Internet Outage: ಮೂಲಸೌಕರ್ಯ ಕೊರತೆಯನ್ನು ಬಯಲಿಗಿಟ್ಟ ಜಾಗತಿಕ ಇಂಟರ್​ನೆಟ್ ತಡೆ ಸಮಸ್ಯೆ

ಜಾಗತಿಕ ಮಟ್ಟದಲ್ಲಿ ಮಂಗಳವಾರ ಬಹಳ ವಿಚಿತ್ರ ಎನಿಸುವಂಥ ಘಟನೆ ನಡೆಯಿತು. ಅತಿರಥ- ಮಹಾರಥ ಎನಿಸುವಂಥ ಸುದ್ದಿ ವೆಬ್​ಸೈಟ್​ಗಳು, ಇ- ಕಾಮರ್ಸ್ ಪೋರ್ಟಲ್ ಆದ ಅಮೆಜಾನ್ ಕೆಲಸ ಮಾಡುವುದನ್ನು ನಿಲ್ಲಿಸಿದ್ದು ಅಚ್ಚರಿಗೆ ಹಾಗೂ ಗಾಬರಿಗೆ ಕಾರಣವಾಯಿತು. ವಿಶ್ವದ ಅತಿ ದೊಡ್ಡ ವೆಬ್ ತಡೆಯಾಗಿ ದಾಖಲಾಯಿತು. ಈಗಿನ ಸಂದರ್ಭದಲ್ಲಿ ಇಂಟರ್​ನೆಟ್ ಮೂಲಸೌಕರ್ಯ ಎಚ್ಚರಿಕೆಯ ಕರೆ ಬಂದಿದೆ. ಈ ಸೌಕರ್ಯ ಈಗ ಅಪಾಯಕಾರಿ ಮಟ್ಟದಲ್ಲಿ ಕೇಂದ್ರೀಕೃತವಾಗಿದೆ ಮತ್ತು ವೈರುಧ್ಯಗಳ ಸ್ಥಿತಿಯನ್ನು ಎದುರಿಸುವ ಸನ್ನಿವೇಶದಲ್ಲಿ ಇಲ್ಲ ಎಂದು ಭದ್ರತಾ ಪರಿಣತರು ಎಚ್ಚರಿಸಿದ್ದಾರೆ.

ವಿವರಿಸಲು ಸಾಧ್ಯವಾಗದ ಕಾನ್​ಫಿಗರೇಷನ್ ದೋಷವು ಮೂಲಸೌಕರ್ಯ ಒದಗಿಸುವ “ಫಾಸ್ಟ್ಲಿ”ಯಲ್ಲಿ ಕಾಣಿಸಿಕೊಂಡಿತು. ವಿಶ್ವದ ಶೇ 10ರಷ್ಟು ಇಂಟರ್​ನೆಟ್ ದಟ್ಟಣೆಯನ್ನು ಈ ಕಂಪೆನಿಯೇ ನಿರ್ವಹಣೆ ಮಾಡುತ್ತದೆ. ಇಷ್ಟೇ ಸಾಕಾಯಿತು, ಮಂಗಳವಾರದಂದು ಬೆಳಗ್ಗೆ ಒಂದು ಗಂಟೆಯಷ್ಟು ಅವಧಿ ಹಲವು ಪ್ರಮುಖ ವೆಬ್​ಸೈಟ್​ಗಳು ಮತ್ತು ಸೇವೆಗಳು ಕಾರ್ಯ ನಿರ್ವಹಣೆ ಮಾಡಲಿಲ್ಲ ಎಂಬುದು ಇಲ್ಲಿ ನೆನಪಿಸಿಕೊಳ್ಳಬೇಕು.

ವೆಬ್ ಸಂಪೂರ್ಣವಾಗಿ ವಿಕೇಂದ್ರೀಕರಣ ಆಗಬೇಕಿದೆ ಎಂದು ವಿಶ್ಲೇಷಕರು ಅಭಿಪ್ರಾಯ ಪಡುತ್ತಾರೆ. ಯಾವುದೋ ಒಂದು ಕೇಂದ್ರೀಕೃತ ವ್ಯವಸ್ಥೆ ಮೇಲೆ ಅವಲಂಬನೆ ಆಗದಿದ್ದಲ್ಲಿ ಆಗಲೂ ಹಲವು ವಿವಿಧ ಅಂಶಗಳು ವಿಫಲ ಆಗಬಹುದು, ಆದರೆ ಇಂಟರ್​ನೆಟ್ ದಟ್ಟಣೆಯು ಎಲ್ಲಿ ತಲುಪಬೇಕೋ ಆ ದಾರಿಯನ್ನು ಹುಡುಕಿಕೊಳ್ಳುತ್ತದೆ. ಕಳೆದ ಒಂದು ದಶಕದಲ್ಲಿ ನಾವೇನು ನೋಡಿದ್ದೇವೋ ಅದು ನಿರುದ್ದಿಶ್ಯವಾದ ಹಲವು ಮುಖ್ಯ ಸೇವೆಗಳು ಕೇಂದ್ರೀಕರಣ. ಅದು ದೊಡ್ಡ ಮಟ್ಟದ ಕ್ಲೌಡ್ ಸಲ್ಯೂಷನ್ ಒದಗಿಸುವ ಮೂಲಸೌಕರ್ಯ ಪೂರೈಕೆದಾರರು ಮತ್ತು ಸಿಡಿಎನ್​ಗಳಿಂದ ಆಗಿದೆ ಎನ್ನುತ್ತಾರೆ ವಿಶ್ಲೇಷಕರು.

ಇದನ್ನೂ ಓದಿ: 503 service unavailable: ಜಾಗತಿಕ ಮಟ್ಟದಲ್ಲೇ ಇಂಟರ್​ನೆಟ್ ಸಮಸ್ಯೆ; ಬಿಬಿಸಿ, ಅಮೆಜಾನ್ ಹೀಗೆ ನಾನಾ ವೆಬ್​ಸೈಟ್​ಗಳು ಸಿಕ್ತಿಲ್ಲ

(One of the world’s biggest web outages should act as a “wake-up call” that internet infrastructure has become dangerously over-centralised, security experts have warned)