Flipkart UPI: ಫ್ಲಿಪ್ಕಾರ್ಟ್ನಿಂದ ಯುಪಿಐ ಹ್ಯಾಂಡಲ್ ಆರಂಭ
ಫ್ಲಿಪ್ಕಾರ್ಟ್ ಯುಪಿಐ ವೆಚ್ಚರಹಿತ ಪರಿಹಾರಗಳನ್ನು ಮತ್ತು ತಡೆರಹಿತ ಪಾವತಿ ಆಯ್ಕೆಗಳನ್ನು ಒದಗಿಸುತ್ತದೆ. ಆನ್‌ಬೋರ್ಡಿಂಗ್ ಪ್ರಕ್ರಿಯೆಯನ್ನು ಸುಗಮಗೊಳಿಸುತ್ತದೆ ಮತ್ತು ಫ್ಲಿಪ್ಕಾರ್ಟ್ ಮಾರುಕಟ್ಟೆಯ ಒಳಗೆ ಮತ್ತು ಹೊರಗೆ ಆನ್‌ಲೈನ್ ಮತ್ತು ಆಫ್‌ಲೈನ್ ವ್ಯಾಪಾರಿ ವಹಿವಾಟುಗಳನ್ನು ನಡೆಸಲು ಬಳಕೆದಾರರಿಗೆ ಅನುವು ಮಾಡಿಕೊಡುತ್ತದೆ.
Updated on: Mar 03, 2024 | 1:27 PM
ಭಾರತದ ಸ್ವದೇಶಿ ಇ-ಕಾಮರ್ಸ್ ಮಾರುಕಟ್ಟೆ ಫ್ಲಿಪ್ಕಾರ್ಟ್ (Flipkart) ತನ್ನ ಯುಪಿಐ ಹ್ಯಾಂಡಲ್ ಅನ್ನು ಪರಿಚಯಿಸಿದ್ದು, 500+ ದಶಲಕ್ಷ ಗ್ರಾಹಕರೂ ಸೇರಿದಂತೆ ಎಲ್ಲಾ ಬಳಕೆದಾರರಿಗೂ ಡಿಜಿಟಲ್ ಪಾವತಿ ಕೊಡುಗೆಗಳನ್ನು ವಿಸ್ತರಿಸಿದೆ. ವಿಶಿಷ್ಟ ಗ್ರಾಹಕ ಅನುಭವಕ್ಕಾಗಿ, ಯುಪಿಐ ಚಾಲನೆಯ ಬಳಿಕ ಸೂಪರ್ ಕಾಯಿನ್‌ಗಳು, ಕ್ಯಾಶ್‌ಬ್ಯಾಕ್, ಮೈಲ್‌ಸ್ಟೋನ್ ಪ್ರಯೋಜನಗಳು ಮತ್ತು ಬ್ರ್ಯಾಂಡ್ ವೋಚರ್ ಮುಂತಾದ ಲಾಯಲ್ಟಿ ವೈಶಿಷ್ಟ್ಯಗಳು ಲಭ್ಯವಿರುತ್ತವೆ. ‘ಭಾರತ್ ಕಾ ಅಪ್ನಾ UPI’ ಎಂದ ಟ್ಯಾಗ್‌ಲೈನ್ ಜೊತೆಗೆ, ಭಾರತದಾದ್ಯಂತ ಬಳಕೆದಾರರಿಗೆ ಸಮಗ್ರ ಪಾವತಿ ಅನುಭವವನ್ನು ಫ್ಲಿಪ್ಕಾರ್ಟ್ ವರ್ಧಿಸುತ್ತದೆ. ಆಕ್ಸಿಸ್ ಬ್ಯಾಂಕ್ ಚಾಲಿತ ಫ್ಲಿಪ್ಕಾರ್ಟ್ ಯುಪಿಐ ಆರಂಭದಲ್ಲಿ ಆಂಡ್ರಾಯ್ಡ್ ಬಳಕೆದಾರರಿಗೆ ಲಭ್ಯವಿರುತ್ತದೆ. ಗ್ರಾಹಕರು ಈಗ @fkaxis ಹ್ಯಾಂಡಲ್ ಮೂಲಕ ಯುಪಿಐಗೆ ನೋಂದಾಯಿಸಿಕೊಳ್ಳಬಹುದು ಮತ್ತು ಫ್ಲಿಪ್ಕಾರ್ಟ್ ಆ್ಯಪ್ ಬಳಸಿ ಹಣ ವರ್ಗಾವಣೆ ಮತ್ತು ಚೆಕ್‌ಔಟ್ ಪಾವತಿಗಳನ್ನು ಮಾಡಬಹುದು.
ಫ್ಲಿಪ್ಕಾರ್ಟ್ ಯುಪಿಐ ವೆಚ್ಚರಹಿತ ಪರಿಹಾರಗಳನ್ನು ಮತ್ತು ತಡೆರಹಿತ ಪಾವತಿ ಆಯ್ಕೆಗಳನ್ನು ಒದಗಿಸುತ್ತದೆ. ಆನ್‌ಬೋರ್ಡಿಂಗ್ ಪ್ರಕ್ರಿಯೆಯನ್ನು ಸುಗಮಗೊಳಿಸುತ್ತದೆ ಮತ್ತು ಫ್ಲಿಪ್ಕಾರ್ಟ್ ಮಾರುಕಟ್ಟೆಯ ಒಳಗೆ ಮತ್ತು ಹೊರಗೆ ಆನ್‌ಲೈನ್ ಮತ್ತು ಆಫ್‌ಲೈನ್ ವ್ಯಾಪಾರಿ ವಹಿವಾಟುಗಳನ್ನು ನಡೆಸಲು ಬಳಕೆದಾರರಿಗೆ ಅನುವು ಮಾಡಿಕೊಡುತ್ತದೆ. ಒಂದು ಕ್ಲಿಕ್‌ನಲ್ಲಿ ರೀಚಾರ್ಜ್‌ಗಳು ಮತ್ತು ಬಿಲ್ ಪಾವತಿಗಳನ್ನು ಮಾಡಬಹುದು.
ಇಂಟರ್ನೆಟ್ ಇಲ್ಲದೆ ನೆಟ್‌ಫ್ಲಿಕ್ಸ್‌ನಲ್ಲಿ ಮೂವಿ, ವೆಬ್ ಸರಣಿ ವೀಕ್ಷಿಸುವ ಟ್ರಿಕ್ ಗೊತ್ತೇ?: ಇಲ್ಲಿದೆ ನೋಡಿ
2023ರಲ್ಲಿ, UPI 182.84 ಶತಕೋಟಿ ರೂಪಾಯಿ ಮೌಲ್ಯದ 117 ದಶಲಕ್ಷ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸಿತು. ಬ್ಯಾಂಕ್‌ಗಳು, ಪಾವತಿ ಸೇವಾ ಪೂರೈಕೆದಾರರು ಮತ್ತು ಫಿನ್‌ಟೆಕ್ ಕಂಪನಿಗಳು (ಮೂಲ) ಇದರಲ್ಲಿ ಪಾಲ್ಗೊಂಡಿವೆ. ಫ್ಲಿಪ್ಕಾರ್ಟ್ ಯುಪಿಐ ಭಾರತದ ಡಿಜಿಟಲ್ ಪಾವತಿ ವ್ಯವಸ್ಥೆಯ ಮೇಲೆ ಗಣನೀಯ ಪರಿಣಾಮ ಬೀರುವುದು ಖಚಿತ. ಡಿಜಿಟಲ್ ಆರ್ಥಿಕತೆಯ ದೃಷ್ಟಿಕೋನಕ್ಕೆ ತಕ್ಕಂತೆ ಡಿಜಿಟಲ್ ಪಾವತಿಗಳು ಹೆಚ್ಚುತ್ತಿದ್ದು, ಲಕ್ಷಾಂತರ ಹೊಸ ಬಳಕೆದಾರರಿಗೆ ಯುಪಿಐ ಪ್ರಯೋಜನವಾಗಲಿದೆ.
ಫ್ಲಿಪ್‌ಕಾರ್ಟ್‌ನ ಫಿನ್‌ಟೆಕ್ ಮತ್ತು ಪೇಮೆಂಟ್ಸ್ ಗ್ರೂಪ್‌ನ ಹಿರಿಯ ಉಪಾಧ್ಯಕ್ಷ ಧೀರಜ್ ಅನೆಜಾ ಮಾತನಾಡಿ, “ಕ್ರಿಯಾತ್ಮಕ ಡಿಜಿಟಲ್ ಸಾಧ್ಯತೆಗಳನ್ನು ಗುರುತಿಸಿ, ಫ್ಲಿಪ್ಕಾರ್ಟ್ ಪ್ರಾರಂಭಿಸಿರುವ ಯುಪಿಐ, ದಕ್ಷತೆ ಮತ್ತು ಮಿತವ್ಯಯಕಾರಿ ಪರಿಹಾರಗಳನ್ನು ವಿಶ್ವಾಸಪೂರ್ವಕವಾಗಿ ವಿಲೀನಗೊಳಿಸುತ್ತದೆ,” ಎಂದರು.
ಎರಡೇ ದಿನ ಬಾಕಿ: ಭಾರತಕ್ಕೆ ಬರುತ್ತಿದೆ ಮತ್ತೊಂದು ಆಕರ್ಷಕ ಬಜೆಟ್ ಸ್ಮಾರ್ಟ್ಫೋನ್
”ಫ್ಲಿಪ್‌ಕಾರ್ಟ್‌ನಲ್ಲಿ, ವ್ಯಾಪಕ ಶ್ರೇಣಿಯ ರಿವಾರ್ಡ್‌ಗಳು, ಸೂಪರ್ ಕಾಯಿನ್‌ಗಳು, ಬ್ರಾಂಡ್ ವೋಚರ್‌ಗಳು ಮುಂತಾದ ಪ್ರಯೋಜನಗಳ ಜೊತೆಗೆ ಸುರಕ್ಷಿತ ಮತ್ತು ಅನುಕೂಲಕರ ಪಾವತಿ ಆಯ್ಕೆಗಳನ್ನು ನೀಡುವ ಮೂಲಕ ಗ್ರಾಹಕರಿಗೆ ಉತ್ತಮ ಗುಣಮಟ್ಟದ ವಾಣಿಜ್ಯ ಅನುಭವವನ್ನು ನೀಡಲು ನಾವು ಬದ್ಧರಾಗಿದ್ದೇವೆ. ಇದಲ್ಲದೆ, ಡಿಜಿಟಲ್ ಸ್ವರೂಪದಲ್ಲಿ ಸಶಕ್ತವಾದ ಸಮಾಜವನ್ನು ರೂಪಿಸುವ ನಮ್ಮ ಸಮರ್ಪಣೆಯನ್ನು ಫ್ಲಿಪ್ಕಾರ್ಟ್ ಯುಪಿಐ ಒತ್ತಿಹೇಳುತ್ತದೆ ಮತ್ತು ಭಾರತದ ಡಿಜಿಟಲ್ ವಿಕಾಸದಲ್ಲಿ ಪ್ರಮುಖ ವೇಗವರ್ಧಕವಾಗಿ ಕೆಲಸ ಮಾಡುತ್ತದೆ,” ಎಂದಿದ್ದಾರೆ.
ಇನ್ನಷ್ಟು ತಂತ್ರಜ್ಞಾನ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
