Miನಿಂದ QLED TV 75 ದುಬಾರಿ ಟೀವಿ ಭಾರತದಲ್ಲಿ ಬಿಡುಗಡೆ; ಬೆಲೆ ರೂ. 1,19,999 ನಿಗದಿ
Mi QLED TV 75: ಶಿಯೋಮಿಯಿಂದ ಭಾರತದಲ್ಲಿ Mi QLED TV 75 ಬಿಡುಗಡೆ ಆಗಿದೆ. ಇದು ಈ ಬ್ರ್ಯಾಂಡ್ನ ಅತ್ಯಂತ ದುಬಾರಿ ಟೀವಿ ಆಗಿದೆ. ಈ ಟೀವಿ ಬೆಲೆ, ವೈಶಿಷ್ಟ್ಯ ಮತ್ತಿತರ ಮಾಹಿತಿ ಇಲ್ಲಿದೆ.
Updated on: Apr 23, 2021 | 7:09 PM
ಶಿಯೋಮಿಯಿಂದ Mi 11ರ ಸರಣಿ ಹೆಸರಲ್ಲಿ ಹಲವು ಸ್ಮಾರ್ಟ್ಫೋನ್ಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಇದೀಗ ತನ್ನ ಬ್ರ್ಯಾಂಡ್ನ ಅತ್ಯಂತ ದುಬಾರಿ ಸ್ಮಾರ್ಟ್ ಟೀವಿ Mi QLED TV 75 ಬಿಡುಗಡೆ ಮಾಡಿದೆ. ಈ ಹೊಸ ಟೀವಿಯಲ್ಲಿ ಕ್ವಾಂಟಂ ಡಾಟ್ ಬೇಸ್ಡ್ ಎಲ್ಇಡಿ (QLED) ಬಳಕೆ ಮಾಡಲಾಗಿದೆ. 75 ಇಂಚಿನ ಅಳತೆಯಲ್ಲಿ ಬರುತ್ತದೆ. ಇನ್ನು ಬೆಲೆಯ ವಿಚಾರಕ್ಕೆ ಬಂದರೆ ಹೊಸ ಶಿಯೋಮಿ ಟಿವಿಗೆ ರೂ. 1,19,999 ಎಂದು ದರವನ್ನು ನಿಗದಿ ಮಾಡಲಾಗಿದೆ. ಇದೇ ಮೊದಲ ಬಾರಿಗೆ ತನ್ನ ಬ್ರ್ಯಾಂಡ್ನ ಟೀವಿ ಬೆಲೆ 1 ಲಕ್ಷ ರೂಪಾಯಿಗೂ ಹೆಚ್ಚು ಬೆಲೆ ನಿಗದಿ ಮಾಡಿದೆ.
ಈ ಹೊಸ ಟೀವಿ ಫ್ಲಿಪ್ಕಾರ್ಟ್, Mi ಹೋಮ್ ಸ್ಟೋರ್ಸ್, ಆಯ್ದ ಆಫ್ಲೈನ್ ರೀಟೇಲ್ ಸೋರ್ಸ್ಗಳಲ್ಲಿ ದೊರೆಯುತ್ತವೆ. ಮೊದಲ ಬಾರಿಗೆ ಏಪ್ರಿಲ್ 27ಕ್ಕೆ ಮಾರಾಟ ಶುರುವಾಗುತ್ತದೆ. ಹೊಸ ಶಿಯೋಮಿ ಟೀವಿಯಲ್ಲಿ ರಿಫ್ರೆಷ್ ದರ 120Hz, ಜತೆಗೆ MEMC ಇದೆ. ಹೈ ರಿಫ್ರೆಷ್ ದರದ ಸ್ಕ್ರೀನ್ ಜತೆಗೆ ಎಚ್ಡಿಎಂಐ 2.1 ಪೋರ್ಟ್ಸ್ ಬರುತ್ತದೆ. ಇದರಿಂದ 4K ರೆಸಲ್ಯೂಷನ್ 120Hzನಲ್ಲಿ ದೊರೆಯುತ್ತದೆ. ಹೆಚ್ಚುವರಿ HDMI 2.1 ಪೋರ್ಟ್ಸ್ ಹೊಸ ತಲೆಮಾರಿನ ಗೇಮಿಂಗ್ ಅನುಭವದ ಜತೆಗೆ ಚೆನ್ನಾಗಿ ಹೊಂದಿಕೊಳ್ಳುತ್ತದೆ.
ಶಿಯೋಮಿ ಹೇಳಿಕೊಳ್ಳುವಂತೆ, ಹೊಸ Mi ಟೀವಿಯಲ್ಲಿ ಗರಿಷ್ಠ ಪ್ರಮಾಣದ ಬ್ರೈಟ್ನೆಸ್ 1000 nits ಬರುತ್ತದೆ. ಟೀವಿಯು ತೆಳುವಾದ ಬೆಜೆಲ್ಸ್ನೊಂದಿಗೆ ಬರಲಿದ್ದು, ಇದು ಸ್ಕ್ರೀನ್ ಟು ಬಾಡಿ ರೇಷಿಯೋ ಶೇ 97ರಷ್ಟು ನೀಡುತ್ತದೆ. ತೀಕ್ಷ್ಣವಾದ ಕಪ್ಪು ಮತ್ತು ಕಾಂಟ್ರಾಸ್ಟ್ ಮಟ್ಟವನ್ನು ಒದಗಿಸುವ ಸಲುವಾಗಿ ಹೊಸ ಶಿಯೋಮಿ ಟೀವಿಯಲ್ಲಿ 192- ಝೋನ್ ಫುಲ್ ಅರೆ ಲೋಕಲ್ ಡಿಮ್ಮಿಂಗ್ ಬಳಸಲಾಗಿದೆ. ಒಟಿಟಿ ಕಂಟೆಂಟ್ಗಳಿಗಾಗಿ ಈ ಟೀವಿಯು ಡಾಲ್ಬಿ ವಿಷನ್, HDR10+, HDR10, HLG ಸಪೋರ್ಟ್ ಮಾಡುತ್ತದೆ.
ಇನ್ನು ಟೀವಿಯು 30W ಸ್ಟಿರಿಯೋ ಸ್ಪೀಕರ್ಸ್, 6 ಡ್ರೈವರ್ಸ್, ಜತೆಗೆ ಎರಡು ಟ್ವಿಟರ್ಸ್, 2 ಫುಲ್ ರೇಂಜ್ ಡ್ರೈವರ್ಸ್ ಮತ್ತು ಎರಡು ವೂಫರ್ ಡ್ರೈವರ್ಸ್ ಜತೆ ಬರುತ್ತದೆ. ಟೀವಿಯಲ್ಲಿ ಮೀಡಿಯಾಟೆಕ್ MT9611 ಪ್ರೊಸೆಸರ್, 4 ARM Cortex A55 ಕೋರ್ 1.5GHz ಮತ್ತು ಮಾಲಿ G52 MP2 GPU ಇರುತ್ತದೆ.
ಇದನ್ನೂ ಓದಿ: Apple products: ಆಪಲ್ನಿಂದ ಹೊಸ ಐಪ್ಯಾಡ್ ಪ್ರೋ ಸೇರಿ ಇನ್ನಷ್ಟು ಪ್ರಾಡಕ್ಟ್ ಬಿಡುಗಡೆ; ಭಾರತದಲ್ಲಿ ಯಾವುದರ ಬೆಲೆ ಎಷ್ಟು?
(Mi launched QLED 75 TV in India. This is the most expensive tv released by Mi under its brand. Price, features and other details of tv are here)
