Mobile users: ಪ್ರೀಪೇಯ್ಡ್​ನಿಂದ ಪೋಸ್ಟ್​ಪೋಯ್ಡ್ ಹಾಗೂ ಪೋಸ್ಟ್​ಪೋಯ್ಡ್​ನಿಂದ ಪ್ರೀಪೇಯ್ಡ್​ಗೆ ಒಟಿಪಿಯೇ ಸಾಕು

ನವದೆಹಲಿ: ದೂರಸಂಪರ್ಕ ಇಲಾಖೆ (DoT) ಅಧಿಕೃತ ಮಾಹಿತಿ ಪ್ರಕಾರ, SIM ಕಾರ್ಡ್ ಬದಲಾಯಿಸದೆ OTP (ಒನ್ ಟೈಮ್ ಪಾಸ್​ವರ್ಡ್) ಆಧಾರದಲ್ಲಿ ಪೋಸ್ಟ್​ಪೇಯ್ಡ್ ಸಂಪರ್ಕದಿಂದ ಪ್ರೀಪೇಯ್ಡ್​ಗೆ ಹಾಗೂ ಪ್ರೀಪೇಯ್ಡ್​ನಿಂದ ಪೋಸ್ಟ್​ಪೇಯ್ಡ್​ಗೆ ಬದಲಾವಣೆ ಮಾಡಿಕೊಳ್ಳುವುದಕ್ಕೆ ಸದ್ಯದಲ್ಲೇ ಅವಕಾಶ ದೊರೆಯಬಹುದಾಗಿದೆ. ಸೆಲ್ಯುಲಾರ್ ಆಪರೇಟರ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ (COAI) ಹೇಗೆ ಇದನ್ನು ಮಾಡಬಹುದು ಎಂಬ ಬಗ್ಗೆ ದೂರಸಂಪರ್ಕ ಇಲಾಖೆಗೆ ಪ್ರಸ್ತಾವ ಮಾಡಿದೆ. ಇಲಾಖೆಯು ಟೆಲಿಕಾಂ ಆಪರೇಟರ್​ಗಳಿಗೆ ಈ ಬಗ್ಗೆ ಪ್ರೂಫ್ ಆಫ್ ಕಾನ್ಸೆಪ್ಟ್ (PoC) ಮುಂದುವರಿಸಲು ಕೇಳಲಾಗಿದೆ. PoC ಏನು ಬರುತ್ತದೆ ಎಂಬುದರ ಆಧಾರದಲ್ಲಿ ಖಾತೆ ಬದಲಾವಣೆ ಅಂತಿಮ ನಿರ್ಧಾರಕ್ಕೆ ಬರಲಾಗುತ್ತದೆ ಎಂದು ದೂರಸಂಪರ್ಕ ಇಲಾಖೆ ತಿಳಿಸಿದೆ.

COAI ಸದಸ್ಯರಾದ ರಿಲಯನ್ಸ್ ಜಿಯೋ, ಭಾರ್ತಿ ಏರ್​ಟೆಲ್ ಮತ್ತು ವೊಡಾಫೋನ್ ಐಡಿಯಾದಿಂದ ಏಪ್ರಿಲ್ 9ರಂದು ದೂರಸಂಪರ್ಕ ಇಲಾಖೆಗೆ ಮನವಿ ಸಲ್ಲಿಸಿದೆ. ಮೊದಲೇ ಹೇಳಿದ ಹಾಗೆ ಗ್ರಾಹಕರು ಪೋಸ್ಟ್​ಪೇಯ್ಡ್​ನಿಂದ ಪ್ರೀಪೇಯ್ಡ್​ಗೆ ಹಾಗೂ ಪ್ರೀಪೇಯ್ಡ್​ನಿಂದ ಪೋಸ್ಟ್​ಪೇಯ್ಡ್​ಗೆ ಬದಲಾವಣೆಯನ್ನು ಒಟಿಪಿಯಿಂದಲೇ ಮಾಡಿಕೊಳ್ಳುವಂತಾಗಬೇಕು. ಹೊಸದಾಗಿ ಕೆವೈಸಿ (ನೋ ಯುವರ್ ಕಸ್ಟಮರ್) ಪಡೆಯುವ ಅಗತ್ಯ ಇರಬಾರದು ಎಂದು ಮನವಿ ಸಲ್ಲಿಸಿವೆ.

ಈ ಹೊಸ ಪ್ರಸ್ತಾವಿತ ಪ್ರಕ್ರಿಯೆಯಲ್ಲಿ ಚಂದಾದಾರರು ತಮ್ಮ ಮೊಬೈಲ್​ ಸಂಪರ್ಕದ ಬಗೆಯನ್ನು ಎಸ್ಸೆಮ್ಮೆಸ್, ಐವಿಆರ್​ಎಸ್​, ವೆಬ್​ಸೈಟ್ ಅಥವಾ ಅಧಿಕೃತ ಆ್ಯಪ್ ಮೂಲಕ ಮಾಡಬಹುದು. ಮನವಿ ಬಂದ ಮೇಲೆ, ಚಂದಾದಾರಿಗೆ ಮೊಬೈಲ್ ಖಾತೆ ಬದಲಾವಣೆ ಬಗ್ಗೆ ಖಾತ್ರಿ ಬರುತ್ತದೆ. ವಿಶಿಷ್ಟ ವಹಿವಾಟಿನ ಐಡಿ (ಯೂನಿಕ್ ಟ್ರಾನ್ಸಾಕ್ಷನ್ ಐಡಿ) ಮತ್ತು ಒಟಿಪಿ 10 ನಿಮಿಷಗಳ ಸಿಂಧುತ್ವದೊಂದಿಗೆ ಬರುತ್ತದೆ.

ಇದನ್ನೂ ಓದಿ: Mobile data plan: 100 ರೂಪಾಯಿಯೊಳಗೆ ಅನ್​ಲಿಮಿಟೆಡ್ ಮೊಬೈಲ್ ಇಂಟರ್​ನೆಟ್ ಸಿಗುವ ಪ್ಲಾನ್​ಗಳಿವು

(Mobile users may soon change their postpaid to prepaid and viceversa with OTP. Here is the details)