iQoo Neo 6: ₹5,000 ಭರ್ಜರಿ ಡಿಸ್ಕೌಂಟ್​ನಲ್ಲಿ ಲಭ್ಯವಾಗುತ್ತಿದೆ ಹೊಸ ಸ್ಮಾರ್ಟ್​ಫೋನ್

ಐಕ್ಯೂ ನಿಯೋ ಸ್ಮಾರ್ಟ್​ಫೋನ್ ಸರಣಿಯಲ್ಲಿ ಬಿಡುಗಡೆಯಾಗಿರುವ ಐಕ್ಯೂ ನಿಯೋ 6 ಸ್ಮಾರ್ಟ್​ಫೋನ್ ಖರೀದಿಸುವವರಿಗೆ ಸಂತಸದ ಸುದ್ದಿ ಒಂದಿದೆ. ಬಳಕೆದಾರರಿಗೆ ಐಕ್ಯೂ ನಿಯೋ 6 (iQoo Neo 6) ಸ್ಮಾರ್ಟ್​ಫೋನ್ ಮೇಲೆ ₹5,000 ಡಿಸ್ಕೌಂಟ್ ದೊರೆಯುತ್ತಿದೆ. ಅಮೆಜಾನ್ ಮತ್ತು ಐಕ್ಯೂ ಆನ್​ಲೈನ್ ತಾಣದಲ್ಲಿ ವಿಶೇಷ ಆಫರ್ ಸಲುವಾಗಿ ₹5,000 ಡಿಸ್ಕೌಂಟ್ ಪ್ರಕಟಿಸಲಾಗಿದೆ. ಅದರ ಜತೆಗೆ ಎಕ್ಸ್​ಚೇಂಜ್ ಕೊಡುಗೆ ಕೂಡ ಇದ್ದು, ಬಳಕೆದಾರರು ಹಳೆಯ ಫೋನ್ ಎಕ್ಸ್​ಚೇಂಜ್ ಮಾಡಿಕೊಂಡು, ಹೊಸ ಫೋನ್ ಖರೀದಿಸಬಹುದು. ಇದರಿಂದ ಇನ್ನಷ್ಟು ಹೆಚ್ಚಿನ ಆಫರ್ ಕೊಡುಗೆಯ ಪ್ರಯೋಜನ ಪಡೆಯಬಹುದು. ಐಕ್ಯೂ ನಿಯೋ ಸರಣಿಯಲ್ಲಿ ಈಗಾಗಲೇ ನಿಯೋ 7 ಫೋನ್ ಬಿಡುಗಡೆಯಾಗಿದೆ. ಹೀಗಾಗಿ, ನಿಯೋ 6 ಫೋನ್ ಡಿಸ್ಕೌಂಟ್​ನಲ್ಲಿ ದೊರೆಯುತ್ತಿದೆ.

ಐಕ್ಯೂ ನಿಯೋ 6 ಆಫರ್

ಐಕ್ಯೂ ನಿಯೋ 6 ಸ್ಮಾರ್ಟ್​ಫೋನ್ ಮೇಲೆ ₹5,000 ಡಿಸ್ಕೌಂಟ್ ಘೋಷಿಸಲಾಗಿದೆ. 8GB + 128GB RAM ಆವೃತ್ತಿಗೆ ಈ ಮೊದಲು ಇದ್ದ ದರ ₹29,999 ಆಗಿದ್ದು, ವಿಶೇಷ ಆಫರ್ ಡಿಸ್ಕೌಂಟ್ ಬಳಿಕ ಐಕ್ಯೂ ನಿಯೋ 6 ಫೋನ್ ₹24,999ಕ್ಕೆ ಲಭ್ಯವಾಗುತ್ತಿದೆ. ಅಲ್ಲದೆ, ಇದೇ ಸರಣಿಯಲ್ಲಿ ಮಾರುಕಟ್ಟೆ ಪ್ರವೇಶಿಸಿದ್ದ ಮತ್ತೊಂದು ಆವೃತ್ತಿ 12GB + 256GB ಆವೃತ್ತಿಗೂ ಆಫರ್ ಇದ್ದು ₹28,999ಕ್ಕೆ ಲಭ್ಯವಿದೆ. ಪ್ರೀಮಿಯಂ ಲುಕ್ ಹೊಂದಿರುವ ಐಕ್ಯೂ ಫೋನ್ 6.62 ಇಂಚಿನ E4 AMOLED ಡಿಸ್​ಪ್ಲೇ ಹೊಂದಿದೆ. ಅಲ್ಲದೆ, ಬಳಕೆದಾರರು ಐಕ್ಯೂ ಫೋನ್ ಖರೀದಿಸುವಾಗ ಹಳೆಯ ಫೋನ್ ಕೊಟ್ಟು ಎಕ್ಸ್​ಚೇಂಜ್ ಮೂಲಕ ₹22,000ಕ್ಕೆ ಫೋನ್ ಖರೀದಿಸುವ ಅವಕಾಶವೂ ಇದೆ. ಅಂದರೆ ನಿಮ್ಮ ಹಳೆಯ ಫೋನ್​ನ ದರಕ್ಕೆ ಅನುಗುಣವಾಗಿ ಎಕ್ಸ್​ಚೇಂಜ್ ದರದ ಆಫರ್ ಅನ್ವಯವಾಗಲಿದೆ.

ಐಕ್ಯೂ ನಿಯೋ 6 ಕ್ಯಾಮೆರಾ ಮತ್ತು ವಿಶೇಷತೆ

ಐಕ್ಯೂ ನಿಯೋ 6 ಸ್ಮಾರ್ಟ್​ಫೋನ್ ಸ್ನ್ಯಾಪ್​ಡ್ರ್ಯಾಗನ್ 870 ಪ್ರೊಸೆಸರ್ ಹೊಂದಿದೆ. ಹೀಗಾಗಿ ಗೇಮಿಂಗ್​ನಂತಹ ಅಪ್ಲಿಕೇಶನ್ ಸುಲಭದಲ್ಲಿ, ಉತ್ತಮ ಕಾರ್ಯನಿರ್ವಹಣೆ ನೀಡಲು ಸಾಧ್ಯವಾಗುತ್ತದೆ. ಜತೆಗೆ ಐಕ್ಯೂ ನಿಯೋ 6 ಸ್ಮಾರ್ಟ್​ಫೋನ್​ನಲ್ಲಿ 64 MP ಮುಖ್ಯ ಕ್ಯಾಮೆರಾ ಜತೆಗೆ 8 MP +2 MP ತ್ರಿವಳಿ ಹಿಂಬದಿ ಕ್ಯಾಮೆರಾ ಹೊಂದಿದೆ. ಐಕ್ಯೂ ಫೋನ್​ನಲ್ಲಿ 16 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಇದ್ದು, 4,700mAh ಬ್ಯಾಟರಿ ಮತ್ತು 80W ಫ್ಲ್ಯಾಶ್​ಚಾರ್ಜ್ ಸೌಲಭ್ಯ ಇದರ ವಿಶೇಷತೆಯಾಗಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 5:23 pm, Fri, 7 April 23