iPhone 12: ಐಫೋನ್ 12 ಮೇಲೆ ಭರ್ಜರಿ ಆಫರ್: 12 ಸಾವಿರ ರೂ. ಕಡಿಮೆಗೆ ಖರೀದಿಸಬಹುದು

ಇ-ಕಾಮರ್ಸ್ ವೆಬ್‌ಸೈಟ್ ಫ್ಲಿಪ್‌ಕಾರ್ಟ್‌ನಲ್ಲಿ ಬಿಗ್ ಸೇವಿಂಗ್ ಡೇಸ್ ಸೇಲ್ ಶುರುವಾಗಿದೆ. ಮೂರು ದಿನಗಳ ಕಾಲ ನಡೆಯುವ ಈ ಸೇಲ್​ನಲ್ಲಿ ಸ್ಮಾರ್ಟ್‌ಫೋನ್‌ಗಳು ಸೇರಿದಂತೆ ಹಲವು ಉತ್ಪನ್ನಗಳ ಮೇಲೆ ಭಾರಿ ರಿಯಾಯಿತಿ ನೀಡಲಾಗುತ್ತಿದೆ. ಈ ಆಫರ್​ ಮೂಲಕ ನೀವು ಅತ್ಯುತ್ತಮ ಸ್ಮಾರ್ಟ್​ಫೋನ್ ಖರೀದಿಸಲು ಬಯಸಿದರೆ, ಆ್ಯಪಲ್ ಐಫೋನ್ 12 ಉತ್ತಮ ಆಯ್ಕೆ. ಏಕೆಂದರೆ ಈ ಫೋನ್​ ಮೇಲೆ 12,000 ರೂ.ಗಳ ರಿಯಾಯಿತಿ (ಡಿಸ್ಕೌಂಟ್) ನೀಡಲಾಗಿದೆ. ಭಾರತದಲ್ಲಿ ಐಫೋನ್ 12 ಮೇಲೆ ಇದೇ ಮೊದಲ ಬಾರಿ ಇಷ್ಟೊಂದು ಮೊತ್ತದ ಡಿಸ್ಕೌಂಟ್ ನೀಡಲಾಗಿದ್ದು, ಜುಲೈ 29 ರೊಳಗೆ ಈ ಆಫರ್ ಮೂಲಕ ಐಫೋನ್ ಖರೀದಿಸುವ ಅವಕಾಶ ಗ್ರಾಹಕರ ಮುಂದಿದೆ.

ಐಫೋನ್ 12 ವೈಶಿಷ್ಟ್ಯಗಳೇನು..?

ಡಿಸ್​ಪ್ಲೇ: ಈ ಸ್ಮಾರ್ಟ್​ಫೋನ್​ನಲ್ಲಿ 6.10-ಇಂಚಿನ ಸೂಪರ್ ರೆಟಿನಾ ಎಕ್ಸ್‌ಡಿಆರ್ ಡಿಸ್​ಪ್ಲೇ ನೀಡಲಾಗಿದ್ದು, ಇದು 1170×2532 ಪಿಕ್ಸೆಲ್‌ ರೆಸಲ್ಯೂಶನ್ ಹೊಂದಿರಲಿದೆ.

ಕ್ಯಾಮೆರಾ: ಐಫೋನ್ 12ನಲ್ಲಿ ಒಟ್ಟು 3 ಕ್ಯಾಮೆರಾಗಳನ್ನು ನೀಡಲಾಗಿದೆ. ಹಿಂಭಾಗದಲ್ಲಿ 12 ಮೆಗಾ ಪಿಕ್ಸೆಲ್ (f/1.6) + 12-ಮೆಗಾ ಪಿಕ್ಸೆಲ್ (f/2.4) ಎರಡು ಕ್ಯಾಮೆರಾ ಇದ್ದರೆ, ಸೆಲ್ಫಿಗಾಗಿ ಮುಂಭಾಗದಲ್ಲಿ 12 ಮೆಗಾ ಪಿಕ್ಸೆಲ್​ನ ಕ್ಯಾಮೆರಾ ನೀಡಲಾಗಿದೆ. ನೈಟ್ ಮೋಡ್, ಡೀಪ್ ಫ್ಯೂಷನ್, ಸ್ಮಾರ್ಟ್ ಎಚ್​ಡಿ ಆರ್ 3 ಮತ್ತು 4 ಕೆ ಡಾಲ್ಬಿ ವಿಷನ್ ಎಚ್​ಡಿ ಆರ್ ರೆಕಾರ್ಡಿಂಗ್ ವೈಶಿಷ್ಟ್ಯಗಳು ಇದರಲ್ಲಿದೆ. ಹಾಗೆಯೇ ಹಿಂಬದಿಯ ಕ್ಯಾಮೆರಾ ಮೂಲಕ 4 ಕೆ ಎಚ್‌ಡಿಆರ್ ವೀಡಿಯೊವನ್ನು ಶೂಟ್ ಮಾಡಬಹುದು.

ಪ್ರೊಸೆಸರ್: ಇದರಲ್ಲಿ ಆ್ಯಪಲ್ A14 ಬಯೋನಿಕ್ ಪ್ರೊಸೆಸರ್ ನೀಡಲಾಗಿದ್ದು, iOS 14 ಅಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯ ನಿರ್ವಹಿಸಲಿದೆ.

ಸ್ಟೊರೇಜ್: ಐಫೋನ್ 12 ಎರಡು ಸ್ಟೊರೇಜ್ ಆಯ್ಕೆ ನೀಡಲಾಗಿದ್ದು, ಅದರಂತೆ 64 ಜಿಬಿ ಮತ್ತು 128 ಜಿಬಿ ಸ್ಟೊರೇಜ್​ ಫೋನ್​ಗಳನ್ನು ಖರೀದಿಸಬಹುದು.

ಬ್ಯಾಟರಿ: ಈ ಫೋನ್​ನಲ್ಲಿ ಕಂಪೆನಿಯು Li-Ion 2815 mAh ಸಾಮರ್ಥ್ಯದ ಬ್ಯಾಟರಿ ನೀಡಿದ್ದು, ಇದು 20W ಫಾಸ್ಟ್​ ಚಾರ್ಜಿಂಗ್​ನ್ನು ಸಪೋರ್ಟ್ ಮಾಡಲಿದೆ. ಅಂದರೆ ಅರ್ಧಗಂಟೆಯಲ್ಲಿ ಶೇ.50 ರಷ್ಟು ಚಾರ್ಜ್​ ಮಾಡಿಕೊಳ್ಳಬಹುದು. ಇನ್ನು ಐಫೋನ್ 12 ಮ್ಯಾಗ್‌ಸೇಫ್ ವೈರ್‌ಲೆಸ್ ಚಾರ್ಜಿಂಗ್ ವೈಶಿಷ್ಟ್ಯವನ್ನು ಹೊಂದಿದ್ದು, ಮ್ಯಾಗ್‌ಸೇಫ್‌ನೊಂದಿಗೆ ಚಾರ್ಜ್ ಮಾಡಲು ಬಯಸಿದರೆ, ನೀವು ಅದನ್ನು ಪ್ರತ್ಯೇಕವಾಗಿ ಖರೀದಿಸಬೇಕು.

ಬೆಲೆ: ಆ್ಯಪಲ್‌ ಐಫೋನ್ 12 ರ 64 ಜಿಬಿ ಸ್ಮಾರ್ಟ್​ಫೋನ್​ ಮೇಲೆ ಫ್ಲಿಪ್‌ಕಾರ್ಟ್​ನಲ್ಲಿ 12 ಸಾವಿರ ರೂ. ಡಿಸ್ಕೌಂಟ್ ನೀಡಲಾಗಿದೆ. ಅದರಂತೆ ಈ ಸ್ಮಾರ್ಟ್​ಫೋನ್​ನ್ನು 67,999 ರೂ.ನಲ್ಲಿ ಖರೀದಿಸಬಹುದು. ಇದರ ಮೂಲ ಬೆಲೆ 79,990 ರೂ. ಆಗಿದ್ದು, ಜುಲೈ 29ರವರೆಗೆ ರಿಯಾಯಿತಿ ದರಲ್ಲಿ ಖರೀದಿಗೆ ಲಭ್ಯವಿರಲಿದೆ. ಇನ್ನು ಐಸಿಸಿ ಕ್ರೆಡಿಟ್ ಕಾರ್ಡ್ ಮೂಲಕ ಖರೀದಿಸುವವರಿಗೆ 750 ರೂ.ಗಳ ಕ್ಯಾಶ್‌ಬ್ಯಾಕ್ ಕೂಡ ಸಿಗಲಿದೆ.

ಇದನ್ನೂ ಓದಿ: Royal Enfield: ಎಲೆಕ್ಟ್ರಿಕ್ ಬುಲೆಟ್: ಸೌಂಡ್ ಮಾಡದೆ ರಸ್ತೆಗಿಳಿಯಲಿದೆಯಾ ರಾಯಲ್ ಎನ್​ಫೀಲ್ಡ್​?

ಇದನ್ನೂ ಓದಿ: IPL 2021: ಐಪಿಎಲ್​ ಆರಂಭಕ್ಕೂ ಮುನ್ನವೇ CSK ತಂಡದ ಬಿಗ್​ ಪ್ಲ್ಯಾನ್..!

(Flipkart Big Saving Days, iPhone 12 available at lowest price ever in india)