Flipkart Big Billion Days sales – Amazon Great Indian Festival: ಫ್ಲಿಪ್ಕಾರ್ಟ್-ಅಮೆಜಾನ್ ಬಿಗ್ ಸೇಲ್ಗೆ ಡೇಟ್ ಫಿಕ್ಸ್
Flipkart Big Billion Days sales - Amazon Great Indian Festival: "ಬಿಗ್ ಬಿಲಿಯನ್ ಡೇ ಸ್ಪೆಷಲ್" ಸೇಲ್ಗಳ ಮೂಲಕ ಫ್ಲಿಪ್ಕಾರ್ಟ್ ಕೆಲ ಉತ್ಪನ್ನಗಳ ಮೇಲೆ ವಿಶೇಷ ರಿಯಾಯಿತಿ ನೀಡುವುದಾಗಿ ತಿಳಿಸಿದೆ.
Updated on: Sep 14, 2022 | 4:28 PM
ವಿಶ್ವದ ಜನಪ್ರಿಯ ಇ-ಕಾಮರ್ಸ್ ಕಂಪೆನಿಗಳಾದ ಅಮೆಜಾನ್ (Amazon) ಹಾಗೂ ಫ್ಲಿಪ್ಕಾರ್ಟ್ (Flipkart) ಭಾರತದಲ್ಲಿ ದೀಪಾವಳಿ ಸೇಲ್ಗೆ ಸಿದ್ಧತೆಗಳನ್ನು ಆರಂಭಿಸಿದೆ. ಅದರ ಮೊದಲ ಹೆಜ್ಜೆಯಾಗಿ ಇದೀಗ ಎರಡೂ ಕಂಪೆನಿಗಳು ಬಿಗ್ ಆಫರ್ನ ಬಿಗ್ ಸೇಲ್ ಶುರುವಾಗುವ ದಿನಾಂಕವನ್ನು ಘೋಷಿಸಿದೆ. ಫ್ಲಿಪ್ಕಾರ್ಟ್ನಲ್ಲಿ ಈ ವರ್ಷದ ಬಿಗ್ ಬಿಲಿಯನ್ ಡೇಸ್ ಸೇಲ್ ಅನ್ನು ಸೆಪ್ಟೆಂಬರ್ 23 ಕ್ಕೆ ಶುರು ಮಾಡುವುದಾಗಿ ಘೋಷಿಸಿದೆ. ಇದರ ಬೆನ್ನಲ್ಲೇ ಅಮೆಜಾನ್ ಕೂಡ ಸೆಪ್ಟೆಂಬರ್ 23 ರಿಂದ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಪ್ರಾರಂಭವಾಗಲಿದೆ ಎಂದು ತಿಳಿಸಿದೆ. ಅದರಂತೆ ಸೆಪ್ಟೆಂಬರ್ 23 ರಿಂದ ಅಮೆಜಾನ್ ಹಾಗೂ ಫ್ಲಿಪ್ಕಾರ್ಟ್ನಲ್ಲಿ ಹಲವು ಉತ್ಪನ್ನಗಳ ಮೇಲೆ ಭಾರೀ ರಿಯಾಯಿತಿ ಇರಲಿದ್ದು, ಗ್ರಾಹಕರು ವಿವಿಧ ಆಫರ್ಗಳೊಂದಿಗೆ ಉತ್ಪನ್ನಗಳನ್ನು ಖರೀದಿಸಬಹುದಾಗಿದೆ.
ಅಮೆಜಾನ್ ವಿಶೇಷ ಆಫರ್: ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಮಾರಾಟದ ಪ್ರಯೋಜಕರಾಗಿರುವ Samsung ಮತ್ತು iQoo ಕಂಪೆನಿಗಳು ತಮ್ಮ ಉತ್ಪನ್ನಗಳ ಮೇಲೆ ವಿಶೇಷ ಆಫರ್ ಅನ್ನು ನೀಡಲಿದೆ. ಅಲ್ಲದೆ ಸ್ಮಾರ್ಟ್ಫೋನ್ಗಳ ಮೇಲೆ ವಿಶೇಷ ರಿಯಾಯಿತಿ ಹಾಗೂ ಕ್ಯಾಶ್ ಬ್ಯಾಕ್ ಕೊಡುಗೆಗಳು ಕೂಡ ಲಭಿಸಲಿದೆ. ಈಗಾಗಲೇ OnePlus, Samsung, iQOO ಮತ್ತು Xiaomi ನಂತಹ ಸ್ಮಾರ್ಟ್ಫೋನ್ ಕಂಪೆನಿಗಳು ಬಿಗ್ ಆಫರ್ ನೀಡುವುದಾಗಿ ಘೋಷಿಸಿದೆ.
ಅಮೆಜಾನ್ ಮಾಹಿತಿ ಪ್ರಕಾರ ಇತ್ತೀಚೆಗೆ ಬಿಡುಗಡೆಯಾದ iPhone 14 ಸರಣಿ ಮತ್ತು Redmi 11 Prime ಮತ್ತು iQoo Z6 Lite ನಂತಹ 5G ಫೋನ್‌ಗಳ ಖರೀದಿಗೂ ಆಫರ್ಗಳು ಸಿಗಲಿದೆ. ಇನ್ನು ಟ್ಯಾಬ್ಲೆಟ್‌ಗಳು, ಲ್ಯಾಪ್‌ಟಾಪ್‌ಗಳು, ಹೆಡ್‌ಫೋನ್‌ಗಳು ಮತ್ತು ಸ್ಮಾರ್ಟ್‌ವಾಚ್‌ಗಳಂತಹ ಇತರ ಎಲೆಕ್ಟ್ರಾನಿಕ್ ವಸ್ತುಗಳ ಖರೀದಿದಾರರಿಗೆ 75% ವರೆಗಿನ ರಿಯಾಯಿತಿಗಳು ಲಭ್ಯವಿರಬಹುದು. ಅಷ್ಟೇ ಅಲ್ಲದೆ ಮಾರಾಟ ಪ್ರಾರಂಭವಾದ ನಂತರ, ಪ್ರತಿ ಆರು ಗಂಟೆಗಳಿಗೊಮ್ಮೆ ಹೊಸ ಕೊಡುಗೆಗಳನ್ನು ಪೋಸ್ಟ್ ಮಾಡುವುದಾಗಿ ಅಮೆಜಾನ್ ಭರವಸೆ ನೀಡಿದೆ.
Amazon ನೀಡುತ್ತಿರುವ ಪ್ರಸ್ತುತ ಕಿಕ್ಸ್ಟಾಟರ್ ಡೀಲ್‌ಗಳಲ್ಲಿ ಹಲವು ಆಫರ್ಗಳಿರಲಿವೆ. ಮುಖ್ಯವಾಗಿ ಸ್ಮಾರ್ಟ್ಫೋನ್ಗಳ ಮೇಲೆ ವಿಶೇಷ ರಿಯಾಯಿತಿ ಲಭ್ಯವಿರಲಿದೆ. OnePlus 9 Pro 12GB RAM ಮತ್ತು 256GB ಇಂಟರ್ನಲ್ ಸ್ಟೋರೇಜ್ ಸ್ಮಾರ್ಟ್ಫೋನ್ ಮೇಲೆ ರೂ. 15,000 ರಷ್ಟು ರಿಯಾಯಿತಿ ಸಿಗಲಿದೆ. ಅಂದರೆ ಈ ಫೋನ್ನ ಮೂಲ ಬೆಲೆಯನ್ನು ರೂ 54,999 ಕ್ಕೆ ಇಳಿಸಲಾಗಿದೆ. ಹೆಚ್ಚುವರಿಯಾಗಿ, ಬೋಟ್ ಏರ್‌ಡೋಪ್ಸ್ 441 ಮತ್ತು ಇತರ ಇಯರ್‌ಬಡ್‌ಗಳಿಗೆ ರಿಯಾಯಿತಿಗಳು ಲಭ್ಯವಿದೆ.
ಫ್ಲಿಪ್ಕಾರ್ಟ್ ಬಿಗ್ ಆಫರ್: “ಬಿಗ್ ಬಿಲಿಯನ್ ಡೇ ಸ್ಪೆಷಲ್” ಸೇಲ್ಗಳ ಮೂಲಕ ಫ್ಲಿಪ್ಕಾರ್ಟ್ ಕೆಲ ಉತ್ಪನ್ನಗಳ ಮೇಲೆ ವಿಶೇಷ ರಿಯಾಯಿತಿ ನೀಡುವುದಾಗಿ ತಿಳಿಸಿದೆ. ಅಲ್ಲದೆ ಬ್ರಾಂಡ್ ವಸ್ತುಗಳ ಮೇಲೆ ಕಡಿದಾದ ರಿಯಾಯಿತಿಗಳು ಸಿಗಲಿದೆ. ಹಾಗೆಯೇ Poco F4, Pixel 6a, Poco X4 Pro 5G, Oppo Reno 8, Motorola Edge 30, Realme 9 5G, Poco C31, Vivo T1 5G, ಮತ್ತು Samsung F13 ಎಲ್ಲಾ ಸ್ಮಾರ್ಟ್ಫೋನ್ಗಳ ಮೇಲೆ ರಿಯಾಯಿತಿಯನ್ನು ನೀಡಲಾಗುತ್ತದೆ.
Flipkart ಬಿಗ್ ಬಿಲಿಯನ್ ಸೇಲ್ಸ್ನಲ್ಲಿ ಗೇಮಿಂಗ್ ಲ್ಯಾಪ್‌ಟಾಪ್‌ಗಳ ಮೇಲೆ 40% ವರೆಗೆ ಮತ್ತು ಮಾನಿಟರ್‌ಗಳು ಮತ್ತು ಪ್ರಿಂಟರ್‌ಗಳ ಮೇಲೆ 80% ವರೆಗೆ ರಿಯಾಯಿತಿಯನ್ನು ನೀಡುತ್ತಿದೆ. ಟಿವಿ ಅಥವಾ ಇತರ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಖರೀದಿಸಲು ಬಯಸುವವರು 80% ವರೆಗೆ ರಿಯಾಯಿತಿಯನ್ನು ಪಡೆಯಬಹುದು. ಇದಲ್ಲದೆ ICICI ಅಥವಾ Axis ಬ್ಯಾಂಕ್ ಕಾರ್ಡ್‌ಗಳನ್ನು ಹೊಂದಿರುವವರಿಗೆ, ಇ-ಕಾಮರ್ಸ್ ದೈತ್ಯ 10% ತ್ವರಿತ ರಿಯಾಯಿತಿಯನ್ನು ನೀಡುತ್ತಿರುವುದು ವಿಶೇಷ. ಒಟ್ಟಿನಲ್ಲಿ ಇ-ಕಾಮರ್ಸ್ನ ಎರಡು ದೈತ್ಯ ಕಂಪೆನಿಗಳ ಪೈಪೋಟಿ ನಡುವೆ ಈ ಬಾರಿ ಗ್ರಾಹಕರಿಗೆ ಹಲವು ರೀತಿಯ ಆಫರ್ಗಳು ಲಭ್ಯವಿರಲಿದೆ.
