Mobile data plan: 100 ರೂಪಾಯಿಯೊಳಗೆ ಅನ್ಲಿಮಿಟೆಡ್ ಮೊಬೈಲ್ ಇಂಟರ್ನೆಟ್ ಸಿಗುವ ಪ್ಲಾನ್ಗಳಿವು
Mobile data plans under 100 Rupees: 100 ರೂಪಾಯಿಯೊಳಗೆ ಅನ್ಲಿಮಿಟೆಡ್ ಡೇಟಾ ಒದಗಿಸುವ ಟೆಲಿಕಾಂ ಕಂಪೆನಿಗಳಿವು.
Updated on: May 14, 2021 | 5:20 PM
ವರ್ಕ್ ಫ್ರಮ್ ಹೋಮ್ ಮಾಡುತ್ತಿರುವ ಸಿಬ್ಬಂದಿಯಿಂದ ಮತ್ತು ಆನ್ಲೈನ್ ತರಗತಿಗಳಿಗೆ ಹಾಜರಾಗುತ್ತಿರುವ ವಿದ್ಯಾರ್ಥಿಗಳಿಂದ ಇಂಟರ್ನೆಟ್ಗೆ ಬೇಡಿಕೆ ಹೆಚ್ಚಾಗಿದೆ. ಈಚೆಗೆ ಹಲವು ಪ್ರಮುಖ ಟೆಲಿಕಾಂ ಕಂಪೆನಿಗಳ ದರವನ್ನು ಏರಿಕೆ ಮಾಡಿದ ಮೇಲೆ ಅನಿಯಮಿತ ಡೇಟಾ ಆಫರ್ಗಳು ಕೆಲವು ನೂರು ರೂಪಾಯಿಗಳಾಗಿವೆ. ಆದರೆ ಇಂಟರ್ನೆಟ್ ಕೈಗೆಟುಕುವ ಬೆಲೆಯಲ್ಲಿ ಇರಬೇಕು ಎಂಬ ಕಾರಣಕ್ಕೆ ಬಿಎಸ್ಎನ್ಎಲ್ನಿಂದ ರೂ. 98ರ ವೋಚರ್ ಬಿಡುಗಡೆ ಮಾಡಲಾಗಿದೆ. ಇದರಲ್ಲಿ 22 ದಿನಗಳ ಅವಧಿಗೆ ಅನಿಯಮಿತವಾದ ಇಂಟರ್ನೆಟ್ ದೊರೆಯುತ್ತದೆ. ಬಳಕೆದಾರರಿಗೆ ನಿತ್ಯವೂ 2 GB ಹೈಸ್ಪೀಡ್ ಇಂಟರ್ನೆಟ್ ಸಿಗುತ್ತದೆ. ಆ ಡೇಟಾ ಪೂರ್ತಿ ಬಳಕೆ ಆದ ಮೇಲೆ ವೇಗವು 40 Kbpsಗೆ ಇಳಿಕೆ ಆಗುತ್ತದೆ.
ಬಿಎಸ್ಎನ್ಎಲ್ ರೂ. 97ರ ವೋಚರ್ ಬಿಎಸ್ಎನ್ಎಲ್ನಿಂದ ಮತ್ತೊಂದು ಅನಿಯಮಿತ ಉಚಿತ ಇಂಟರ್ನೆಟ್ 18 ದಿನಗಳ ಅವಧಿಗೆ ಇದೆ. ಅದಕ್ಕೆ 97 ರೂಪಾಯಿ ಆಗುತ್ತದೆ. ಚಂದಾದಾರಿಗೆ ಪ್ರತಿ ದಿನ 2GB ಡೇಟಾ ದೊರೆಯುತ್ತದೆ. ಆ ನಂತರ ವೇಗವು 80 Kbps ಸಿಗುತ್ತದೆ. ಇದರ ಜತೆಗೆ ಅನಿಯಮಿತ ಕರೆ, ನೂರು ಎಸ್ಸೆಮ್ಮೆಸ್ ಮತ್ತು ಇತರ ಕಂಟೆಂಟ್ ದೊರೆಯುತ್ತದೆ. ಅಂದಹಾಗೆ ಏರ್ಟೆಲ್, Vi ಮತ್ತು ಜಿಯೋದಿಂದಲೂ 100 ರೂಪಾಯಿಯೊಳಗೆ ಇದೇ ರೀತಿಯ ಅನುಕೂಲಗಳು ಗ್ರಾಹಕರಿಗೆ ದೊರೆಯುತ್ತಿವೆ. ಹೈಸ್ಪೀಡ್ ಇಂಟರ್ನೆಟ್, ಉಚಿತ ಕಾಲಿಂಗ್ ಮತ್ತು ಎಸ್ಸೆಮ್ಮೆಸ್ ಹೀಗೆ.
ಏರ್ಟೆಲ್ ರೂ. 98ರ ವೋಚರ್ ಏರ್ಟೆಲ್ನಿಂದ ರೂ. 98ಕ್ಕೆ 12 GB ಡೇಟಾ ನೀಡಲಾಗುತ್ತಿದೆ. ಈಗ ಯಾವ ವ್ಯಾಲಿಡಿಟಿ ಪ್ಲಾನ್ನಲ್ಲಿ ಇರುತ್ತದೋ ಅದರ ಆಧಾರದಲ್ಲಿ ಈ ಪ್ಯಾಕೇಜ್ನ ವ್ಯಾಲಿಡಿಟಿ ಅವಲಂಬನೆ ಆಗಿರುತ್ತದೆ.
ಜಿಯೋ ರೂ 101 4G ವೋಚರ್ ಭಾರತದ ಅತಿ ದೊಡ್ಡ ಟೆಲಿಕಾಂ ಆದ ರಿಲಯನ್ಸ್ ಜಿಯೋ 101 ರೂಪಾಯಿಗೆ 12GB ಹೈಸ್ಪೀಡ್ ಡೇಟಾ ನೀಡುತ್ತದೆ. ಇದರ ಜತೆಗೆ 1362 IUC ನಿಮಿಷಗಳ ಉಚಿತ ಕರೆಯನ್ನು ಸಹ ಪ್ಯಾಕೇಜ್ ಜತೆ ಒದಗಿಸಲಾಗುತ್ತದೆ.
Vi ರೂ. 98 ಆಫರ್ Viನಿಂದ 12GB ಹೈಸ್ಪೀಡ್ ಇಂಟರ್ನೆಟ್ ಡೇಟಾ ದೊರೆಯುತ್ತದೆ. ಇದು 28 ದಿನಗಳ ವ್ಯಾಲಿಡಿಟಿಯೊಂದಿಗೆ ಬರುತ್ತದೆ.
ಇದನ್ನೂ ಓದಿ: Jio free calls: ರಿಲಯನ್ಸ್ ಜಿಯೋದಿಂದ 300 ನಿಮಿಷಗಳ ಹೊರಹೋಗುವ ಕರೆಗಳು ಉಚಿತ
(Unlimited mobile internet data under Rs 100 by these telecom companies. With some other benefits like free calls and SMS)
