OnePlus Nord CE 3 Lite 5G: ಒನ್​ಪ್ಲಸ್ ಹೊಸ ಫೋನ್ ಬಿಡುಗಡೆ, ಬೆಲೆ ಎಷ್ಟು?

ಒನ್​ಪ್ಲಸ್, ಪ್ರೀಮಿಯಂ ಆ್ಯಂಡ್ರಾಯ್ಡ್ ಸ್ಮಾರ್ಟ್​ಫೋನ್​ಗೆ ಹೆಸರುವಾಸಿ. ಒನ್​ಪ್ಲಸ್(OnePlus) ಬ್ರ್ಯಾಂಡ್ ಮೂಲಕ ವಿವಿಧ ಮಾದರಿಗಳು ಮಾರುಕಟ್ಟೆ ಪ್ರವೇಶಿಸಿವೆ. ಅದರಲ್ಲೂ, ಉತ್ತಮ ಕ್ಯಾಮೆರಾ ಫೀಚರ್ಸ್, ಗರಿಷ್ಠ ಬ್ಯಾಟರಿ ಹಾಗೂ ಗ್ರೇಟ್ ಅನ್ನಿಸುವ ಪರ್ಫಾಮೆನ್ಸ್​ಗೆ ಒನ್​ಪ್ಲಸ್ ಫೋನ್ ಹೆಸರುವಾಸಿಯಾಗಿದೆ. ಒನ್​ಪ್ಲಸ್ ನಾರ್ಡ್ ಸರಣಿಯಲ್ಲಿ ಆರಂಭಿಕ ಹಂತದ ಬಜೆಟ್ ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಈ ಬಾರಿ ಅದೇ ಸರಣಿಯಲ್ಲಿ ಮುಂದುವರಿದು, ಮತ್ತೊಂದು ಹೊಸ ನಾರ್ಡ್ ಫೋನ್ ಭಾರತದ ಗ್ಯಾಜೆಟ್ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಒನ್​ಪ್ಲಸ್ ನಾರ್ಡ್ ಸಿಇ 3 ಲೈಟ್ 5G(OnePlus Nord CE 3 Lite 5G) ಫೋನ್ ವಿವರ ಇಲ್ಲಿದೆ.

ಒನ್​ಪ್ಲಸ್ ನಾರ್ಡ್ ಸಿಇ 3 ಲೈಟ್ 5G ನೂತನ ಸ್ಮಾರ್ಟ್​​ಫೋನ್

ಭಾರತದಲ್ಲಿ ಬಿಡುಗಡೆಯಾಗಿರುವ ಹೊಸ ಒನ್​ಪ್ಲಸ್ ಸ್ಮಾರ್ಟ್​ಫೋನ್ ಸ್ನ್ಯಾಪ್​ಡ್ರ್ಯಾಗನ್ 695 ಪ್ರೊಸೆಸರ್ ಸಹಿತ ಬರುತ್ತಿದೆ. ಅಲ್ಲದೆ, ಒನ್​ಪ್ಲಸ್ Nord CE 3 Lite 5G ಫೋನ್​ನಲ್ಲಿ 6.72 ಇಂಚಿನ ಎಲ್​ಸಿಡಿ ಡಿಸ್​ಪ್ಲೇ ಇದೆ. ಒನ್​ಪ್ಲಸ್ Nord CE 3 Lite 5G ಫೋನ್ 5,000mAh ಬ್ಯಾಟರಿ ಬೆಂಬಲ ಹೊಂದಿದ್ದು 67W SuperVOOC ಫಾಸ್ಟ್ ಚಾರ್ಜಿಂಗ್ ಸೌಲಭ್ಯ ವಿಶೇಷತೆಯಾಗಿದೆ. ಕಡಿಮೆ ಅವಧಿಯಲ್ಲಿಯೇ ಗರಿಷ್ಠ ಚಾರ್ಜಿಂಗ್ ಗ್ರಾಹಕರಿಗೆ ಹೆಚ್ಚಿನ ಅನುಕೂಲ ಒದಗಿಸಲಿದೆ.

ಒನ್​ಪ್ಲಸ್ ನಾರ್ಡ್ ಸಿಇ 3 ಲೈಟ್ 5G ಕ್ಯಾಮೆರಾ ಹೇಗಿದೆ?

ಒನ್​ಪ್ಲಸ್ ಹೊಸ Nord CE 3 Lite 5G ಫೋನ್ Android 13 ಆಧಾರಿತ OxygenOS 13.1 ಓಎಸ್ ಮೂಲಕ ಕಾರ್ಯನಿರ್ವಹಿಸುತ್ತದೆ. ಜತೆಗೆ ಹಿಂಭಾಗದಲ್ಲಿ 108 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಜತೆಗೆ 2 ಮೆಗಾಪಿಕ್ಸೆಲ್ ಹಾಗೂ 2 MP ಮ್ಯಾಕ್ರೋ ಕ್ಯಾಮೆರಾ ಸೆನ್ಸಾರ್ ಇದೆ. ಹಾಗೂ 16 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿರುವುದು Nord CE 3 Lite 5G ವಿಶೇಷತೆಯಾಗಿದೆ. ಕ್ಯಾಮೆರಾ ವೈಶಿಷ್ಟ್ಯಗಳು ಮತ್ತು ಉತ್ತಮ ಫೋಟೊ ಬೇಕು ಎನ್ನುವವರಿಗೆ ಒನ್​ಪ್ಲಸ್ ಹೊಸ ನಾರ್ಡ್ ಫೋನ್ ಬೆಸ್ಟ್ ಎನ್ನುವಂತಿದೆ.

ಒನ್​ಪ್ಲಸ್ ನಾರ್ಡ್ ಸಿಇ 3 ಲೈಟ್ 5G ದರ ಎಷ್ಟಿದೆ?

ಹೊಸದಾಗಿ ಮಾರುಕಟ್ಟೆಗೆ ಲಗ್ಗೆ ಇರಿಸಿರುವ ಒನ್​ಪ್ಲಸ್ ಫೋನ್ ಎರಡು ಆವೃತ್ತಿಗಳಲ್ಲಿ ದೊರೆಯಲಿದೆ. 8 GB RAM + 128 GB ಸ್ಟೋರೇಜ್ ಆವೃತ್ತಿಗೆ ₹19,999 ದರವಿದ್ದು, 8 GB RAM + 256 GB ಸ್ಟೋರೇಜ್ ಇರುವ ಮಾದರಿಗೆ ₹21,999 ದರವಿದೆ. ಗ್ರಾಹಕರು ಐಸಿಐಸಿಐ ಕಾರ್ಡ್ ಬಳಸಿ ಖರೀದಿಸಿದರೆ ₹1,000 ಡಿಸ್ಕೌಂಟ್ ಲಭ್ಯವಾಗುತ್ತದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 6:35 pm, Wed, 5 April 23