Flipkart Year End sale: ಫ್ಲಿಪ್​ಕಾರ್ಟ್​ನಿಂದ ಬಿಗ್ ಇಯರ್ ಎಂಡ್ ಸೇಲ್ ಘೋಷಣೆ: ಫೋನುಗಳಿಗೆ ಊಹಿಸಲಾಗದ ಡಿಸ್ಕೌಂಟ್

ಹೊಸ ವರ್ಷ 2024 ಆರಂಭಕ್ಕೆ ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿವೆ. ಹೀಗಿರುವಾಗ ಇದೀಗ ಪ್ರಿಸಿದ್ಧ ಇ ಕಾಮರ್ಸ್ ತಾಣ ಫ್ಲಿಪ್‌ಕಾರ್ಟ್ ತನ್ನ ಪ್ಲಾಟ್‌ಫಾರ್ಮ್‌ನಲ್ಲಿ ಬಿಗ್ ಇಯರ್ ಎಂಡ್ ಸೇಲ್ (Flipkart Year End sale) ಅನ್ನು ಘೋಷಿಸಿದೆ. ಇದು ಡಿಸೆಂಬರ್ 9 ರಂದು ಪ್ರಾರಂಭವಾಗಲಿದ್ದು, ಡಿಸೆಂಬರ್ 16 ರವರೆಗೆ ಆಯೋಜಿಸಲಾಗಿದೆ. ಫ್ಲಿಪ್‌ಕಾರ್ಟ್ ಪ್ಲಸ್ ಸದಸ್ಯತ್ವವನ್ನು ಹೊಂದಿರುವ ಜನರು ಒಂದು ದಿನ ಮುಂಚಿತವಾಗಿ ಅಂದರೆ ಈಗಾಗಲೇ ಈ ಡೀಲ್‌ಗಳನ್ನು ಪ್ರವೇಶಿಸಲು ಸಾಧ್ಯವಾಗುತ್ತದೆ. ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್ ಫ್ಲಿಪ್‌ಕಾರ್ಟ್ ಬಿಗ್ ಇಯರ್ ಎಂಡ್ ಸೇಲ್ ಸಮಯದಲ್ಲಿ ಲಭ್ಯವಿರುವ ಕೆಲವು ಡೀಲ್‌ಗಳನ್ನು ಹಂಚಿಕೊಂಡಿದೆ.

ಜನಪ್ರಿಯ ಸ್ಮಾರ್ಟ್‌ಫೋನ್‌ಗಳಾದ ಐಫೋನ್ 14, ನಥಿಂಗ್ ಫೋನ್ (2), ಪಿಕ್ಸೆಲ್ 7, ಮೋಟೋ G54 5G, ರಿಯಲ್ ಮಿ C53, ಸ್ಯಾಮ್​ಸಂಗ್ ಗ್ಯಾಲಕ್ಸಿ F14 5G, ಪೋಕೋ M6 ಪ್ರೊ 5G, ಮೋಟೋರೊಲ ಎಡ್ಜ್40 ನಿಯೋ, ಸ್ಯಾಮ್​ಸಂಗ್ ಗ್ಯಾಲಕ್ಸಿ S21 FE 5G (2023), ವಿವೋ T2 ಸೇರಿದಂತೆ ಅನೇಕ ಫೋನುಗಳು ಫ್ಲಿಪ್‌ಕಾರ್ಟ್‌ನ ಮಾರಾಟದ ಪಟ್ಟಿಯಲ್ಲಿ ಆಕರ್ಷಕ ಡಿಸ್ಕೌಂಟ್ ಪಡೆದುಕೊಂಡಿದೆ.

ಭಾರತದಲ್ಲಿ ಬಹುನಿರೀಕ್ಷಿತ ಐಕ್ಯೂ 12 5G ಪ್ರಿ-ಬುಕಿಂಗ್ ಆರಂಭ: ಫೀಚರ್ಸ್ ಏನಿದೆ ನೋಡಿ

ಇದಲ್ಲದೆ, ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್ 22 40,000 ಕ್ಕಿಂತ ಕಡಿಮೆ ಬೆಲೆಯನ್ನು ಹೊಂದಿರುತ್ತದೆ ಎಂದು ಪ್ಲಾಟ್‌ಫಾರ್ಮ್‌ನ ಟೀಸರ್ ಸೂಚಿಸಿದೆ. ಈ ಸ್ಯಾಮ್‌ಸಂಗ್ ಫ್ಲ್ಯಾಗ್‌ಶಿಪ್ ಫೋನ್ ಪ್ರಸ್ತುತ ರೂ. 49,999 ಕ್ಕೆ ಮಾರಾಟದಲ್ಲಿದೆ, ಅಂದರೆ ಗ್ರಾಹಕರಿಗೆ ದೊಡ್ಡ ರಿಯಾಯಿತಿ ಸಿಗುತ್ತದೆ. ಈ ವರ್ಷದ ಸ್ಯಾಮ್‌ಸಂಗ್ ಗ್ಯಾಲಕ್ಸಿ S23 ಸರಣಿಯಲ್ಲಿ ಡೀಲ್‌ಗಳಿವೆಯೇ ಎಂಬುದು ಸ್ಪಷ್ಟವಾಗಿಲ್ಲ.

ಐಫೋನ್ 14 ಅನ್ನು ಪ್ರಸ್ತುತ 128GB ಸ್ಟೋರೇಜ್ ಮಾಡೆಲ್‌ಗಾಗಿ 60,999 ರೂ ಬೆಲೆಯೊಂದಿಗೆ ಪಟ್ಟಿ ಮಾಡಲಾಗಿದೆ. ಹೊಸ ಐಫೋನ್ 15 ಮಾದರಿಯಲ್ಲಿಯೂ ಸ್ವಲ್ಪ ರಿಯಾಯಿತಿ ಇರಲಿದೆ ಎನ್ನಲಾಗಿದೆ. ಸ್ಮಾರ್ಟ್‌ಫೋನ್‌ಗಳ ಹೊರತಾಗಿ, 75 ಪ್ರತಿಶತದಷ್ಟು ರಿಯಾಯಿತಿ ಕೊಡುಗೆಯೊಂದಿಗೆ ಟಿವಿಗಳು ಮತ್ತು ಉಪಕರಣಗಳ ಮೇಲೆ ಸಹ ಡೀಲ್‌ಗಳು ಇರುತ್ತವೆ.

ಈ ಚಳಿಗಾಲದ ಸಂದರ್ಭ ಪ್ಲಾಟ್‌ಫಾರ್ಮ್ ಗೀಸರ್‌ಗಳು ಮತ್ತು ಹೀಟರ್‌ಗಳ ಮೇಲೆ ಶೇಕಡಾ 70 ರಷ್ಟು ರಿಯಾಯಿತಿಯನ್ನು ನೀಡುತ್ತಿದೆ. ಎಲೆಕ್ಟ್ರಾನಿಕ್ಸ್ ಮತ್ತು ಬಿಡಿಭಾಗಗಳ ಮೇಲೆ 50 ಪ್ರತಿಶತದಿಂದ 80 ಪ್ರತಿಶತದವರೆಗೆ ರಿಯಾಯಿತಿ ಇರುತ್ತದೆ. ಆಶ್ಚರ್ಯಕರವಾಗಿ, ಫ್ಲಿಪ್‌ಕಾರ್ಟ್ ಅವರ ಇತ್ತೀಚಿನ ಬಿಗ್ ಇಯರ್ ಎಂಡರ್ ಮಾರಾಟವು ಲ್ಯಾಪ್‌ಟಾಪ್‌ಗಳ ಡೀಲ್‌ಗಳನ್ನು ಸಹ ಒಳಗೊಂಡಿರುತ್ತದೆ ಎಂದು ಹೇಳಿಕೊಂಡಿದೆ. ಇದು ರೂ. 9,990 ರಿಂದ ಪ್ರಾರಂಭವಾಗುತ್ತದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ