಿನ AMOLED ಡಿಸ್ಪ್ಲೇ ಬರುತ್ತದೆ. 90Hz ರಿಫ್ರೆಷ್ ದರ ಸಪೋರ್ಟ್ ಮಾಡುತ್ತದೆ. ಸಣ್ಣದಾದ ವಾಟರ್- ಡ್ರಾಪ್ ನಾಚ್ ಮತ್ತು ಸ್ವಲ್ಪ ದಪ್ಪವಾದ ಬೆಜೆಲ್ ಇದೆ. ಅದರ ಹಿಂಬದಿಯಲ್ಲಿ ನಾಲ್ಕು ಕ್ಯಾಮೆರಾಗಳಿವೆ. 48 ಮೆಗಾಪಿಕ್ಸೆಲ್ನ ಪ್ರಾಥಮಿಕ ಕ್ಯಾಮೆರಾ ಸೆನ್ಸರ್ನೊಂದಿಗೆ ಬರುತ್ತದೆ. ಉಳಿದ ಮೂರು ಲೆನ್ಸ್ಗಳ ಬಗ್ಗೆ ಸದ್ಯಕ್ಕೆ ಮಾಹಿತಿ ಇಲ್ಲ. ಇತರ ಮೂರು ಕ್ಯಾಮೆರಾಗಳಲ್ಲಿ 8 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಸೆನ್ಸರ್ ಮತ್ತು ಎರಡು 2 ಮೆಗಾಪಿಕ್ಸೆಲ್ ಸೆನ್ಸರ್ ಡೆಪ್ತ್ ಮತ್ತು ಮ್ಯಾಕ್ರೋಗೆ ಇರಲಿದೆ.
ಸ್ಯಾಮ್ಸಂಗ್ನಿಂದ ಅಧಿಕೃತವಾಗಿ ಪರ್ಫಾಮೆನ್ಸ್ ಯೂನಿಟ್ ಮಾಹಿತಿ ಬಹಿರಂಗಪಡಿಸಬೇಕಿದೆ. ಈ ಫೋನ್ ಗೂಗಲ್ ಪ್ಲೇ ಕನ್ಸೋಲ್ ವೆಬ್ಸೈಟ್ನಲ್ಲಿ ಕಂಡುಬಂದಿದೆ. ಗೂಗಲ್ ಪ್ಲೇ ಕನ್ಸೋಲ್ ಲಿಸ್ಟಿಂಗ್ನಂತೆ, ಫೋನ್ನಲ್ಲಿ ಮೀಡಿಯಾ ಟೆಕ್ ಹೀಲಿಯೋ G80 SoC ಜತೆಗೆ 4GB RAMನೊಂದಿಗೆ ಬರುತ್ತದೆ. ಆಂಡ್ರಾಯಿಡ್ 11ನೊಂದಿಗೆ ನಡೆಯಲಿದ್ದು ಮತ್ತು OneUI 3.0 ಜತೆ ಬರುತ್ತದೆ. ಈ ಫೋನ್ನಲ್ಲಿ ಎಚ್ಡಿ+ ಡಿಸ್ಪ್ಲೇನೊಂದಿಗೆ ಬರಲಿದ್ದು, ಈ ಫೋನ್ 15,000 ರೂಪಾಯಿ ಒಳಗೆ ಭಾರತದಲ್ಲಿ ಬಿಡುಗಡೆ ಆಗಲಿದೆ.
ಇದನ್ನೂ ಓದಿ:Samsung One UI Watch: ಗೂಗಲ್ ಆಧಾರಿತವಾದ ಸ್ಮಾರ್ಟ್ವಾಚ್ ಸಾಫ್ಟ್ವೇರ್ ಒನ್ UI ಸ್ಯಾಮ್ಸಂಗ್ನಿಂದ ಘೋಷಣೆ
ಇದನ್ನೂ ಓದಿ: Samsung Galaxy M12 Launch, Price, Specification: ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಂ12 ಭಾರತದಲ್ಲಿ 9,999 ರೂ.ಗೆ ಮಾರಾಟ
(Samsung Galaxy F22 mobile phone launch date in India revealed. Features, specification and other details here)
Published On - 4:38 pm, Thu, 1 July 21
