ಮೂರೇ ದಿನ ಬಾಕಿ: ಭಾರತಕ್ಕೆ ಬರುತ್ತಿದೆ ಹೊಚ್ಚ ಹೊಸ ಪೋಕೋ C61 ಸ್ಮಾರ್ಟ್ಫೋನ್
Poco C61 India Launch Date: ಪೋಕೋ ಇಂಡಿಯಾ ತನ್ನ ಅಧಿಕೃತ X ಖಾತೆಯ ಮೂಲಕ ಪೋಕೋ C61 ಬಿಡುಗಡೆಯನ್ನು ಮಾರ್ಚ್ 26 ರಂದು ಮಧ್ಯಾಹ್ನ 12 ಗಂಟೆಗೆ ಮಾಡಲಾಗುವುದು ಎಂದು ಘೋಷಿಸಿದೆ. ಟೀಸರ್ ಪ್ರಕಾರ, ಇದು ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ನೊಂದಿಗೆ ಬರುತ್ತದೆ.
Updated on:Mar 23, 2024 | 1:45 PM
ಪ್ರಸಿದ್ಧ ಪೋಕೋ ಸಂಸ್ಥೆ ಭಾರತದಲ್ಲಿ ಹೊಸ ಸ್ಮಾರ್ಟ್ಫೋನ್ ಒಂದನ್ನು ಬಿಡುಗಡೆ ಮಾಡಲು ದಿನಾಂಕ ನಿಗದಿ ಮಾಡಿದೆ. ಪೋಕೋದ ನೂತನ ಪೋಕೋ C61 (Poco C61) ಮುಂದಿನ ವಾರ ಭಾರತದಲ್ಲಿ ರಿಲೀಸ್ ಆಗಲಿದೆ ಎಂದು ಪೋಕೋ ಇಂಡಿಯಾ ತನ್ನ ಅಧಿಕೃತ ಸಾಮಾಜಿಕ ಮಾಧ್ಯಮ ಮೂಲಕ ದೃಢಪಡಿಸಿದೆ. ದೇಶದಲ್ಲಿ ಶವೋಮಿಯ ಉಪ-ಬ್ರಾಂಡ್ ಆಗಿರುವ ಕಂಪನಿಯು ಹೊಸ ಹ್ಯಾಂಡ್ಸೆಟ್ ಅನ್ನು ಫ್ಲಿಪ್ಕಾರ್ಟ್ ಮೂಲಕ ಮಾರಾಟ ಮಾಡಲಿದೆ ಎಂದು ಖಚಿತಪಡಿಸಿದೆ. ಪೋಕೋ C61 ಹೆಚ್ಚಿನ ರಿಫ್ರೆಶ್ ರೇಟ್ ಡಿಸ್ಪ್ಲೇ ಮತ್ತು ದೊಡ್ಡ ಬ್ಯಾಟರಿಯೊಂದಿಗೆ ಬರಲಿದೆ ಎಂದು ಅಂದಾಜಿಸಲಾಗಿದೆ. ಈ ಫೋನಿನ ಫೀಚರ್ಸ್, ಬೆಲೆ ಎಷ್ಟಿರ ಬಹುದು ಎಂಬುದನ್ನು ನೋಡೋಣ.
ಪೋಕೋ ಇಂಡಿಯಾ ತನ್ನ ಅಧಿಕೃತ X ಖಾತೆಯ ಮೂಲಕ ಪೋಕೋ C61 ಬಿಡುಗಡೆಯನ್ನು ಮಾರ್ಚ್ 26 ರಂದು ಮಧ್ಯಾಹ್ನ 12 ಗಂಟೆಗೆ ಮಾಡಲಾಗುವುದು ಎಂದು ಘೋಷಿಸಿದೆ. ಟೀಸರ್ ಪ್ರಕಾರ, ಇದು ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ನೊಂದಿಗೆ ಬರುತ್ತದೆ. ಪ್ರಸಿದ್ಧ ಇ ಕಾಮರ್ಸ್ ತಾಣ ಫ್ಲಿಪ್ಕಾರ್ಟ್ ಫೋನ್ನ ವಿನ್ಯಾಸ ಮತ್ತು ಕೆಲವು ಫೀಚರ್ಗಳ ಕುರಿತು ಕೆಲ ಮಾಹಿತಿ ಹಂಚಿಕೊಂಡಿದೆ.
ಲ್ಯಾಪ್ಟಾಪ್ ಇದ್ದಕ್ಕಿದ್ದಂತೆ ನಿಧಾನವಾಗುತ್ತಿದೆಯೇ?: ಜಸ್ಟ್ ಹೀಗೆ ಮಾಡಿದ್ರೆ ಸೂಪರ್ ಸ್ಪೀಡ್ ಆಗುತ್ತೆ
ಫ್ಲಿಪ್ಕಾರ್ಟ್ ಮೈಕ್ರೋಸೈಟ್ ಪೋಕೋ C61 ಗಾಗಿ 90Hz HD+ ಡಿಸ್ಪ್ಲೇಯನ್ನು ಖಚಿತಪಡಿಸಿದೆ. ಇದು 6GB RAM ಅನ್ನು ಪ್ಯಾಕ್ ಮಾಡುತ್ತದೆ ಮತ್ತು ಉತ್ತಮ ಬಹುಕಾರ್ಯಕಕ್ಕಾಗಿ ಬಳಕೆದಾರರು ಹೆಚ್ಚುವರಿ 6GB ವರ್ಚುವಲ್ RAM ಅನ್ನು ಪಡೆಯಬಹುದು. ಇದು 5,000mAh ಬ್ಯಾಟರಿಯನ್ನು ಒಳಗೊಂಡಿದೆ ಎಂದು ದೃಢಪಡಿಸಲಾಗಿದೆ.
ಪೋಕೋ C61 ಸ್ಮಾರ್ಟ್ಫೋನ್ ರೆಡ್ಮಿ A3 ನ ರೀಬ್ರಾಂಡೆಡ್ ಆವೃತ್ತಿಯಾಗಿ ಬರಲಿದೆ ಎಂಬ ಮಾತು ಕೂಡ ಇದೆ. ಇದನ್ನು 4GB + 64GB ಮತ್ತು 6GB + 128GB RAM ಮತ್ತು ಸ್ಟೋರೇಜ್ ರೂಪಾಂತರಗಳಲ್ಲಿ ನೀಡಬಹುದು. ಇವುಗಳ ಬೆಲೆ ಬಹಿರಂಗಗೊಂಡಿಲ್ಲ. ಆದರೆ, ಮೂಲಗಳ ಪ್ರಕಾರ ಇದರ ಬೆಲೆ ಕ್ರಮವಾಗಿ 7,499 ರೂ. ಮತ್ತು 8,499 ರೂ. ಇರಬಹುದು.
ಇದು ಏರ್ಟೆಲ್ನ ಬಂಪರ್ ಪ್ಲಾನ್: ಕೇವಲ 49 ರೂ. ಗೆ ಅನಿಯಮಿತ ಡೇಟಾ
ಪೋಕೋ C61 ನಲ್ಲಿ 6.71 -ಇಂಚಿನ HD+ LCD ಡಿಸ್ಪ್ಲೇ ಮತ್ತು ಗೊರಿಲ್ಲಾ ಗ್ಲಾಸ್ 3 ರಕ್ಷಣೆಯನ್ನು ಹೊಂದಿದೆ. ಇದು ಮೀಡಿಯಾಟೆಕ್ ಹಿಲಿಯೊ G36 SoC ನಲ್ಲಿ 6GB ಯ RAM ಮತ್ತು 128GB ವರೆಗಿನ ಆನ್ಬೋರ್ಡ್ ಸಂಗ್ರಹಣೆಯೊಂದಿಗೆ ಜೋಡಿಯಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಲಾಗಿದೆ. ಇದು ಬಯೋಮೆಟ್ರಿಕ್ ದೃಢೀಕರಣಕ್ಕಾಗಿ ಸೈಡ್-ಮೌಂಟೆಡ್ ಫಿಂಗರ್ಪ್ರಿಂಟ್ ಸಂವೇದಕವನ್ನು ಒಳಗೊಂಡಿರಬಹುದು.
ಕ್ಯಾಮೆರಾ ವಿಚಾರಕ್ಕೆ ಬಂದರೆ, ಪೋಕೋ C61 ಫೋನ್ 8-ಮೆಗಾಪಿಕ್ಸೆಲ್ ಪ್ರಾಥಮಿಕ ಹಿಂಭಾಗದ ಸಂವೇದಕ ಮತ್ತು 0.08-ಮೆಗಾಪಿಕ್ಸೆಲ್ ದ್ವಿತೀಯ ಸಂವೇದಕದೊಂದಿಗೆ ಬರಬಹುದು. ಮುಂಭಾಗದಲ್ಲಿ 5-ಮೆಗಾಪಿಕ್ಸೆಲ್ ಸಂವೇದಕವನ್ನು ಹೊಂದಿದೆ ಎಂದು ಸೂಚಿಸಲಾಗಿದೆ. ಇದು 10W ವೈರ್ಡ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. 5,000mAh ಬ್ಯಾಟರಿ ಇದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 1:44 pm, Sat, 23 March 24
